Tag: Nawaz Sharif

عوامی تحریک کے کارکنان نے پارلیمنٹ ہاؤس کا گھیراؤکرلیا

اسلام آباد: پاکستان عوامی تحریک کےسربراہ طاہرالقادری نےکہاہے کہ کارکنان پارلیمنٹ ہاؤس کا گھیراؤ کرلیں اور کہیں سےکوئی رکن قومی اسمبلی ،پارلیمنٹ سے باہر نہ نکلنے پائے،اراکین اسمبلی کو اس لئے اندر جانے دیا کہ شکار ایک جگہ جمع ہوجائے ،ان خیالات کا اظہار پی اے ٹی کے سربراہ نے دھرنے کے شرکاء سے خطاب کرتے ہوئے کیا،

انہوں نے کہا کہ ہم ریاستی اداروں کا تقدس پامال نہیں ہونے دیں گے،کوئی بھی کارکن پاک فوج پر ہاتھ نہ اٹھائے ، اگر کسی کارکن نے کوئی ایسی حرکت کی تو اس کا پاکستان عوامی تحریک سے کوئی تعلق نہیں ہوگا،ڈاکٹر طاہرالقادری نےکہا کہ زیادہ دیر کارکنان کو نہیں روک سکتا،اور دھرنے کے شرکاءکو زیادہ دیر تکلیف میں نہیں رکھ سکتا،اس لئے عوام کے باغی ہونے سے پہلے نواز شریف اور شہباز شریف مستعفی ہوکر گرفتاری پیش کریں۔

ہمارا کسی عمارت پر قبضےکا ارادہ نہیں طاہرالقادری کاکہناہے کہ اب کرپشن کی سیاست برداشت نہیں کی جائےگی پی اےٹی کےرہنما نےکہاسانحہ ماڈل ٹاؤن کےذمہ دار وزیراعلیٰ پنجاب ہیں، شہبازشریف بڑے بھائی کی رضامندی کے بغیرکچھ نہیں کرتے، طاہرالقادری نے کہا کہ پیمراپاک فوج کےخلاف زہراگلنےوالوں کاتحفظ کرتاہے طاہرالقادری نےکہاانقلاب کا سورج طلوع ہوچکاہے۔

اگست 20, 2014
پی ٹی آئی دھرنا:چاچا کرکٹ اورکارکنان کا جوش و جذبہ قابل دید

اسلام آباد: پارلیمنٹ ہاؤس کے سامنے سجے پاکستان تحریکِ انصاف کے پنڈال میں کارکنان اور چاچا کرکٹ کا جوش و جذبہ دیدنی ہے,نعرے لگاتے رقص کرتے،جشن مناتےتحریکِ انصاف کے کارکنان رات گئے سے پارلیمنٹ ہاؤس کے سامنے تحریکِ انصاف کا دھرنا جاری ہے۔ کارکنان کا جوش وخروش بھی دیدنی ہے۔

پارلیمنٹ ہاؤس کے سامنے جشن کا سا سماں نظرآتا ہے۔ کیا مرد کیا خواتین سب کے حوصلے تازہ دم ہیں۔ چہروں پرکئی روز بعد بھی تھکن کے آثارنظرنہیں آتے۔ کوئی پارلیمنٹ کے سامنے پی ٹی آئی کا جھنڈا لہرارہا ہے۔ تو کسی نے سرپرپارٹی کا پرچم باندھ رکھا ہے۔ تبدیلی کا عزم لئے ان کارکنان کا کہنا ہے کہ تبدیلی آکر رہے گی۔

کرکٹ کے میدانوں کی رونق چاچا کرکٹ نئے پاکستان کا عزم لئے پی ٹی آئی کے دھرنے میں شامل ہیں۔ کرکٹ کے میدانوں میں تو چاچا کرکٹ ٹیم کا حوصلہ بڑھاتے ہی ہیں لیکن پی ٹی آئی کے کپتان کے دھرنے میں بھی چاچا جی کارکنان کے ساتھ خُوب جوش وخروش کا مظاہرہ کررہے ہیں۔۔

