ARYNews.tv | Urdu – Har Lamha Bakhabar

Tag: national stadium karachi

  • کراچی والوں کیلئے گاڑی میں بیٹھے بیٹھے کورونا ویکسینیشن کی سہولت

    کراچی والوں کیلئے گاڑی میں بیٹھے بیٹھے کورونا ویکسینیشن کی سہولت

    کراچی : نیشنل اسٹیڈیم کراچی میں ڈرائیور تھرو کووڈ ویکسینیشن کا افتتاح کردیا گیا ، وزیر صحت سندھ کا کہنا ہے کہ اس سینٹر پر تمام ویکسینز دستیاب ہیں، کراچی کے شہری اس سہولت سے فائدہ اٹھائیں۔

    تفصیلات کے مطابق وزیر صحت سندھ ڈاکٹر عذار پیچوہو نے وزیر اطلاعات سعید غنی کے ہمراہ نیشنل اسٹیڈیم میں ڈرائیور تھرو کووڈ ویکسینیشن کا افتتاح کردیا، اس موقع پر پارلیامانی سیکریٹری برائے صحت قاسم سومرو، سیکریٹری صحت سندھ کاظم جتوئی، ایچ بی ایل اور پی سی بی کے نمائندے بی موجود تھے۔

    وزیر صحت سندھ ڈاکٹر عذرا پیچوہو کا کہنا ہے کہ کراچی کے شہری اس سہولت سے فائدہ اٹھائیں، اس سینٹر پر تمام ویکسینز دستیاب ہیں۔

    ڈاکٹر عذرا پیچوہو نے مزید کہا کہ اسپتالوں میں داخل ہونے والے کرونا متاثرہ مریضوں میں 90 فیصد وہ لوگ ہیں جنہوں نے ویکسین نہیں لگوائی ہوئی، جو لوگ ویکسین نہیں کروائیں گے وہ اپنے اور اپنے گھروالوں کی جان کے لیے خطرہ ہیں۔

    ان کا کہنا تھا کہ جب تک 80 فیصد لوگوں کو ویکسین نہیں لگ جاتی ہم معمول کی زندگی طرف نہیں لوٹ سکتے ، اسپتالوں میں فی الحال جگہ کی کمی کی خبریں غلط ہیں، ہمارے پاس کرونا متاثرہ مریضوں کے اعلاج کے لیے وسائل دستیاب ہیں۔

    وزیر صحت سندھ نے کہا کہ محکمہ صحت نے تمام تر مشکلات اور چیلینجز کے باوجود بہتر حکمت عملی کے ساتھ کام کیا ہے، کراچی کی کچی آبادیوں میں بھی موبائل ویکسینیشن سہولت شروع کی جائے گی۔

    ان کا کہنا تھا کہ ویکسین کے لیے شناختی کارڈ نہ ہونے کی صورت میں اسپیشل رجسٹریشن سسٹم متعارف کروا دیا گیا ہے، اسپیشل رجسٹریشن والوں کو سنگل ڈوز کینسینو ویکسین لگائی جائے گی۔

    ڈاکٹر عذرا پیچوہو نے مزید کہا کہ شناختی کارڈ نہ ہونے کی صورت میں خاندان کے کسی اور فرد کے شناختی کارڈ پر بھی ویکسین کی جا رہی ہے، 24 گھنٹے ویکسین کی سہولت کی وجہ سے آفیس یا کاروباری افراد کو فائدہ ہوا ہے، عوام ویکسین کے سلسلے میں سندھ حکومت کی طرف سے دی گئی سہولت سے فائدہ اٹھائیں۔

  • پاک سری لنکا سیریز کا دوسرا ون ڈے میچ آج نیشنل اسٹیڈیم میں کھیلا جائے گا

    پاک سری لنکا سیریز کا دوسرا ون ڈے میچ آج نیشنل اسٹیڈیم میں کھیلا جائے گا

    کراچی : پاکستان اور سری لنکا کے درمیان سیریز کا دوسرا ون ڈے میچ آج نیشنل اسٹیڈیم میں کھیلا جائے گا، شائقین کرکٹ پہلےمیچ کے ٹکٹ بھی استعمال کرسکیں گے۔

