ARYNews.tv | Urdu – Har Lamha Bakhabar

Tag: nasir hussian shah

  • پی ٹی آئی اور ٹائٹینک جہاز کے حادثات میں کیا مماثلت ہے؟ ناصر حسین شاہ نے بتادیا

    پی ٹی آئی اور ٹائٹینک جہاز کے حادثات میں کیا مماثلت ہے؟ ناصر حسین شاہ نے بتادیا

    کراچی : وزیر بلدیات سندھ سید ناصر حسین شاہ نے پی ٹی آئی اور ٹائٹینک جہاز کے حادثات میں مماثلت کے حوالے سے بتایا عمران نیازی بھی ریٹائرڈ کپتان ہے اور ٹائٹینک کا کپتان بھی رائل نیوی کاریٹائرڈ کپتان تھا۔

    تفصیلات کے مطابق وزیر بلدیات سندھ سید ناصر حسین شاہ نے تحریک انصاف پر تنقید کرتے ہوئے بیان میں کہا ہے کہ پی ٹی آئی اور ٹائٹینک جہاز کے حادثات میں کافی مماثلت نظر آتی ہے ، ٹائٹینک جہاز کا بھی وہ پہلاتجرباتی سفرتھا جس میں وہ ڈوب گیا.

    ناصر حسین شاہ کا کہنا تھا کہ پی ٹی آئی کے اقتدار کا بھی یہ پہلا تجربہ تھا جس میں انکی کشتی ڈوب گئی، عمران نیازی بھی ریٹائرڈ کپتان ہے اور ٹائٹینک کا کپتان بھی رائل نیوی کاریٹائرڈکپتان تھا۔

    وزیر بلدیات سندھ نے بتایا کہ کپتان اڈورڈ سمتھ نے جہاز 12 اپریل 1912 میں ڈبویا، کپتان اڈ ورڈ سمتھ ہیرو تھا، جس نے مسافروں اور جھاز کے ساتھ خود کی بھی قربانی دی۔

    عمران خان پر تنقید کرتے ہوئے ان کا کہنا تھا کہ عمران نیازی نے اپنی قربانی دینے کے 9 مئی کو رہنماؤں،کارکنوں کواستعمال کیا، بات جہاز یا کشتی ڈوبنے کی نہیں بلکہ کریکٹر کی ہےجوتاریخ میں یاد رکھا جاتا ہے۔

  • ‘پٹرول 500 روپے لیٹر بھی ہوجائے تو بھی حکومت کے ساتھ کھڑا ہوں’

    ‘پٹرول 500 روپے لیٹر بھی ہوجائے تو بھی حکومت کے ساتھ کھڑا ہوں’

    کراچی : وزیر بلدیات سندھ سید ناصر حسین شاہ کا کہنا ہے کہ پٹرول500 روپے لیٹربھی ہوجائے تو بھی حکومت کے ساتھ کھڑا ہوں۔

    تفصیلات کے مطابق وزیر بلدیات سندھ سید ناصر حسین شاہ نے حکومت کی جانب سے پیٹرول کی قیمتوں میں اضافے کے بعد اپنے پیغام میں کہا پٹرول500 روپےلیٹربھی ہوجائےتوبھی حکومت کےساتھ کھڑاہوں، یہ میں نہیں کہہ رہا بلکہ کچھ بڑے بڑے لوگوں نے چند ماہ پہلے کہا تھا۔

    گذشتہ روز وفاقی حکومت نے پیٹرول اور ڈیزل کی قیمت میں 30 روپے اضافے کا اعلان کرتے ہوئے کہا تھا کہ لائٹ ڈیزل اور مٹی کے تیل کی قیمت میں بھی 30 روپے اضافہ کر رہے ہیں، نئی قیمتوں کا اطلاق رات 12 بجے سے ہوگا۔

