Tag: Naval Chief

  • نیول چیف کا کریکس اور کوسٹل ایریا میں بحریہ کی تنصیبات کا دورہ

    نیول چیف کا کریکس اور کوسٹل ایریا میں بحریہ کی تنصیبات کا دورہ

    کراچی: پاک بحریہ کے سربراہ ایڈمرل ظفر محمود عباسی نے کریکس اور کوسٹل ایریا میں بحریہ کی تنصیبات کا دورہ کیا، انہوں نے پاک بحریہ کی آپریشنل تیاریوں پر اطمینان کا اظہار کیا۔

    تفصیلات کے مطابق پاک بحریہ کے سربراہ ایڈمرل ظفر محمود عباسی نے کریکس اور کوسٹل ایریا میں بحریہ کی تنصیبات کا دورہ کیا۔ نیول چیف نے اسپیشل سروس آپریشنل ٹریننگ سینٹر کا افتتاح کیا۔

    ترجمان پاک بحریہ کے مطابق مذکورہ سینٹر تربیت کے ساتھ انسداد دہشت گردی کی جدید تربیت بھی فراہم کرے گا، سینٹر میں دوست ممالک کے اہلکار بھی تربیت حاصل کرسکیں گے۔ سینٹر کے قیام سے انسداد دہشت گردی کے آپریشنز میں اضافہ ہوگا۔

    ترجمان کا کہنا ہے کہ نیول چیف نے یو اے وی لانچنگ سائٹ کا دورہ بھی کیا، نیول چیف کو لانچنگ سائٹ پر یو اے وی سسٹم پر بریفنگ دی گئی۔ نیول چیف نے پاک بحریہ کی آپریشنل تیاریوں پر اطمینان کا اظہار کیا۔

    نیول چیف نے کلین اینڈ گرین پاکستان مہم کے تحت پودا بھی لگایا۔

  • نیول چیف ایڈمرل ظفر محمود عباسی کا متحدہ عرب امارات کا دورہ

    نیول چیف ایڈمرل ظفر محمود عباسی کا متحدہ عرب امارات کا دورہ

    کراچی: پاک بحریہ کے سربراہ ایڈمرل ظفر محمود عباسی نے متحدہ عرب امارات کا دورہ کیا۔ دورے کے دوران وہ نیول فورسز یونٹ اورگن ٹاؤٹ نیول بیس بھی گئے۔

    تفصیلات کے مطابق پاک بحریہ کے ترجمان کا کہنا ہے کہ پاک بحریہ کے سربراہ ایڈمرل ظفر محمود عباسی نے متحدہ عرب امارات کا سرکاری دورہ کیا۔ دورے کے دوران نیول چیف نے ابو ظہبی شپ بلڈنگ یارڈ کا دورہ کیا۔

    ابو ظہبی شپ بلڈنگ یارڈ آمد پر چیئرمین شپ یارڈ نے نیول چیف کا گرمجوشی سے استقبال کیا۔ نیول چیف کو شپ بلڈنگ یارڈ میں جہازوں کی تعمیر اور دیگر سہولیات پر بریفنگ دی گئی۔

    ترجمان کے مطابق نیول چیف نے نیول فورسز یونٹ اورگن ٹاؤٹ نیول بیس کا دورہ بھی کیا اور ان یونٹس کے سربراہان سے ملاقاتیں کیں۔ ملاقاتوں کے دوران باہمی دلچسپی کے امور اور دو طرفہ بحری تعاون پر تبادلہ خیال کیا گیا۔

    دورے کے اختتام پر نیول چیف نے یادگار شہدا پر پھولوں کی چادر بھی چڑھائی۔

    ترجمان پاک بحریہ کا کہنا ہے کہ نیول چیف کا یہ دورہ دونوں مممالک میں بالعموم اور بحری افواج کے درمیان باالخصوص باہمی تعلقات کے فروغ کا باعث بنے گا۔