اگست 20, 2014
مظاہرین ریڈ زون میں داخل، نواز شریف کااستعفیٰ نہ دینے کا فیصلہ

اسلام آباد : وزیر اعظم میاں نواز شریف کی زیر ِ صدارت وفاقی حکومت کا ایک اعلیٰ سطحی اجلاس ہوا جس میں وزیرِاعظم نے استعفیٰ نہ دینے کا اصولی فیصلہ کیا ہے۔

پاکستان تحریک ِانصاف اور پاکستان عوامی تحریک کے احتجاجی دھرنوں کے باعث اسلام آؓباد میں پیدا ہونے والے صورتحال کے پیش ِ نظر ایک اعلیٰ سطحی میٹنگ منعقد ہوئی جس میں صورتحال کا بغور جائزہ لیا گیا۔

میٹنگ کے دوران میاں نواز شریف نے استعفیٰ دینے کے مطالبے کو قطعی رد کردیا جبکہ میٹنگ کے شرکاء نے بھیا س بات پر زوردیا کہ حکومت اپنی آئینی مدت پوری کرے۔

انہوں نے یہ بھی کہا کہ وسط مدتی انتخابات کا کوئی سوال پید انہیں ہوتا اور احتجاج کرنے والے نا امید ہوں گے۔

دوسری جانب عوامی تحریک اور تحریک انصاف کے مظاہرین پارلیمنٹ ہاؤس کی جانب بڑھ رہے ہیں اور اس دوران سرینا چوک کے مقام پر پولیس اور مطاہرین میں ایک جھڑپ بھی ہوچکی ہے۔

دریں اثنا اسلام آباد کی انتطامیہ نے یہ فیصلہ کیا ہے کہ کیونکہ حکومت کی جانب سے مظاہرین کو روکنے کے لئے کسی بھی قسم کے تحریری احکامات موصول نہیں ہوئے لہذا مظاہرین کی راہ میں حائل نہیں ہوا جائے جب تک کسی قسم کے تحریری احکامات موصول نہ ہوں۔

اگست 19, 2014
غزہ جل رہا ہے، اسلامی ممالک خاموش ہیں، سراج الحق

کراچی: جماعت اسلامی کے امیر سراج الحق نے کہا ہے کہ ملک کسی بھی غیر آئینی کام کا متحمل نہیں ہوسکا،وزیر اعظم نواز شریف اور عمران خان نے یقین دلایا ہے کہ وہ کوئی بھی غیر آئینی کام نہیں کریں گے بحران کو حل کرنے کیلئے حکومت کو کچھ قربانی دینی پڑے گی۔

کراچی میں شارع فیصل پر جماعت اسلامی کی جانب سے فلسطین کی حمایت میں غزہ ملین مارچ سے خطاب کرر ہے تھے ملین مارچ میں لاکھوں افرادنے شرکت کی تھی،سراج الحق کا کہنا تھا کہ بحران کو حل کرنے کیلئے انہوں نے آصف علی زرداری، خورشید شاہ،فضل الرحمن، محمود اچکزئی،عمران خان اور نواز شریف سے رابطے کئے ہیں اور سب کا اس بات پر اتفاق ہے کہ جمہوریت کو نقصان نہیں ہونا چاہئے۔

انہوں نے کہا کہ دھاندلی کیخلاف جماعت اسلامی کو بھی شکایت ہیں ہم بھی الیکشن کے نظام میں اصلاحات چاہتے ہیں اس سے قبل خورشید شاہ نے خطاب کرتے ہوئے کہا کہ پاکستان میں ریلی پر فلسطین کی حمایت میں تمام جماعتیں ایک پلیٹ فارم پر جمع ہیں،حماس کے رہنما خالد مشعل نے ٹیلی فونک خطاب کیا جلسے سے سلیم ضیاء،عبدالرحمن مکی،منور حسن،نعیم الرحمان،قادر پٹیل،بشاورت مرزا اور دیگر رہنماوں نے خطاب کیا۔