    مفتاح اسماعیل نے کہا تھا کہ وزیر اعظم شہباز شریف نے معاشی صورتِ حال کے پیشِ نظر سخت فیصلہ لیا ہے، اس وقت ہمارے لیے ریاست کا مفاد عزیز ہے، سابق حکومت کی پالیسیوں کے باعث آج مہنگائی کا سامنا ہے۔

    وزیر خزانہ کا کہنا تھا کہ گزشتہ حکومت نے پیٹرول اور ڈیزل کی قیمت کو فکس کیا، عوام پر کسی بھی قسم کا بوجھ ڈالنا ہمارے لیے مشکل فیصلہ تھا، عوام پر کچھ نہ کچھ بوجھ ڈالنا ناگزیر ہے، پیٹرول پر سبسڈی کا امیر اور غریب طبقہ دونوں فائدہ اٹھا رہے ہیں۔

  • ابوظہبی میں پی ایس ایل 6 کے بقیہ میچزکا انعقاد، وزیراطلاعات سندھ کا نیک خواہشات کا اظہار

    ابوظہبی میں پی ایس ایل 6 کے بقیہ میچزکا انعقاد، وزیراطلاعات سندھ کا نیک خواہشات کا اظہار

    کراچی : وزیراطلاعات سندھ ناصر حسین شاہ نے پی ایس ایل 6 کے بقیہ میچز کے انعقاد میں تمام رکاوٹیں دور ہونے پر انتظامیہ کیلئے نیک خواہشات کا اظہار کیا۔

    تفصیلات کے مطابق وزیراطلاعات سندھ ناصر حسین شاہ نے سماجی رابطے کی ویب سائٹ ٹوئٹر پر اپنے پیغام میں کہا کہ ابوظہبی میں پی ایس ایل 6کے بقیہ میچز کے انعقاد میں تمام رکاوٹیں دور ہوگئیں، انشاء اللہ اگلے 5 دن میں لیگ شروع ہوگی ، پی ایس ایل انتظامیہ کیلئے نیک خواہشات ہیں۔

    اس سے قبل ایک ٹوئٹ میں ناصر حسین شاہ کا کہنا تھا کہ پاکستان کی عزت ہم سب کی عزت ہے، پی ایس ایل 2021کےابوظہبی میں انعقاد میں دشواری ہے تو مدد کیلئے تیار ہوں، میں اعلیٰ حکام سے بات کرنے کیلئے تیار ہوں، اگر وہ چاہتے ہیں توپی سی بی مجھ سے فوری رابطہ کرے۔

    خیال رہے ذرائع کا کہنا ہے کہ پی ایس ایل 6 کے بقیہ میچز 9جون سے شروع ہوں گے اور پی ایس ایل کا فائنل 24 جون کو کھیلا جائے گا۔

  • ملیر ایکسپریس وے کے روٹ پر اعتراض، مقامی لوگوں کے خدشات دور کرنے کیلئے احکامات جاری

    ملیر ایکسپریس وے کے روٹ پر اعتراض، مقامی لوگوں کے خدشات دور کرنے کیلئے احکامات جاری

    کراچی : سندھ حکومت نے ملیر ایکسپریس وے پر مقامی لوگوں کے خدشات دور کرنے کیلئے احکامات جاری کردیے، ملیر کے لوگوں نے ملیر ایکسپریس وے کے روٹ پر خدشات کا اظہار کیا تھا۔

    تفصیلات کے مطابق وزیربلدیات سندھ سید ناصرحسین شاہ نے ملیرایکسپریس وے پروجیکٹ کے حوالے سے اپنے بیان میں کہا ہے کہ ملیر ایکسپریس وے پرمقامی لوگوں کے خدشات دور کرنے کیلئے احکامات جاری کردیے ہیں۔

    وزیربلدیات سندھ کا کہنا تھا کہ ملیرایکسپریس وے پروجیکٹ کراچی شہرکےلئےاہم منصوبہ ہے، پروجیکٹ کا راستہ وہی ہوگا جس پر ملیر کے مقامی لوگوں کواعتراض نہ ہو، ملیر کے لوگوں نے ملیرایکسپریس وے کے روٹ پر خدشات کا اظہار کیا تھا۔

