Tag: navjot singh sidhu

  • کرتارپور کوریڈور خوشحالی لائے گا، عوام کے عوام سے تعلقات بنائے گا، نوجوت سنگھ سدھو

    کرتارپور کوریڈور خوشحالی لائے گا، عوام کے عوام سے تعلقات بنائے گا، نوجوت سنگھ سدھو

    لاہور : سابق بھارتی کرکٹر نوجوت سنگھ سدھو نے بھارت واپس جاتے ہوئے کہا کہ وزیراعظم عمران خان نے میرے خواب کو عملی جامہ پہنایا۔

    ان خیالات کا اظہار انہوں نے کرتار پور راہداری کی افتتای تقریب میں شرکت کے بعد واپس بھارت جاتے ہوئے کیا، ان کا کہنا تھا کہ وزیراعظم عمران خان یار ہیں دلدار ہیں، جو بات کہی پورا کرکے دکھایا۔

    نوجوت سنگھ سدھو کا کہنا تھا کہ کرتارہور کوریڈور خوشحالی لائے گا اور عوام کے عوام سے تعلقات بہتر بنائے گا، کرتارہور بارڈر سے دیگر ہزاروں کھڑکیاں کھلیں گی۔

    سابق بھارتی کرکٹر کا کہنا تھا کہ کسی کی قابلیت کو دیکھنا ہے تو اسے 3 ماہ کا وقت دو، عمران خان نے 3 ماہ قبل جو وعدہ کیا اسے پورا کرکے دکھایا۔

    ان کا کہنا تھا کہ وزیر اعظم عمران خان نے کرشمہ کردکھایا، فیروز پور اور امرتسر والا بارڈر کھلنے کا مطلب کراچی اور نئی دہلی کا ملنا ہے، امید ہے دونوں ممالک کرتار پور کوریڈور کے ذریعے قریب آئیں گے۔

    نوجوت سنگھ سدھو کا کہنا تھا کہ دشمنی کی روش کا خاتمہ کرنا ہوگا، اس دفعہ بھی پاکستان سے جو محبت ملی اس کا شکر گزار ہوں۔

    شہباز گل نے نوجوت سنگھ سدھو کی پاکستان آمد پر ان کا شکریہ ادا کرتے ہوئے کہا کہ سدھو تنقید کے باوجود امن بانٹنے میں مصروف ہیں، شکر گزار ہیں کہ سدھو امن کا پیغام لے کر پاکستان آئے۔

    وزیراعظم عمران خان نےبیج بویاتھاوہ آج تناور درخت بن گیا ہے، نوجوت سنگھ سدھو

    یاد رہے کہ بھارت کے سابق کرکٹر نوجوت سنگھ سدھو کرتارپورراہداری تقریب میں شرکت کے لئے ایک روز قبل پاکستان آئے تھے۔

    نوجوت سنگھ سدھو کا کہنا تھا کہ میرے دوست وزیراعظم عمران خان، حکومت اورعوام کاشکریہ اداکرتاہوں، کرتارپورکوریڈور سے 73سال کی آس بھر آئی ہے، اور 12کروڑ سکھوں کو خوشی نصیب ہوئی ہے۔

  • جو چیز 73سال میں نہیں ہوئی وہ ہونا کسی معجزےسےکم نہیں،نوجوت  سنگھ سدھو

    جو چیز 73سال میں نہیں ہوئی وہ ہونا کسی معجزےسےکم نہیں،نوجوت سنگھ سدھو

    لاہور : سابق بھارتی کرکٹر نوجوت سدھو کا کہنا ہے کہ جو چیز 73سال میں نہیں ہوئی وہ ہونا کسی معجزے سے کم نہیں، 12 کروڑ سکھوں کو اس سے بڑی خوشی نہیں دی جاسکتی جبکہ گورنر پنجاب نے کہا سکھ بہن بھائیوں کویقین دلاتاہوں حکومت تمام انتظامات کرے گی۔

    تفصیلات کے مطابق لاہور میں سابق بھارتی کرکٹر نوجوت سدھو گورنرہاؤس پہنچ گئے، جہاں انھوں نے گورنر پنجاب چوہدری سرور سے ملاقات کی، ملاقات میں گورنر پنجاب نے کہا نوجوت سدھواگرالیکشن لڑیں تو ہرانا مشکل ہوگا، آج ایک اچھا دن ہے، سکھ بہن بھائیوں کویقین دلاتاہوں حکومت تمام انتظامات کرے گی۔

    چوہدری سرور کا کہنا تھا کہ وزیراعظم عمران خان نےایک تاریخی فیصلہ کیاہے، بھارت کی حکومت نے بھی اس فیصلے کی تائید کی۔

    اس موقع پر نوجوت سنگھ سدھو نے کہا کل کا دن 12کروڑعوام کےلیےبہت اہم ہے، کچھ لوگ عمران خان اورگورنرصاحب جیسےہوتےہیں جوتاریخ بناتےہیں، 73 سال سے سکھ اس وقت کاانتظارکررہےتھے، اب یہ ایک خیال حقیقت میں تبدیل ہونےجارہاہے۔

