ARYNews.tv | Urdu – Har Lamha Bakhabar

Tag: Nawaz Sharif

  • نواز شریف کے خلاف غداری کا مقدمہ چلایا جائے، فیاض ‌چوہان

    نواز شریف کے خلاف غداری کا مقدمہ چلایا جائے، فیاض ‌چوہان

    لاہور : وزیرِ اطلاعات پنجاب فیاض الحسن چوہان نے ملکی رازوں سے پردہ اٹھانے پر نواز شریف کے خلاف غداری کا مقدمہ چلانے کا مطالبہ کیا ہے۔

    لاہور میں میڈیا سے سے گفتگو کرتے ہوئے فیض چوہان نے کہا کہ نواز شریف نے کروز میزائل پرسر عام بات کرکے قومی رازافشاں کئے، ملکی رازوں سے پردہ اٹھا کر وہ غداری کے مرتکب ہوئے ہیں۔

    فیاض الحسن چوہان نے کہا کہ نواز شریف ملک و قوم اور اداروں سے بغض، کینہ میں حد سے آگے نکل چکے ہیں،3بار وزیراعظم رہنے والے نواز شریف نے ملکی رازوں کی حفاظت کاحلف اٹھایا تھا۔

    انہوں نے کہا کہ ہریسے، نہاری اور عوام کا مال کھا کھا کر دماغ پر چربی چڑھی ہوئی ہے، شریف خاندان اپنی ذات کے علاوہ کچھ بھی سوچنے سمجھنے سے عاری ہے،

    وزیر اطلاعات نے کہا کہ تمام ریاستی، جمہورے ادارے شریف خاندان کی دشنام طرازی سے محفوظ نہیں، نواز شریف کم فہمی کے باعث ان کے بیانات پاکستان کیلئے عالمی سطح پر سبکی کا باعث بنے، پاکستانی عوام شریف خاندان کا ملک دشمن ایجنڈا ٹھکرا چکی ہے۔

    مزید پڑھیں : نواز شریف نے قومی رازوں سے پردہ اٹھانا شروع کردیا

    واضح رہے کہ سابق وزیر اعظم نواز شریف نے گزشتہ روز لندن میں میڈیا سے گفتگو میں کروز میزائل بنانے کا دعویٰ کرتے  ہوئے کہا تھا کہ ہم نے امریکی میزائلوں کو دیکھ کر اپنے میزائل بنائے۔

    سابق وزیر اعظم نواز شریف نے قومی رازوں سے پردہ ہٹا دیتے ہوئے دعویٰ کیا کہ ملک کو کروز میزائل ہم نے دئیے، انہوں نے کہا تھا کہ امریکا نے جنگ کے دوران افغانستان پر میزائل داغے تھے جو بلوچستان میں گرے، ہم نے امریکی میزائلوں کو دیکھ کر اپنے میزائل بنالیے۔

  • نواز شریف کی جگہ صرف جیل ہے اس کے علاوہ کچھ نہیں، مراد سعید

    نواز شریف کی جگہ صرف جیل ہے اس کے علاوہ کچھ نہیں، مراد سعید

    اسلام آباد : وفاقی وزیر برائے مواصلات مراد سعید نے کہا ہے کہ عدالت سے مفرور اور نااہل شخص کارکنان کو کیسے حکم دے سکتا ہے، نواز شریف کی جگہ صرف جیل ہے اس کے علاوہ کچھ نہیں۔

    یہ بات انہوں نے آج میڈیا سے گفتگو کرتے ہوئے کہی، انہوں نے کہا کہ ن لیگ کے سیاسی کارکنان کی ملاقاتوں کا سلسلہ شروع ہوچکا ہے، عدالت سے مفرور اور نااہل شخص کارکنان کو کیسے حکم دے سکتا ہے۔

    وفاقی وزیر کا کہنا تھا کہ نوازشریف ڈاکو، مفرور اور سرٹیفائیڈ چور ہے اس کی جگہ صرف جیل ہے اور اس کے علاوہ کچھ نہیں
    ان کے پاس صرف درباری ہیں ،سیاسی ورکروں کا ان کے پاس کوئی کام نہیں۔

    ن لیگ کا حکم نامہ نوازشریف نے اپنے غلاموں کو دیا، یہ پاکستان کے دشمنوں سے بھی ملاقات کرسکتے ہیں کیونکہ ان سے ان کے ذاتی تعلقات ہیں۔