    ناصرحسین شاہ نے کہا کہ پیپلزپارٹی ملیر کے ارکان اسمبلی نے معاملہ بلاول بھٹو تک پہنچایا، چیئرمین بلاول بھٹونےمعاملےکانوٹس لیا اور وزیراعلیٰ اورمجھے خدشات دورکرنے کےاحکامات دیے۔

    ان کا کہنا تھا کہ وزیراعلیٰ سندھ کی زیرصدارت اجلاس منعقدہوا ، اجلاس میں ملیرکےمنتخب نمائندوں اورعہدیداروں نےشرکت کی، ملیر ایکسپریس وے پروجیکٹ ڈائریکٹراورٹیم کوملیربھیجاگیا، پروجیکٹ انتظامیہ کوہدایت کردی ہیں اس روٹ کاانتخاب کریں جس پرلوگوں کو اعتراض نہ ہو۔

    وزیربلدیات سندھ نے مزید کہا کہ ملیرپیپلزپارٹی کامضبوط گڑھ ہے، ملیرایکسپریس وےسےملیرمیں ترقی کاعمل تیزہوگا۔

  • بارشوں کا نیا اسپیل ، حکومت سندھ مکمل طور پر تیار، صوبے بھر میں الرٹ

    بارشوں کا نیا اسپیل ، حکومت سندھ مکمل طور پر تیار، صوبے بھر میں الرٹ

    اسلام آباد : سندھ میں بارشوں کے پیش نظر تمام لوکل باڈیز الرٹ کردیا گیا،وزیر اطلاعات سندھ ناصر حسین شاہ نے کہا ہے کہ بارشوں کے نئےاسپیل کےحوالے سے حکومت سندھ مکمل طور پر تیار ہے اور مستقل طورپر رین ایمرجنسی نافذ ہے۔

    تفصیلات کے مطابق وزیراعلیٰ سندھ مراد علی شاہ کی ہدایت پر بارشوں کے پیش نظر تمام لوکل باڈیز کو صوبے بھر میں الرٹ کردیا گیا، وزیر اطلاعات سندھ ناصر حسین شاہ نے کہا ہے کہ کے ایم سی، ڈی ایم سیز، واٹر بورڈ ، واسا ،لوکل باڈیز عملےکومتحرک رکھیں، کراچی میں چھوٹے بڑے نالوں کی صفائی جاری ہے۔

    وزیر اطلاعات سندھ کا کہنا تھا کہ حیدرآباد ،میرپورخاص میں شکایات پرمشینری چوکنگ پوائنٹس پرپہنچائیں اورڈی ایم سیز اپنے اپنے علاقوں کی ڈرینیج سسٹم کو بھی صاف کرلیں۔

    ناصرحسین شاہ نے بارشوں کے پیش نظرایمرجنسی روم متحرک کرنے کی ہدایت کرتے ہوئے کہا بارشوں کے نئےاسپیل کےحوالےسےحکومت سندھ مکمل طورپرتیارہے، نالوں کی صفائی کاکام این ڈی ایم اے ،سندھ حکومت انجام دے رہے ہیں۔

    وزیر اطلاعات کا کہنا تھا کہ تمام اضلاع کی حدود میں مستقل طورپر رین ایمرجنسی نافذ ہے، چوکنگ پوائنٹس اورانڈرپاسزپرخصوصی اقدامات کئے گئے ہیں ، ڈی ایم سیزکےچیئرمینزضلعی انتظامیہ اور مجھ سےرابطے میں ہیں۔

    انھوں نے کہا کہ واٹربورڈکوڈی واٹرنگ مشینوں کی تنصیب کی ہدایات جاری کی ہیں اور لوگوں سے بارشوں کے دوران گھروں میں رہنے کی اپیل ہے۔

