ARYNews.tv | Urdu – Har Lamha Bakhabar

Tag: nawaz shareef

  • ن لیگی کارکن ووٹ کی عزت نوٹ کے ذریعے خاک کرنے میں مصروف، ویڈیو وائرل

    ن لیگی کارکن ووٹ کی عزت نوٹ کے ذریعے خاک کرنے میں مصروف، ویڈیو وائرل

    حافظ آباد: ووٹ اور ووٹر کو عزت دو کے نعرے لگانے والے خود ہی ووٹ کی عزت کو نوٹ کے ذریعے خاک میں ملانے میں مصرف ہیں۔

    تفصیلات کے مطابق حافظ آباد میں مسلم لیگ ن کے کارکنان نوٹ کے بدلے ووٹ مانگتے پکڑے گئے، ووٹرز کو پیسے باٹنے کی ویڈیو اے آر وائی نیوز نے حاصل کرلی۔

    ویڈیو میں دیکھا جاسکتا ہے کہ حافظ آباد میں مسلم لیگ ن کے رہنما ریاض تارڑ کی انتخابی مہم کے دوران لیگی کارکنان لوگوں کو قائل اور اپنی طرف مائل کرنے کے لیے نوٹ تقسیم کر رہے ہیں۔

    ووٹ حاصل کرنے کے لیے مسلم لیگ ن نے ووٹ کی حرمت اور عزت کو ہی فروخت کرنا شروع کردیا، عوام کے ووٹ پیسوں کے ذریعے خریدنے لگے ہیں۔

    الیکشن 2018 کے تاریخی لمحات: انتخابی مہم کا وقت ختم

    خیال رہے کہ آج 24 جولائی سے الیکشن 2018 کے سلسلے میں سیاسی جماعتوں کی انتخابی مہم کا وقت ختم ہو گیا ہے، ایک دن بعد قوم اپنے مستقبل کا فیصلہ کرے گی۔

    واضح رہے کہ رات کے بارہ بجتے ہی ملک بھر میں ووٹرز کو مائل اور قائل کرنے کا وقت ختم ہو گیا، سیاسی شخصیات نے انتخابی مہم روک لی ہے۔

    یاد رہے کہ ملک میں جاری الیکشن 2018 کے تاریخی لمحات اپنے اختتام کی جانب بڑھ رہے ہیں، ملکی جمہوری تاریخ کا ایک اور سنگ میل عبور ہونے میں ایک دن رہ گیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ووٹ کو عزت دو، یہی مسلم لیگ (ن) کا نعرہ ہے: شہباز شریف

    ووٹ کو عزت دو، یہی مسلم لیگ (ن) کا نعرہ ہے: شہباز شریف

    لاہور: پاکستان مسلم لیگ (ن) کے صدر شہباز شریف نے کہا ہے کہ ووٹ کو عزت دو یہی ن لیگی نعرہ ہے، 26 جولائی کا سورج ہماری فتح کا ہوگا۔

    ان خیالات کا اظہار انہوں نے کارکنان سے خطاب کرتے ہوئے کیا، شہباز شریف کا کہنا تھا کہ ہمارے کارکنوں پر نیب کے ذریعے دباؤ ڈالا گیا، کوئی بھی ہمارے خلاف کرپشن کا ثبوت نہیں دے سکا۔

    انہوں نے کہا کہ عمران خان نے خیبرپختونخوا کا بیڑا غرق کر دیا، چیئرمین پی ٹی آئی نے کہا تھا کہ کے پی میں نہیں بلکہ پورے پاکستان کو بجلی دیں گے، کے پی کا یہ حال ہے کہ تحریک انصاف کے دور میں پچھلی حکومت کا 80 میگاواٹ پلانٹ خراب ہوگیا۔

    اگر موقع ملا تو پاکستان کو ترکی اور ملیشیا بنادوں گا، شہبازشریف

    صدر مسلم لیگ ن کا کہنا تھا کہ کے پی حکومت نے اصل میں منفی 8 میگا واٹ بجلی پیدا کی جبکہ ن لیگ دور میں 11 ہزار میگا واٹ بجلی سسٹم میں شامل ہوئی، ڈینگی آیا تو خان صاحب نتھیا گلی کے پہاڑوں پر جاکر سو گئے۔

    شہباز شریف کا کہنا تھا کہ عمران خان عام آدمی سے ہاتھ ملانا بھی پسند نہیں کرتا، ایسے لوگ عوامی نمائندے نہیں ہوتے، ن لیگ نے ملک کے لیے عظیم کام کیے۔

