Tag: National Assembly

اسلام آباد: قائد حزب اختلاف خورشید شاہ کا کہنا ہے کہ پی ٹی آئی اور طاہر القادری کی جانب سے دیا گیا مائنس ون فارمولہ قبول نہیں ہے۔

قومی اسمبلی میں قائد حزب اختلاف خورشید احمد شاہ نے کہا ہے کہ مائنس ون فارمولا ممکن نہیں ، حکومت تحریک انصاف کے آزادی مارچ میں روکاوٹیں نہ ڈالے ۔

اسلام آباد میں صحافیوں سے بات چیت کے دوران پیپلز پارٹی کے رہنما خورشید شاہ نے کہا کہ اگر حکومت نے لانگ مارچ روکنے کی کوشش کی تو فساد پیدا ہوگا۔ حکومت مذاکرات کو موقع دے ۔ اگر حکومت نےلانگ مارچ کو روکا تو مذاکرات کا راستہ بھی رک جائےگا۔

پارلیمنٹ ہاوس میں میڈیا سے گفتگو کرتے ہوئے خورشید شاہ نے کہا کہ تحریک انصاف سیاسی جماعت ہے عمران خان لانگ مارچ ملتوی نہیں کریں گے انہیں اسلام اباد انے دیا جائے خورشید شاہ نے کہا کہ اگر راستے بند کیئے گئے تو بات چیت کا عمل بھی رک جائے گا۔

خورشید شاہ کا کہنا تھا کہ سیاست میں مائنس ون فارمولا نہیں چلتا کوئی جماعت اس مطالبے کو تسلیم نہیں کرتی انھوں نے مطالبہ کیا کہ گرفتاریوں اور پکڑ دھکڑ کا عمل فوری بند کیا جائے۔

اسلام آباد: خورشید شاہ نے قومی اسمبلی میں کھڑے ہو کر حکومت سے مطالبہ کیا ہے کہ حکومت آرٹیکل دو سو پینتالیس کا فیصلہ واپس لے، فیصلہ واپس نہ لیا گیا تو پیپلز پارٹی بھی میدان میں اُترے گی۔

قومی اسمبلی میں معمول کی کارروائی کا ایجنڈا پس پشت ڈال دیا گیا اور آرٹیکل دو سو پینتالیس کا معاملہ ہی گرم رہا، اپوزیشن لیڈر خورشید شاہ نے اظہارخیال کرتے ہوئے کہا کہ حکومت فوج کی پیچھے چپ کر لڑائی لڑنا چاہتی ہے لیکن فوج حکومت کے اس اقدام کا حصہ نہیں بنے گی۔

انہوں نے کہا کہ حکومت بچانے کی کوشش نہیں کرسکتے، جمہوریت کی حمایت کررہے ہیں، حکومت کی نہیں ۔ انہوں نے سوال کیا کہ آرٹیکل دوسو پینتالیس نافذ کرنے سے قبل ایوان کواعتماد میں کیوں نہیں لیا گیا، اسلام آباد کو کونسے چیلنجز تھے کہ یہاں پر فوج بُلائی گئی۔

انہوں نے حکومت کو آڑے ہاتھوں لیتے ہوئے الزام عائد کیا کہ لانگ مارچ سے خوف زدہ ہوکر حکومت نے یہ قدم اٹھایا ہے، انہوں نے آرٹیکل دو سو پینتالیس فوری واپس لینے کا مطالبہ کیا۔