Tag: Nasser Khan Janjua

اسلام آباد: مشیر قومی سلامتی ناصر جنجوعہ کا کہنا ہے کہ آج شر پسند عناصر ہتھیار ڈال رہے ہیں۔ دہشت گردی کے خلاف پاکستان کی جنگ کو قدر کی نظر سے نہیں دیکھا گیا۔

تفصیلات کے مطابق اسلام آباد میں نیشنل سیکیورٹی پالیسی پر سیمینار ہوا جس میں مشیر قومی سلامتی ناصر جنجوعہ نے خطاب کیا۔

اپنے خطاب میں مشیر قومی سلامتی کا کہنا تھا کہ شر پسند عناصر آج ہتھیار ڈال رہے ہیں۔ دہشت گردی کے خلاف پاکستان کی جنگ کو قدر کی نظر سے نہیں دیکھا گیا۔ ’پاکستان میں دہشت گردی امریکا اور مغرب کا ساتھ دینے پر ہوئی‘۔

ناصر جنجوعہ کا کہنا تھا کہ امریکا افغانستان میں شکست کا الزام پاکستان پر لگا رہا ہے، امریکا پاکستان پر حقانی اور طالبان کا ساتھ دینے کا الزام لگاتا ہے۔

انہوں نے کہا کہ دہشت گردی کے خلاف پاکستان نے بھاری جانی و مالی نقصان اٹھایا۔ بلوچستان کے حالات میں بہتری آئی ہے۔ افغانستان میں دہشت گرد مزید مضبوط ہو رہے ہیں۔

ناصر جنجوعہ کا مزید کہنا تھا کہ بھارت ہتھیاروں کا ذخیرہ کر رہا ہے۔ جنوبی ایشیا کی سلامتی دباؤ میں ہے۔

انہوں نے کہا کہ آج بلوچستان اور کراچی کے حالات میں بہتری آئی ہے۔ پاکستان کو سب سے پہلے فوری درپیش چیلنجز سے نمٹنا ہوگا۔ ’آخری دہشت گرد کے خاتمے تک ہماری جنگ جاری رہے گی‘۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