ARYNews.tv | Urdu – Har Lamha Bakhabar

Tag: national savings

  • قومی بچت اسکیموں میں سرمایہ کاری کرنے والوں کیلیے اہم خبر

    قومی بچت اسکیموں میں سرمایہ کاری کرنے والوں کیلیے اہم خبر

    اسلام آباد: حکومت نے قومی بچت اسکیموں پر شرح منافع میں کمی کا اعلان کردیا ، شرح منافع میں تبدیلی کا اطلاق7 مئی سے ہوگا۔

    تفصیلات کے مطابق قومی بچت اسکیموں پر شرح منافع میں کمی کردی گئی،  وزارت خزانہ نے شرح منافع میں ردوبدل کانوٹیفکیشن جاری کردیا ہے ، شرح منافع میں تبدیلی کا اطلاق7 مئی سے ہوگا۔

    نوٹیفکیشن میں کہا گیا ہے کہ ریگولرانکم سرٹیفکٹس پرشرح منافع9.36فیصدسے9.24فیصد ، اسپیشل سیونگز سرٹیفکٹس پرشرح منافع 8.87فیصدسے8.75فیصد اور 6ماہ کےشارٹ ٹرم سرٹیفکٹس پر شرح منافع 7.30فیصد سے 7.20فیصد کردی گئی ہے۔

    وزارت خزانہ کے مطابق ڈیفنس سیونگزسرٹیفکٹس ، بہبود، شہدا اورپینشنرزسرٹیفکٹس ، سیونگز اکاؤنٹ اور ایک سال کےشارٹ ٹرم سرٹیفکٹس پر شرح منافع برقراررہےگی۔

    رواں سال جنوری میں وفاقی حکومت نے قومی بچت اسکیموں کی شرح منافع میں اضافہ کیا تھا، نوٹیفکیشن میں کہا گیا تھا کہ پنشن بینیفٹ اوربہبودسیونگ سرٹیفکیٹ کامنافع860 سے بڑھا کر 940روپےماہانہ کردیا ہے جبکہ ا سپیشل سیونگ سرٹیفکیٹ پرہر 6 ماہ بعد 3 ہزار 900 روپے اور ڈیفنس سیونگ سرٹیفکیٹ پر 10سال بعد 2لاکھ 46ہزارروپے ملیں گے۔

  • قومی بچت اسکیموں میں سرمایہ کاری، بڑی پابندی عائد

    قومی بچت اسکیموں میں سرمایہ کاری، بڑی پابندی عائد

    اسلام آباد : وفاقی حکومت نے قومی بچت اسکیموں میں ادارہ جاتی سرمایہ کاری پر پابندی عائد کردی، پابندی اسٹیٹ بینک کی سفارشات کی بنیاد پرعائد کی گئی، جس کا اطلاق یکم جولائی سے ہوگیا ہے۔

    تفصیلات کے مطابق وفاق کی جانب سے نیشنل سیونگ اسکیموں میں ادارہ جاتی سرمایہ کاری پر پابندی عائد کردی گئی، عائد پابندی کا اطلاق یکم جولائی سے ہوگیا ہے۔

    وفاقی حکومت نے پابندی کے اطلاق سے متعلق نوٹیفکیشن جاری کردیا ، جس میں کہا گیا تمام محکموں کی جانب سے ہر قسم کی سیونگ اسکیمز میں سرمایہ کاری پر پابندی ہوگی ، ادارہ جاتی سرمایہ کاری پرپابندی اسٹیٹ بینک کی سفارشات کی بنیاد پرعائد کی گئی۔

    اس حوالے سے سینٹرل ڈائریکٹوریٹ آف نیشنل سیونگزکو بھی ضروری اقدامات کی ہدایات جاری کر دی گئی ہیں۔