    ایک سوال کے جواب میں ان کا کہنا تھا کہ آج تک احسن اقبال 500 ارب کا جواب نہیں دے سکے، احسن اقبال کا بھائی ان کی غلامی کرتے ہوئے پاسپورٹ آفس کا چیئرمین بنا،کل نوازشریف کی صاحبزادی نے عدلیہ، ایجنسیز کو بھی تنقید کا نشانہ بنایا۔

  • نواز شریف ووٹ کی بات کرتے ہیں کورٹ کی بات کیوں نہیں کرتے: شیخ رشید

    نواز شریف ووٹ کی بات کرتے ہیں کورٹ کی بات کیوں نہیں کرتے: شیخ رشید

    اسلام آباد: وفاقی وزیر ریلوے شیخ رشید کا کہنا ہے کہ نواز شریف ووٹ کی بات کرتے ہیں کورٹ کی بات کیوں نہیں کرتے، ڈان لیکس کے پیچھے کون تھا آج اعتراف کیا تو کل انکار کیوں کیا۔

    تفصیلات کے مطابق وفاقی وزیر ریلوے شیخ رشید کا کہنا ہے کہ 15 اکتوبر سے ٹرینوں تمام اہم ٹائم ٹیبل بحال کرنے جا رہے ہیں۔

    وفاقی وزیر کا کہنا تھا کہ 20 اکتوبر سے فریٹ لائن آن لان بکنگ شروع کریں گے، مفت کی تنخواہ لینے والوں کے لیے ریلوے کے دروازے بند ہوں گے۔

    انہوں نے اپوزیشن کو تنقید کا نشانہ بناتے ہوئے کہا کہ یہ قومی ایشو پر ملاقات اور ذاتی مفاد پر بات کرتے ہیں، نواز شریف سے پوچھتا ہوں اسامہ بن لادن سے کتنی ملاقاتیں کیں، کتنا چندہ وصول کیا۔

    شیخ رشید کا کہنا تھا کہ نواز شریف ووٹ کی بات کرتے ہیں کورٹ کی بات کیوں نہیں کرتے۔ ڈان لیکس کے پیچھے کون تھا آج اعتراف کیا تو کل انکار کیوں کیا۔

    انہوں نے مزید کہا کہ پاکستان سے بیماری کا بہانہ کر کے باہر گئے، جنوری 2021 تک ساری باتیں سامنے آجائیں گی، یہ وہ لوگ نہیں جو نظر آتے ہیں، پیپلز پارٹی سندھ سے استعفیٰ نہیں دے گی۔

  • العزیزیہ و ایون فیلڈ ریفرنسز: نواز شریف کے وارنٹ کی تعمیل کرادی گئی

    العزیزیہ و ایون فیلڈ ریفرنسز: نواز شریف کے وارنٹ کی تعمیل کرادی گئی

    اسلام آباد : دفترخارجہ کی جانب سے العزیزیہ و ایون فیلڈریفرنسز میں سابق وزیراعظم نواز شریف کے وارنٹ کی تعمیل کرادی گئی، نواز شریف کے وارنٹ گرفتاری حسن نواز نے وصول کیے۔

    تفصیلات کے مطابق دفترخارجہ نے سابق وزیراعظم نواز شریف کے وارنٹ گرفتاری کی تعمیلی رپورٹ ہائی کورٹ میں جمع کرادی ، رپورٹ میں بتایا گیا کہ اسلام آباد ہائیکورٹ کے حکم پر العزیزیہ و ایون فیلڈریفرنسز میں نواز شریف کے وارنٹ کی تعمیل کرادی گئی۔

    دفترخارجہ کی رپورٹ میں کہا گیا ہے کہ نواز شریف کے وارنٹ گرفتاری حسن نواز نے وصول کیے، برطانیہ میں پاکستانی ہائی کمیشن نے نواز شریف کو ڈاک کے ذریعے وارنٹ بھیجے تھے۔

    یاد رہے اسلام آباد ہائیکورٹ نے نواز شریف کےناقابل ضمانت دائمی وارنٹ جاری کئے تھے اور کاپی وزارت خارجہ کو بھجوادی تھی ، وارنٹ میں دفتر خارجہ کو برطانیہ میں ہائی کمیشن کے ذریعے وارنٹ کی تعمیل کا حکم دیا گیا تھا۔

    نوٹس میں کہا گیا تھا کہ نواز شریف کی 22 ستمبر اور دیگر تاریخوں پر حاضری یقینی بنائی جائے جبکہ ایون فیلڈ اور العزیزیہ ریفرنس اپیلوں پر سماعت کیلئے آئندہ سماعت پر ذاتی حیثیت میں پیش ہوں۔