  • نیول چیف سے کمانڈر کمبائنڈ میری ٹائم فورس کی ملاقات

    نیول چیف سے کمانڈر کمبائنڈ میری ٹائم فورس کی ملاقات

    اسلام آباد: پاک بحریہ کے سربراہ ایڈمرل ظفر محمود عباسی سے کمانڈر یو ایس نیو سینٹ، کمانڈر کمبائنڈ میری ٹائم فورس کی ملاقات ہوئی۔ نیول چیف نے امن مشق 19 میں شرکت پر کمانڈر کمبائنڈ میری ٹائم فورس کا شکریہ ادا کیا۔

    تفصیلات کے مطابق پاک بحریہ کے سربراہ ایڈمرل ظفر محمود عباسی سے کمانڈر یو ایس نیو سینٹ، کمانڈر کمبائنڈ میری ٹائم فورس کی ملاقات ہوئی۔

    ترجمان کا کہنا ہے کہ ملاقات میں باہمی دلچسپی کے امور اور دو طرفہ بحری تعاون اور بحر ہند میں سیکیورٹی صورتحال پر تبادلہ خیال ہوا۔ نیول چیف نے امن مشق 19 میں شرکت پر کمانڈر کمبائنڈ میری ٹائم فورس کا شکریہ ادا کیا۔

    ترجمان کے مطابق پاک بحریہ 2004 سے کمبائنڈ میری ٹائم فورس کا حصہ ہے، پاک بحریہ ٹاسک فورس 150 کی 11 بار کمانڈ کر چکی ہے جبکہ پاک بحریہ ٹاسک فورس 151 کی 8 بار کمانڈ کر چکی ہے۔

    ترجمان کا کہنا ہے کہ ٹاسک فورس 150 کی موجودہ کمانڈ پاک بحریہ کے پاس ہے۔

    خیال رہے گزشتہ روز نیول چیف نے ایک تقریب سے خطاب کرتے ہوئے کہا تھا کہ پاک بحریہ کو نا قابل تسخیر فورس بنانے کے لیے کام کر رہے ہیں، میری ٹائم سیکیورٹی چیلنجز سے نمٹنے کے لیے تیار ہے۔

    انہوں نے کہا تھا کہ پاکستان کے پاس بیش بہا بحری وسائل موجود ہیں۔ بحری وسائل استعمال کر کے ملکی معیشت کو مضبوط کیا جا سکتا ہے۔

  • پاک بحریہ کو نا قابل تسخیر بنانے کے لیے کام کر رہے ہیں: نیول چیف

    پاک بحریہ کو نا قابل تسخیر بنانے کے لیے کام کر رہے ہیں: نیول چیف

    اسلام آباد: پاک بحریہ کے سربراہ ایڈمرل ظفر محمود عباسی کا کہنا ہے کہ پاک بحریہ کو نا قابل تسخیر فورس بنانے کے لیے کام کر رہے ہیں، میری ٹائم سیکیورٹی چیلنجز سے نمٹنے کے لیے تیار ہے۔

    تفصیلات کے مطابق پاک بحریہ کے سربراہ ایڈمرل ظفر محمود عباسی نے اسلام آباد کی نیشنل ڈیفنس یونیورسٹی میں تقریب میں شرکت کی۔ ترجمان بحریہ کے مطابق سربراہ پاک بحریہ نے کورس کے شرکا اور فیکلٹی ممبران سے خطاب کیا۔

    اپنے خطاب میں نیول چیف نے پاکستان بحریہ سے متعلق وژن پر روشنی ڈالی اور پاکستان نیوی کے جاری منصوبوں پر تفصیل سے آگاہی دی۔

    نیول چیف کا کہنا تھا کہ پاک بحریہ کو نا قابل تسخیر فورس بنانے کے لیے کام کر رہے ہیں، میری ٹائم سیکیورٹی چیلنجز سے نمٹنے کے لیے تیار ہے، سی پیک اور گوادر بندر گاہ سے بے پناہ سمندری وسائل جڑے ہیں۔

    انہوں نے کہا کہ سی پیک سے ہمیں من حیث القوم استفادے کی ضرورت ہے، وسائل کے حصول اور دنیا پر اپنی بالا دستی قائم کرنے کے لیے ملکوں کے درمیان نئی صف بندیاں ہو رہی ہیں۔ پاکستان کے پاس بیش بہا بحری وسائل موجود ہیں۔ بحری وسائل استعمال کر کے ملکی معیشت کو مضبوط کیا جا سکتا ہے۔