    سابق بھارتی کرکٹر کا کہنا تھا کہ 12 کروڑسکھوں کو اس سےبڑی خوشی نہیں دی جاسکتی ، کرتارپورراہداری کھول کرمحبتوں کے بے شمار دروازے کھولے گئےہیں۔

    سدھو نے کہا کہ گرونانک کےبولوں کوہمیشہ یادرکھیں گے،بابافریدکی عظمت کوہمیشہ یادرکھیں گے، ہرپنجابی سکھ کےدل سےایک مہک اٹھ رہی ہے، جو چیز 73سال میں نہیں ہوئی وہ ہونا کسی معجزے سے کم نہیں، رنگ لاتی ہے، حنا پتھر پرپس جانے کے بعد۔

    [bs-quote quote=”کچھ لوگ ہوتے ہیں جوتاریخ بناتےہیں،عمران خان ان میں سےہے” style=”style-6″ align=”left”][/bs-quote]

    ان کا کہنا تھا کہ کچھ لوگ ہوتے ہیں جو تاریخ بناتے ہیں، عمران خان ان میں سے ہے، اس مرتبہ پاک دھرتی سے مٹی بھی لے کر جاؤں گا، پاکستان جیوے سارا آسمان جیوے میرا یار دلدار عمران خان جیوے۔

    نوجوت سنگھ سدھو نے کہا مجھے یقین تھا جو بات میرے کان میں کی گئی وہ پوری ہوگی، پنجاب میل لاہور سے امرتسر نہیں ماسکو تک لے جانی ہے، سکھ یاتری کہتےہیں پتہ ہی نہیں لگتا پاکستان میں ہیں محبت ملتی ہے، امن راہداری دشمنی مٹاکر دوستی بنائےگی۔

    ان کا مزید کہنا تھا کہ دوملکوں میں امن کاپیغام لایاہوں آپس میں ملانےآیاہوں، کرتارپورکوریڈورسےتجارت اورروزگارمیں اضافہ ہوگا، پتھر اس درخت کو مارے جاتے ہیں، جس پرپھل ہوتاہے۔

    کل ہماری73سال کی مرادپوری ہونےجارہی ہے، سدھو


    اس سے قبل بھارت کے سابق کرکٹر نوجوت سنگھ سدھو نے پریس کانفرنس کرتے ہوئے کہا تھا کہ کل کادن بہت خاص ہےاورتاریخ رقم ہونےجارہی ہے، کل ہماری73سال کی مرادپوری ہونےجارہی ہے، حکومت پاکستان کےفیصلےسےسکھ برادری بہت خوش ہے.

    نوجوت سنگھ سدھو کا کہنا تھا کہ 3ماہ پہلے آیا تھا بھارت میں لوگوں نے تنقید کی مگریہاں لوگوں نےپیاردیا، 73سال میں جونہیں ہوسکاوہ3ماہ میں ہونے جارہا ہے۔

    انھوں نے مزید کہا تھا کہ ہرمشکل کاحل ہوتاہےآج نہیں توکل ہوتاہے، مسئلے جنگوں سے نہیں مذاکرات کی میز پر حل کیے جاتے ہیں۔

    مزید پڑھیں : وزیراعظم عمران خان نےبیج بویاتھاوہ آج تناور درخت بن گیا ہے، نوجوت سنگھ سدھو

    یاد رہے بھارت کے سابق کرکٹر نوجوت سنگھ سدھو کرتارپورراہداری تقریب میں شرکت کے لئے پاکستان پہنچ تھے، میڈیا سے گفتگو میں ان کا کہنا تھا کہ وزیراعظم عمران خان نے بیج بویاتھاوہ آج تناور درخت بن گیا ہے، اپنے دوست عمران خان،حکومت اورعوام کاشکریہ اداکرتاہوں، کرتارپور کوریڈور دنیا بھر کے سکھوں کے لئے دیوانگی سے کم نہیں۔

    بھارت کے سابق کرکٹر نے کہا تھا تین مہینے پہلے کے وعدے کی آج تکمیل ہوئی، میرا خواب آج شرمندہ تعبیرہوا، بہت خوشی محسوس کررہا ہوں، مذہب کو راج نیتی اور سیاست کے چشمے سے نہ دیکھیں، دنیا میں کوئی ایسا مذہب یا قانون نہیں ، جو کسی کوعبادت سے روکے۔

  • وزیراعظم عمران خان نےبیج بویاتھاوہ آج تناور درخت بن گیا ہے، نوجوت سنگھ سدھو

    وزیراعظم عمران خان نےبیج بویاتھاوہ آج تناور درخت بن گیا ہے، نوجوت سنگھ سدھو

    لاہور : بھارت کے سابق کرکٹر نوجوت سنگھ سدھو کرتارپورراہداری تقریب میں شرکت کے لئے پاکستان پہنچ گئے، سدھو کا کہنا ہے کہ وزیراعظم عمران خان نے بیج بویاتھاوہ آج تناور درخت بن گیا ہے، اپنے دوست عمران خان،حکومت اورعوام کاشکریہ اداکرتاہوں، کرتارپور کوریڈور دنیا بھر کے سکھوں کے لئے دیوانگی سے کم نہیں۔