    تفصیلات کے مطابق انٹرنیشنل کرکٹ کا میلہ کراچی میں پھر سجنے کو تیار ہے۔ موسم سازگار ہوگیا، کراچی کے شائقین کرکٹ کا انتظار ختم ہونے والا ہے۔

    کراچی کے نیشنل اسٹیڈیم کا میدان انٹرنیشنل کرکٹ کی میزبانی کیلیے تیار ہے، دس سال بعد ون ڈے میچز کا اسٹیج سجے گا۔

    جمعہ کے روز تیز بارش نے کرکٹ فینز کا انتظار بڑھا دیا تھا۔ خراب موسم کے پیش نظر پاکستان اور سری لنکا کے درمیان آج کھیلا جانے والا میچ پیر کو شیڈول کیا گیا۔ شائقین کرکٹ پہلے میچ کے ٹکٹ دوسرے میچ میں استعمال کرسکیں گے۔

    واٹر بورڈ نے نیشنل اسٹیڈیم کو بلاتعطل پانی فراہمی کے انتظامات مکمل کرلیے

    دوسری جانب پاک سری لنکا سیریز کے موقع پر واٹر بورڈ نے نیشنل اسٹیڈیم کو بلاتعطل پانی فراہمی کے انتظامات مکمل کرلیے۔

    اس حوالے سے ایم ڈی واٹربورڈ انجینئر اسداللہ کا کہنا ہے کہ نیشنل اسٹیڈیم کو فراہمی و نکاسی آب کے فول پروف انتظامات کرلیے۔

    اسٹیڈیم سے بارش کے پانی کی نکاسی کیلئے انتظامیہ کو بھرپور مدد فراہم کی، اسٹیڈیم کو لائنوں کے علاوہ ٹینکروں سے بھی پانی فراہم کیا جائے گا، پانی سے بھرے متعدد ٹینکرز اسٹیڈیم کے احاطہ میں پہنچادیئے گئے۔

  • بڑے نام نہیں جتواتے، ٹیم متحد ہو تو فتح مل سکتی ہے، شعیب ملک

    بڑے نام نہیں جتواتے، ٹیم متحد ہو تو فتح مل سکتی ہے، شعیب ملک

    کراچی : قومی کرکٹ ٹیم کے کھلاڑی شعیب ملک نے کہا ہے کہ بڑے نام کبھی نہیں جتواتے، ٹیم متحد ہو تو فتح مل سکتی ہے، پی ایس ایل سے پاکستان ٹیم کو بہت اچھا ٹیلنٹ ملا ہے۔

    یہ بات انہوں نے نیشنل اسٹیڈیم کراچی میں میڈیا سے گفتگو کرتے ہوئے کہی، شعیب ملک کا کہنا تھا کہ ویسٹ انڈیز ٹیم کے دورہ پاکستان پر سندھ حکومت اور پی سی بی مبارکباد کے مستحق ہیں، یہ بڑا ایونٹ ہے جس کا کراچی والوں کو ایک عرصے سے انتظار تھا، پاکستان کو ہوم کنڈیشن کا فائدہ ہوگا، مہمان ٹیم بھی اچھی ہے۔

    ایک سوال کے جواب میں شعیب ملک کا کہنا تھا کہ بڑے نام کبھی نہیں جتواتے،ٹیم متحد ہو تو فتح مل سکتی ہے نوجوان کھلاڑی چیمپئنز ٹرافی سےکافی محنت کرتے چلےآرہے ہیں، سینئرز سے کافی کچھ سیکھنے کو مل جاتا ہے۔

    انہوں نے مزید کہا کہ  میری پوری کوشش ہے تجربے کی بنیاد پر ذمہ داری نبھاؤں، پی ایس ایل سے بہت اچھا ٹیلنٹ پاکستان ٹیم کو ملا ہے، ہر شعبے میں پاکستان ٹیم کےلئے دستیاب ہوں۔