اگست 17, 2014
وزیراعظم کا عوامی تحریک ،تحریک انصاف کے ساتھ مذاکرات کیلئےکمیٹی بنانے کا فیصلہ

اسلام آباد: وزیراعظم نواز شریف نے پاکستان عوامی تحریک اور پاکستان تحریک انصاف کے ساتھ مذاکرات کیلئے ٹیم بنانے کا فیصلہ کرلیا۔

وزیراعظم نواز شریف نے انقلاب اور آزادی مارچ کی مانیٹرنگ کے لیئے چار رکنی کابینہ کمیٹی تشکیل دے دی ہے، کمیٹی وفاقی وزراء چودھری نثار علی خان خواجہ اصف ،احسن اقبال اور عبد القادر بلوچ پر مشتمل ہے، کابینہ کمیٹی ازادی اور انقلاب مارچ پر نظر رکھے گی اور وزیراعظم کو لمحہ بہ لمحہ تفصیلی رپورٹ بھی پیش کرے گی کابینہ کمیٹی صورتحال کے جائزے کے ساتھ ساتھ مسلے کے حل کے امور پر بھی غور کرے گی ۔

اگست 17, 2014
نواز شریف کے زیر صدارت رائیونڈ میں اعلی سطحی اجلاس

اسلام آباد: وزیراعظم محمد نواز شریف کے زیر صدارت رائیونڈ میں ہونے والے اعلی سطحی اجلاس میں موجودہ بحران پر قابو پانے کےلیے بڑی سیاسی جماعتوں کے ساتھ رابطے اور احتجاجی جماعتوں کے سربراہوں کے ساتھ براہ راست ڈائیلاگ شروع کرنے کا فیصلہ کرلیا گیا۔

مسلم لیگ ن کے ذمہ دار ذرائع کے مطابق رائیونڈ لاہور میں ن لیگ کے سربراہ نواز شریف کی زیر صدارت ہونے والے اجلاس میں فیصلہ کیا گیا کہ ملک کو بحرانی صورتحال سے نکالنے کےلیے پاکستان پیپلزپارٹی کے شریک چیئرمین آصف علی زرداری اور اتحادی جماعتوں سے رابطوں کے علاوہ حکومت پارلیمنٹ میں اپوزیشن جماعتوں کی قومی اسمبلی میں کمیٹی بنانے پر بھی رضامند ہوگئی ہے۔

ذرائع کا کہنا ہے کہ وزیر اعظم نواز شریف نے اس موقع پر پارٹی رہنماوں کو واضع پیغام دیا ہے کہ اُن کے استعفے کا کوئی اپشن موجود نہیں ، جبکہ دوسری جانب سانحہ ماڈل ٹاون میں ہونے والی خون ریزی پر بھی پنجاب حکومت کے ذمہ داروں نے صوبائی حکومت کو قانونی نکات پر اعتماد میں لیا۔

اگست 17, 2014
وزیراعلیٰ پنجاب شہباز شریف نے مستعفی ہونے کی پیشکش کردی، ذرائع

لاہور: حکومت نے پاکستان تحریک انصاف اور پاکستان عوامی تحریک سے براہ راست مذاکرات کا فیصلہ کرلیا ہے، وزیراعلیٰ پنجاب شہباز شریف نے بھی مستعفی ہونے کی پیشکش کردی۔

انقلاب اور آزادی مارچ کے دھرنوں سے شہر اقتدار مفلوج ہونے کے بعد حکمرانوں نے مذاکرات کی راہ اختیار کرلی، ذرائع کا کہنا ہے رائے ونڈ میں وزیر اعظم نواز شریف کی زیر صدارت اہم اجلاس میں شہباز شریف نےمستعفی ہونے کی پیشکش کردی، تووزیراعظم نوازشریف نے واضح پیغام دیدیا کہ اُن کے استعفے کا کوئی اپشن موجود نہیں۔