  • ‘احساس پروگرام میں پیغام بھیجنے پرموبائل بیلنس سے کٹوتی نہ کی جائے’ حکومت سے اپیل

    ‘احساس پروگرام میں پیغام بھیجنے پرموبائل بیلنس سے کٹوتی نہ کی جائے’ حکومت سے اپیل

    کراچی: وزیراطلاعات سندھ سید ناصر حسین شاہ نے وفاقی حکومت سے اپیل کی احساس پروگرام میں پیغام بھیجنے پرموبائل بیلنس سے کٹوتی نہ کی جائے اور پیغامات مفت کردے۔

    تفصیلات کے مطابق وزیراطلاعات سندھ سید ناصر حسین شاہ نے وفاقی حکومت سے اپیل کی ہے کہ احساس پروگرام میں پیغامات پر موبائل کمپنیاں کٹوتی کررہی ہیں، احساس پروگرام میں پیغام بھیجنے پرموبائل بیلنس سے کٹوتی نہ کی جائے،ناصرحسین شاہ

    ناصر حسین شاہ کا کہنا تھا کہ پیغام بھیجنے کے اخراجات بھی وفاقی حکومت کو برداشت کرنےچاہییں، وفاقی حکومت احساس پروگرام پر پیغامات مفت کردے، پیغامات مفت کرنے سے عوام کو مزید سہولت میسر ہوگی۔

    یاد رہے کورونا وائرس کے باعث ملک بھر میں جاری لاک ڈاون کے پیش نظر وزیراعظم عمران خان کی ہدایت پر احساس ایمرجنسی کیش پروگرام شروع کیا گیا۔

    اس پروگرام کے مستحقین میں دیہاڑی دار افراد اور مزدور سر فہرست ہیں جو کہ حفاظتی اقدامات کے باعث گھروں میں محصور ہو کر رہ گئے ہیں۔

    ثانیہ نشتر کا کہنا تھا کہ مستحق افراد کی نشاندہی کا آغازا یس ا یم ا یس مہم کے ذریعے کیا گیا ہے، شہری 8171 پرایس ایم ایس بھیج کر پروگرام میں شامل ہونے کے لیے اپنی اہلیت کو جانچ سکیں۔

    احساس ایمرجنسی کیش پروگرام کا کل بجٹ 144 ارب روپے ہے، جس سے ایک کروڑ بیس لاکھ خاندان مستفید ہو‌ں گے اور ہر خاندان کو 12000 روپے کا وظیفہ دیا جائے گا۔

  • ‘شبِ برات پر عوام کے قبرستان جانے پر پابندی ہوگی’

    ‘شبِ برات پر عوام کے قبرستان جانے پر پابندی ہوگی’

    کراچی : وزیراطلاعات سندھ ناصرحسین شاہ کا کہنا ہے کہ شب برات پرعوام کےقبرستان جانےپرپابندی ہوگی، عوام گھروں میں رہ کر کورونا سے نجات کےلیےدعائیں مانگیں۔

    تفصیلات کے مطابق وزیراطلاعات سندھ ناصرحسین شاہ نے شب برات کے حوالے سے اپنے پیغام میں کہا کہ شہری احتیاط کریں شب برات پرگھروں میں عبادات کریں، شب برات پرعوام کےقبرستان جانےپرپابندی ہوگی،وزیراطلاعات سندھ

    وزیراطلاعات سندھ کا کہنا تھا کہ عوام سےگھروں میں عبادت کی تلقین کی جاتی ہے، عوام کوروناسےمحفوظ رکھنے کے مشکل فیصلےکیے اور علما کے متفقہ فیصلےکے بعد عوام سےشب برات پرگھروں میں رہنےکی اپیل ہے۔

    ناصرحسین شاہ نے کہا کہ عوام گھروں میں رہ کرکوروناسےنجات کےلیےدعائیں مانگیں اور کوروناسےحفاظت اوراحتیاطی تدابیرپرسنجیدگی سےعمل کریں۔

