ARYNews.tv | Urdu – Har Lamha Bakhabar

Tag: national anti-polio campaign

  • پاکستان کو پولیو سے پاک کرنے کا مشن ، حکومت کا بڑا فیصلہ

    پاکستان کو پولیو سے پاک کرنے کا مشن ، حکومت کا بڑا فیصلہ

    اسلام آباد : حکومت نے قومی انسدادپولیومہم رواں ماہ چلانےکافیصلہ کرلیا ، قومی انسداد پولیو مہم3مراحل میں آزاد کشمیر، گلگت بلتستان سمیت چاروں صوبوں میں چلائی جائے گی۔

    تفصیلات کے مطابق حکومت نے قومی انسدادپولیومہم رواں ماہ چلانےکافیصلہ کرلیا ، اس سلسلے میں وفاقی حکومت نے صوبوں سےقومی انسدادپولیومہم پرمشاورت مکمل کرلی ہے، قومی انسداد پولیو مہم آزاد کشمیر،گلگت بلتستان،چاروں صوبوں میں چلے گی۔

    ذرائع وزارت صحت کا کہنا ہے کہ قومی انسداد پولیو مہم3مراحل میں چلائی جائےگی، پہلےفیز میں خیبر پختونخواہ کے34اضلاع میں17تا21ستمبر مہم چلےگی جبکہ دوسرے فیز میں ملک بھر میں انسداد پولیومہم 20تا 24ستمبرمنعقدہوگی۔

    ذرائع کے مطابق تیسرےفیزمیں جنوبی وزیرستان میں مہم27ستمبرتا1اکتوبرچلےگی، ملک بھر میں3 روز انسدادپولیومہم اور 2روزکیچ اپ ڈیز ہوں گے جبکہ پولیو کے حساس علاقوں میں 5 روزہ مہم اور 2 کیچ اپ ڈیز ہوں گے، کیچ اپ ڈیزمیں رہ جانےوالےبچوں کی پولیو ویکسی نیشن کی جائے گی۔

    ذرائع نے بتایا کہ قومی انسداد پولیو مہم میں ساڑھے 4 کروڑ بچوں کی ویکسی نیشن ہوگی، مہم میں 6 تا59ماہ کےبچوں کی وٹامن اےکی ویکسی نیشن ہوگی، وٹامن اےکی ویکسی نیشن کامقصدبچوں کی قوت مدافعت بہتربناناہے۔

    ذرائع کا کہنا تھا کہ پنجاب میں 20.42ملین بچوں کی پولیو ویکسی نیشن کاہدف ، سندھ میں 9.35ملین بچوں کی پولیوویکسی نیشن کاہدف اور خیبرپختونخوامیں 6.9ملین بچوں کی پولیو ویکسی نیشن کا ہدف مقرر کیا گیا ہے۔

    بلوچستان 2.53ملین، آزادکشمیرڈھائی لاکھ بچوں ، گلگت بلتستان میں 0.35ملین بچوں کی پولیوویکسی نیشن ہوگی جبکہ 335387 فرنٹ لائن ورکرزقومی انسدادپولیومہم میں حصہ لیں گے۔

  • قومی انسداد پولیو مہم نے مقررہ ہدف کا 95 فیصد حاصل کر لیا

    قومی انسداد پولیو مہم نے مقررہ ہدف کا 95 فیصد حاصل کر لیا

    اسلام آباد : قومی انسداد پولیو مہم نے 5 دن میں مقررہ ہدف کا 95 فیصد حاصل کر لیا، 5 دن میں 3 کروڑ 80لاکھ سےزائد بچوں کی پولیو ویکسینیشن کی گئی۔

    تفصیلات کے مطابق قومی انسداد پولیو مہم نے مقررہ ہدف کا95 فیصد حاصل کر لیا،ذرائع وزارت صحت کا کہنا ہے کہ 3روزہ قومی پولیو مہم اور 2کیچ اپ ڈیز کامیابی سے مکمل کرلیا گیا، 5 دن میں 3 کروڑ 80لاکھ سےزائد بچوں کی پولیو ویکسینیشن کی گئی۔