    نیول چیف نے کورس کے شرکا کو تاکید کی کہ وہ اپنے مستقبل کی حکمت عملی کے لیے رہنمائی اسلام اور نظریہ پاکستان سے حاصل کریں۔ ’آفیسرز کو چاہیئے کہ وہ اپنے پیشہ وارانہ علم کو قرآن و سنت کی روشنی میں بروئے کار لاتے ہوئے مستقبل کے چیلنجز کا مقابلہ کریں‘۔

  • سمندری وسائل کے دیرپا استعمال اور بقا کیلئے اپنےعزم کا اعادہ کرتے ہیں، نیول چیف

    سمندری وسائل کے دیرپا استعمال اور بقا کیلئے اپنےعزم کا اعادہ کرتے ہیں، نیول چیف

    اسلام آباد : نیول چیف ایڈمرل ظفر محمود عباسی نےسمندروں کےعالمی دن کے موقع پر اپنے پیغام میں کہاکہ ہم سمندری وسائل کے دیرپا استعمال اور بقا کے لیے اپنے عزم کا اعادہ کرتے ہیں۔

    تفصیلات کے مطابق پاک بحریہ اقوام عالم کے ساتھ آج سمندروں کا عالمی دن منا رہی ہے، سمندروں کے عالمی دن کے لیے اقوام متحدہ کا منتخب موضوع "صنف اورسمندر ” ہے۔

    نیول چیف ایڈمرل ظفر محمود عباسی نے سمندروں کے عالمی دن پر پیغام میں کہا سمندروں سے جڑی معیشت میں خواتین کا کردار اہم ہے، سمندری وسا ئل کے دیرپا استعمال اور بقا کے لیے اپنے عزم کا اعادہ کرتے ہیں۔

    ترجمان پاک بحریہ نے کہا دن کو منانے کا مقصداس شعبےمیں خواتین کےکردارکی حوصلہ افزائی ، سمندروں کی اہمیت کو اجاگر کرنا اور انسانی سرگرمیوں کے سمندر  پراثرات سےعالمی برادری کوروشناس کرانا ہے۔

    ترجمان کا کہنا تھا سمندری وسائل کے دیرپا استعمال کےفروغ میں مرکزی کردار ادا کر رہے ہیں۔

    ساحل کی صفائی، سمندری وسائل سے آگاہی کے لیے واک اورسیمینارزکیے جارہے ہیں جبکہ سمندر اور سمندری وسائل سے آگاہی کے لیے پاک بحریہ نے مختصر ویڈیو بھی ریلیز کی ہے۔

    خیال رہے سمندروں کاعالمی دن 1992 میں ریوڈی جینرو میں ہونے والی زمین کے نام سے منعقد کی جانے والی کانفرنس سے منانے کا آغاز ہوا جبکہ یہ دن اقوام متحدہ کے تحت 2008 سے ہرسال سمندر کے تحفظ کا شعوراجاگر کرنے کے لئے منایا جاتا ہے۔

  • سربراہ پاک بحریہ کا چینی شپ یارڈز کا دورہ

    سربراہ پاک بحریہ کا چینی شپ یارڈز کا دورہ

    بیجنگ: سربراہ پاک بحریہ ایڈمرل ظفر محمود عباسی نے چین میں پاک بحریہ کے جہازوں کی تیاری کے جائزے کے لیے چینی شپ یارڈز کا دورہ کیا جہاں انہیں مختلف جہاز سازی کی سہولیات پر بریفنگ دی گئی۔

    تفصیلات کے مطابق ترجمان پاک بحریہ کا کہنا ہے کہ سربراہ پاک بحریہ ایڈمرل ظفر محمود عباسی نے چین میں پاک بحریہ کے جہازوں کی تیاری کے جائزے کے لیے چینی شپ یارڈز کا دورہ کیا۔

    ترجمان کے مطابق دورے کے دوران نیول چیف نے شنگھائی میں ہڈونگ ژانگوا شپ یارڈ اور ووہان میں شوانگ لیو کنسٹرکشن بیس کا دورہ کیا۔ نیول چیف کو شپ یارڈ اور کنسٹرکشن بیس پر موجود مختلف جہاز سازی کی سہولیات پر تفصیلی بریفنگ دی گئی۔