اجلاس میں فیصلہ کیا پی ٹی آئی اور تحریک انصاف سے براہ راست مذاکرات کئے جائیں گے، ملک کوبحرانی صورتحال سے نکالنے کےلیے پیپلزپارٹی کے شریک چیئرمین آصف علی زرداری اور اتحادی جماعتوں سے رابطے کئے جائیں گے، حکومت پارلیمنٹ میں موجود اپوزیشن جماعتوں کی کمیٹی بنانے پر بھی رضامند ہوگئی، اجلاس میں سانحہ ماڈل ٹاون میں ہونے والی خون ریزی پر بھی پنجاب حکومت کے ذمہ داروں نے صوبائی حکومت کو قانونی نکات پر اعتماد میں لیا۔

اگست 17, 2014
عمران خان کی وزیراعظم کووارننگ، چودھری نثار کوتحریک انصاف میں شمولیت کی دعوت

اسلام آباد: پاکستان تحریک انصاف کے سربراہ عمران خان نے وزیر اعظم میاں نواز شریف کو تنبیہہ کرتے ہوئے کہا کہ پیار سے کہہ رہا ہوں استعفیٰ دے دوفاسٹ بالر کا صبر زیادہ نہیں ہوتا ۔

انہوں نے مزید کہا کہ اگر وزیر اعظم نے استعفیٰ دینے میں دیر لگائی تو سونامی ریڈ زون کو عبور کر کے وزیراعظم ہاؤس تک پہنچ سکتی ہے۔

عمران خان نے وزیر داخلہ چوہدری نثار کو مخاطب کرکے کہا کہ وقت آگیا ہے کہ ضمیر کی آواز سنی جائے لہذا وزیر داخلہ فیصلہ کرلیں کہ جمہوریت کا ساتھ دینا ہے یا بادشاہت کا۔ ان کا کہناتھا کہ چوہدری نثار بھی جانتے ہیں کہ نواز شریف کتنا ٹیکس دیتے ہیں اور شہہباز شریف کیا کرہے ہیں۔

ان کا کہنا تھا تھا کہ تبدیلی آنہیں رہی تبدیلی آچکی ہے، انہوں نے چوہدری نثا رسے کہا کہ میں نے عوامی جنون کو یہاں تھام کہ رکھا ہوا ہے لیکن یہ کسی بھی وقت اس حد سے نکل جائے گا، ابھی وقت ہے کہ چوہدری نثار تحریک انصاف میں شمولیت کرلیں۔

انہیں نے کہا کہ آج غیر سیاسی پاکستانی اور جانور میں کوئی فرق نہیں یاد رکھیں کہ غیر سیاسی ہرن کو شکار پر نکلا ہوا چیتا دبوچ لیتا ہے۔

اگست 16, 2014
عمران خان کا آزادی مارچ سے خطاب، نواز شریف ضمیروں کے سوداگرہیں

اسلام آباد : پاکستان تحریک انصاف کے سربراہ عمران خان آزادی مارچ کے شرکاء سے خطاب کررہے ہیں اور ان کا کہنا تھا کہ میں اپنی وجہ سے نہیں کارکنوں کی وجہ سے واپس گیا وہ تھکے ہوئے تھے اور بارش میں بھیگے ہوئے تھے۔

انہوں نے کارکنوں سے کہا کہ ان ہیں معلوم ہے کہ آپ مزید چالیس گھنٹے جاگ سکتے ہیں لیکن یہ شریف برادران نہیں جاگ سکتےاللہ نے بارش کارکنوں کو آزمانے کے لئے بھیجی۔

