لاہور : پاکستان مسلم لیگ (ن) کے صدر اور قائد حزب اختلاف شہباز شریف نے سابق وزیراعظم اور مسلم لیگ ن کے قائد نوازشریف کی ضمانت پر کارکنان سے اپیل ہے کہ جشن نہ منائیں اور مٹھائیاں تقسیم نہ کریں۔
اپنے ایک بیان میں انہوں نے کہ اللہ تعالی ہمارے قائد نواز شریف کو مکمل صحت یاب کرے، ان کی طبیعت تشویشناک ہے۔
نوازشریف کی بیماری کی تشخیص ہونا ضروری ہے، لہٰذا کارکنان مٹھائیاں تقسیم نہ کریں بلکہ اپنے قائد کی صحت یابی کیلئے دعا کریں۔
واضح رہے کہ اسلام آباد ہائی کورٹ نے نواز شریف کی طبی بنیاد پر ضمانت منظور کرلی ہے اور العزیزیہ ریفرنس میں نواز شریف کی سزا 8 ہفتے کیلئے معطل کردی عدالت نے 20لاکھ روپے مچلکے جمع کرانے کاحکم دے دیا۔
وزیراعلیٰ پنجاب عثمان بزدار اور نوازشریف کے وکیل ہائی کورٹ میں پیش ہوئے جبکہ نیب وکیل، میڈیکل بورڈ کے ڈاکٹرز بھی کمرہ عدالت میں موجود تھے۔