    واضح رہے کہ ویسٹ انڈیز کے خلاف سیریز کے لئے قومی ٹیم کی نیشنل اسٹیڈیم میں بھرپور تیاریاں جاری ہیں، ہیڈ کوچ مکی آرتھر کی زیر نگرانی کھلاڑیوں نے نیشنل اسٹیڈیم کراچی میں سیریز کی تیاریوں کے سلسلے میں بھرپور پریکٹس کی۔

    کالی آندھی سے نمٹنے کے لئے بیٹنگ، بولنگ اور فیلڈنگ میں کھلاڑیوں نے بھرپور مشقیں کیں، سیریز کا پہلا معرکہ یکم اپریل کو نیشنل اسٹیڈیم میں ہوگا۔

  • ویسٹ انڈیز کی ٹیم ورلڈ چیمپئن ہے آسان حریف تصور نہیں کریں گے، مکی آرتھر

    ویسٹ انڈیز کی ٹیم ورلڈ چیمپئن ہے آسان حریف تصور نہیں کریں گے، مکی آرتھر

    کراچی: قومی  کرکٹ ٹیم کے ہیڈ کوچ مکی آرتھر کا کہنا ہے کہ پاکستان میں کرکٹ کی بحالی خوش آئند ہے، ویسٹ انڈیز کی ٹیم ورلڈ چیمپئن ہے آسان حریف تصور نہیں کریں گے۔

    ان خیالات کا اظہار انہوں نے نیشنل اسٹیڈیم کراچی میں پریس کانفرنس کرتے ہوئے کیا، مکی آرتھر نے کہا کہ تمام کھلاڑی کراچی میں کھیلنے کے لیے پرجوش ہیں، ٹیم میں کچھ نئے کھلاڑی شامل کئے گئے ہیں۔

    ہیڈ کوچ قومی کرکٹ ٹیم نے کہا کہ پاکستانی کھلاڑیوں نے کئی سال سے انٹرنیشنل کرکٹ اپنے ملک میں نہیں کھیلی، کھلاڑی ویسٹ انڈیز کے ساتھ کھیلنے کے لیے پرجوش ہیں۔

    پی ایس ایل میں شاندار کارکردگی دکھانے والے کھلاڑیوں کی تعریف کرتے ہوئے انہوں نے کہا کہ راحت علی نے پی ایس ایل میں اچھا کھیل پیش کیا، کامران اکمل نے پی ایس ایل تھری میں اچھی بیٹنگ کی، بدقسمتی سے کامران اکمل اچھے فیلڈر نہیں ہیں، اچھے فیلڈر ہوں تو ٹیم میں شامل کیے جاسکتے ہیں۔

    مکی آرتھر نے کہا کہ کپتان سرفراز احمد وکٹ کیپر کی حیثیت سے کھیل رہے ہیں جبکہ عثمان خان شنواری فارم میں اور فٹ ہیں، نوجوان کھلاڑیوں پر مشتمل ٹی ٹوئنٹی ٹیم بنا رہا ہوں۔

    محمد حفیظ کے حوالے سے انہوں نے کہا کہ حفیظ اگر بولنگ کررہے ہیں تو اچھی بات ہے مگر بولنگ کے بغیر حفیظ کا فائدہ نہیں البتہ ان پر کرکٹ کے دروازے بند نہیں ہوئے، ون ڈے میچز میں ان کا انتخاب کیا جاسکتا ہے۔

    ہیڈ کوچ قومی کرکٹ ٹیم نے کہا کہ پاکستان میں کرکٹ کی بحالی خوش آئند ہے، چاہتا ہوں کہ کراچی میں گراؤنڈ تماشائیوں سے بھرا ہوا ہو، ویسٹ انڈیز کے خلاف سیریز میں پی ایس ایل میں پرفارم کرنے والے کھلاڑیوں کو موقع دیا ہے۔

    نیشنل اسٹیڈیم کراچی میں ٹی ٹوئنٹی سیریز کے پر امن انعقاد کے لیے سندھ رینجرز کے جوانوں نے سیکیورٹی سنبھال لی ہے۔

    واضح رہے کہ پاکستان اور ویسٹ انڈیز کی ٹیموں کے درمیان تین ٹوئنٹی میچز پر مشتمل سیریز کا پہلا میچ یکم اپریل کو کراچی کے نیشنل اسٹیڈیم میں کھیلا جائے گا، قومی ٹیم نے نیشنل اسٹیڈیم میں پریکٹس کا آغاز کردیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پی ایس ایل : کراچی کنگز کی افتتاحی تقریب آج ہوگی