    تفصیلات کے مطابق بھارت کے سابق کرکٹر نوجوت سنگھ سدھو پاکستان پہنچ گئے، سدھو واہگہ بارڈر کے راستے لاہور پہنچے، وہ کل کرتارپورراہداری تقریب میں شرکت کریں گے۔

    کرتاپورکوریڈورکاسنگ بنیادرکھنےکی تقریب کل ہوگی، جس میں بھارتی وفد شرکت کرے، بھارتی وفدمیں نوجوت سنگھ سدھواوربھارتی صحافی شامل ہیں، نوجوت سنگھ سدھو وزیراعلیٰ پنجاب سےملاقات کریں گے۔

    بھارت کے سابق کرکٹر نوجوت سنگھ سدھو نے میڈیا سے گفتگو کرتے ہوئے کہا خوشیاں ہی خوشیاں ہوں دامن میں جس کےکیوں نہ خوشی وہ پاگل ہوجائے،وزیراعظم عمران خان نے بیج بویا تھا وہ آج تناور درخت بن گیا ہے۔

    [bs-quote quote=”کرتارپورکوریڈور سے 73سال کی آس بھر آئی ہے” style=”style-6″ align=”left”][/bs-quote]

    نوجوت سنگھ سدھو کا کہنا تھا کہ میرے دوست وزیراعظم عمران خان، حکومت اورعوام کاشکریہ اداکرتاہوں، کرتارپورکوریڈور سے 73سال کی آس بھر آئی ہے، اور 12کروڑسکھوں کو خوشی نصیب ہوئی۔

    بھارت کے سابق کرکٹر نے کہا تین مہینے پہلے کے وعدے کی آج تکمیل ہوئی، میرا خواب آج شرمندہ تعبیرہوا، بہت خوشی محسوس کررہا ہوں، مذہب کو راج نیتی اور سیاست کے چشمے سے نہ دیکھیں، دنیا میں کوئی ایسا مذہب یا قانون نہیں ، جو کسی کوعبادت سے روکے۔

    ان کا کہنا تھا کہ پاکستان اوربھارت کےدرمیان کرکٹ میچز ضرور ہونے چاہئیں، 90 فیصد بھارتی پاک بھارت کرکٹ میچز کے منتظر ہیں، فنکاروں کو دونوں ممالک میں جاکر کام کرنا چاہیے، فنکاروں کے ذریعے دونوں ممالک کے تعلقات کی بہتری اچھی بات ہے۔

    [bs-quote quote=” کرتارپورکوریڈور دنیا بھر کے سکھوں کیلئے دیوانگی سے کم نہیں” style=”style-6″ align=”left”][/bs-quote]

    سدھو نے کہا عمران خان کا بچپن سے فین ہوں، کوئی مجھے روک سکتاہے، جس طرح میں عمران خان کا فین ہو، ایسے پاکستان میں بھی بھارتیوں کے فین ہوں گے،فنکارایک دوسرے کو جوڑنے اور محبت کا سبب بنتے ہیں۔

    سابق بھارتی کرکٹر کا کہنا تھا دنیا بھر میں سکھوں کیلئے کرتارپور کوریڈور دیوانگی سےکم نہیں، کرتارپورکوریڈورامن سمیت لامحدود مواقعوں کاراستہ ہے، دونوں طرف سے جوڑنے والوں کو مبارکباد پیش کرتا ہوں، جنہوں نے مجھ پر تنقید کی، آج کے مبارک دن پر انہیں معاف کرتا ہوں۔

    انھوں نے مزید کہا کہ امن کا معاملہ ہے امن کے لئے خود پر تنقید برداشت کروں گا، وعدے اور انڈے ٹوٹتے ہیں کوششیں کامیاب ہوجاتی ہیں، میں پاکستان میں اپنا گزرا ہوا خوشگوار وقت یاد کرنے آیا ہو۔

    مزید پڑھیں : کرتارپور کوریڈور کھولنے کا کریڈٹ عمران خان کوجاتا ہے،سدھو

    خیال رہے وزیراعظم عمران خان کل کرتارپور راہداری کی سڑک کا سنگ بنیاد رکھیں گے، کرتار پور بارڈر سے لیکرگردوارے تک ساڑھے چار کلو میٹر طویل کوریڈور تعمیرکیا جائے گا۔

    یاد رہے وزیراعظم عمران خان نے کرتارپور راہداری کے افتتاح پر نوجوت سنگھ سدھوکو دورہ پاکستان کی دعوت دے دی ، جسے نوجوت سنگھ سدھونے دعو ت قبول کرتے ہوئے کہا تھا مجھے تقریب میں مدعو کئے جانا باعث فخر ہے۔

    واضح رہے وزیراعظم عمران خان کی تقریب حلف برداری میں سابق بھارتی کرکٹرنوجوت سدھو نے آرمی چیف جنرل قمرباجوہ سے کرتارپوربورڈرکھولنے کی درخواست کی تھی۔

    جس پر انٹرویو میں وزیراطلاعات فواد چوہدری کا کہنا تھا پاکستان جلد سکھ یاتریوں کے لیے کرتار پور بارڈر کھول دے گا، جس کے بعد یاتری ویزے کے بغیر گردوارہ دربار صاحب کے درشن کر سکیں گے۔