    ذرائع کا کہنا ہے کہ قومی انسدادپولیو مہم میں 4کروڑ 16 لاکھ بچوں کی ویکسی نیشن کا ہدف رکھاگیا، پولیوکے حوالے سےحساس علاقوں کراچی، پشاور، خیبر، کوئٹہ، پشین، قلعہ عبداللہ میں مہم 26، 27 ستمبرتک جاری رہے گی۔

    وزارت صحت کے مطابق پنجاب کے5 اضلاع لاہور،راولپنڈی،ننکانہ صاحب،ساہیوال،رحیم یارخان میں انسدادپولیومہم آج جاری رہےگی ، کامیاب ترین انسداد پولیو مہم گلگت بلتستان میں منعقد ہوئی، گلگت بلتستان میں مہم نے مقررہ سےزائد105 فیصدہدف حاصل کیا، گلگت بلتستان میں 2لاکھ 51ہزار956 بچوں کی ویکسی نیشن کی گئی۔

    ذرائع کا کہنا ہے کہ آزادکشمیرمیں قومی انسداد پولیو مہم نےمقررہ ہدف کا99 فیصد حاصل کیا، مہم کے دوران 6لاکھ63ہزار960بچوں کی ویکسی نیشن کی گئی جبکہ پنجاب میں قومی پولیو مہم مقررہ ہدف کا 96 فیصد حاصل کر سکی ، پنجاب میں ایک کروڑ 94 لاکھ 98 ہزار بچوں کی پولیو ویکسینیشن مکمل کی۔

    وزارت صحت نے بتایا اسلام آباد میں قومی پولیو مہم مقررہ ہدف کا89 فیصد حاصل کر سکی، جہاں 3لاکھ23ہزار628بچوں کی ویکسی نیشن کی گئی، سندھ میں قومی پولیو مہم کےمقررہ ہدف کا 92 فیصد حاصل کیا گیا اور 86 لاکھ 45 ہزار بچوں کی پولیو ویکسینیشن کی جا چکی ہے۔

    ذرائع کے مطابق کے پی میں قومی انسدادپولیو مہم کے ہدف کا99 فیصد حاصل کیا گیا ، صوبے میں 64 لاکھ 80 ہزار بچوں کی پولیو ویکسینیشن مکمل کی گئی، اسی طرح بلوچستان میں قومی انسداد پولیو مہم کے ہدف کا 89 فیصد حاصل ہوا، بلوچستان میں 22لاکھ29ہزار974بچوں کی ویکسی نیشن کی گئی۔

  • قومی انسداد پولیو مہم کے 3 دن میں ہدف کا 85 فیصد حاصل

    قومی انسداد پولیو مہم کے 3 دن میں ہدف کا 85 فیصد حاصل

    اسلام آباد : ملک بھر میں قومی انسداد پولیو مہم کے 3 دن میں ہدف کا 85 فیصد حاصل کرلیا گیا ، مہم میں 4 کروڑ 16 لاکھ بچوں کی ویکسینیشن کا ہدف رکھا گیا ہے۔

    تفصیلات کے مطابق ملک بھر میں قومی انسداد پولیو مہم کامیابی سے جاری ہے، قومی انسداد پولیو مہم کے 3 دن میں ہدف کا 85 فیصد حاصل کرلیا گیا ، دو روز میں 3کروڑ 40 لاکھ 50 ہزار بچوں کی ویکسی نیشن ہو چکی ہے۔

    ذرائع کا کہنا ہے کہ قومی انسدادپولیو مہم میں 4 کروڑ 16 لاکھ بچوں کی ویکسینیشن کا ہدف رکھاگیاہے، گلگت بلتستان میں 2لاکھ 20 ہزار 568بچوں ، آزادکشمیر میں 6لاکھ34ہزار633بچوں کی ویکسی نیشن مکمل کرلی گئی ہے۔

    پنجاب میں ایک کروڑ 82 لاکھ 61 ہزار بچوں ، اسلام آباد میں 2لاکھ68ہزار139بچوں ، سندھ میں 74 لاکھ 8 ہزار بچوں کی پولیو ویکسی نیشن کر لی گئی۔

