اسلام آباد: وفاقی وزیرداخلہ چوہدری نثار نے کہاہے کہ کراچی میں رینجرز کے آپریشن کی بدولت ٹارگٹ کلنگ میں 43 فیصد کمی آئی ہے۔
وزیرداخلہ نے قومی اسمبلی میں اظہارخیال کرتے ہوئے کہاکہ کراچی میں رینجرز کے آپریشن کے باعث امن قائم ہواہے اور ٹارگٹ کلنگ کے واقعات میں واضح کمی آئی ہے ۔
ان کا کہنا تھا کہ کراچی میں 630اشتہاری ملزموں کو گرفتار کیا گیاہے،713بھتہ خور،118اغواءکاراور517بھتہ خور وں کی گرفتاری عمل میں لائی گئی ہے۔
چوہدری نثارنے کہاکہ غیر قانونی سرگرمیوں میں ملوث غیرملکی پاکستان کا پاسپورٹ اورشناختی کارڈ حاصل کرلیتے ہیں،کسی بھی ملک میں مقیم غیرملکیوں کو ملک کے قوانین کا احترام کرنا ہو گا، قواعد ضوابط مکمل کرکے آنے جانے پرکوئی پابندی نہیں ہے۔
انہوں نے کہا کہ قحبہ خانو ں کی سرپرستی کی جارہی تھی اور اس میں چند سفارتخانے ملوث تھے ،منشیات ،انسانی سمگلنگ اور جرائم پیشہ عناصر کیخلاف کارروائی کی جارہی۔