    مزید پڑھیں : قومی بچت اسکیموں میں سرمایہ کاری کے حوالے سے بری خبر

    یاد رہے گذشتہ ماہ قومی بچت اسکیموں کےشرح منافع میں مزید کمی کر دی گئی تھی اور کہا گیا تھا کہ نئے ریٹ کا اطلاق 2 جون 2020 سے نئی سرمایہ کاری پرہوگا۔

    نوٹیفیکیشن کے مطابق ڈیفنس سرٹیفیکیٹ میں شرح منافع میں 0.49 فیصد کی کمی کردی گئی، جس کے بعد ڈیفنس سرٹیفکیٹ کا نیا شرح منافع 8.05 فیصد ہوگیا تھا۔

    حکومت کی جانب سے بہبود اور پنشن سرٹیفکیٹ پرمنافع کی شرح 0.48فیصدکم کرکے 9.84 فیصد اور سیونگ اکاؤنٹ پر منافع کی شرح 0.50 فیصد کم کرکے 6.50 فیصد کردی گئی تھی۔

    نوٹیفیکیشن میں بتایا گیا تھا کہ اسپیشل سیونگ سرٹیفکیٹ پر منافع 0.90 فیصد کم کرکے 7.10 فیصد کردیاگیا ہے جبکہ ریگولر انکم سرٹیفکیٹ پرمنافع کی شرح 0.84 فیصدکم کرکے7.44 فیصدکردی گئی۔

  • قومی بچت اسکیموں میں سرمایہ کاری کے حوالے سے بری خبر

    قومی بچت اسکیموں میں سرمایہ کاری کے حوالے سے بری خبر

    اسلام آباد: حکومت پاکستان نے نیشنل سیونگ اسکیم سرٹیفکیٹ کےمنافع کی شرح مزید کم کردی، نئے ریٹ کا اطلاق آج سے نئی سرمایہ کاری پر اطلاق ہوگا۔

    تفصیلات کے مطابق قومی بچت اسکیموں کےشرح منافع میں مزید کمی کر دی گئی اور ‌‌اس حوالے سے وزارت خزانہ نے نوٹیفیکیشن جاری کردیا، جس میں کہا گیا کہ نئے ریٹ کا اطلاق 2 جون 2020 سے نئی سرمایہ کاری پر ہوگا۔

    نوٹیفیکیشن کے مطابق ڈیفنس سرٹیفیکیٹ میں شرح منافع میں 0.49 فیصد کی کمی کردی گئی ہے، جس کے بعد ڈیفنس سرٹیفکیٹ کا نیا شرح منافع 8.05 فیصد ہوگیا ہے۔

    حکومت کی جانب سے بہبود اور پنشن سرٹیفکیٹ پرمنافع کی شرح 0.48فیصدکم کرکے 9.84 فیصد اور سیونگ اکاؤنٹ پر منافع کی شرح 0.50 فیصد کم کرکے 6.50 فیصد کردی گئی۔

    نوٹیفیکیشن میں بتایا گیا کہ اسپیشل سیونگ سرٹیفکیٹ پر منافع 0.90 فیصد کم کرکے 7.10 فیصد کردیاگیا ہے جبکہ ریگولر انکم سرٹیفکیٹ پرمنافع کی شرح 0.84 فیصدکم کرکے7.44 فیصدکردی گئی ہے۔

    ادارہ قومی بچت کا کہنا ہے کہ شہدا فیملی ویلفیئر اکاونٹ کی شرح منافع 9.84 فیصد کر دی گئی، اس سے پہلے شہدا ویلفیئر اکاونٹ کی شرح منافع 10.32 فیصد تھی جبکہ پینشن بینیفٹ اکاؤنٹ کی شرح منافع بھی 9.84 فیصد مقرر کردی۔

  • قومی بچت اسکیموں میں سرمایہ کاری سے متعلق اہم اعلان

    قومی بچت اسکیموں میں سرمایہ کاری سے متعلق اہم اعلان

    اسلام آباد : حکومت نے قومی بچت اسکیموں کی شرح منافع میں کمی کا اعلان کردیا، شرح منافع میں کمی کااطلاق 24 اپریل سےہوگا، مختلف اسکیموں پرشرح منافع میں تین فیصد تک کی کمی کی گئی ہے۔