    یاد رہے اسلام آباد ہائیکورٹ نے پندرہ ستمبر کو العزیزیہ ریفرنس میں نواز شریف کے ناقابل ضمانت وارنٹ گرفتاری جاری کرنے کا حکم دیا اور ریفرنس میں ضمانت کا حکم ختم کردیا تھا۔

  • نواز شریف کا برطانوی ہائی کمیشن سے وارنٹ گرفتاری وصول کرنے سے انکار

    نواز شریف کا برطانوی ہائی کمیشن سے وارنٹ گرفتاری وصول کرنے سے انکار

    اسلام آباد : سابق وزیراعظم نواز شریف نے برطانوی ہائی کمیشن سے وارنٹ گرفتاری وصول کرنے سے انکار کردیا ، اسلام آباد ہائیکورٹ نے نواز شریف کےناقابل ضمانت دائمی وارنٹ جاری کئے تھے۔

    تفصیلات کے مطابق سابق وزیراعظم نواز شریف نے برطانوی ہائی کمیشن سے وارنٹ گرفتاری وصول کرنے سے انکار کردیا ، ذرائع کا کہنا ہے کہ برطانوی ہائی کمیشن نےبذریعہ ای میل نوٹس کی کاپیاں نوازشریف کو بھجوا دیں۔

    اسلام آباد ہائیکورٹ نے نواز شریف کےناقابل ضمانت دائمی وارنٹ جاری کئے تھے اور کاپی وزارت خارجہ کو بھجوادی تھی ، وارنٹ میں دفتر خارجہ کو برطانیہ میں ہائی کمیشن کے ذریعے وارنٹ کی تعمیل کا حکم دیا گیا تھا۔

    نوٹس میں کہا گیا تھا کہ نواز شریف کی 22 ستمبر اور دیگر تاریخوں پر حاضری یقینی بنائی جائے جبکہ ایون فیلڈ اور العزیزیہ ریفرنس اپیلوں پر سماعت کیلئے آئندہ سماعت پر ذاتی حیثیت میں پیش ہوں۔

    یاد رہے اسلام آباد ہائیکورٹ نے پندرہ ستمبر کو العزیزیہ ریفرنس میں نواز شریف کے ناقابل ضمانت وارنٹ گرفتاری جاری کرنے کا حکم دیا اور ریفرنس میں ضمانت کا حکم ختم کردیا تھا۔

    خیال رہے اسلام آبادہائی کورٹ کا 2رکنی بینچ کل نواز شریف کی درخواستوں پر سماعت کرے گا، ایڈیشنل اٹارنی جنرل برطانوی ہائی کمیشن کی دستاویزعدالت میں پیش کریں گے۔

  • ڈاکٹر یاسمین راشد کا نوازشریف کو پاکستان واپس آنے کا مشورہ

    ڈاکٹر یاسمین راشد کا نوازشریف کو پاکستان واپس آنے کا مشورہ

    لاہور: وزیر صحت پنجاب ڈاکٹر یاسمین راشد نے نوازشریف کو پاکستان واپس آنے کا مشورہ دیتے ہوئے کہا اگر نواز شریف نے سیاست کرنی ہے تو ملک واپس آئیں۔

    تفصیلات کے مطابق سابق وزیراعظم نواز شریف کی تقریر پر وزیر صحت پنجاب ڈاکٹر یاسمین راشد نے درعمل دیتے ہوئے کہا کہ بڑی اچھی بات ہے ، نواز شریف بغیرعلاج کے ٹھیک ہورہے ہیں ، نوازشریف کو پاکستان واپس آنےکامشورہ ہے، اگر نواز شریف نے سیاست کرنی ہے تو ملک واپس آئیں۔

    نواز شریف کی میڈیکل رپورٹس جعلی نہیں، میڈیکل بورڈ کو کوئی بیوقوف نہیں بنایا گیا ، 10باراس معاملےپروضاحت دےچکی ہوں۔

    یاد رہے  وفاقی وزیر برائے اطلاعات و نشریات شبلی فراز نے کہا تھا کہ نواز شریف مکمل صحت مند دکھائی دیے ہیں، واضح ہو گیا کہ باہر جانے کے لیے بیماری کی شعبدہ بازی کی گئی،  ادارے  نواز شریف کی تقریر کا از خود نوٹس لیں۔