  • کرتارپور کوریڈور کھولنے کا کریڈٹ عمران خان کوجاتا ہے،سدھو

    کرتارپور کوریڈور کھولنے کا کریڈٹ عمران خان کوجاتا ہے،سدھو

    نئی دہلی :بھارت کے سابق کرکٹر نوجوت سنگھ سدھو کاکہنا ہے عمران خان نے کہا تھا خوشحالی اور امن کا کوریڈو رہے ہم شروعات کرتے ہیں،کرتارپور کوریڈور کھولنے کا کریڈٹ عمران خان کو جاتا ہے۔

    تفصیلات کے مطابق بھارت کے سابق کرکٹرنوجوت سنگھ سدھو نے ممبئی حملوں کی 10ویں سالگرہ کے موقع پر کہا کہ کرتارپور کوریڈور کھولنے کا کریڈٹ عمران خان کو جاتا ہے اور ان لوگوں کو بھی، جو اس کی تعمیر کے لئے کئی سال تک دعا کررہے تھے۔

    نوجوت سنگھ سدھو کا کہنا تھا کہ عمران خان نے کہا تھا خوشحالی اور امن کا کوریڈور ہے، ہم شروعات کرتےہیں ، آرمی چیف جنرل قمرجاوید باجوہ نے کہا کرتارپور کوریڈور کھلے گا۔

    انھوں نے مزید کہا کہ بھارت میں آکر کہا سب بتایا لیکن دوستوں اورسب نے امید کے خلاف سلوک کیا ، لوگوں سے درخواست ہے کرتارپور کوریڈور کو سیاست سے ملوث نہ کریں۔

    یاد رہے گذشتہ روز بھارتی پنجاب کے وزیر اعلیٰ امریندر سنگھ نے کرتارپور راہداری کا سنگ بنیاد رکھنے کی تقریب میں شرکت سے انکار کردیا تھا جبکہ وزیر خارجہ شاہ محمود قریشی کی دعوت پر بھارتی وزیر خارجہ نے کرتارپور بارڈر کی افتتاحی تقریب میں شرکت سے معذرت کرلی تھی۔

    مزید پڑھیں : کرتارپور بارڈر کھلنے کا اعلان سن کر ایسا لگا جیسے سب کچھ مل گیا، نوجوت سنگھ سدھو

    نوجوت سنگھ سدھو نے پاکستان کی دعوت قبول کرتے ہوئے کہا تھا کہ کرتارپور بارڈر کھلنے کی شروعات بہت اچھی ہے، بھارتی سرکار نے اجازت دی تو ضرور پاکستان آؤں، وزیراعظم عمران خان کا بہت بہت شکریہ ادا کرتا ہوں، میری سب سے بڑی خواہش پوری ہوگئی ہے۔

    دو روز قبل اے آر وائی نیوز سے خصوصی گفتگو کرتے ہوئے سدھو نے کہا تھا کہ کرتار پور بارڈر کھلنے کا سہرا میرے دوست عمران خان کو جاتا ہے، عمران خان میرادوست ہے،مجھےبلائےگا توایک ٹانگ پرچل کرآؤں گا۔

    خیال رہے وزیراعظم عمران خان اٹھائیس نومبر کو کرتارپوربارڈر کا افتتاح کریں گے۔

    واضح رہے بھارت کے دفترخارجہ نے نئی دہلی میں پاکستانی ہائی کمیشن کو خط لکھ کر کرتارپور کوریڈور کھولنے پر شکریہ ادا کیا تھا اور بھارتی کابینہ نے کرتارپور بارڈر تک کوریڈورکی تعمیر کی منظوری دے دی تھی۔

    جس کے بعد وفاقی وزیراطلاعات فوادچوہدری نے سماجی رابطے کی ٹوئٹ میں کہا تھا کہ کرتارپور بارڈر کھلنا دونوں ممالک کی امن پسند لابی کی فتح ہے، بھارتی کابینہ نے کرتارپوربارڈر پرپاکستان کی تجویز کی توثیق کردی۔

  • پاکستان کا دورہ جنوبی بھارت جانے سے زیادہ اچھا لگا، نوجوت سنگھ سدھو

    پاکستان کا دورہ جنوبی بھارت جانے سے زیادہ اچھا لگا، نوجوت سنگھ سدھو

    نئی دہلی: سابق بھارتی کرکٹر اور سیاست دان نوجوت سنگھ نے کہا ہے کہ پاکستان کا دورہ جنوبی بھارت جانے سے زیادہ اچھا لگا، جنوبی بھارت اجنبی سا لگتا ہے۔

    بھارتی میڈیا کے مطابق کاسول میں ایک لٹریری فیسٹیول کے موقع پر گفتگو کرتے ہوئے نوجوت سنگھ سدھو نے کہا ہے کہ پاکستان کی زبان اور کھانا ہمارے جیسا ہی ہے، جنوبی بھارت میں بسنے والوں کی نہ زبان سمجھ آتی ہے اور نہ ہی ان کا کھانا مزیدار ہوتا ہے۔

    سابق بھارتی کرکٹر نے کہا کہ پاکستان آرمی چیف کو گلے لگانا نہ تو کوئی سازش تھی اور نہ ہی کوئی رافیل ڈیل، پاکستان نے متعدد مرتبہ کرتارپور بارڈر کھولنے کی پیش کش کی مگر بھارتی سیاست دان اس معاملے میں سنجیدہ نہیں ہیں۔