    تفصیلات کے مطابق حکومت نے قومی بچت اسکیموں کی شرح منافع میں کمی کردی اور وزارت خزانہ کی جانب سے نوٹیفیکیشن جاری کردیا گیا ہے۔

    نوٹیفیکیشن میں بتایا گیا کہ ڈیفنس سرٹیفیکیٹ میں شرح منافع میں 1.86 فیصد کی کمی کردی گئی ہے، جس کے بعد ڈیفنس سرٹیفکیٹ کا نیا شرح منافع 8.54 فیصد ہوگیا ہے۔

    اسی طرح بہبود ، پنشن سرٹیفیکیٹ میں شرح منافع 1.92 فیصد کمی سے 10.32 فیصد ہوگیا جبکہ ریگولرانکم سرٹیفیکیٹ پرمنافع کی شرح 2.8 فیصدکمی سے 8.28 فیصد ہوگئی ہے۔

    نوٹیفیکیشن کے مطابق اسپیشل سیونگ سرٹیفیکیٹ پرشرح منافع میں تین فیصد کی کمی کی گئی ہے، جس کے بعد اسپیشل سیونگ سرٹیفیکیٹ پر شرح منافع آٹھ فیصد ہوگیا جبکہ شہدا فیملی سرٹیفکیٹ پر شرح منافع 10.32فیصد ہوگئی۔

    وزارت خزانہ کا کہنا ہے کہ نئے ریٹس کا اطلاق چوبیس اپریل سے کی گئی سرمایہ کاری پر ہوگا۔

    خیال رہے قومی بچت اسکیموں میں سرمایہ کاری کرنے والوں کی شناخت کے لیے وزارت خزانہ نے قانونی مسودہ جاری کیا تھا، جس میں بتایا گیا تھا کہ قومی بچت اپنے40لاکھ صارفین کی جانچ پڑتال کےلیے نادرا سےمدد حاصل کرے گا اور مشکوک افرادکی نشاندہی کیلئے یواین ایس سی کی فہرست کوبھی چیک کرے گا۔

  • پینشنرز اور بیواؤں کیلئے خوشی کی خبر

    پینشنرز اور بیواؤں کیلئے خوشی کی خبر

    کراچی : قومی بچت اسکیم کی جانب سے منافع میں نصف فیصد تک کا اضافہ کردیا گیا، بہود سیونگز پر شرح منافع  10.2 فیصد جبکہ سیونگ اکاؤنٹ پر شرح سود 5 فیصد ہوگئی ہے۔

    تفصیلات کے مطابق قومی بچت کی جانب سےمنافع کی شرح میں اضافہ کردیا گیا، اضافے کا اطلاق یکم جولائی سے کی جانے والی سرمایہ کاری پر ہوگا، اعلامیہ کے مطابق بہبود سیونگز، اور پینشنر بینفیٹ اکاؤنٹ پر شرح منافع میں 0.12 کا اضافہ کیا گیا ہے جبکہ ڈیفنس سیونگز سرٹیفکیٹ پر منافع صفر اعشاریہ دو فیصد اضافے کے ساتھ آٹھ اعشاریہ تین فیصد ہوگیا ہے۔

    اعلامیہ میں کہا گیا ہے کہ اسپیشل سیونگ سرٹیفیکٹ پر منافع صفر اعشاریہ تین فیصد بڑھایاگیا ہے، سیونگز اکاؤنٹ پر شرح منافع میں نصف فیصد اضافے کے بعد پانچ فیصد ہوگیا ہے۔

    قلیل مدتی سرٹیفیکیٹ پر بھی منافعے کی شرح میں اضافہ کیا گیا ہے۔

    یاد رہے رواں سال اپریل کے آخر میں بھی قومی بچت اسکیموں پر منافع کی شرح میں 14 ماہ بعد اضافہ کیا گیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں