ARYNews.tv | Urdu – Har Lamha Bakhabar

Tag: Nasir Jamshed

  • اسپاٹ فکسنگ : پی سی بی ناصرجمشید سےانگلینڈ میں تفتیش کریگا

    اسپاٹ فکسنگ : پی سی بی ناصرجمشید سےانگلینڈ میں تفتیش کریگا

    لاہور : پاکستان سپر لیگ اسپاٹ فکسنگ کیس کا دائرہ انگلینڈ تک پہنچ گیا، پی سی بی کا اینٹی کرپشن یونٹ انگلینڈ جا کر ناصر جمشید سے تحقیقات کرےگا۔

    تفصیلات کے مطابق پی ایس ایل اسپاٹ فکسنگ کا دائرہ بڑھا دیا گیا، پاکستان کرکٹ بورڈ کی اینٹی کرپشن کی ٹیم انگلینڈ جا کر ناصر جمشید سے مزید تحقیقات کرے گی۔

    اس سے قبل 2010میں اسپاٹ فکسنگ کیس کی تحقیقات بھی انگلینڈ میں ہی ہوئیں تھیں۔ جس میں سلمان بٹ، آصف اور محمد عامر نے جیل بھی کاٹی اوراب ایک بارپھرپاکستان اسپاٹ فکسنگ کیس انگلینڈ پہنچے گا۔

    سٹہ بازوں اور کھلاڑیوں کے درمیان مبینہ طور رابطہ کروانے والے ناصر جمشید سے پوچھ گچھ کے لئے پی سی بی اینٹی کرپشن ٹیم انگلینڈ جائیگی۔ جس کی تصدیق پی سی بی چیئرمین شہریار خان نے کی ہے۔

    مزید پڑھیں: اسپاٹ فکسنگ، ایف آئی نے 4 کھلاڑیوں کو طلب کرلیا

    یاد رہے کہ قومی ٹیم کے بلے باز ناصر جمشید اولڈ ھل ڈڈلی میں رہائش پذیر ہیں، ان کا پاسپورٹ اور فون ضبط کرلیا گیا ہے۔ وہ پوچھ گچھ کے لئے لندن میں پاکستان ہائی کمیشن آئیں گے۔

    ذرائع کے مطابق ناصر جمشید سے تحقیقات کے بعد اسپاٹ فکسنگ کے حوالے سے مزید انکشافات سامنے آ سکتے ہیں۔

  • اسپاٹ فکسنگ اسکینڈل: ناصر جمشید لندن میں گرفتار

    اسپاٹ فکسنگ اسکینڈل: ناصر جمشید لندن میں گرفتار

    لندن : اسپاٹ فکسنگ کے معاملے پر برطانوی پولیس نے 2 افراد کو گرفتار کرلیا، بعد ازاں دونوں افراد کو اپریل تک ضمانت پر رہا کردیا گیا، چیئرمین پی سی بی کا کہنا ہے کہ سنا ہے ناصر جمشید کو اور یوسف کو گرفتار کیا گیا۔

    برطانوی خبر رساں ادارے کے مطابق لندن میں دو افراد کو اسپاٹ فکسنگ کیس میں حراست میں لے لیا گیا، زیر حراست دونوں افراد کی عمریں تقریبا ً30 سال ہیں، کارروائی برطانیہ کی نیشنل کرائم ایجنسی نے کی، خبر کے مطابق دونوں افراد کو اپریل تک ضمانت پر رہا کردیا گیا ہے۔

    نیشنل کرائم ایجنسی نے کہا ہے کہ مذکوہ کھلاڑیوں سے مزید تفتیش کے معاملے میں پاکستان کرکٹ بورڈ اورآئی سی سی کے اینٹی کرپشن یونٹ کے ساتھ مل کر کام کررہے ہیں۔

    اے آر وائی نیوز سے بات کرتے ہوئے چیئرمین پی سی بی شہریار خان نے کہا ہے کہ سنا ہے کہ اسپاٹ فکسنگ کے الزام میں لندن سے ناصر جمشید اور یوسف کو گرفتار کرلیا گیا ہے،ناصر جمشید کے خلاف پی سی بی نے پہلے ہی ایکشن لے کر انہیں معطل کردیا ہے۔

    چیئرمین پی سی بی نے کہا کہ ہم نے پہلے ہی ایکشن لے کر ان کو معطل کر دیا تھا، ناصر جمشید کے خلاف شواہد آئیں گے تو مزید کارروائی کریں گے۔

    ان کا کہنا تھا کہ کرکٹ میں مجرمانہ کارروائی پر لندن میں کارروائی ہوتی ہے، ناصر جمشید لندن میں رہتے ہیں، لگتا ہے یوسف بھی وہیں رہتے ہیں، انہوں نے کہا کہ برطانوی نیشنل کرائم ایجنسی نے آزادانہ طور پرکارروائی کی ہے۔

  • پی سی بی نے اوپنرناصرجمشید کو بھی معطل کردیا

    پی سی بی نے اوپنرناصرجمشید کو بھی معطل کردیا

    لاہور : پی سی بی نے قومی ٹیم کے اوپنر ناصر جمشید کو بھی معطل کردیا، ناصر جمشید کیخلاف اینٹی کرپشن قوانین کی خلاف ورزی پر کارروائی کی گئی.