    یاد رہے صوبائی وزیر اطلاعات ناصر حسین شاہ نے اے آر وائی نیوز کے پروگرام ’الیونتھ آور‘ میں گفتگو کرتے ہوئے کہا تھا عوام سے درخواست ہے احتیاط کریں اور انفرادی عبادت کریں، زندگی میں کبھی ایسے حالات نہیں دیکھے، لوگوں کو محفوظ رکھنے کے لیے ایسے سخت اقدامات اٹھائے جارہے ہیں۔

    ان کا کہنا تھا کہ طبی ماہرین بھی یہی رائے رکھتے ہیں کہ سماجی فاصلے رکھیں، صوبائی وزیر اطلاعات کا کہنا تھا کہ قبرستان بند ہوں گے لوگوں کو جمع ہونے نہیں دیا جائے گا۔

    ناصر حسین شاہ نے کہا تھا کہ لوگ گھروں میں کرونا وبا سے چھٹکارے کے لیے بھی دعا کریں، آج وزیراعلیٰ سندھ خود دورے پر نکلے تھے اور حالات کا جائزہ لیا، مراد علی شاہ نے ہدایت کی کہ لاک ڈاؤن پر سختی سے عمل کیا جائے۔

  • پیپلز پارٹی کے رہنما ناصرشاہ نے وفاقی منی بجٹ کی تعریف کردی

    پیپلز پارٹی کے رہنما ناصرشاہ نے وفاقی منی بجٹ کی تعریف کردی

     کراچی : سندھ کےصوبائی وزیرناصرحسین شاہ منی بجٹ کے معترف ہوگئے، حکومت کے پیش کردہ منی بجٹ کی تعریف کرتے ہوئے کہا  کہ پی ٹی آئی نے اس بجٹ میں کاروباری حضرات کو ریلیف دیا ہے۔

    تفصیلات کے مطابق صوبائی وزیرناصرحسین شاہ نے میڈیا سے گفتگو کرتے ہوئے کہا ہے کہ تجاوزات سےمتعلق عدالتی احکامات پرعمل کررہےہیں، جوغلط الاٹمنٹ ہوئی ہیں ملوث افراد کو سزائیں دی جارہی ہیں۔ انہوں نے وفاقی وزیر اطلاعات فوادچوہدری  پر تبصرہ کرتے ہوئے کہا کہ صرف باتیں کرتے ہیں اور باتیں کرکے توجہ دوسری جانب لےجاتےہیں۔

    [bs-quote quote=”وزیراعظم کوسانحہ ساہیوال پرجوڈیشل کمیشن کی طرف جاناچاہیے” style=”style-7″ align=”left” author_name=”ناصر حسین شاہ "][/bs-quote]

    ساہیوال واقعے کے حوالے سے ناصرحسین شاہ کا کہنا تھا کہ سانحہ ساہیوال پرپنجاب حکومت کی جانب سےمتنازع بیانات آئے، کبھی کہامعصوم ہیں کبھی کہادہشت گردتھے، جےآئی ٹی رپورٹ کوبھی متنازع کردیاگیاہے، وزیراعظم کوسانحہ ساہیوال پرجوڈیشل کمیشن کی طرف جاناچاہیے۔

    رہنما پی پی نے کہا کہ جعلی اکاؤنٹس جے آئی ٹی من گھڑت تھی، پی پی کو ٹارگٹ کیاگیا، جےآئی ٹی میں صرف پیپلز پارٹی قیادت کونشانہ بنایاگیا، عدالت نے کہا کہ جےآئی ٹی میں بلاول بھٹوکانام غلط تھا، عدالت کی طرف سے جو فیصلہ آیا وہ مختلف تھا، جج صاحب سے پوچھ سکتے ہیں کہ سرآپ پرکیا دباؤ تھاجو فیصلہ مختلف تھا۔