    شبلی فراز کا کہنا تھا نواز شریف نے کہا انتخابات کو مینج کیا جاتا رہا ہے، نواز شریف بھول گئے کہ وہ خود 3 بار وزیر اعظم رہے، عمران خان تو پہلی بار وزیر اعظم بنے ہیں، اقتدار میں ہوں تو سب ٹھیک، اپوزیشن میں ہو تو جمہوریت خطرے میں۔

    وزیر اطلاعات کا کہنا تھا کہ وزیر اعظم نے خود کہا نواز شریف کی تقریر نشر ہونے دیں، میڈیا آزاد ہے، ہمیں بھی کیا کیا کچھ نہیں کہا جاتا، وزیر اعظم نے واضح ہدایات دیں میڈیا کے خلاف اقدام نہ کریں، نواز شریف کی تقریر براہ راست نشر ہونے سے یہ خود بے نقاب ہوئے، قوم کو پتا چلا ان کی باتوں میں کتنی منافقت ہے۔

  • ن لیگ کے مفرور قائد نواز شریف نے ٹوئٹر اکاؤنٹ بنا لیا

    ن لیگ کے مفرور قائد نواز شریف نے ٹوئٹر اکاؤنٹ بنا لیا

    لاہور: پاکستان مسلم لیگ ن کے مفرور قائد سابق وزیر اعظم پاکستان میاں محمد نواز شریف نے بھی ٹوئٹر اکاؤنٹ بنا لیا۔

    تفصیلات کے مطابق پاکستان میں مقدمات کا سامنا کرنے والے اور لندن میں علاج کی غرض سے مقیم نواز شریف نے لوگوں کے ساتھ منسلک رہنے کے لیے ٹوئٹر اکاؤنٹ بنا لیا۔

    ان کی صاحب زادی مریم نواز نے والد کے ٹوئٹر اکاؤنٹ بنانے کی تصدیق کر دی ہے۔

    مریم نواز نے اس سلسلے میں ایک ٹوئٹ میں بتایا کہ وہ مسرت کے ساتھ یہ اعلان کر رہی ہیں کہ پاکستان کے عوام کے ساتھ جڑے رہنے کے لیے میاں نواز شریف نے ٹوئٹر جوائن کرنے کا فیصلہ کر لیا ہے۔

    نواز شریف نے اپنا پہلا ٹوئٹ بھی کر دیا ہے، جس میں انھوں نے اپنا مقبول نعرہ لکھا ہے: ووٹ کو عزت دو۔

    اے پی سی، متحدہ الائنس کی تشکیل کا امکان، نواز شریف خطاب کریں گے

    واضح رہے کہ کل اسلام آباد میں منعقد ہونے والی اپوزیشن کی آل پارٹیز کانفرنس میں نواز شریف نے بھی خطاب کا فیصلہ کیا ہے، یہ خطاب براہ راست لندن سے سوشل میڈیا پر نشر کیا جائے گا۔

    نواز شریف کے خطاب کو سوشل میڈیا پر نشر کرنے کے انتظامات کر لیے گئے ہیں، ان کا خطاب فیس بک، ٹویٹر اور انسٹاگرام پر براہ راست نشر ہوگا، معلوم ہوا ہے کہ نواز شریف اپنے بیٹے حسن نواز کے دفتر سے ورچوئل خطاب کریں گے، اس سلسلے میں مسلم لیگ ن برطانیہ کا سوشل میڈیا سیل متحرک ہو گیا ہے۔

    خیال رہے کہ سابق وزیر اعظم نواز شریف کا ٹوئٹر ہینڈل اسی پس منظر میں بنایا گیا ہے۔ نواز شریف کا آفیشل ٹوئٹر اکاؤنٹ بنتے ہی فالوورز بڑی تیزی سے ان کو فالو کرنے لگے ہیں، ابتدائی ایک گھنٹے میں فالوورز کی تعداد 15 ہزار سے بڑھ گئی ہے۔

  • ڈاکٹروں کا بہترین علاج کیلیے نواز شریف کو لندن میں قیام کا مشورہ

    ڈاکٹروں کا بہترین علاج کیلیے نواز شریف کو لندن میں قیام کا مشورہ

    لاہور : سابق وزیر اعظم میاں نواز شریف کی تازہ ترین میڈیکل رپورٹس میں ڈاکٹروں نے بہترین علاج کے لیے نواز شریف کو لندن میں قیام کا مشورہ دے دیا۔