ان کا کہنا تھا کہ قوم کا جذبہ اور جنون سب کےسامنے ہے اور جس قوم میں ایسا جذبہ ہو نہ تو اسے کسی کے سامنے جھکنے کی ضرورت تھی نہ ہی کسی سےقرضے لینے کی لیکن حکمران چور اور بزدل تھے۔

ان کا کہنا تھا کہ شہباز شریف کی تو ایف آئی آر کٹنے والی ہے اور الیکشن کی دھاندلی کی کہانی منظر عام پر آنے کے بعد انہیں نواز شریف کا مستقبل بھی اندیھیرے میں نظر آرہا ہے آج ساری رات ہم یہاں آزادی کا جشن منائیں گے۔

انہوں نے جنگ جیو گروپ کے مالک میر شکیل الرحمن کو مخاطب کر کے کہا شرم کرو تم نے ٹی وی پر پروپیگنڈا شروع کررکھا ہے تم کہتے تھے کہ عمران خان ڈیل کرلے گا لیکن سن لو کہ تم اب پیسے لے کر نواز شریف کو بچا نہیں سکتے۔

انہوں نے کہا کہ نواز شریف کا دوسرا نام ’’ضمیروں کا سوداگر‘‘ ہے لیکن وہ ان کے ضمیر کا سودا نہیں کرسکتا۔

انہوں نے اعلان کیا کہ تحریک انصاف حکومت میں آئے گی تو قرضہ لے کر قوم کو بھکاری نہیں بنائیں گے۔

انہوں نے مزید کہا کہ عمران خان وزیر اعظم بن کر عوام سے جھوٹ نہیں بولے گا ، انکا دعویٰ تھا کہ تحریک انصاف کی حکومت نے ایک سال میں خیبر پختونخواہ کی پولیس میں سے کرپشن ختم کردی ، اس ملک میں سب سے زیادہ ظلم پولیس کرتی ہے۔ نئے پاکستان میں پولیس گلوں بٹوں کو نہیں پالے گی۔

عمران خان نے کہا کہ اس حکومت نے بجلی چوروں کو پانچ سو ارب روپے دئے ان سب کا احتساب ہوگا دیر لگے گی لیکن ہم سستی بجلی بنائیں گے۔

انہوں نے کہا نواز شریف نے تو جیم خانہ میں کبھی اپنے ایمپائر کھڑے کئے بغیر کرکٹ نہیں کھیلی انہوں نے کہا کہ عوام بتائے کہ کبھی عمران خان نے اپنے ایمپائر کھڑے کئے۔

اگست 16, 2014
ڈاکٹر طاہر القادری کا قومی وصوبائی حکومتیں برطرف کرنے کامطالبہ، آج انقلاب کا ٹائم فریم دیں گے

اسلام آباد : پاکستان عوامی تحریک کے قائد ڈاکٹر طاہر القادری انقلاب مارچ کے شرکاء سے خطاب کر رہے ہیں اور انہوں نے اعلان کیا کہ انقلاب ابھی شروع نہیں ہوا کہ سیشن کورٹ نے نواز شریف اور شہباز شریف کے خلاف اکیس افراد کے قتل کا مقدمہ درج کرنے کا حکم دے دیا ہے۔

انہوں نے کہا کہ مڈٹرم انتخاب ہوئے تو پھر یہی لوگ اقتدار میں آجائیں گے لہذامڈٹرم انتخابات مسترد کرتے ہیں انہوں نے مزید اعلان کیا کہ آج رات کسی وقت انقلاب کے لئے ٹائم فریم دیں گے۔انہوں نے جلسے میں آئے ہوئے پاکستان تحریک انصاف کے کارکنوں کو بھی خوش آمدید کہا اور ان کو کہا کہ وہ سب ان کے لئے اولاد کی طرح ہیں۔