    اس دوران نیول چیف نے شپ یارڈ اور کنسٹرکشن بیس کے مختلف حصوں کا دورہ کیا اور پاک بحریہ کے لیے تعمیر کیے جانے والے پلیٹ فارمز کا جائزہ لیا۔ بعد ازاں نیول چیف نے چین میں مختلف جہاز ساز کمپنیوں کے سربراہان سے بھی ملاقاتیں کیں۔

    ملاقاتوں کے دوران پاک بحریہ کے چین میں جاری پروجیکٹس اور مزید باہمی اشتراک کے متعلق امور پر تبادلہ خیال کیا گیا۔

    ترجمان کا کہنا ہے کہ نیول چیف نے چین کے ان اداروں کی پیشہ وارانہ مہارتوں اور قابل تحسین کاوشوں کو سراہا۔

    ترجمان کے مطابق نیول چیف کا چینی شپ یارڈ کا دورہ پاک بحریہ کی تکنیکی صلاحیتوں میں فروغ کا باعث بنے گا۔

    خیال رہے کہ نیول چیف آج کل چین کے دورہ پر ہیں جہاں 2 روز قبل انہوں نے چینی بحریہ کی 70 سالہ تقریبات میں شرکت کی، تقریب میں نیول چیف نے ہائی لیول سمپوزیم میں خصوصی خطاب بھی کیا تھا۔

  • سربراہ پاک بحریہ کی چینی بحریہ کی 70 سالہ تقریبات میں شرکت

    سربراہ پاک بحریہ کی چینی بحریہ کی 70 سالہ تقریبات میں شرکت

    کراچی: پاک بحریہ کے سربراہ ایڈمرل ظفر محمود عباسی نے چینی بحریہ کی 70 سالہ تقریبات میں شرکت کی، انہوں نے چین کی بحریہ کے 70 سال مکمل ہونے پر مبارکباد پیش کی۔

    تفصیلات کے مطابق ترجمان پاک بحریہ کا کہنا ہے کہ چینی بحریہ کی 70 سالہ تقریبات میں پاک بحریہ کے سربراہ ایڈمرل ظفر محمود عباسی نے شرکت کی جہاں انہوں نے ہائی لیول سمپوزیم میں خصوصی خطاب کیا۔

    ترجمان کے مطابق امیر البحر نے ہائی لیول سمپوزیم میں جاپان، ایران، جبوتی، مراکش اور پولینڈ کی بحریہ کے سربراہان سے بھی ملاقاتیں کیں۔ خطاب کے دوران نیول چیف نے چین کی بحریہ کے 70 سال اور قدیم چینی تہذیب کے 5 ہزار سال مکمل ہونے پر مبارکباد پیش کی۔

    پاک بحریہ کے سربراہ نے عالمی امن و استحکام کے لیے اور انٹرنیشنل سمپوزیم کے ذریعے باہمی بحری اشتراک میں چین کے کردار کو سراہا۔ انہوں نے سی ایم ایف اور ریجنل میری ٹائم سیکیورٹی پیٹرولز کے تحت بحری امن و استحکام کو برقرار رکھنے میں پاک بحریہ کے کردار پر بھی روشنی ڈالی۔

    سربراہ پاک بحریہ کا کہنا تھا کہ بحر ہند میں حالیہ ریجنل میری ٹائم سیکیورٹی پیٹرول خطے میں پاک بحریہ کی امن و استحکام برقرار رکھنے کی کاوشوں کا مظہر ہے۔

    اس موقع پر چائنیز نیول چیف نے خصوصی طور پر پاک بحریہ کے سربراہ کے اعزاز میں ظہرانہ دیا۔ نیول چیف نے چیئرمین سی ایس آئی سی ہوون منگ سے بھی غیر رسمی ملاقات کی۔

  • نیول چیف سے چین کے سفیر کی ملاقات

    نیول چیف سے چین کے سفیر کی ملاقات

    اسلام آباد: پاک بحریہ کے سربراہ ظفر محمود عباسی سے چین کے سفیر یاؤ ژنگ نے ملاقات کی، ملاقات میں باہمی دلچسپی اور پاک چین اقتصادی راہداری (سی پیک) کے میری ٹائم سیکیورٹی سے متعلق امور پر گفتگو کی گئی۔