    دوسری جانب نوجوت سنگھ سدھو کے بیان کو لے کر بھارت میں نیا تنازع کھڑا ہوگیا اور انہیں شدید تنقید کا نشانہ بنایا جارہا ہے۔

    بھارتی سیاسی جماعت کے ترجمان دلجیت سنگھ کا سدھو کے بیان پر کہنا ہے کہ بطور سیاست دان انہیں اپنے الفاظوں کو سوچ سمجھ کر استعمال کرنا چاہئے، دوسروں کی تعریف کرنے میں کوئی حرج نہیں لیکن جنوبی بھارت کو برا نہیں کہنا چاہئے۔

    دلجیت سنگھ کو جواب دیتے ہوئے سدھو نے کہا کہ میں نے ایسا کچھ نہیں کیا جس سے کسی کو دکھ پہنچے بلاوجہ تنازع کھڑا کیا جارہا ہے۔

    مزید پڑھیں: آرمی چیف نے سابق بھارتی کرکٹرنوجوت سنگھ سدھو کو گلے لگا لیا

    یاد رہے کہ نوجوت سنگھ سدھو نے وزیراعظم پاکستان عمران خان کی تقریب حلف برداری کی تقریب میں شرکت کی تھی اور آرمی چیف جنرل قمر جاوید باجوہ کو گلے لگایا تھا جس پر انہیں بھارت میں شدید تنقید کا سامنا کرنا پڑا تھا۔

  • کرتارپورصاحب کا راستہ کھولنے کا معاملہ پاکستان سے اٹھانے پرسشما سوراج سدھو پر برس پڑیں

    کرتارپورصاحب کا راستہ کھولنے کا معاملہ پاکستان سے اٹھانے پرسشما سوراج سدھو پر برس پڑیں

    نئی دہلی : پاکستان کے لئے خیرسگالی کے جذبات اورعمران خان کی تقریب حلف برداری میں شرکت سابق بھارتی کرکٹر نوجوت سنگھ سدھو کو مہنگی پڑگئی، وزیرخارجہ سشما سوراج نے سدھو کی سرزنش کرتے ہوئے کہا سدھو نے دورہ پاکستان کی اجازت کا غلط اور سیاسی استعمال کیا۔

    تفصیلات کے مطابق انتہا پسند ہندوؤں کے بعد بھارتی وزیرخارجہ سشما سوراج بھی سابق اسٹارکرکٹراور رکن اسمبلی نوجوت سدھو پر برس پڑیں، کرتارپور صاحب کا راستہ کھولنے کا معاملہ پاکستان سے اٹھانے پر سشما سوراج نے سدھو کی خوب سرزنش کی۔

    سشما سوراج کا کہنا تھا سدھونے دورہ پاکستان کی اجازت کا غلط اور سیاسی استعمال کیا۔

    یاد رہے سدھو نے میڈیا بریفنگ میں کہنا تھا پاکستان کرتارپور صاحب راستہ کھولنے پر تیار ہے، اپنے دوست اور پاکستان کے وزیراعظم کا شکریہ ادا کرنے کے لئےالفاظ نہیں ہیں، یہ پہل اتنی جلدی ہوئی کہ اس کا اندازہ بھی نہیں تھا، بھارت پاکستان کی خیرسگالی کاجواب دے۔

    مزید پڑھیں : پاکستان کرتاپور کا راستہ کھولنے کو تیار ہے، بھارت خیرسگالی کاجواب دے، سدھو

    سدھو نے عمران خان کی تقریب حلف برداری میں شرکت کی تھی اور پاکستان کی جانب سے خیرسگالی کے جذبات پر بھارتی حکام کو بھی جواب میں پاکستان سے تعلقات بہتر بنانے پر زور دیا تھا۔

    خیال رہے وزیراطلاعات فواد چوہدری نے برطانوی خبررساں ادارے کو انٹرویو میں تصدیق کرتے ہوئے کہا تھا کہ پاکستان سکھ یاتریوں کے لئے جلد کرتار سنگھ بارڈر کھول دے گا، جس کے بعد یاتری ویزے کے بغیر گردوارہ دربار صاحب کے درشن کرسکیں گے۔

    واضح رہے بھارت کے سابق کرکٹر نوجوت سنگھ سدھو نے عمران خان کی حلف برداری میں شرکت اور آرمی چیف جنرل جاوید باجوہ مختصر ملاقات کی تھی، ملاقات میں آرمی چیف نے نوجوت سنگھ سدھو سے گرمجوشی سے مصافحہ کیا، خیریت دریافت کی اور گلے بھی ملے۔

    جس کے بعد بھارتی میڈیا اور انتہا پسند آگ بگولہ ہوگئے تھے، مشتعل افراد نے سدھو کے پوسٹر اور پتلے کو آگ لگائی گئی جبکہ انتہا پسند جماعتوں نے بھارت کے مختلف علاقوں میں مظاہرے کیے، جس میں سدھو کے پتلے کو بھی نذر آتش کیا گیا تھا۔