    حکومت کے پیش کردہ منی بجٹ کی تعریفیں کرتے ہوئے سندھ کےصوبائی وزیر کا کہنا تھا کہ منی بجٹ میں کچھ بہترچیزیں بھی دی گئی ہیں، پی ٹی آئی نے اس بجٹ میں کاروباری حضرات کو ریلیف دیا۔

    [bs-quote quote=” پی ایس ایل کافائنل انشااللہ کراچی میں ہوگا” style=”style-7″ align=”left”][/bs-quote]

    انھوں نے مزید کہا تھا کہ بلدیاتی ترامیم اپوزیشن کی مشاورت سےلائی گئی، احتجاج انہوں نےکیاجن کاایک بھی میئراورناظم نہیں، عدالتی احکامات سےکئی کاموں میں رکاوٹیں آتی ہیں۔

    صوبائی وزیر کا مزید کہنا تھا کہ پی ایس ایل کےلیےبہترین انتظامات کیےجارہےہیں، پی ایس ایل کافائنل انشااللہ کراچی میں ہوگا۔

    ناصرحسین شاہ نے کہا سندھ حکومت نےجنگلات کی زمین کی کسی کوالاٹمنٹ نہیں کی، جنگلات کی زمین سےمتعلق جوباتیں کی جارہی ہیں سب غلط ہیں، کچھ علاقوں میں کچہریوں کی جانب سےزمینیں دینےکےمعاملات تھے، سندھ حکومت ایسی زمینوں کی الاٹمنٹ پرکام کررہی ہے۔

    دوسری جانب مشیراطلاعات سندھ مرتضیٰ وہاب نے حکومت پر تنقید کرتے ہوئے منی بجٹ کوغریبوں پربم قرار دیا ہے۔

  • بوتلوں میں شراب نہیں شہد اور زیتون کا تیل تھا، ناصر حسین شاہ

    بوتلوں میں شراب نہیں شہد اور زیتون کا تیل تھا، ناصر حسین شاہ

    کراچی : پیپلز پارٹی کے رہنما ناصر حسین شاہ کا کہنا ہے کہ شرجیل میمن کے کمرے سے برآمد ہونے والی بوتلوں میں شراب نہیں شہداورزیتون کاتیل تھا، چیف جسٹس خودشرجیل کا میڈیکل چیک اپ کرالیں۔

    تفصیلات کے مطابق اسپتال میں شرجیل میمن کے کمرے سے شراب کی بوتلوں کی برآمدگی پر پی پی رہنما ناصر حسین شاہ نے میڈیا سے گفتگو کرتے ہوئے کہا کہ بوتلوں میں شراب نہیں شہداورزیتون کاتیل تھا، چیف جسٹس کیلئے ہمارے دل میں بڑا احترام ہیں، چیف جسٹس خود شرجیل کا میڈیکل چیک اپ کرالیں۔

    ناصرحسین شاہ کا کہنا تھا کہ اسپتال کے کچن سے ملنے والی بوتلوں کا بھی ٹیسٹ کرالیا جائے، شرجیل میمن کی سرجری ہوئی ہے، انھیں اب بھی دو سے تین ہفتے ڈریسنگ کی ضرورت ہے۔

    انھوں نے مزید کہا کہ سرجری ریکارڈ کا حصہ ہے، بے شک انکوائری کرالی جائے، شرجیل میمن کے ڈرائیور اور ملازمین کی بلاجواز گرفتاری کی گئی۔

    یاد رہے الصبح چیف جسٹس نے ضیاء الدین اسپتال کا مختصر دورہ کیا اور وہاں زیرعلاج شرجیل میمن کے کمرے میں گئے، جہاں پیپلزپارٹی کے رہنما کے کمرے سے شراب کی بوتلیں برآمد ہوئیں تھیں۔

    مزید پڑھیں : چیف جسٹس کا ضیاء الدین اسپتال کا دورہ‘ شرجیل میمن کےکمرے سےشراب کی بوتلیں برآمد

