پنجاب کے بعد اب اسلام آباد میں بھی قومی پرچم کے ساتھ کسی بھی سیاسی جماعت کا جھنڈا لہرانے پر پابندی عائد کردی گئی ہے۔
اس حوالے سے مصدقہ ذرائع کا کہنا ہے کہ وفاقی دارالحکومت میں پاکستان کے جھنڈے کے ہمراہ سیاسی جھنڈا لہرانے پر پابندی کرنے کا حکم جاری کردیا گیا۔
اس کے علاوہ سیل پوائنٹ پر کسی بھی سیاسی جماعت کا جھنڈا فروخت کرنے پر بھی پابندی کردی گئی ہے۔
اسلام آباد پولیس کو پابندی پر عمل درآمد کے لئے احکامات جاری کردیئے گئے اور پولیس کو شہر میں باجے کی فروخت بھی رکوانے کا حکم بھی جاری کر دیا گیا ہے۔
ذرائع کا مزید کہنا ہے کہ اعلیٰ پولیس افسران نے اسلام آباد پولیس کے تمام افسروں کو اپنے اپنے علاقے چیک کرنے کی سختی سے ہدایات جاری کردی ہیں،
واضح رہے کہ گزشتہ روز نگراں وزیراعلیٰ پنجاب محسن نقوی کی زیر صدارت اجلاس میں 13اور14اگست کو صرف اور صرف قومی پرچم لگانے اور لہرانے کی اجازت دینے کا فیصلہ کیا گیا تھا اس دوران کسی بھی سیاسی جماعت کو ریلی نکالنے کی اجازت نہیں دی جائے گی۔