    ان کا مزید کہنا تھا کہ لاہور میٹرو 30 ارب میں بنی تھی، پشاور میٹرو 68 ارب پر چلی گئی، ہائیکورٹ نے کہا پشاور میٹرو کا ٹھیکہ بلیک لسٹ کمپنی کو دیا گیا تھا، صورت حال جیسی بھی ہو ن لیگ انتخابات میں واضح کامیابی حاصل کرے گی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • میرے سیاسی ٹکڑوں پر پلنے والوں کا انتخابی نشان شیر نہیں بلی ہے: چوہدری نثار

    میرے سیاسی ٹکڑوں پر پلنے والوں کا انتخابی نشان شیر نہیں بلی ہے: چوہدری نثار

    ٹیکسلا: سابق وفاقی وزیر داخلہ چوہدری نثار علی خان نے کہا ہے کہ جنہوں نے بے وفائی کی انہیں سبق سکھانا ضروری ہے، میرے سیاسی ٹکڑوں پر پلنے والوں کا انتخابی نشان شیر نہیں بلی ہے۔

    ان خیالات کا اظہار انہوں نے ٹیکسلا میں جلسے سے خطاب کرتے ہوئے کیا، چوہدری نثار کا کہنا تھا کہ پچیس جولائی کو کسی اور کی بارات میں بینڈ باجا مت بجانا، اصل بارات ٹیکسلا سے ہی نکلے گی۔

    انہوں نے کہا کہ بے وفائی کرنے والوں کو سبق سکھائیں گے، ٹیکسلا کی عوام اپنا فیصلہ 25 جولائی کو سنائیں گے، واضح اکثریت سے کامیابی حاصل کریں گے۔

    نوازشریف پرمشکلات ان کی اپنی غلطیوں کی وجہ سے آئی، چوہدری نثار

    چوہدری نثار کا مزید کہنا تھا کہ پچیس جولائی کو شیر بھی ڈھیر ہوجائے گا، جیپ پر ایسے ٹھپے لگاؤ کہ ن لیگ کی سیاست ہی ختم ہوجائے۔

    خیال رہے کہ گذشتہ روز سابق وفاقی وزیر داخلہ نے فتح جنگ میں جلسے سے خطاب کرتے ہوئے کہا تھا کہ نواز شریف پر مشکل ان کی اپنی غلطیوں کی وجہ سے آئی ہے، ان کو کہا بھی تھا کہ میاں صاحب دشمنیاں نہ بڑھائیں، عدلیہ کی تضحیک نہ کریں۔

    انہوں نے یہ بھی کہا تھا کہ پاکستان کا نہایت اہم الیکشن ایک ہفتے بعد ہونے والا ہے، اگلے 5 سال ملک کی باگ ڈور کس کے ہاتھ میں ہوگی یہ فیصلہ عوام نے کرنا ہے، یقین ہے آپ جیپ پر سوار ہوں گے اور اسے اوور لوڈ بھی کریں گے، 1985 سے الیکشن لڑ رہا ہوں اور جیت بھی رہا ہوں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • مشاہداللہ خان کی ایئرپورٹ میں گھسنے کی کوشش ناکام، لیگیوں کا پولیس پر پھتراؤ

    مشاہداللہ خان کی ایئرپورٹ میں گھسنے کی کوشش ناکام، لیگیوں کا پولیس پر پھتراؤ

    لاہور: ایئرپورٹ سیکیورٹی فورسز نے مسلم لیگ ن کے رہنما مشاہداللہ خان کی لاہور ایئرپورٹ میں گھسنے کی کوشش ناکام بنادی جبکہ لیگی رہنماؤں نے پولیس پر پتھراؤ بھی کیا۔

    تفصیلات کے مطابق ایون فیلڈ ریفرنس میں سزا پانے والے سابق وزیر اعظم نواز شریف اور ان کی صاحبزادی مریم نواز کے استقبال کے لیے سینئر لیگی رہنما لاہور ایئرپورٹ پہنچے تاہم اے ایس ایف نے ان کی ایئرپورٹ کے اندر گھسنے کی کوشش ناکام بنا دی۔

