لاہور : نواز لیگ کے جلسے میں گلو بٹ کا بھائی گلہ بٹ بھی میدان میں آگیا۔ مونچھوں کا تاؤ دیتا اسٹائل مارتا گلہ بٹ توجہ کا مرکزبنا ہوا ہے،۔
این اے ایک سو بائیس کے حلقے میں انتخابی مہم کے دوران آنکھوں پر سیاہ چشمہ لگائے اور ہاتھ میں ڈنڈا لئے امونچھوں کو تاؤ دینے والا گلو بٹ کا بھائی گلہ بٹ میدان میں آگیا۔
جلسہ گاہ میں ہاتھ میں پاکستانی پرچم لئے ہوئےسیلوٹ مارتا ، مونچھوں کا تاؤ دیتا اور اسٹائل میں تصویریں کھنچواتا گلہ بٹ لوگوں کی توجہ کا مرکز بن گیا۔
گلو بٹ کا بھائی گلہ بٹ اپنے قائد کو سپورٹ کرنے کیلئے گرین ٹی شرٹ زیب تن کئے ہوئے جلسہ گاہ میں کارکنوں کا جوش بڑھاتاہے۔
گلہ بٹ کا کہنا تھا کہ مونچھیں اس لئے نہیں رکھیں کہ بدمعاشی کروں اور ہاتھ میں جو ڈنڈا پکڑا ہے اس پر امن کا جھنڈا لہرا رہا ہے۔ گلہ بٹ کا مزید کہنا تھا کہ وہ امن پسند شہری ہے اور قانون کا احترام کرتا ہے۔
واضح رہے کہ اس سے قبل ماڈل ٹاؤن سانحہ کے موقع پر گلو بٹ نامی شخص کو میڈیا میں وہاں کھڑی گاڑیوں پر ڈنڈے برساتے اور ان کے شیشے توڑتے ہوئے دکھایا گیا تھا۔
جسے بعد ازاں عدالت سے قید کی سزا بھی سنائی گئی تھی، گلو بٹ کی اب ضمانت منظور ہوچکی ہے۔
