Tag: National Assembly

اسلام آباد : قومی اسمبلی میں اپوزیشن لیڈر شہباز شریف نے کہا ہے کہ مہمند ڈیم کیلئے بھی ہماری حکومت نے دو ارب روپے مختص کیے تھے، زمین بھی ن لیگ نے خریدی، مہمند ڈیم کے ٹھیکے سے متعلق پارلیمنٹ کی کمیٹی بنائی جائے۔

ان خیالات کااظہار انہوں نے قومی اسمبلی سے اجلاس سے خطاب کرتے ہوئے کیا، مہمند ڈیم سے متعلق ان کا کہنا تھا کہ آبی ذخائراورہائیڈرل پاورپراجیکٹ وقت کی اہم ضرورت ہیں، مہمند ڈیم بہت اہمیت کا حامل ہے، دیامر بھاشا ڈیم پر100ارب کے اخراجات آئے، ن لیگ نے زمین خریدی۔

مہمند ڈیم کیلئے بھی ہماری حکومت نے دو ارب روپے مختص کیے تھے، مہمند ڈیم کا ٹھیکہ جس کو دیا گیا اس پر بہت بڑا سوال ہے، شہباز شریف کا کہنا تھا کہ ہماری حکومت شروع ہوئی تو18،18گھنٹےلوڈ شیڈنگ اور کاروبار بند تھا، اسپتالوں اور اسکولوں میں بجلی نہیں تھی اور ایکسپورٹ تباہ تھیں، ان مسائل کا ذمہ دار کسی ایک حکومت کو نہیں ٹھہرایا جاسکتا۔

ہمارے دورحکومت میں مسائل کے لئے ہنگامی بنیادوں پر کام کیا گیا،3پلانٹس لگائے گئے جو اس وقت 3600میگا واٹ بجلی فراہم کررہے ہیں،1200میگاواٹ کا چوتھا پلانٹس انسولیشن میں ہے، میں الزام تراشی نہیں کرنا چاہتا جو کوئی کرے گا تو وہ بھرے گا، ہمیں بھی جواب دینا آتاہے۔

اپوزیشن لیڈر کا مزید کہنا تھا کہ مہمند ڈیم کا عمل پچھلے کئی سالوں سے جاری ہے، مہمند ڈیم کی بڈنگ کا عمل ہمارے دور حکومت میں شروع کیا گیا، مہمند ڈیم کا ٹھیکہ پی ٹی آئی کی حکومت میں دیا گیا، مہمند ڈیم کے کنٹریکٹ کی ذمہ داری پی ٹی آئی حکومت کی ہے،800میگاواٹ کے مہمند ڈیم کی تکمیل کے5سے6سال درکار ہیں۔

سنگل بڈ پیپرا قوانین کےخلاف نہیں، اس کے ساتھ کچھ لوازمات ہیں،3پاورپلانٹس منصوبوں میں بڈنگ قوانین پرپوری طرح عمل کیاگیا، سنگل بڈ پرکنٹریکٹ دیاجاتاہے تواس کےساتھ ضرورتیں پوری کرناہوتی ہیں،3600میگاواٹ کے3پلانٹس آدھی بجلی پیداکررہےہیں، لوڈشیڈنگ دم توڑ چکی ہے تو مہمند ڈیم پرایسی کیا جلدی تھی۔

انہوں نے کہا کہ عوام پرمہنگائی،بےروزگاری کاپہاڑچڑھ گیااسکاکوئی ذمہ دارہے، مہمند ڈیم کی سنگل بڈنگ کیوں منظورکی گئی دوبارہ کیوں نہیں ہوئی، مہمند ڈیم کی سنگل بڈ منظور کرنے کی کیا وجہ تھی ، پی ٹی آئی کو روشن پاکستان تحفہ میں دیاہے پھر کیا جلدی تھی، حکومت نےمہمندڈیم کی بولی میں پیپرارولزنظراندازکئے۔

شہبازشریف کا مزید کہنا تھا کہ پاکستان کی مدد کو آنے پرسعودی عرب، یواےای اور چین کی مہربانی ہے، دوست ممالک آرمی چیف کی وجہ سے ملک کو قرضہ دے رہےہیں، قرضہ ملنے پر حکومت کا اس میں کوئی کمال نہیں، حکومت 5ماہ سےشفافیت اور میرٹ کاشور مچارہی ہے، مہمند ڈیم کاسنگل بڈنگ پرٹھیکہ عوامی وسائل پرڈاکےکےمترادف ہے۔