  • پاکستان سے اچھے تعلقات کی خواہش، نوجوت سنگھ  سدھو کے خلاف انتقامی اقدام

    پاکستان سے اچھے تعلقات کی خواہش، نوجوت سنگھ سدھو کے خلاف انتقامی اقدام

    نئی دہلی : پاکستان آنا اوردوستی کا ہاتھ بڑھانا سابق بھارتی کرکٹر نوجوت سنگھ سدھو کا جرم بن گیا، عمران خان کی تقریب حلف برداری میں شرکت کے بعد وطن واپس لوٹنے والے سدھو  پر 20 سالہ پرانا ٹریفک حادثے کا مقدمہ کھول دیا گیا۔

    تفصیلات کے مطابق پاکستان سے اچھے تعلقات کی خواہش سابق بھارتی کرکٹرنوجوت سنگھ کا بڑا جرم بن گیا، وزیراعظم عمران خان کی تقریب حلف برداری میں شرکت کے بعد سے بھارتی انتہاپسندوں کی جانب سے نفرت اور تنقید کا نشانہ بنایا جارہا ہے۔

    ایک اور انتقامی اقدام کرتے ہوئے بھارتی سپریم کورٹ میں سدھو کیخلاف بیس سالہ پرانا سڑک حادثے کا مقدمہ کھول دیا گیا، بھارتی سپریم کورٹ نے 1998 میں ہونے والے ٹریفک حادثے میں ایک شخص کی ہلاکت سے متعلق کیس میں اپنے فیصلے پر نظرثانی کا فیصلہ کیا ہے۔

    خیال رہے 1998 میں سدھو اور ان کے دوست روپیندر سنگھ ساندھو کی گاڑی کی زد میں آکر ایک شخص ہلاک ہوگیا تھا، درج مقدمے میں عدالت نے سدھو کو باعزت بری کردیا تھا۔

    اب متاثرہ افرادکی درخواست پر دوبارہ مقدمہ چلایا جائے گا۔

    مزید پڑھیں : پاکستان کرتاپور کا راستہ کھولنے کو تیار ہے، بھارت خیرسگالی کاجواب دے، سدھو

    خیال رہے کرتارپور بارڈر پر نوجوت سنگھ سدھونے مودی سرکار کو پاکستان کی خیرسگالی کا جواب خیرسگالی سے دینے کا مشورہ بھی دیا تھا۔

    سدھو کا کہنا تھا کہ اپنے دوست اور پاکستان کے وزیراعظم کا شکریہ ادا کرنے کے لئےالفاظ نہیں ہیں، یہ پہل اتنی جلدی ہوئی کہ اس کا اندازہ بھی نہیں تھا۔

    واضح رہے بھارت کے سابق کرکٹر نوجوت سنگھ سدھو نے عمران خان کی حلف برداری میں شرکت اور آرمی چیف جنرل جاوید باجوہ مختصر ملاقات کی تھی، ملاقات میں آرمی چیف نے نوجوت سنگھ سدھو سے گرمجوشی سے مصافحہ کیا، خیریت دریافت کی اور گلے بھی ملے۔

    جس کے بعد بھارتی میڈیا اور انتہا پسند آگ بگولہ ہوگئے تھے، مشتعل افراد نے سدھو کے پوسٹر اور پتلے کو آگ لگائی گئی جبکہ انتہا پسند جماعتوں نے بھارت کے مختلف علاقوں میں مظاہرے کیے، جس میں سدھو کے پتلے کو بھی نذر آتش کیا گیا تھا۔

  • گرونانک کے جنم دن پرپاکستان کرتاپور کا راستہ کھولنے کو تیار ہے،  بھارت خیرسگالی کاجواب دے، سدھو

    گرونانک کے جنم دن پرپاکستان کرتاپور کا راستہ کھولنے کو تیار ہے، بھارت خیرسگالی کاجواب دے، سدھو

    ممبئی : بھارت کے سابق کرکٹر نوجوت سنگھ سدھوکا کہنا ہے پاکستان کرتارپورصاحب کا راستہ کھولنے کو تیارہے، وزیراعظم پاکستان کا شکریہ اداکرنے کے لئے الفاظ نہیں ہیں، بھارت پاکستان کی خیرسگالی کاجواب دے۔

    تفصیلات کے مطابق سابق بھارتی کرکٹر اور سیاسی رہنما نوجوت سنگھ نے  بھارتی میڈیا سے گفتگو  میں  پاکستان کی جانب سے کرتارپور راستہ کھولنے کے بیان پر  کہا کہ گرونانک کے 550 ویں جنم دن پر پاکستان کرتار پور راہداری کھولنے کو تیارہے، پنجاب والوں کے لئے اس سے زیادہ خوشی کی کوئی بات نہیں ہوسکتی۔

    سدھو کا کہنا تھا کہ اپنے دوست اور پاکستان کے وزیراعظم کا شکریہ ادا کرنے کے لئےالفاظ نہیں ہیں، یہ پہل اتنی جلدی ہوئی کہ اس کا اندازہ بھی نہیں تھا، بھارت پاکستان کی خیرسگالی کاجواب دے۔

    سابق بھارتی کرکٹر نے خود پر تنقید کرنے والوں کو جواب دیتے ہوئے کہا کہ ووٹوں کے لئے مذہب کوسیاست میں نہ لائیں۔