    پی ایس ایل : کراچی کنگز کی افتتاحی تقریب آج ہوگی

    کراچی : پاکستان سپر لیگ کی سب سے مضبوط ٹیم کراچی کنگزکی افتتتاحی تقریب آج نیشنل اسٹیڈیم کراچی میں ہورہی ہے، جس میں دلوں کے بادشاہ کی دھواں دار انٹری ہوگی اورنامور گلوکار بھی پرفارمنس پیش کریں گے۔

    تفصیلات کے مطابق پاکستان میں کرکٹ کی تاریخ کا سب سے بڑا میلہ ہونے جارہا ہے، پاکستان سپرلیگ کی سب سے مضبوط اور بہترین ٹیم کراچی کنگز کے ستارے جمعے کی شام نیشنل اسٹیڈیم کراچی میں جگمگائیں گے، کراچی والوں نے تمام پاسز ہاتھوں ہاتھ لے لیے۔

    کراچی کنگز کی شاندار لانچنگ تقریب میں علی عظمت ،فاخر، اور علی حیدر، سلیم جاوید ،حسن جہانگیر سمیت دیگر نامور گلوکار بھی پر فارم کریں گے فہد مصطفی اور وسیم بادامی تقریب کی میزبانی کریں گے۔

    دوسری جانب گورنرسندھ محمد زبیر، میئر کراچی وسیم اختر اور ٹیم کے مالک سلمان اقبال نے اپنے پیغامات میں کراچی کنگز کی ٹیم کو خوش آئند قراردیا ہے۔

    کراچی کنگز کے مالک سلمان اقبال نے اپنے پیغام میں کہا ہے کہ کراچی والوں یہ شہر ہمارا ہے، اس کو اجاگر کرنا ہے، کراچی والوں دنیا کو بتانا ہے کراچی کی رونقیں واپس آرہی ہیں اور ہر کراچی والا کپتان ہے۔

    کراچی کنگز کی ٹیم کیلئے دیگر رہنماؤں نے نیک خواہشات کا اظہار کرتے ہوئے کراچی کی ٹیم کی جیت کے یقین کا اظہار کیا ہے۔

  • نیشنل اسٹیڈیم میں کراچی کنگزکی تعارفی تقریب، کھلاڑیوں کا والہانہ استقبال

    نیشنل اسٹیڈیم میں کراچی کنگزکی تعارفی تقریب، کھلاڑیوں کا والہانہ استقبال

    کراچی : نیشنل اسٹیڈیم کراچی میں پی ایس ایل کی کراچی کنگز کی ٹیم کی تعارفی تقریب کا اہتمام کیا گیا، اس موقع پر اہلیان کراچی کا جذبہ قابل دید تھا۔

    تقریب میں شرکت کیلئے چوہدری عبدالجلیل المعروف چاچا کرکٹ بھی خاص طور سے کراچی تشریف لائے، اور انہوں نے اے آر وائی سے گفتگو کرتے ہوئے کراچی کنگز کی فتح اور اس کیلئے نیک خواہشات کا اظہار کیا۔

    اسٹیڈیم شائقین سے کھچا کھچ بھرا ہوا تھا ، جس میں خواتین اور بچوں کی بہت بڑی تعداد موجود تھی، اسٹیڈیم میں اے آر وائی گروپ کے سی ای او سلمان اقبال داخل ہوئے تو اسٹیڈیم میں موجود حاضرین نے ان کا بھرپور استقبال کیا۔

    اس موقع پر گورنرسندھ عشرت العباد، ڈی جی رینجرز میجر بلال اکبر، کراچی کے نامزد میئر ایم کیوایم کے رہنما وسیم اختر، تحریک انصاف کے فیصل واوڈا کے علاوہ دیگر اہم شخصیات بھی موجود تھیں۔