    تفصیلات کے مطابق سابق وزیر اعظم میاں نواز شریف کی تازہ ترین میڈیکل رپورٹس لاہور ہائیکورٹ میں جمع کرا دی گئیں، امجد پرویز ایڈوکیٹ نے نواز شریف کی چار صفحات پر مشتمل میڈیکل رپورٹ لاہور ہائیکورٹ میں جمع کرائی۔

    رپورٹ کے مطابق ڈاکٹر نے نواز شریف کو بہترین علاج کے لیے لندن میں ہی قیام کا مشورہ دیا ہے اور کہا ہے کہ نواز شریف روٹین کی چہل قدمی اور میڈیکل تھیراپی جاری رکھیں۔

    رپورٹ میں کہا گیا ہے کہ نواز شریف کے مطابق وہ پاکستان کی جیل میں تنہا قید تھے، ان کی حالت وہاں زیادہ خراب ہوئی، نواز شریف ہائی رسک کیٹیگری کے مریض ہیں اور ان کے دل کے علاج کے لیے تمام اقدامات اٹھانے کی ضرورت ہے۔

    میڈیکل رپورٹ میں بتایا گیا کہ کورونا کی وجہ سے نواز شریف سمیت کئی مریضوں کے علاج میں خلل آیا ہے، ان کے دل کی شریانیں کھولنے کے لیے جلد ہی وقت مقرر کیا جائے گا اور نواز شریف کے پلیٹ لیٹس کا علاج ان کے دل کی بند شریانیں کھولنے کے بعد کیا جائے گا۔

    خیال رہے لاہور ہاٸی کورٹ کے حکم پر نواز شریف اس سے قبل بھی میڈیکل رپورٹس جمع کرا چکے ہیں۔

  • ’’نواز شریف بھی بانی ایم کیو ایم والا ڈرامہ دہرا رہے ہیں‘‘

    ’’نواز شریف بھی بانی ایم کیو ایم والا ڈرامہ دہرا رہے ہیں‘‘

    فیصل آباد: وزیراعظم کے معاونِ خصوصی برائے سیاسی روابط شہباز گل کا کہنا ہے کہ نواز شریف بھی بانی ایم کیو ایم والا ڈرامہ دہرا رہے ہیں۔

    اے آر وائی نیوز کی رپورٹ کے مطابق معاون خصوصی برائے سیاسی روابط شہباز گل نے میڈیا سے گفتگو کرتے ہوئے کہا کہ نواز شریف نے واپس نہیں آنا، وہ بیماری کا جھوٹ بول کر باہر گئے ہیں۔

    انہوں نے کہا کہ کرپٹ نواز شریف واپس آکر گناہوں کا کفارہ ادا کریں، میاں صاحب بھی بانی ایم کیو ایم والا ڈرامہ دہرانے لگے ہیں۔

    شہباز گل نے کہا کہ مجھے شروع سے علم تھا نواز شریف بیمار نہیں، ایک بار وہ بھاگ کر جدہ گئے تھے، جھوٹ بولتے رہے، ہمارے ہاتھ پاؤں باندھ کر سمندر میں پھینکا گیا ہے۔

    معاون خصوصی کا کہنا تھا کہ گزشتہ حکومتوں نے عارضی سبسڈی دے کر ملک دیوالیہ کیا، شریف خاندان نے شوگر ملز لگا کر کپاس کی فصل کو تباہ کیا۔

    مزید پڑھیں: ایون فیلڈ اور العزیزیہ ریفرنس، نواز شریف کی حاضری سے استثنی کیلیے درخواستیں دائر

    واضح رہے کہ اس سے قبل سابق وزیراعظم نواز شریف نے ایون فیلڈ اور العزیزیہ ریفرنس میں سزا کیخلاف اپیلوں کی سماعت میں حاضری سے استثنی کے لیے درخواستیں دائر کی تھیں۔

    درخواست میں کہا گیا ہے کہ نواز شریف ہائیپر ٹینشن، امراض قلب سمیت دیگر بیماریوں میں مبتلا ہیں، میڈیکل رپورٹ نواز شریف کے معالج ڈاکٹر ڈیوڈ آر لارنس نے جاری کی، میڈیکل سرٹیفکیٹ میں نواز شریف کو دی جانے والی ادویات کا بھی ذکر ہے۔

    گذشتہ سماعت میں اسلام آباد ہائی کورٹ نے سابق وزیراعظم نوازشریف کو عدالت میں سرنڈر کرنے کا حکم دیتے ہوئے کہا تھا کہ وہ جس حالت میں بھی ہیں عدالت میں پیش ہوں۔

