ARYNews.tv | Urdu – Har Lamha Bakhabar

Tag: nawaz sharif govt

  • پاکستانی معشیت میں بگاڑ کی وجہ نواز شریف کی ناقص معاشی پالیسیاں ہیں،غیر ملکی جریدے

    پاکستانی معشیت میں بگاڑ کی وجہ نواز شریف کی ناقص معاشی پالیسیاں ہیں،غیر ملکی جریدے

    اسلام آباد : غیر ملکی جریدے کا کہنا ہے کہ پاکستانی معشیت میں بگاڑ کی وجہ نواز شریف حکومت کی ناقص معاشی پالیسیاں ہیں۔

    تفصیلات کے مطابق غیر ملکی جریدے فنانشل ٹائمز کے مطابق پاکستانی روپے پر بڑھتا ہوا دباؤ ملکی معشیت کی کمزوری کا عکاس ہیں، نواز شریف قرضوں میں ڈوبا ہوا معاشی طور پر غیر مستحکم پاکستان چھوڑ کر جارہے ہیں پاکستانی معشیت مغربی قرضداروں کے زیر بار ہے

    فنانشل ٹائمز کی رپورٹ میں کہا گیا ہے کہ غیر ملکی قرضوں اور امداد کے زریعے ملکی معشیت کو سنبھال نے کی کوشش کی گئی، پاکستانی زرمبادلہ ذخائر میں مسلسل کمی ریکارڈ کی جارہی ہے، درآمدات میں ہوشربا اضافہ جبکہ برآمدات میں بتدریج کمی ہو رہی ہے۔

    غیر ملکی جریدے کے مطابق کاسٹ آف ڈوئنگ بزنس اور ٹیکسوں کے باعث غیر ملکی سرمایہ کاری میں اضافہ نہ ہوسکا، حکومت مستقبل کو نظر انداز کر کے صرف آج میں جی رہی ہے۔ نواز حکومت کی جانب روپے کی قدر میں مصنوعی استحکام معشیت کیلئے نقصان دہ ثابت ہوا۔

    مزید پڑھیں : نوازحکومت نے ہرپاکستانی کو مزید 30 ہزارکا مقروض کردیا

    رپورٹ میں مزید کہا گیا ہے کہ بجلی کے ترسیلی نظام اور چوری کا بوجھ عوام سے قیمتیں بڑھا کر وصول کیا گیا حکومت اور صعنتوں کا جھگڑا زوروں پر ہے، ملک میں35 فیصد ٹیکسٹائل ملز بند ہوگئی ہیں۔

    غیر ملکی جریدے کے مطابق معاشی پالیسوں میں بہتری کیلئےسب کی نظریں آئندہ انتخابات پر لگی ہوئی ہیں نئے وزیر اعظم شاہد خاقان عباسی نے بھی تک خود مختاری کا مظاہرہ نہیں کیا فرد جرم عائد ہونے کے باوجود اسحاق ڈار وزیر خزانہ کے عہدے پر فائز ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نواز شریف عدالت میں پیش ہوجاتے تو کرپشن ختم ہوجاتی، سراج الحق

    نواز شریف عدالت میں پیش ہوجاتے تو کرپشن ختم ہوجاتی، سراج الحق

    لاہور: امیر جماعت اسلامی سراج الحق نے کہا ہے کہ قومی سلامتی اور کشمیر ایشو پر حکومت سے یکجہتی کا یہ مطلب نہیں کہ احتساب کے مطالبے سے دست بردار ہوگئے۔

    اپنے ایک بیان میں سراج الحق کا کہنا تھا کہ حکمرانوں کا احتساب مخالف رویہ ناقابل برداشت اور قومی یکجہتی کے لیے زہر قاتل ہے، کرپٹ حکمرانوں نے قوم کے اعتماد کو بری طرح مجروح کیا ہے۔

    سراج الحق کا کہنا تھا کہ وزیر اعظم عدالت کے سامنے پیش ہوجاتے تو کرپشن کا خاتمہ مشکل نہیں تھا، آئین و قانون کی بالادستی کی راہ میں حکومتی رویہ سب سے بڑی رکاوٹ ہے۔

    امیر جماعت اسلامی کا کہنا تھا کہ پاناما لیکس کی تحقیقات اور لٹیروں کے احتساب کے بغیر حکمرانوں کے پاس حکومت کرنے کا اخلاقی جواز نہیں، اپوزیشن جماعتیں بہت جلد مل بیٹھ کر پاناما لیکس اور جوڈیشل کمیشن پر مشترکہ لائحہ عمل دیں گی۔

    سراج الحق کا کہنا تھا کہ کشمیر پر قومی یکجہتی اور اتحاد وقت کی ضرورت ہے۔