    یاد رہے نوجوت سنگھ سدھو نے  واپسی کے بعد بھارتی میڈیا سے گفتگو میں اپنے اوپر ہونے والی تنقید پر دکھ کا اظہار کیا اور کہا تھا دورہ پاکستان سے یقین پختہ ہوا کہ پاکستان اوربھارت کے تعلقات بہتر ہوسکتے ہیں، میں پاکستان محبت اور امن کا پیغام لے کر گیا تھا۔

    مزید پڑھیں : جنرل قمرجاوید باوجوہ کی کرتار پور صاحب کا راستہ کھولنے کی بات جذباتی لمحہ تھا، سدھو

    آرمی چیف جنرل قمر جاوید باجوہ سے گلے ملنے پر تنقید کا جواب دیتے ہوئے انھوں نے کہا  تھاکہ جنرل قمرجاوید باوجوہ کی کرتار پور صاحب کا راستہ کھولنے کی بات جذباتی لمحہ تھا، کوئی آپ کے خوابوں کو حقیقت کردے تو کیا آپ جذباتی نہیں ہوں گے، جنرل باجوہ کو جھپی ڈالنا فطری عمل تھا۔

    خیال رہے وزیراطلاعات فواد چوہدری نے برطانوی خبررساں ادارے کو انٹرویو میں تصدیق کرتے ہوئے کہا تھا کہ پاکستان سکھ یاتریوں کے لئے جلد کرتار سنگھ بارڈر کھول دے گا، جس کے بعد یاتری ویزے کے بغیر گردوارہ دربار صاحب کے درشن کرسکیں گے۔

    واضح رہے بھارت کے سابق کرکٹر نوجوت سنگھ سدھو نے عمران خان کی حلف برداری میں شرکت اور آرمی چیف جنرل جاوید باجوہ مختصر ملاقات کی تھی، ملاقات میں آرمی چیف نے نوجوت سنگھ سدھو سے گرمجوشی سے مصافحہ کیا، خیریت دریافت کی اور گلے بھی ملے۔

    جس کے بعد بھارتی میڈیا اور انتہا پسند آگ بگولہ ہوگئے تھے، مشتعل افراد نے سدھو کے پوسٹر اور پتلے کو آگ لگائی گئی جبکہ انتہا پسند جماعتوں نے بھارت کے مختلف علاقوں میں مظاہرے کیے، جس میں سدھو کے پتلے کو بھی نذر آتش کیا گیا تھا۔

  • وزیراعظم عمران خان نے مذاکرات پر زور دے کرامید بڑھا دی ہے،نوجوت سنگھ سدھو

    وزیراعظم عمران خان نے مذاکرات پر زور دے کرامید بڑھا دی ہے،نوجوت سنگھ سدھو

    ممبئی : بھارت کے سابق کرکٹرنوجوت سنگھ سدھوکا کہنا ہے کہ وزیراعظم عمران خان نے مذاکرات پر زور دے کرامید بڑھا دی ہے، بھارت کواس گرمجوشی سے فائدہ اٹھانا چاہئیے۔

    تفصیلات کے مطابق پاکستان کے دورے پرتنقید کا نشانہ بننے والے نوجوت سنگھ سدھوواویلا کرنے والوں کیخلاف ڈٹ گئے، بھارتی اخبار کو انٹرویو میں مخالفت کرنے والوں سے کئی سخت سوال کر ڈالے۔

    سدھو کا کہنا تھا خیرسگالی نہیں چاہئیے تو پاکستان میں بھارتی سفارتخانہ کیوں؟بھارتی ہائی کمشنر نے عمران خان کو بلے کا تحفہ کیوں دیا؟ تہواروں پر سرحد پر مٹھائی کا تبادلہ کیوں ہوتا ہے؟

    سابق بھارتی کرکٹر نے کہا وزیراعظم عمران خان نے مذاکرات پر زور دے کرامید بڑھا دی ہے، بھارت کو اس گرمجوشی سے فائدہ اٹھانا چایئے اور تنقید کے بجائے پاکستان سے تجارت بڑھانا اور دونوں قوموں کا رشتہ مضبوط کرنا چاہیے۔

    نوجوت سنگھ کا کہنا تھا کہ دورہ پاکستان سے یقین پختہ ہوا کہ پاکستان اوربھارت کے تعلقات بہتر ہوسکتے ہیں، میں پاکستان محبت اور امن کا پیغام لے کر گیا تھا۔

    آرمی چیف جنرل قمر جاوید باجوہ سے گلے ملنے پر تنقید کا جواب دیتے ہوئے انھوں نے کہا کہ جنرل قمرجاوید باوجوہ کی کرتار پور صاحب کا راستہ کھولنے کی بات جذباتی لمحہ تھا، کوئی آپ کے خوابوں کو حقیقت کردے تو کیا آپ جذباتی نہیں ہوں گے، جنرل باجوہ کو جھپی ڈالنا فطری عمل تھا۔