    ایئرپورٹ کے باہر لیگی کارکنان نے غنڈہ گردی کی انتہا کردی، موقع پر موجود پولیس اہلکاروں پر پھتراؤ بھی کیا، جبکہ لاہور کے مختلف علاقوں میں جلاؤ گھراؤ اور املاک کو نقصان بھی پہنچایا۔

    مجرم نوازشریف اور مریم نواز کو اڈیالہ جیل کی بیرکوں میں منتقل کردیا گیا

    علاوہ ازیں لاہور ایئر پورٹ پر اے ایس ایف اہلکاروں سے دھکم پیل کا معاملہ بھی ہوا، اے ایس ایف اہلکاروں کو ن لیگی رہنما سعید اللہ آفریدی نے دھکے دیے، سعیداللہ آفریدی پی ایس 114 سے ن لیگ کا امیدوار ہے۔

    یاد رہے کہ ایون فیلڈ ریفرنس میں سزا یافتہ سابق وزیراعظم نوازشریف اور مریم نواز کو لاہور ایئرپورٹ پر طیارے سے حراست میں لے کر اڈیالہ جیل منتقل کردیا گیا ہے۔

    واضح رہے کہ گرفتاری کے وقت لاہور ایئرپورٹ کے رن وے پر لیگی کارکنوں کی رینجرز اہل کاروں سے ہاتھا پائی بھی ہوئی، رینجرز نے ہاتھا پائی کرنے والے ن لیگی کارکنوں کو حراست میں لے لیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ایک شخص 9 سال حکومت کر کے ملک سے بھاگا، اسے کوئی کچھ نہیں کہتا: شاہد خاقان

    ایک شخص 9 سال حکومت کر کے ملک سے بھاگا، اسے کوئی کچھ نہیں کہتا: شاہد خاقان

    اسلام آباد: سابق وزیر اعظم شاہد خاقان عباسی نے کہا ہے کہ ایک شخص 9 سال حکومت کر کے ملک سے بھاگا، اسے کوئی کچھ نہیں کہتا، نواز شریف عوام کے حقوق کی جنگ لڑنے آرہا ہے۔

    ان خیالات کا اظہار انہوں نے اسلام آباد میں ن لیگ کی کارنر میٹنگ سےخطاب کرتے ہوئے کیا، شاہد خاقان عباسی کا کہنا تھا کہ نوازشریف اور مسلم لیگ ن کا بیانیہ ایک ہی ہے، آج ملکی سیاسی تاریخ میں ایک اہم دن ہے۔

    انہوں نے کہا کہ ملک کو ایٹمی طاقت بنانے والا شخص آج وطن واپس آ رہا ہے، نوازشریف کے لیے بڑا آسان تھا کہ وہ سمجھوتہ کر کے اقتدار میں رہتے، آج بھی وہ چاہیں تو لندن میں آرام سے رہ سکتے ہیں۔

    نوازشریف، مریم نواز کو لے کر غیرملکی ایئرلائن کی پرواز لندن سے روانہ

    شاہد خاقان عباسی کا کہنا تھا کہ نوازشریف عوام کے حقوق اور اختیارات کی جنگ لڑنے آرہا ہے، الیکشن اگر متنازعہ ہوئے تو کوئی تسلیم نہیں کرے گا۔

    ان کا مخالفین پر تنقید کرتے ہوئے کہنا تھا کہ تحریک انصاف نے سیاست میں بدتمیزی اور گالی کا کلچر متعارف کرایا، نیا پاکستان کا نعرہ لگانے والوں نے خیبرپختونخواہ میں کیا کام کیا۔

    خیال رہے کہ ایون فیلڈ ریفرنس میں سزا پانے والے نواز شریف اور مریم نواز کو لے کر غیر ملکی ایئرلائن کی پرواز لندن سے روانہ ہوچکی ہے۔

    دوسری جانب نوازشریف اور مریم نواز کی گرفتاری کے لیے نیب نے حکمت عملی تیار‏ کر لی، دو ہیلی کاپٹر لاہور ایئرپورٹ پہنچا دیے گئے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • شہباز شریف کے گرد بھی نیب کا گھیرا تنگ، 16 جولائی کو طلب

    شہباز شریف کے گرد بھی نیب کا گھیرا تنگ، 16 جولائی کو طلب

    لاہور: نواز شریف، مریم نواز اور کیپٹن ریٹائرڈ صفدر کے بعد سابق وزیر اعلیٰ پنجاب شہباز شریف کے گرد بھی نیب کا گھیرا تنگ ہونے لگا، 16 جولائی کو طلب کر لیا گیا۔