    فیصل واوڈا نے کراچی کنگز کی جرسی زیب تن کی ہوئی تھی، تقریب کا آغاز تلاوت کلام پاک سے کیا گیا۔ تقریب کی کمپیئرنگ کے فرائض معروف اداکار فہد مصطفیٰ نے انجام دیئے۔

    اس کے بعد قومی ترانہ پیش کیا گیا، جسے حاضرین نے عقیدت و احترام کے ساتھ کھڑے ہو کر سنا، معروف گلوکار علی عظمت نے کراچی کنگز کا ترانہ پیش کیا۔

     اے آر وائی گروپ کے سی ای او سلمان اقبال نے اپنے خطاب میں کہا کہ یہ ایونٹ کراچی والوں کا ایونٹ ہے۔ اور ٹیم صرف اے آر وائی کی نہیں پوری کراچی کی ٹیم ہے۔

    کراچی کنگز کے مالک سلمان اقبال نے کہا کہ کراچی والوں یہ شہر ہمارا ہے، ہمیں اس کو اجاگر کرنا ہے، کراچی والوں دنیا کو بتانا ہے کہ کراچی کی رونقیں واپس آرہی ہیں اور ہر کراچی والا کپتان ہے۔

    انہوں نے کہا کہ مجھے اس شہر کی محبت نے ٹیم خریدنے پر مجبور کیا، اور آج میں بہت  اپنے  خوش ہوں کہ میں نےشہر کیلئے کچھ کیا۔

     انہوں نے سیکیورٹی کے بہترین انتظامات پر گورنر سندھ ڈاکٹر عشرت العباد ، ڈی جی رینجرز ، ایڈیشنل آئی جی کا خصوصی طور پر شکریہ ادا کیا۔

    تقریب سے خطاب کرتے ہوئے گورنرسندھ عشرت العباد نے کہا کہ میں اس ایونٹ پر کراچی کے تمام شہریوں کو مبارک باد پیش کرتا ہوں ۔

    انہوں نے کہا کہ اے آر وائی گروپ کے سی ای او سلمان اقبال کا خصوصی طور پر شکریہ ادا کرتا ہوں کہ انہوں نے اس شاندار تقریب کا اہتمام کیا۔

    اس موقع پر ڈاکٹر عشرت العباد نے گٹٓار پر قومی ترانے کی کوبصورت دھن پیش کرکے سماں باندھ دیا، جسے حاضرین نے بے حد سراہا۔

    کراچی کنگزکی لانچنگ تقریب میں شہری لسانی و مسلکی تفریق سے بالاتر ہوکر سب پاکستانی اور کراچی والے نظر آئے۔

    کراچی کنگز کی لانچنگ تقریب کو سیاست اور شوبز سے تعلق رکھنے والی شخصیات نے شہر قائد کیلئے تحفہ قرار دیا۔

    جنوری کی سرد شام میں ہونے والی پرجوش تقریب نے نیشنل اسٹیڈیم کو جگ مگا دیا۔ ایونٹ میں شریک مختلف سیاسی رہنماؤں نے اے آر وائی اور کراچی کنگز ٹیم کو شاندار الفاظ میں خراج تحسین پیش کیا۔

    نامزد مئیر کراچی وسیم اختر اور کراچی کے نامزد ڈپٹی مئیر ارشد وہرہ کا کہنا تھا کہ کراچی کے شہری اپنی ٹیم کو مکمل سپورٹ کریں گے۔

    مشہور زمانہ کامیڈین عمر شریف نے کہا کہ عوام کا جذبہ دیکھ کر 1980 اور 1990 کاکراچی یاد آ رہا ہے۔

    پی ٹی آئی کے رہنما فیصل واوڈا نے کہا کہ کراچی کنگز کے کھلاڑی اپنے لوگو یعنی شیر معروف شخصیات کا کراچی کنگز اور اے آر وائی کو خراج تحسین پیش کرتا ہوں۔

    بعد ازاں کراچی کنگز کے کھلاڑیوں کو اسٹیج پر مدعو کیا گیا، ٹیم کے کپتان شعیب ملک نے اپنے خیالات کا اظہار کرتے ہوئے کراچی کے شہریوں کا شکریہ ادا کیا، اور پی ایس ایل میں اپنی ٹیم کی بہتر کارکردگی کے عزم کو دہرایا۔