    مزید پڑھیں : بھارت میں مجھ پربلاوجہ تنقیدکی گئی جس پربہت دکھ ہے‘ نوجوت سنگھ سدھو

    یاد رہے چند روز قبل بھارتی کرکٹرنوجوت سنگھ سدھو نے بھارت میں میڈیا سے گفتگو کرتے ہوئے کہا تھا کہ میرے دورہ پاکستان پربلا وجہ انگلیاں اٹھائی جا رہی ہیں جس پردکھ ہے، عمران خان کی تقریب حلف برداری میں شرکت میرے لیے فخرکی بات ہے۔

    نوجوت سنگھ سدھو کا کہنا تھا کہ دونوں ممالک کو ایک دوسرے کے قریب آنا چاہیے، دونوں ممالک کے عوام کے چاہتے ہیں تعلقات میں بہتری آئے۔

    میڈیا سے گفتگو کرتے ہوئے سابق بھارتی کرکٹر کا کہنا تھا کہ اٹل بہاری واجپائی ہی واہگہ کے راستے پاکستان گئے تھے، واجپائی نے آگرہ میں پرویزمشرف سے ملاقات کی تھی، نواشریف کے فنکشن میں ان کے گھر گئے تھے، مودی جب پاکستان گئے تھے اس وقت بھی سرحد پرکشیدگی تھی۔

    واضح رہے نوجوت سدھو کے عمران خان کی تقریب حلف برداری میں شرکت اور آرمی چیف جنرل جاوید باجوہ سے گلے ملنے اور صدر آزاد کشمیر مسعود خان کے ساتھ بیٹھنے پر بھارتی میڈیا اور انتہا پسند آگ بگولہ ہوگئے تھے۔

    مزید پڑھیں : سدھو کی تقریب حلف برداری میں شرکت، بھارتی میڈیا بھڑک اٹھا

    جس کے بعد لدھیانہ میں مشتعل افراد نے سدھو کے پوسٹر اور پتلے کو آگ لگائی گئی جبکہ انتہا پسند جماعتوں نے بھارت کے مختلف علاقوں میں مظاہرے کیے، جس میں سدھو کے پتلے کو بھی نذر آتش کیا گیا تھا۔

    انتہا پسند تنظیم بجرنگ دل نے سدھو کے سر کی قیمت مقرر کردی ہے اور کہا ہے کہ سدھوکا سر لانے والے کو 5 لاکھ روپے انعام دیا جائے گا۔

  • پی ایس ایل اور آئی پی ایل کی فاتح ٹیموں کے درمیان میچز کرانے کی تجویز سامنے آگئی

    پی ایس ایل اور آئی پی ایل کی فاتح ٹیموں کے درمیان میچز کرانے کی تجویز سامنے آگئی

    اسلام آباد: نوجوت سنگھ سدھو نے بھارت پہنچتے ہی قائمہ کمیٹی برائے اطلاعات و نشریات کے چیئرمین سینیٹر فیصل جاوید کو فون کرکے پاک بھارت کرکٹ سیریز سے متعلق تبادلۂ خیال کیا۔

    تفصیلات کے مطابق پاک بھارت کرکٹ تعلقات میں بہتری کےامکانات روشن ہوگئے ہیں، نوجوت سنگھ سدھو اور سینیٹر فیصل جاوید کے درمیان ٹیلی فونک رابطے میں پاک بھارت کرکٹ سیریز سے متعلق تبادلۂ خیال کیا گیا۔

    سدھو نے پی ایس ایل اور آئی پی ایل کی فاتح ٹیموں کے درمیان میچز کرانے کی تجویز پیش کر دی، انھوں نے کہا ’دونوں ٹیموں میں بیسٹ آف تھری میچز کی سیریز کھیلی جا سکتی ہے۔‘

    میچز کی سیریز کے سلسلے میں نوجوت سدھو بھارتی کرکٹ بورڈ جب کہ فیصل جاوید پی سی بی سے بات کریں گے، بورڈز سے رابطے کے دوران سیریز کے وینیو اور تاریخ سے متعلق فیصلے ہوں گے۔

    نوجوت سنگھ سدھو نے اس موقع پر کہا ’کرکٹ دونوں ممالک کو قریب لانے میں مدد دے سکتی ہے، وقت آ گیا ہے دونوں ملکوں کے درمیان برف پگھلے۔‘


    یہ بھی پڑھیں:  بھارت میں مجھ پربلاوجہ تنقیدکی گئی جس پربہت دکھ ہے‘ نوجوت سنگھ سدھو

    اسے بھی ملاحظہ کریں:  وزیراعظم عمران خان نے نوجوت سنگھ سدھو کوامن کا سفیرقراردے دیا


    سینیٹر فیصل جاوید نے کہا ’معاملات میں بات چیت کے ذریعے بہتر نتائج حاصل کر سکتے ہیں۔‘ اس موقع پر نوجوت سنگھ سدھو نے پاکستانیوں کی مہمان نوازی کا ایک بار پھر شکریہ ادا کیا۔

    واضح رہے کہ وزیرِ اعظم عمران کی تقریب حلف برداری کے موقع پر بھارت سے نوجوت سنگھ سدھو خصوصی طور پر تشریف لائے تھے، تاہم پاکستان یاترا پر بھارت میں ان کے خلاف شدت پسند ہندوؤں نے مظاہرے شروع کر دیے ہیں۔