    تفصیلات کے مطابق سابق وزیر اعظم نواز شریف، ان کی صاحبزادی مریم نواز اور داماد کیپٹن ریٹائرڈ صفدر کی سزاؤں کے بعد سابق وزیر اعلیٰ پنجاب شہباز شریف کے گرد قانون کا گھیرا تنگ ہوتا جارہا ہے۔

    ن لیگی صدر کو پاک پاور سپلائی کیس میں نیب لاہور نے سولہ جولائی کو طلب کیا ہے، جہاں ان سے مذکورہ کیس سے متعلق سوالات کیے جائیں گے۔

    نوازشریف، مریم نواز کو لے کر غیرملکی ایئرلائن کی پرواز لندن سے روانہ

    قبل ازیں انہوں نے آج لاہور میں پریس کانفرنس بھی کی، اس موقع پر شہباز شریف کا کہنا تھا کہ یاد رکھیں وقت ایک جیسا نہیں رہتا، پاکستان کے سابق وزیر اعظم جانتے ہیں کہ انہیں جیل کی سلاخوں کے پیچھے ڈال دیا جائے گا۔

    انہوں نے یہ بھی کہا تھا کہ نواز شریف جانتے ہیں انہیں کوئی ٹرافی نہیں دی جائے گی، میاں صاحب کا پاکستان پہنچنے پر فقید المثال استقبال کیا جائے گا، ہمیں ڈرانے والے یاد رکھیں وقت کبھی بھی ایک جیسا نہیں رہتا۔

    نواز شریف کا فقید المثال استقبال کیا جائے گا، شہباز شریف

    خیال رہے کہ ایون فیلڈ ریفرنس میں سزا پانے والے نواز شریف اور مریم نواز کو لے کر غیر ملکی ایئرلائن کی پرواز لندن سے روانہ ہوچکی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • نواز شریف کا فقید المثال استقبال کیا جائے گا، شہباز شریف

    نواز شریف کا فقید المثال استقبال کیا جائے گا، شہباز شریف

    لاہور : سابق وزیر اعلیٰ پنجاب شہباز شریف نے پریس کانفرنس سے خطاب سے کے دوران نگراں حکومت کو دھمکی دیتے ہوئے کہا کہ ہمیں ڈرانے والے یاد رکھیں وقت ایک جیسا نہیں رہتا۔

    تفصیلات کے مطابق پاکستان مسلم لیگ نواز کے صدر و سابق وزیر اعلیٰ پنجاب شہباز شریف نے پریس کانفرنس سے خطاب کرتے ہوئے کہا ہے کہ پاکستان کے سابق وزیر اعظم جانتے ہیں کہ انہیں جیل کی سلاخوں کے پیچھے ڈال دیا جائے گا۔

    مسلم لیگ نواز کے صدر شہباز شریف کا کہنا تھا کہ نواز شریف جانتے ہیں انہیں کوئی ٹرافی نہیں دی جائے گی، میاں صاحب کا پاکستان پہنچنے پر فقید المثال استقبال کیا جائے گا، ہمیں ڈرانے والے یاد رکھیں وقت کبھی بھی ایک جیسا نہیں رہتا۔

    سابق وزیر اعلیٰ پنجاب کا کہنا تھا اس طرح کے اقدامات الیکشن 2018 کو داغ دار کرنے کے لیے کیے جارہے ہیں۔

    مسلم لیگ ن کا نواز شریف کے استقبال کے لیے ایئرپورٹ جانے کا فیصلہ

    یاد رہے کہ گذشتہ شب سابق وزیر ریلوے اور مسلم لیگ ن کے سینئر رہنما خواجہ سعد رفیق نے کہا ہے کہ ہمارا فیصلہ یہ ہے کہ ہم نواز شریف کے استقبال کے لیے ایئرپورٹ جائیں گے۔

    ان خیالات کا اظہار انہوں نے لیگی رہنما ایاز صادق کے ہمراہ ماڈل ٹاؤن میں ہنگامی پریس کانفرنس کرتے ہوئے کیا، سعد رفیق کا کہنا تھا کہ نواز شریف جمعے کو وطن واپس آرہے ہیں، وہ عدالتی فیصلے کے بعد گرفتاری دینے آرہے ہیں۔

    ان کا کہنا تھا کہ کارکنان استقبال کے دوران پر امن ہوں گے، ہم کسی قسم کی بدنظمی نہیں چاہتے، لیکن استقبال کے لیے ایئرپورٹ جائیں گے۔