    اسی طرح خیبرپختونخوا میں 57 لاکھ 2 ہزار بچوں اور بلوچستان میں 15لاکھ55ہزار489بچوں کو پولیو کے قطرے پلائے گئے۔

    ذرائع کے مطابق ملک گیرقومی انسداد پولیو مہم کل تک جاری رہے گی، قومی انسداد پولیو مہم کے بقیہ دو دن کیچ اپ ڈیز ہیں۔

    خیال رہے قومی انسداد پولیو مہم کا چوتھا روز ہے ، رضا کار گھر گھر جا کر بچوں کو پولیو سے بچاؤ کے قطرے پلا رہے ہیں۔

    کراچی میں گڈاپ،بلدیہ،اورنگی،لیاقت آباد اورسائٹ ٹاؤن سمیت آٹھ یوسیزمیں بائیس لاکھ بچوں کو پولیوسے بچاؤ کے قطرے پلائے جا رہے ہیں جبکہ لاہورمیں اب تک دس لاکھ اسی ہزارسے زائد بچوں کو پولیو سے بچاؤ کے قطرے پلائے جاچکے ہیں۔

    بلوچستان میں چارروزہ مہم کے دوران تینتیس اضلاع میں پچیس لاکھ بچوں کو ویکسین پلائی جائے گی جبکہ پشاورسمیت خیبر پختو نخوا میں پینسٹھ لاکھ سے زائد بچوں کوانسداد پولیوکے قطرے پلانے کا ہدف ہے۔

  • حکومت کا قومی انسداد پولیو مہم رواں ماہ چلانے کا فیصلہ

    حکومت کا قومی انسداد پولیو مہم رواں ماہ چلانے کا فیصلہ

    اسلام آباد: حکومت نے قومی انسداد پولیو مہم رواں ماہ چلانے کا فیصلہ کرلیا، مہم 21 سے25 ستمبر تک جاری رہے گی ، اس دوران 3 کروڑ 96 لاکھ بچوں کی قطرے پلائے جائیں گے۔

    تفصیلات کے مطابق حکومت نے قومی انسداد پولیو مہم رواں ماہ چلانے کا فیصلہ کرلیا ، ذرائع وزارت صحت کا کہنا ہے کہ قومی انسداد پولیو مہم 21 سے25 ستمبر تک چلائی جائےگی، مہم 3دن چلائی جائےگی جبکہ 2دن کیچ اپ ڈیز ہوں گے۔

    قومی انسداد پولیو مہم آزادکشمیر، گلگت بلتستان ورچاروں صوبوں میں چلائی جائےگی ، مہم کے دوران 3 کروڑ 96 لاکھ بچوں کی ویکسی نیشن ہو گی اور 2 لاکھ 70 ہزار ورکرز حصہ لیں گے۔

    ذرائع کے مطابق انسداد پولیو مہم کے دوران کورونا ایس او پیز پر سختی سے عملدرآمد ہو گا۔

    یاد رہے معاون خصوصی صحت کی زیرصدارت پولیوصورتحال پراجلاس میں سربراہ نیشنل ایمرجنسی آپریشن سینٹربرائے پولیو ڈاکٹرصفدررانا نے بریفنگ میں بتایا تھا کہ کورونا کے باعث انسداد پولیو سرگرمیاں 4 ماہ معطل رہیں، جولائی،اگست کےدوران کامیاب انسدادپولیو مہم چلائی گئیں۔

    ڈاکٹر صفدررانا کا کہنا تھا کہ رواں ماہ ملک میں قومی سطح پرانسدادپولیو مہم کی تیاری ہے، قومی انسدادپولیو مہم میں4کروڑ بچوں کو قطرے پلانے کا ہدف ہے۔

    معاون خصوصی صحت ڈاکٹرفیصل سلطان نے کہا تھا کہ حکومت انسداد پولیو کیلئے موثر، مربوط اقدامات یقینی بنارہی ہے اور ملک سے پولیو کے مکمل خاتمے کیلئے پرعزم ہے، انسدادپولیو ورکرزقومی ہیروزہیں، صوبوں کے تعاون سے انسداد پولیو حکمت عملی میں بہتری لائیں گے۔