    کراچی کنگز کی شاندار تعارفی تقریب میں علی عظمت ،فاخر، اور علی حیدر، سلیم جاوید ، شازیہ خشک ، حسن جہانگیر سمیت دیگر نامور گلوکاروں نے اپنے فن کا مظاہرہ کیا، جس نے حاضرین کو جھومنے پر مجبور کردیا۔

  • ڈاکٹرعشرت العباد سے اے آر وائی کے سی ای او سلمان اقبال کی ملاقات

    ڈاکٹرعشرت العباد سے اے آر وائی کے سی ای او سلمان اقبال کی ملاقات

    کراچی : گورنر سندھ ڈاکٹر ڈاکٹر عشرت العباد نے کہا ہے کہ پاکستان کرکٹ بورڈ (پی سی بی) پاکستان سپر لیگ کے میچز کراچی میں منعقد کرائے، اس کیلئے بھرپور سیکیورٹی فراہم کریں گے.

    ان خیالات کا اظہار انہوں نے کراچی میں گورنر ہاؤس میں اے آر وائی کے صدر اور سی ای او سلمان اقبال سے ملاقات کے بعد اے آر وائی نیوز سے خصوصی گفتگو کرتے ہوئےکیا.

    اس موقع پرانہوں نے پی ایس ایل کی کراچی کی ٹیم کراچی کنگز کی جرسی زیب تن کی ہوئی تھی، ڈاکٹر عشرت العباد نے کہا کہ کراچی کے حالات کرکٹ کیلئے انتہائی ساز گار ہیں، کراچی کنگز کی ٹیم کو نیشنل اسٹیڈیم میں بھی کھیلنا چاہیئے۔

    گورنر سندھ ڈاکٹر عشرت العباد خان کا کہنا تھا کہ وہ کراچی کنگز کو سپورٹ کرتے ہیں، ان کا کہنا تھا کہ کراچی کنگز کو کراچی اور سندھ کی عوام بھی سپورٹ کریں گے۔

    کراچی پاکستان کا دل ہے، اس سے یہاں کی رونقوں میں اضافہ ہوگا، گورنر سندھ کا کہنا تھا کہ کراچی میں کرکٹ کے فروغ کیلئے پرعزم ہیں۔

    انہوں نے کہا کہ کراچی کے لوگ اس قسم کی سرگرمیوں کیلئے ترس گئے ہیں، اگر پی سی بی کرکٹ مییچز کا انعقاد کراچی میں کرے گا تو میں یقین دلاتا ہوں کہ ہر قسم کا مکمل تحفظ فراہم کیا جائے گا ۔

     

     

  • ثانیہ اچھا کھیلے تومجھ پربھی اچھا کھیلنے کا دباؤ ہوتا ہے، شعیب ملک

    ثانیہ اچھا کھیلے تومجھ پربھی اچھا کھیلنے کا دباؤ ہوتا ہے، شعیب ملک

    لاہور: دورہ زمبابوے کے لئے قومی کرکٹرز کے تربیتی کیمپ کا آغاز ہوگیا،سابق کپتان شعیب ملک کہتے ہیں زمبابوے سے سیریز آئندہ سال ہونے والے ورلڈ ٹی ٹوئنٹی کی تیاریوں میں اہم ثابت ہوگی۔

    قذافی اسٹیڈیم لاہور میں ہیڈ کوچ وقار یونس کی نگرانی ٹریننگ کیمپ شروع ہوگیا،ون ڈے ٹیم کے کپتان اظہر علی، سرفراز اور اسد شفیق حج کی سعادت کے باعث کیمپ کا حصہ نہیں ہیں،کھلاڑی کیمپ کے دوران فٹنس اور فیلڈنگ پر خصوصی توجہ دے رہے ہیں۔

    اس موقع پر سابق کپتان شعیب ملک کا کہنا تھا کہ ٹی ٹوئنٹی ٹورنامنٹ سے نئے کھلاڑی سامنے آرہے ہیں، زمبابوے کے لئے متوازن ٹیم منتخب ہوئی ہے، ورلڈ ٹی ٹوئنٹی سے پہلے میچ ملنا خوش آئند ہے۔