    خیال رہے کہ پریس کانفرنس کے دوران سابق اسپیکر قومی اسمبلی اور مسلم لیگ ن کے مرکزی رہنما ایاز صادق نے نگراں حکومت پنجاب کو دھمکی دی اور خبردار بھی کیا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • مسلم لیگ ن کا نواز شریف کے استقبال کے لیے ایئرپورٹ جانے کا فیصلہ

    مسلم لیگ ن کا نواز شریف کے استقبال کے لیے ایئرپورٹ جانے کا فیصلہ

    لاہور: سابق وزیر ریلوے اور مسلم لیگ ن کے سینئر رہنما خواجہ سعد رفیق نے کہا ہے کہ ہمارا فیصلہ یہ ہے کہ ہم نواز شریف کے استقبال کے لیے ایئرپورٹ جائیں گے۔

    ان خیالات کا اظہار انہوں نے لیگی رہنما ایاز صادق کے ہمراہ ماڈل ٹاؤن میں ہنگامی پریس کانفرنس کرتے ہوئے کیا، سعد رفیق کا کہنا تھا کہ نواز شریف جمعے کو وطن واپس آرہے ہیں، وہ عدالتی فیصلے کے بعد گرفتاری دینے آرہے ہیں۔

    ان کا کہنا تھا کہ کارکنان استقبال کے دوران پر امن ہوں گے، ہم کسی قسم کی بدنظمی نہیں چاہتے، لیکن استقبال کے لیے ایئرپورٹ جائیں گے۔

    پریس کانفرنس کے دوران سابق اسپیکر قومی اسمبلی اور مسلم لیگ ن کے مرکزی رہنما ایاز صادق نے نگراں حکومت پنجاب کو دھمکی دی اور خبردار بھی کیا۔

    دو بڑے مجرموں کی واپسی، نیب نے گرفتاری کیلئے تیاریاں مکمل کرلیں، ٹیم تشکیل

    ان کا کہنا تھا کہ آپ نے بھی یہاں رہنا ہے، آپ کو 2 ماہ کے لیے حکومت دی گئی ہے ساری عمر کے لیے نہیں، نگراں وزیر اعلیٰ پنجاب حسن عسکری ہم آپ کو خبردار کر رہے ہیں۔

    دوسری جانب ایون فیلڈ ریفرنس کے سزا یافتہ مجرم سابق نااہل وزیر اعظم نواز شریف نے وطن واپسی کا اعلان کرتے ہوئے کہا ہے کہ جیل کی کوٹھری سامنے دیکھتے ہوئے پاکستان واپس جارہا ہوں۔

    جیل کو سامنے دیکھتے ہوئے بیٹی کے ساتھ وطن واپس جارہا ہوں، نواز شریف

    علاوہ ازیں لاہور میں نواز شریف اور مریم نواز کی جمعے کو وطن واپسی کے موقع پر لاہور پولیس کو الرٹ کردیا گیا ہے، اہلکاروں کی چھٹیاں منسوخ کرتے ہوئے انہیں فوری ڈیوٹی پرآنے کی ہدایت کی گئی ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • برطانیہ میں شریف خاندان کی جائیدادوں کی تحقیقات کا مطالبہ سامنے آگیا

    برطانیہ میں شریف خاندان کی جائیدادوں کی تحقیقات کا مطالبہ سامنے آگیا

    لندن: شریف خاندان کے خلاف مزید گھیرا تنگ ہونے لگا، برطانیہ میں شریف خاندان کی جائیدادوں کی تحقیقات کا مطالبہ سامنے آگیا۔

    تفصیلات کے مطابق عالمی تنظیم ٹرانسپیرنسی انٹرنیشل نے برطانوی حکومت سے مطالبہ کیا ہے کہ وہ ایکشن لیں اور شریف خاندان کی برطانیہ میں جائیدادوں کی تحقیقات کریں۔

    ٹرانسپیرنسی انٹرنیشل کی جانب سے جاری کردہ اعلامیے کے مطابق نوازشریف کو برطانیہ میں جائیداد پر پاکستانی عدالت نے سزا سنائی، برطانوی حکام سے مطالبہ کرتے ہیں کہ وہ بھی ایکشن لیں۔