    تفصیلات کے مطابق پاکستان کرکٹ بورڈ نے قومی ٹیم کے اوپنر ناصر جمشید کو اینٹی کرپشن کوڈ کی خلاف ورزی پر کھیل کے تینوں فارمیٹ سے معطل کر دیا ہے، ناصر جمشید تاحکم ثانی کسی بھی ڈومیسٹک یا انٹرنیشنل سرگرمی میں حصہ نہیں لے سکیں گے.

    دوسری جانب پی ایس ایل کی گورننگ کونسل کے سربراہ نجم سیٹھی نے سماجی رابطے کی ویب سائٹ ٹوئٹر پر تصدیق کرتے ہوئے کہا ہے کہ ناصر جمشید کیخلاف یہ کارروائی اینٹی کرپشن کوڈ کی خلاف ورزی پر کی گئی ہے اور ان کو تمام طرز کی کرکٹ سے معطل کیا گیا ہے.

    اس سے قبل پی ایس ایل کی اسلام آباد ٹیم میں شامل دو کھلاڑیوں شرجیل خان اور خالد لطیف کو بھی کرپشن کے الزامات کے تحت پی ایس سے برطرف کر کے وطن واپس بھیج دیا گیا تھا۔

    یہ اطلاعات گردش میں تھیں کہ ناصر جمشید نے الزامات کی زد میں آنے والے دونوں کھلاڑیوں کے بکیز کے ساتھ رابطوں میں کردار ادا کیا تھا.

    مذکورہ اوپنر نے 4 مارچ 2015 کو کھیلے جانے والے ون ڈے میچ میں آخری بار ملک کی نمائندگی کی تھی۔

  • مصباح الحق کی شاندار کارکردگی، ناصر جمشید بدستور ناکام

    مصباح الحق کی شاندار کارکردگی، ناصر جمشید بدستور ناکام

    نیپیئر : پاکستان کرکٹ ٹیم کے کپتان مصباح الحق کی عمدہ کارکردگی کا سلسلہ جاری ہے۔انھوں نے چار میچز میں تین نصف سینچریاں بنا ڈالیں۔

    گراونڈز کے چاروں طرف شاندارشارٹس لگانے والے مصباح الحق نے ایک بار پھر کپتان ہونے کا حق ادا کردیا۔ میانوالی سے تعلق رکھنے والے مصباح الحق کی بیٹنگ نرالی ہے۔

    ورلڈکپ میں ہمیشہ بیٹنگ لائن نے دھوکادیا ،چلا توصرف کپتان کا بلا۔ بھارت کے خلاف پہلے میچ میں کپتان نے عمدہ اننگ کھیلی اور چوہتر رنز بنائے۔

    ویسٹ انڈیز کے خلاف تو قسمت نے ساتھ نہ دیا ۔ لیکن زمبابوے کے خلاف مصباح الحق مرد بحران ثابت ہوئے اور تہتر رنز بناکر پاکستان کی ڈوبتی کشتی کو کنارے تک پہنچایا۔

    یو اے ای کے خلاف میدان میں اترے کپتان تو پھر گراونڈ کے چاروں طرف کُھل کر شارٹس کھیلے اور ورلڈ کپ میں تیسری نصف سینچری بناڈالی۔اور مجموعی طور پر پینسٹھ رنز اسکور کئے۔

    دوسری جانب متحدہ عرب امارات کے خلاف اگر نہیں چلے تو صرف ناصر جمشید۔ ناصر نے چھوٹی ٹیم کے خلاف بھی نہ چلنے کی اپنی پرانی روایت کو برقرار ہی رکھا۔

    ویسٹ انڈیز کے خلاف صفر۔ زمبابوے کے خلاف صرف ایک رن اوریو اے ای کے خلاف تو کمال ہی ہوگیا۔۔ناصر جمشید نے بدترین پرفارمنس کی ہیٹ ٹرک کرلی۔ ناصر جمیشد کی وکٹ لینا بولرز کے لئے آسان ٹارگٹ ہوگیا ۔

    تین میچز اور صرف پانچ رنز۔ چلے ہوئے کارتوس کو کتنا آزمایا جائے گا۔ناصر پر اتنی مہربانی کیوں ہورہی ہے؟ اسکواڈ میں کیا ان کی جگہ لینے والا کوئی نہیں؟

    چھوٹی ٹیموں کے خلاف ایسی پرفارمنس ہے تو جنوبی افریقہ جیسی بڑی ٹیم کے خلاف مینجمنٹ کو سنجیدگی سے سوچنا ہوگا۔

  • ناصرجمشید پرقسمت کی دیوی مہربان، ایک اورچانس کا امکان

    ناصرجمشید پرقسمت کی دیوی مہربان، ایک اورچانس کا امکان

    نیپئیر: پاکستان کرکٹ ٹیم کے کپتان مصباح الحق نے دبے لفظوں میں ناصر جمشید کی پیٹ تھپتھپادی اور غیرتسلی بخش کارکردگی کے باوجود ایک اور چانس ملنے کا امکان نظر آنے لگاہے۔