    بعد ازاں چیف جسٹس نے سپریم کورٹ کراچی رجسٹری میں کیسز کی سماعت کے دوران کہا کہ شرجیل میمن کے کمرے سے شراب کی 3بوتلیں ملیں، اٹارنی جنرل کہاں ہیں؟ جائیں دیکھیں۔

    انہوں نے اٹارنی جنرل کو مخاطب کرتے ہوئے کہا تھا کہ انورمنصور خان صاحب! ذرا اس طرف بھی توجہ دیں، آپ نے بہت اچھے کام کیے مگر یہ دیکھیں۔

    چیف جسٹس آف پاکستان کا کہنا تھا کہ جب شرجیل میمن سے شراب کی بوتلوں سے متعلق پوچھا تو کہا کہ میری نہیں ہے۔

  • مریم آپا اس وقت انتہائی دکھی ہیں ان کابرانہیں منانا چاہیے، ناصر حسین شاہ

    مریم آپا اس وقت انتہائی دکھی ہیں ان کابرانہیں منانا چاہیے، ناصر حسین شاہ

    کراچی : سندھ کے وزیر اطلاعات سید ناصر حسین شاہ نے سینیٹ الیکشن کے حوالے سے کہا کہ مریم آپا کو سمجھنا چاہیے کہ نمبر گیم تھا، وہ اس وقت انتہائی دکھی ہیں ان کابرانہیں منانا چاہیے۔

    تفصیلات کے مطابق صوبائی وزیر اطلاعات سندھ ناصر حسین شاہ  نے ایکسپوسینٹر کراچی میں سولویں انٹرنیشنل ٹریڈ اینڈ انڈسٹری فیئیر کا افتتاح کیا، بڑئی ۔ میڈیا سے گفتگو کرتے ہوئے سید ناصر حسین شاہ نے بڑئی برائی کو ختم کرنے کے لئے چھوٹی برائی سے ہاتھ ملانے میں کوئی مضائقہ نہیں۔

    سینیٹ الیکشن کے حوالے سے انھوں نے مریم اورنگزیب کو آپا قرار دے کر کہا کہ مریم آپا اس وقت انتہائی دکھی ہیں ان کابرانہیں منانا چاہیے، ان کو سمجھنا چاہیے کہ نمبر گیم تھا۔

    وزیر اطلاعات نے کہا کہ آج عدالتیں آزادانہ فیصلے کرتی ہیں لیکن مخالفین کو وہ عدالتیں چاہئیں جو بے نظیر کے خلاف فیصلے دیا کرتی تھی،  انہوں نے 50روپے نہیں بلکہ 500 ارب کی کرپشن کی۔

    پی ایس ایل کے حوالے سے انکا کہنا تھا کہ مختلف پراجیکٹس میں بہت تاخیرکی جارہی ہے ، پی ایس ایل کےفائنل کا انعقاد ہونے جارہا ہے ، اسٹیڈیم کی رونقیں بحال ہونگی،  ٹکٹس کی فروخت سے لیکر میچ کے اختتام تک تعاون کی ضرورت ہے۔

    ناصر حسین شاہ نے کہا کہ شائقین کوپارکنگ کی سہولت دی جائے وہی پارکنگ کی جائے ، اسٹیڈیم میں پہنچانے کیلئے فری شٹل سروس چلائی جائیگی، شائقین کو پارکنگ سے شٹل سروس اسٹیڈیم پہنچائے گی۔

    انھوں نے اہل کراچی کو مشورہ دیا کہ فائنل والے دن شہریوں کو صبر، برداشت اور حسن سلوک کا مظاہرہ کرنا ہوگا، دنیا بھر کو کراچی اور پاکستان کا مثبت چہرہ دکھائیں گے، اسٹیڈیم کی رونقیں بحال ہونگی، سپورٹ اور تعاون کریں۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