اسلام آباد: پی ٹی آئی کے رکن اسمبلی سراج محمد خان نے اسپیکر قومی اسمبلی ایاز صادق سے استعفی منظور نہ کرنے کی درخواست کی ہے ۔
رکن قومی اسمبلی سراج محمد خان نے اسپیکر قومی اسمبلی سے استعفے منظور نہ کرنے کا مطالبہ کردیا، سراج محمد کے بعد پی ٹی آئی کے منحرف اراکین کی تعدادچار ہو گئی، سیاسی بحران کے باعث پی ٹی آئی نے اراکین اسمبلی سے مستعفی ہونے کا کہا تھا جس کے بعد استعفے اسپیکر کو جمع کرادئیے گئے تھے ۔
اسلام آباد: تحریک انصاف کے پچیس ارکان اسمبلی نے استعفوں کی تصدیق کیلئے ڈپٹی اسپیکرسے ملاقات کی ہے، جبکہ عمران خان اوردیگرچارارکان پیش نہیں ہوئے۔
تحریک انصاف کے رہنماؤن کا استعفوں کا معاملہ منطقی انجام تک پہنچنے والا ہے، پی ٹی آئی کے پچیس ارکان قومی اسمبلی نے استعفوں کی تصدیق کیلئے ڈپٹی اسپیکرسے ملاقات کی ہے، تحریک انصاف کے سربراہ عمران خان ، ارکان قومی اسمبلی سلیم الرحمان ، سراج خان، قیصرجمال اور شہریارآفریدی پیش نہیں ہوئے۔ تحریک انصاف کی رہنما شیریں مزاری نے بتایا ہے کہ عمران خان کے استعفے کی تصدیق پوری پارلیمانی پارٹی کرے گی۔
پارلیمینٹ کے باہرتحریک انصاف کے دیگر رہنماؤں کے ہمراہ میڈیا سے گفتگو کرتے ہوئے پاکستان تحریک انصاف کے رہنما شاہ محمود قریشی کاکہنا ہے کہ حکومت نے وزارتوں کی لالچ دےکر ہمارے ممبران اسمبلی کو خریدنے کی کوشش کی ہے۔
انہوں نے کہا کہ اسپیکر کے نہ آنے پر تمام اراکین نے ڈپٹی سپیکر اور عملے کے سامنے استعفوں کی تصدیق کر دی ہے، استعفوں کی تصدیق ہمارا فرض تھا جو ہم نے پورا کر دیا۔
اسلام آباد:ارکانِ قومی اسمبلی آج اسپیکر ایاز صادق کےسامنے اپنے اپنے استعفوں کی تصدیق کریں گے جبکہ عمران خان پیش نہیں ہوں گے۔
تحریک انصاف نے طےکرلیا، حکومت یہ سمجھتی تھی کہ استعفوں کی تصدیق کیلئے اسپیکر کے سامنے کوئی پیش نہیں ہوگا لیکن ان کے دعوے غلط ثابت ہوئے، تحریکِ انصاف کے ارکانِ قومی اسمبلی اسپیکر ایاز صادق کے سامنے اپنے استعفوں کی تصدیق کریں گے، اراکین آج دو بجےاسپیکر قومی اسمبلی کے سامنے پیش ہوں گے۔
جن کی قیادت تحریک انصاف کے سینئر وائس چیئرمین شاہ محمود قریشی کریں گے، عمران خان کے بارے میں یہی فیصلہ ہوا ہے کہ وہ اسپیکر کے سامنےاپنے استعفے کی تصدیق نہیں کریں گے۔
واضح رہے عمران خان متعدد بار جلسوں ریلیوں اور میڈیا کے سامنے اپنے استعفے کا اعلان کر چکے ہیں۔
گذشتہ روز خیبر پختون خواہ ہاؤس اسلام آباد میں پی ٹی آئی کی پارلیمانی پارٹی کا اہم اجلاس شاہ محمود قریشی کی زیرِ صدارت ہوا ، جس میں پی ٹی آئی کے ارکان قومی اسمبلی سمیت ملتان سے کامیاب ہونے والے رکن قومی اسمبلی عامرڈوگر بھی شریک ہوئے ۔اجلاس میں پی ٹی آئی اراکین کے قومی اسمبلی سے استعفوں سے متعلق طویل مشاورت کی گئی۔
اجلاس میں شامل تمام اراکین نے کثرت رائے سے استعفے دینے کے عمران خان کے فیصلے کی تائید کی، بعد ازاں اراکین عمران خان کو فیصلے سے آگاہ کرنے بنی گالا پہنچے جہاں حتمی مشاورت کے بعد شاہ محمود قریشی نے میڈیا سے گفتگو کرتے ہوئے بتایا کہ چیئر مین تحریک انصاف عمران خان سمیت پوری قیادت نے فیصلہ کیا ہے کہ استعفوں کے معاملے میں ڈٹ کر اسپیکر قومی اسمبلی کے سامنے پیش ہوں گے۔
استعفوں سے متعلق فیصلوں کا اطلاق صرف پی ٹی آئی کے ٹکٹ ہولڈرز اراکین پر ہوگا جبکہ عمران خان کل اسپیکر کے سامنے پیش نہیں ہوں گے۔
گھوٹکی: پیپلزپارٹی کے رکن قومی اسمبلی سردارعلی گوہرمہرکی آمد کے موقعے پران کے حامیوں کی جانب سے جدید اسلحے کی نمائش اورشدید فائرنگ کے باعث اہلیانِ ڈہرکی خوف میں مبتلا ہوگئے۔
گھوٹکی کے حلقہ این اے دو سوپردہاندلیوں کی درخواست مسترد ہونے کی خوشی میں پیپلزپارٹی کے رکن قومی اسمبلی سردارعلی گوہر مہر کے حامیوں نے پولیس کی موجودگی میں جدیداسحلے کی نمائش کرنے کے ساتھ شدید ہوائی فائرنگ کرتے ہوئے استقبال کیا، پولیس اہلکار خوشی میں جھومتے رہے۔
گھوٹکی ضلع کے پندرہ سے زائد تھانوں کی پولیس اہلکار اپنے نمبر بڑھانے کے خاطررکنِ قومی اسمبلی سردارعلی گوہرمہرکو پروٹوکول دیتے رہے مگرہوائی فائرنگ اورجدید اسلحے کی نمائش کرنے والوں کے خلاف کاروائی کرنے کی ہمت تک نہیں کی جبکہ جلوس میں شریک کئی پولیس اہلکار رکن قومی اسمبلی کی گاڑی کے آگے جھومتے نظرآئے۔
کراچی : ایڈیشنل سیشن جج نے پیپلز پارٹی کے ممبر قومی اسمبلی شاہ جہاں بلوچ کو تین مقدمات میں بری کردیا ہے۔
شاہ جہاں بلوچ کو ناجائز اسلحہ ، دستی بم ، کے تین مختلف مقدمات میں پولیس کی جانب سے ثبوت فراہم نہ کرنے پر بری کیا گیا ہے۔ ان کے خلاف مقدمات لیاری آپریشن کے دوران قائم کیے گئے تھے۔
شاہ جہاں بلوچ پر ارشد قتل کیس ، پولیس اہلکاروں کی ٹارگٹ کلنگ سمیت 17 مقدمات ہیں۔