     شعیب ملک کا کہنا تھا کہ ثانیہ اچھا کھیلتی ہیں تو ان پر بھی کچھ کردکھانے کے لئے دباؤ ہوتا ہے، قومی ٹیم کا تربیتی کیمپ بیس ستمبر تک جاری رہے گا،گرین شرٹس دورہ زمبابوے کا آغاز ستائیس ستمبر کو ہرارے میں کھیلے جانےوالے ٹی ٹوئنٹی سے کریں گے۔

  • بگ تھری کی سپورٹ بھارت کیخلاف سیریز کھیلنے کی وجہ سے کیا تھا، شہریارخان

    بگ تھری کی سپورٹ بھارت کیخلاف سیریز کھیلنے کی وجہ سے کیا تھا، شہریارخان

    لاہور: چیئرمین پی سی بی شہریارخان کا کہنا ہے کہ بگ تھری کی سپورٹ بھارت کیخلاف سیریز کھیلنے کی وجہ سے کیاتھا، یہ کہنا غلط ہوگا کہ بگ تھری کی سپورٹ کا مقصد ختم ہوگیا۔

    شہریارخان نے کہا ہے کہ بھارت سے کرکٹ بحالی کی وجہ سے بگ تھری کی حمایت کی، پڑوسی ملک کےساتھ سیریز کیلئے ایم او یو پر دستخط ہوئے لیکن باضابطہ معاہدہ نہیں ہوا، ابھی یہ نہیں کہا جاسکتا کہ بھارت نے دھوکا دیا۔

    چیئرمین پی سی بی کا کہنا تھا کہ پاک بھارت سیریز میں کم و بیش تین ماہ کا عرصہ باقی ہے،بھارتی بورڈمسلسل رابطوں کے باوجود ٹال مٹول سے کام لے رہا ہے۔

    ان کا کہنا تھا کہ سیریز کا باضابطہ اعلان اور نہ ہی کھیلنے سے انکارکیاہے ،کرکٹ بورڈ بھی بی سی سی آئی کو دی جانے والی چٹھی کے انتظار میں ہے۔

  • کراچی میں وسیم اکرم کی گاڑی پرفائرنگ کا مقدمہ درج

    کراچی میں وسیم اکرم کی گاڑی پرفائرنگ کا مقدمہ درج

    کراچی: پاکستان کے مایہ نازسابق فاسٹ باؤلر وسیم اکرم کی گاڑی پرفائرنگ کا واقعہ پیش آیا ہے۔

    تفصیلات کے مطابق سابق فاسٹ باؤلر وسیم اکرم ان دنوں فاسٹ باؤلرز کی ٹریننگ کے سلسلے میں کراچی میں موجود ہیں۔

    سابق فاسٹ باؤلرکی گاڑی پرکارساز کے نزدیک فائرنگ کا واقعہ پیش آیا ہے، وسیم اکرم اس واقعے میں محفوظ رہے ہیں۔

    پولیس کے مطابق 15 پر ایک کال موصول ہوئی ہے جس میں پولیس کو اطلاع دی گئی ہے کہ وسیم اکرم کی گاڑی پر فائرنگ کی گئی ہے۔

    فائرنگ کے واقعے نتیجے میں دو گاڑیاں بھی آپس میں ٹکرا گئیں لیکن کسی قسم کا کوئی جانی نقصان نہیں ہوا۔

    وسیم اکرم گھر سے نیشنل اسٹیڈیم آرہے تھے کہ یہ واقعہ پیش آیا اس وقت سابق کپتان اور فاسٹ باؤلر نیشنل اسٹیڈیم میں موجود ہیں اورمحفوظ ہیں۔

    تازہ ترین اطلاعات کے مطابق وسیم اکرم نے ڈی آئی جی ایسٹ کے دفتر پہنچ کر شکایات درج کرائی ، ان کا کہنا تھا کہ گاڑی کو پہلے ٹکر ماری اور پھر فائرنگ کی آواز آئی۔ ڈی آئی جی ایسٹ نے وسیم اکرم کو یقین دہانی کرائی کہ واقعے کی تحقیقات کریں گے، انہوں نے وسیم اکرم کو مکمل سیکورٹی دی جائے گی ۔