    مصباح کا کہنا ہے کہ ناصرجمشید صرف دو اننگز میں ناکام ہوئے۔ ان کے بارے میں اب تک کوئی فیصلہ نہیں کیا گیا۔ ورلڈ کپ میں ناصرجمشید نے دو میچوں میں ٹیم کے لئے کچھ نہیں کیا، لیکن کپتان نہ جانے کیوں ان کے بارے میں فیصلہ نہیں کرپارہے۔

    سوال یہ پیدا ہوتا ہے کہ ایسی کیا بات ہے جو رکاوٹ بن رہی ہے۔ ناصر پراتنی مہربانی کیوں کی جارہی ہے۔ ذرائع کے مطابق چیئرمین پی سی بی نے آئندہ میچ میں ناصر جمشید کی جگہ سرفراز کو کھلانے کی بات کی تھی، لیکن کپتان تو پھر کپتان ہے۔

    مصباح الحق نے نیپئیر میں نیوز کانفرنس میں سب کہہ بھی دیا اور کچھ کہا بھی نہیں۔ کہتے ہیں ناصرصرف دو اننگز میں ناکام ہوا۔ یو اے ای کے میچ میں ان کے بارے میں فیصلہ نہیں کیا گیا۔ اس کا کیا مطلب ہے؟

    کیا ناصر کو ایک اور چانس ملنے والا ہے؟ اور سرفراز پھر ڈریسنگ روم کی زینت بنیں گے؟ ان کا کہنا تھا کہ پول بی اوپن ہے،سب ٹیموں کےپاس کوارٹرفائنل کاچانس ہے۔

    ایک میچ خراب کھیلاتوباہرہوجائیں گے،نیٹ رن ریٹ بھی بہترکرناہوگا۔

  • ناصرجمشید ٹیم کا حصہ نہیں ہوںگے،یونس خان متوقع اوپنر

    ناصرجمشید ٹیم کا حصہ نہیں ہوںگے،یونس خان متوقع اوپنر

    ایڈیلیڈ : بھارت کے خلاف اہم میچ کیلئے تجربہ کار بیٹسمین یونس خان سے اوپننگ کرائے جائے کا امکان ہے۔ایڈیلڈ میں پاک بھارت ٹاکرا۔ میلہ کون لوٹے گا؟ پاکستانی سلیکٹرز نے اہم میچ کے لئے حکمت عملی بنالی۔

    ذرائع کے مطابق احمد شہزاد کے ساتھ تجربہ کار بیٹسمین یونس خان سے اوپننگ کرانے کا فیصلہ کیا گیا ہے۔ محمد حفیظ کی جگہ لینے والے ناصر جمشید فائنل الیون کا حصہ نہیں ہوں گے۔

    مصباح الحق، حارث سہیل، صہیب مقصود اور عمر اکمل مڈل آرڈر کی کمان سنبھالیں گے۔ شاہد آفریدی اور یاسر شاہ اسپن بولنگ میں اپنا جادو جگائیں گے۔ محمد عرفان سمیت تین فاسٹ بولرز ٹیم کا حصہ ہوں گے۔

  • محمد حفیظ ورلڈ کپ سے باہر ہوگئے

    محمد حفیظ ورلڈ کپ سے باہر ہوگئے

    سڈنی: کرکٹ ورلڈ کپ سے قبل قومی ٹیم کو ایک اوردھچکا ، محمد حفیظ انجری کے سبب ٹورنامنٹ سے باہرہوگئے ، انکی جگہہ ناصر جمشید کو بلانےکا فیصلہ کرلیا گیا ہے۔

    تفصیلات کے مطابق ڈاکٹروں نے محمد حفیظ کو تین ہفتے آرام کا مشورہ دیا ہے جس کے باعث وہ ورلڈ کپ کھیلنے سے قاصرہیں۔

    محمد حفیظ نیوزی لینڈ کے خلاف دوسرے ایک روزہ میچ میں ٹخنے کی انجری کا شکار ہوئے تھے۔

    ذرائع کا کہنا ہے کہ محمد حفیظ کو پہلی دستیاب پرواز سے پاکستان بھیج دیا جائے گا۔

    سعیداجمل اورعمرگل کی عدم موجدگی کے باعث جہاں پاکستان کی ٹیم پہلے ہی باؤلنگ کے شعبے میں مشکلات کی شکار ہے وہیں اب اوپننگ بیٹسمین محمد حفیظ کی انجری کے بعد پاکستان کی بیٹنگ لائن بھی خطرے میں پڑگئی ہے۔

    ایک جانب قومی ٹیم تاریخ کے کمزورترین دور سے گزررہی ہے تو دوسری جانب ورلڈ کپ ٹورنامنٹ کے اگلے ہی دن پاک بھارت ٹاکرے میں قوم نے کرکٹ ٹیم سے بے تحاشہ امیدیں بھی وابستہ کررکھی ہیں۔

    کرکٹ ورلڈ کپ 14 فروری سے آسٹریلیا میں شروع ہورہا ہے۔