  • نواز شریف کن امراض میں مبتلا ہیں، ڈاکٹر ڈیوڈ کی رپورٹ سامنے آ گئی

    نواز شریف کن امراض میں مبتلا ہیں، ڈاکٹر ڈیوڈ کی رپورٹ سامنے آ گئی

    اسلام آباد: عدالت میں جمع کرائی گئی میاں نواز شریف کی میڈیکل رپورٹ اے آر وائی نیوز نے حاصل کر لی، نواز شریف نے وکیل کے ذریعے اسلام آباد ہائی کورٹ میں طبی بنیاد پر حاضری سے استثنیٰ مانگ لیا۔

    تفصیلات کے مطابق نواز شریف نے طبی بنیاد پر حاضری سے استثنیٰ مانگ لیا، وکیل خواجہ حارث کے ذریعے اسلام آباد ہائی کورٹ میں درخواست دائر کر دی، انھوں نے درخواست میں مؤقف اختیار کیا ہے کہ میں بیماری کے باعث عدالت میں پیش ہونے سے قاصر ہوں۔ درخواست کے ساتھ نواز شریف کی 4 ستمبر کی میڈیکل رپورٹ بھی منسلک کی گئی ہے۔

    یہ میڈیکل رپورٹ نواز شریف کے معالج ڈاکٹر ڈیوڈ آر لارنس نے جاری کی ہے، جس میں کہا گیا ہے کہ نواز شریف ہائپر ٹینشن، امراض قلب سمیت دیگر بیماریوں میں مبتلا ہیں، وہ ایڈوانس کورونری آرٹری مرض کا شکار ہیں، میڈیکل تھراپی کے باوجود نواز شریف کلاس ٹو انجائنا لاحق ہے۔

    رپورٹ میں تجویز دی گئی ہے کہ مریض کی کورونری انجیوگرافی کرائی جائے، جب کہ انجیو گرافی سے متعلق باقی رپورٹس ابھی آنی ہیں، نیز نواز شریف کو ریڈو کرونری آرٹری بائی پاس گرافٹنگ کی ضرورت ہو سکتی ہے، نواز شریف کو انجیو گرافی تک دوائیں جاری رکھنی ہوں گی۔

    توشہ خانہ ریفرنس، نواز شریف اشتہاری قرار ، یوسف رضاگیلانی اورآصف زرداری پرفردِجرم عائد

    جسمانی سرگرمی کے لیے میڈیکل رپورٹ میں ڈاکٹر نے تجویز دی ہے کہ نواز شریف روز کھلی فضا میں واک کریں، ڈاکٹر ڈیوڈ کی تجویز سے نواز شریف کے لندن میں ذاتی معالج بھی متفق ہیں۔

    ڈاکٹر ڈیوڈ نے نواز شریف کو انجیو گرافی تک لندن میں رہنے کا مشورہ بھی دیا ہے، رپورٹ میں کہا گیا ہے کہ نواز شریف کرونا وبا کے دوران کوئی سفر نہ کریں، کرونا میں مبتلا ہوئے تو جان کو خطرہ ہو سکتا ہے۔

    میڈیکل رپورٹ میں ذہنی مسائل کا بھی ذکر کیا گیا ہے، رپورٹ کے مطابق حالیہ چیک اپ سے اندازہ لگایا گیا ہے کہ نواز شریف شدید ذہنی دباؤ کا شکار ہیں، پاکستان جانے اور قید تنہائی سے ذہنی دباؤ بڑھ سکتا ہے، اپنے ساتھی کی جدائی اور قید تنہائی دل کی بیماری کو بڑھا سکتی ہے، خدشہ ہے ذہنی دباؤ سے نواز شریف ایک اور دل کی بیماری کا شکار ہو جائیں۔

    اس میڈیکل سرٹیفکیٹ میں نواز شریف کو دی جانے والی ادویات کا بھی ذکر ہے۔

    واضح رہے کہ آج احتساب عدالت نے توشہ خانہ ریفرنس میں نواز شریف کو اشتہاری قرار دے دیا ہے، دائمی وارنٹ گرفتاری بھی جاری کر دیا گیا، 7 روز میں نواز شریف کی منقولہ اور غیر منقولہ جائیداد کی تفصیل طلب کی گئی، احتساب عدالت کے جج نے کہا نواز شریف کو اشتہاری قرار دے کر کیس الگ کر رہے ہیں۔