    تفصیلات کے مطابق ترجمان پاک بحریہ کا کہنا ہے کہ نیول چیف ظفر محمود عباسی سے چین کے سفیر یاؤ ژنگ نے ملاقات کی۔ ملاقات میں پاک چین بحری دفاعی تعاون اور خطے کی سیکیورٹی صورتحال پر بات چیت ہوئی۔

    ملاقات میں پاک چین اقتصادی راہداری (سی پیک) کے میری ٹائم سیکیورٹی سے متعلق امور پر بھی بات چیت ہوئی۔ نیول چیف نے خطے کی بحری سیکیورٹی میں پاک بحریہ کے کردار پر روشنی ڈالی۔

    چینی سفیر نے پاک بحریہ کی خطے میں سیکیورٹی استحکام کی کاوشوں کو سراہا۔

    اس سے قبل گزشتہ ماہ آرمی چیف جنرل قمر جاوید باجوہ سے بھی چینی سفیر نے ملاقات کی تھی۔ ملاقات میں باہمی دلچسپی کے امور اور علاقائی صورتحال پر بات چیت کی گئی۔

    اس موقع پر دو طرفہ تعلقات میں مزید بہتری پر زور دیا گیا اور دونوں ملکوں کے درمیان باہمی اعتماد پر اتفاق کیا گیا۔

  • نیول چیف ایڈمرل ظفر محمود عباسی نے پاک بحریہ کی مشق ” سی اسپارک "2018 کا جائزہ لیا

    نیول چیف ایڈمرل ظفر محمود عباسی نے پاک بحریہ کی مشق ” سی اسپارک "2018 کا جائزہ لیا

    کراچی : پاک بحریہ کی مشق ” سی سپارک "2018 جاری ہیں، نیول چیف نے ساحلی علاقوں کا دورہ کیا اس موقع پر انہوں نے  آپریشنل تیاریوں اور میزائل فائرنگ کا جائزہ لیا۔

    تفصیلات کے مطابق پاک بحریہ کی بحری مشق ” سی اسپارک2018 "میں شامل دستوں کی آپریشنل تیاریوں کا جائزہ لینے کے لئے چیف آف دی نیول اسٹاف ایڈمرل ظفر محمود عباسی نے مکران کوسٹ پرگوادر، تربت اور جناح نیول بیس اورمارہ میں قائم پا ک بحریہ کی تنصیبات کا دورہ کیا۔

    چیف آف دی نیول اسٹاف گوادر میں ہیڈ کوارٹر کمانڈر ویسٹ پہنچے جو ٹاسک فورس 88 کے ذریعے پاک چین اقتصادی راہداری میں ریڑھ کی ہڈی کی حیثیت رکھنے والی گوادر پورٹ کی حفاظت کے ساتھ ساتھ پاکستان نیوی کے بحری جہازوں کو لاجسٹک اسپورٹ فراہم کرنے کا ذمّہ دار ہے۔

    نیول چیف کی گوادر آمد پر کمانڈر کوسٹ رئیر ایڈمرل معظم الیاس اور ڈپٹی چیف آف نیول اسٹاف (آپریشنز)ریئر ایڈمرل فیصل رسول لودھی نے ان کاخیر مقدم کیا۔

    نیول چیف کو مغربی ساحل اور گوادر پورٹ کی حفاظت کے لئے پاک بحریہ کے آپریشنل یو نٹس کی تعیناتی اور فضائی خطرے سے نمٹنے کے لئے پاک بحریہ کی دفاعی صلاحیت پر تفصیلی بریفنگ دی گئی۔

    بعد ازاں چیف آف دی نیول اسٹاف نے زمین سے فضاء میں مار کرنے والے تین مختلف قسم کے میزائلوں کی فائرنگ کا مشاہدہ کیا۔ نیول چیف نے گوادر فری زون کاروباری مرکز کا بھی دورہ کیا۔