    اعلامیے میں کہا گیا ہے کہ میاں نواز شریف اس وقت لندن میں موجود ہیں، غیر قانونی پیسے سے بنائی جائیداد ضبط کی جائے اور منی لانڈرنگ کے خلاف کریک ڈاؤن کے دعوے پر عمل کیا جائے۔

    ایون فیلڈ ریفرنس: نوازشریف، مریم نواز اور کیپٹن صفدر کو قید کی سزا اور جرمانہ

    ٹرانسپیرنسی انٹرنیشنل نے گذشتہ سال بھی برطانوی حکومت سے نوازشریف کے اثاثوں کی چھان بین کا مطالبہ کیا تھا، برطانوی حکومت کو لکھے گئے خط میں کہا گیا تھا کہ سابق وزیر اعظم کی جائیدادیں ناجائز ذرائع سےحاصل کی گئی ہیں تو انہیں ضبط کیا جائے۔

    خیال رہے کہ آج احتساب عدالت کے جج محمد بشیر نے ایون فیلڈ ریفرنس کا فیصلہ سناتے ہوئے نواز شریف کو دس سال قید اورجرمانے کی سزا سنادی گئی ہے جبکہ مریم نواز کو سات سال قید مع جرمانہ جبکہ کیپٹن صفدر کو ایک سال قید کی سزا سنادی گئی ہے۔

    شریف خاندان کے برطانوی اثاثوں کی چھان بین کی جائے، ٹرانسپیرنسی انٹرنیشنل

    فیصلے میں کہا گیا ہے کہ نواز شریف کو آٹھ ملین پاؤنڈ جرمانہ جبکہ مریم نواز کو دو ملین پاؤنڈ جرمانے کا حکم سنایا ہے، ایون فیلڈز فلیٹ کی قرقی کا بھی حکم صادر کیا گیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • تحریک انصاف سب کی پگڑی اچھالتی ہے آج انہیں اللہ کی پکڑ کا سامنا ہے: رانا ثنا اللہ

    تحریک انصاف سب کی پگڑی اچھالتی ہے آج انہیں اللہ کی پکڑ کا سامنا ہے: رانا ثنا اللہ

    لاہور: پاکستان مسلم لیگ ن کے مرکزی رہنما رانا ثنا اللہ نے کہا ہے کہ تحریک انصاف سب کی پگڑی اچھالتی ہے آج انہیں اللہ کی پکڑ کا سامنا ہے، ریحام خان کی کتاب کب آئے گی اس کا علم نہیں ہے۔

    ان خیالات کا اظہار انہوں نے میڈیا سے بات چیت کرتے ہوئے کیا، رانا ثنا اللہ کا کہنا تھا کہ مفروضے کی بنیاد پر کسی خاتون کے معاملے کو قابل مذمت نہیں ٹھہراؤں گا، ریحام خان کو بلیک میلنگ پر ملک بھی چھوڑنا پڑا۔

    انہوں نے کہا کہ ریحام خان کی کتاب آئے گی بھی یا نہیں ہم نہیں جانتے، بلیک میلنگ کا شکار ہونے پر ریحام خان کو ملک بھی چھوڑنا پڑا، کتاب کے مسودے کو سامنے تحریک انصاف کی جانب سے ہی لایا گیا ہے۔

    نواز شریف نے ارادہ کرلیا ہے وہ صرف سچ کہیں گے، رانا ثنااللہ

    رہنما مسلم لیگ ن کا کہنا تھا کہ کسی سیاسی جماعت نے ذاتی زندگی پر براہ راست کوئی باتیں نہیں کیں، کوئی بھی اپنی ذاتی زندگی کے بارے میں کتاب لکھ کر شیئر کرسکتا ہے۔

    رانا ثنا اللہ کا کہنا تھا کہ کچھ لوگ صرف الزامات لگاتے ہیں، دوسروں پر کیچڑ اچھالتے ہیں، اب تحریک انصاف کا اصل چہرہ سامنے آچکا ہے، انہوں نے جھوٹے دعوے کیے، خیبر پختونخواہ کو نیا کے پی کے نہیں بنایا پاکستان کیا بنائیں گے۔

    نوازشریف کوسیاست سے مائنس نہیں کیا جاسکتا‘ رانا ثنااللہ

    ان کا مزید کہنا تھا کہ کچھ حدود مقرر ہیں کہ آپ اس حد تک اپنے بارے میں بات کرسکتے ہیں، ریحام خان اپنی زندگی کے بارے میں کتاب لکھ سکتی ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