اسلام آباد: وزیراعظم میاں نواز شریف نے پاکستان تحریک انصاف سےمذاکرات کے حوالے سے کل وزیراعظم ہاؤس میں مشارتی اجلاس طلب کرلیا۔
اجلاس میں وفاقی وزیراسحاق ڈار،چوہدری نثار پرویز رشید ، احسن اقبال اور خواجہ آصف شریک ہوں گے، اجلاس میں تحریک انصاف کے ساتھ متوقع مذاکرات کے ایجنڈے پر مشاورت کی جائے گی۔
حکومتی ذرائع کے مطابق حکومت اور پاکستان تحریک انصاف کے درمیان ایک دو روز میں باضابطہ مذاکرات کا دوبارہ آغازہوگا۔
واضح رہے کہ حکومت اور تحریک انصاف کے درمیان پہلے بھی مذاکرات کا ایک طویل دور ہوچکا ہے جو کہ بغیر کسی منطقی انجام پر پہنچے اختتام پذیر ہوگیا تھا۔