    چینی حکام کے ساتھ ملاقات میں انہوں نے کہا کہ پاکستان نیوی گوادر پورٹ کی ہرطرح کے غیرروایتی حظرے سے حفاظت کے لئے پر عزم اور ہمہ وقت تیار ہے۔

    ان کا کہنا تھا کہ گوادر پاک چین اقتصادی راہ داری (سی پیک) کا مرکز ہے اور گوادر پورٹ کوعالمی تجارتی مراکز سے ملانے والے بحری راستے پاک چین اقتصادی راہ داری کا حصہ ہیں۔

    بعد ازاں چیف آف دی نیول اسٹاف نے تربت اور جناح نیول بیس اورماڑہ کا دورہ بھی کیا۔ تربت آمد پرکمانڈر پاکستان فلیٹ ریئر ایڈمرل محمد امجد نیازی نے چیف آف دی نیول اسٹاف کا استقبال کیا۔اس دوران تربت اور اورماڑہ کے ساحلی اسٹیشنز میں جاری آپریشنل سرگرمیوں کے بارے میں چیف آف دی نیول اسٹاف کو تفصیلی بریفنگ دی گئی۔

    چیف آف نیول اسٹاف نے مختلف اسٹیشنز پر افسروں اور جوانوں سے ملاقات بھی کی اور ان کی پیشہ ورانہ مہارت اور مادرِ وطن کے نا قابلِ تسخیر دفاع کے لیے ان کے عزم کو سراہا۔

    نیول چیف نے اس عزم کا اعادہ کیا کہ پاک بحریہ ملکی بحری سرحدوں اور قومی بحری مفادات کا دفاع ہر قیمت پرکرے گی۔ انہوں نے مزید کہا کے اگر دشمن نے کسی بھی جارحیت کا ارتکاب کیا تو اسے منہ توڑ جواب دیا جائے گا۔

  • پاکستان کا کوسٹل ایریا آنے والے وقت کا دبئی ہوگا: سربراہ پاک بحریہ

    پاکستان کا کوسٹل ایریا آنے والے وقت کا دبئی ہوگا: سربراہ پاک بحریہ

    لاہور: پاک بحریہ کے سربراہ ایڈمرل ظفر محمود عباسی کا کہنا ہے کہ پاکستان کا کوسٹل ایریا آنے والے وقت کا دبئی ہوگا۔ ملکی وسائل کا صحیح استعمال نہیں کیا جا رہا۔

    تفصیلات کے مطابق لاہور میں وزیر اعلیٰ پنجاب اور نیول چیف ایڈمرل ظفر محمود عباسی نے گوادر میں اسکول کی تعمیر پر مفاہمتی یاداشت پر دستخط کیے۔

    تقریب سے خطاب کرتے ہوئے سربراہ پاک بحریہ نے کہا کہ ضرورت ہے پاکستان کے وسائل کو بنیادی معیشت میں لایا جائے۔ وسائل شامل کر کے ہم اپنی جی ڈی پی کو دگنا اور سہ گنا کر سکتے ہیں۔

    نیول چیف نے کہا کہ میری ٹائم کی ترقی اور اسے بنیادی دھارے میں لانا ضروری ہے۔ ترقی یافتہ ممالک نے ترقی کا آغاز جہاز سازی سے کیا۔ ’ہم نے سنہ 1950 میں ایک شپ یارڈ بنایا وہ آج بھی کام کر رہا ہے‘۔

    انہوں نے کہا کہ ہمیں مزید ایک سے زیادہ شپ یارڈز کی ضرورت ہے۔

    نیول چیف کا کہنا تھا کہ ہمارے ملک میں ساحلی سیاحت کے بہت مواقع ہیں۔ میری ٹائم میں بہت پوٹینشل ہے اسے آگے لے جانے کی ضرورت ہے۔

    انہوں نے کہا کہ پاک بحریہ نے سوشل امپاورمنٹ کے لیے بھی بہت کام کیے ہیں۔

    نیول چیف کا کہنا تھا کہ صوبائی حکومت کے ساتھ مل کر کام کرتے رہیں گے۔ پاکستان کا کوسٹل ایریا آنے والے وقت کا دبئی ہوگا۔ ملکی وسائل کا صحیح استعمال نہیں کیا جا رہا۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