    وسیم اکرم نے پولیس کو گاڑی کا نمبر بھی نوٹ کرادیا ہے، مذکورہ گاڑی عذیر احمد کے نام رجسٹرڈ ہے، یہ ہنڈا سوک 2002 ماڈل ہے، جس کا رجسٹریشن نمبراے ای جی  061 ہے، پولیس نے وسیم اکرم کی مدعیت میں مقدمہ درج کر لیا ہے۔

    پولیس حکام کا کہنا ہے کہ  گاری کی ٹکر کے بعد تلخ کلامی ہوئی جس کے بعد ایک فریق نے فائرنگ کردی جس سے موجودہ صورتحال پیدا ہوئی ،وسیم اکرم کی گاڑی پر فائرنگ کا واقعہ لوٹ مار یا ٹارگٹڈ نہیں ہے۔

    بعد ازاں میہڈیا سے بات چیت کرتے ہوئے وسیم اکرم نے کہا کہ اس طرح کے روڈ ریج کے واقعات دیگر ممالک میں بھی ہوتے ہیں۔ اس میں سیکیورٹی کا کوئی قصور نہیں ہے، انہوں نے کہا  نوجوانوں میں تحمل مزاجی  کم ہوتی ہے۔

    سوئنگ کے سلطان وسیم اکرم کی گاڑی پر فائرنگ کا واقعے کے بعد انہوں نے میڈیا سے گفتگو کرتے ہوئے فائرنگ کرنے والے کو چیلنج کرتے ہوئے کہا کہ مقابلہ کرنا ہے تو ہاتھ پاؤں سے کرو۔

    انہوں نے کہا کہ ایسے واقعات دنیابھر میں ہوتے ہیں، گاڑی کی ٹکرہوتوبات کی جاتی ہےگولی نہیں چلائی جاتی، ان کا کہنا تھا کہ کیمپ میں شرکت کیلئے اسٹیڈیم آرہا تھا،پیچھےسےآنےوالی گاڑی نے میری گاڑی کو ٹکر ماری۔

    حملہ آور کی گاڑی میں تین افراد سوارتھے ، گاڑی کے مالک نے پستول کا رخ میری طرف کیا، جب انہیں معلوم ہوا کہ میں وسیم اکرم ہوں توگاڑی کے ٹائر  کے پاس فائرکیا۔

    انہوں نے کہا کہ واقعے کے خلاف قانونی چارہ جوئی کرتے ہوئے ایف آئی آر درج کرا دی ہے۔

    علاوہ ازیں تحریک انصاف کے چیئرمین عمران خان نے وسیم اکرم پر حملے کی مذمت کی ہے جبکہ شاہد آفریدی کا کہنا ہے اللہ تعالیٰ وسیم اکرم کو اپنی حفاظت میں رکھے ۔ گورنرسندھ عشرت العباد نے بھی وسیم اکرم پر حملے کا نوٹس لے لیا ہے۔

    تازہ ترین اطلاعات کے مطابق وسیم اکرم کی گاڑی پر فائرنگ کرنے والے ملزم کے گھر پر پولیس نے چھاپہ مار کر گاڑی کو تحویل میں لے کر ایک شخص کو حراست میں لیا ہے۔

    پولیس حکام کا کہنا ہے کہ برآمد ہونے والی گاڑی کا نمبر تو وہی ہے مگر جو کلر وسیم اکرم نے بتایا تھا مذکورہ گاڑی اس کلر کی نہیں ہے، اور گاڑی پر موجود گرد وغبار سے یہ ظاہر ہورہا ہے کہ یہ گاڑی کافی عرصے سے گھر میں ہی کھڑی ہے۔ مزید تحقیقات جاری ہیں۔

    اطلاعات کے مطابق وسیم اکرم کی گاڑی پر فائرنگ کا معاملہ پیچیدہ صورت اختیار کر گیا ہے، پولیس نے پکڑے جانے والےمشتبہ ملزم اور اس کی گاڑی کو کلیئر قرار دے کرچھوڑ دیا ہے۔