Tag: naveed alam

لاہور: پاکستان ہاکی فیڈریشن کے ڈائریکٹر نوید عالم نے کہا ہے کہ ہاکی کو اس کے اصل مقام تک لانے کی کوشش کر رہے ہیں، پی ایچ ایف نے طے کر لیا ہے کہ اب گراس روٹ لیول پر کام کریں گے۔

ان خیالات کا اظہار انہوں نے لاہور میں پریس کانفرس کرتے ہوئے کیا، نوید عالم کا کہنا تھا کہ پچھلے دس سال میں ہم تیرویں پوزیشن پر آ گئے ہیں، پی ایچ ایف نیا فریم ورک تیار کررہی ہے، ایگزیکٹو بورڈ میں اب الیکشن ہوں گے اور سسٹم ایسا بنائیں گے کہ اگر کوئی فیڈریشن چھوڑ کر جائے تو کوئی فرق نہ پڑے۔

انہوں نے کہا کہ انٹر کلب ٹورنامنٹ فریم ورک میں شامل ہے، ہاکی کے ایک ہی دن میں الیکشن کرائیں گے، ابھی سخت فیصلے ہوں گے کسی کو ان سے مسئلہ ہوتا ہے تو ہوتا رہے اور اسکروٹنگ کے عمل بھی جلد مکمل کر لیا جائے گا۔

وزیراعظم کی ہدایت پر پاکستان ہاکی فیڈریشن کے آڈٹ کا آغاز

نوید عالم کا کہنا تھا کہ کوشش ہوگی رمضان سے پہلے تمام عمل کو مکمل کر لیا جائے تاکہ الیکشن جلد از جلد ہو جائیں، ہاکی والوں کی انفرادی لڑائیاں ہو سکتی ہیں لیکن اب مقابلہ ہوگا جس کے بعد بہترین نتائج سامنے آئیں گے۔

ان کا مزید کہنا تھا کہ گیم روکنے والے گیم کے کتنے خیر خواہ ہیں اس کا اندازہ ہو رہا ہے، آئین اور قوانین میں جو لکھا ہے اس کے اندر رہ کے پی ایچ ایف کام کرے گی، جو چیزیں کام خراب کر رہی ہیں انہیں جلد ٹھیک کر لیا جائے گا۔

پاکستان ہاکی فیڈریشن کو بیس کروڑ دس لاکھ روپے ہرجانے کا قانونی نوٹس

خیال رہے کہ گذشتہ دنوں پاکستان ہاکی فیڈریشن کی جانب سے قومی ہاکی ٹیم کے لیے نوجوان کھلاڑیوں کا بیک اپ تیار کرنے کا فیصلہ کیا گیا ہے جس کے تحت اسلام آباد میں فزیکل کنڈیشنگ کیمپ لگایا جائے گا جس میں ملک بھر سے تعلق رکھنے والے 41 جونیئر کھلاڑیوں کو طلب کیا گیا ہے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