انہوں نے کہا کہ اب یہ محکمہ پولیس کی ذمہ داری ہے کہ وہ اس فیصلے پر فی الفور عمل کرتے ہوئے ایف آئی آر درج کرے بصورت دیگر نتائج بھگتنے کے لئے تیار ہوجائے۔

انہوں نے اسلام آباد کے شہریوں کو یقین دہانی کراتے ہوئے کہا کہ انقلاب کے لئے آئے ہوئے لوگ نہ غنڈے ہیں نہ چور اور نہ ہی بد امن ہیں ، دوکاندار اپنی دکانیں کھول لیں ان کی ملکیت کو کسی قسم کا نقصان نہیں پہنچایا جائے گا۔

انہوں نے کہا کہ سانحہ ماڈل ٹاؤن کے شہدا کی روحیں سوال کر رہی ہیں کہ کیا ان کا بدلہ لیا جائے گا، کیا قانون ان کے قاتلوں کو گرفتار کیا جائے گا، کیا پاکستان کے نظام ان کو انصاف فراہم کرے گا یا پاکستان کے کروڑوں افراد ان کے خون سے غدار کریں گے۔

دریں اثنا ء جلسے کے شرکا ء نے ایک اسلحہ بردار شخص کو پکڑ لیا جسے ڈاکٹر طاہر القادری نے عوام کے غیض و غضب سےبچاتے ہوئے اپنے پاس اسٹیج پر بلا کر گلے لگا کر معاف کیا اور کارکنان کو حکم دیا کہ اسے مزید گزند نہ پہنچایا جائے۔

بعد ازاں ڈاکٹر طاہر القادری نےجلسے کے شرکا سے خطاب جاری رکتھے ہوئے انقلاب کا چارٹر آف ڈیمانڈ پیش کیا

شریف برادران استعفیٰ دیں۔
قومی اور صوبائی اسمبلیاں تحلیل کی جائیں۔
قومی حکومت قائم کی جائے۔
ملک وقوم کو نقصان پہنچانے والوں کا کڑا احتساب کیا جائے۔
عوام کی فلاح و بہبود کے لئےدس نکاتی فلاحی ایجنڈے کا نفاذ کیا جائے۔

ہر شخص کو روٹی کپڑا اور مکان فراہم کیا جائے
بیروزگاروں کےلئے روزگار کے مواقع فراہم کئے جائیں
ہر بیمار کے لئے حکومت مفت علاج معالجے کی سہولت فراہم کی جائے
ہر بچے کے لئے مفت تعلیم لازمی کی جائے
روز مرہ کی اشیا آدھی قیمت پر فراہم کی جائے
کم تنخواہ والے افراد کے لئے یوٹیلیٹی بل آدھے کئے جائیں
عورتوں کو برابری کی بنیاد پر حقوق عطا کرنے کے لئے انہیں گھریلو سطح پر انڈسٹری لگا کر دی جائے
تنخواہوں کے درمیان واضح فرق کو ختم کیا جائے

بین المسالک ہم آہنگی کو فروغ دے کر ایک دوسرے کو کافر کہنے پر پابندی لگائی جائے۔
ملک میں امن و رواداری کو فروغ دینے کے لئے ٹریننگ سنٹر قائم کئے جائٰیں اور اس کو نصاب کا حصہ بنایا جائے۔
اقلیتوں کو مکمل تحفظ فراہم کیا جائے گا اور ان پر ہاتھ اٹھانے والے کا ہاتھ کاٹ دیا جائے گا۔
انتظامی بنیادوں پرمزید صوبے قائم کئے جائیں اور طاقت کو نچلی سطح پر منتقل کیا جائے۔

ان کا کہنا تھا کہ پانچ لوگ ملک کی تقدیر کا فیصلہ کرتے ہیں قومی حکومت سات سے دس لاکھ افراد کو حکومت کا حصہ بنائے گی۔ طاقت ور اور کمزور لوگوں کے لئے الگ الگ قانون اب نہیں چلیں گے۔

انہوں نے کہا کہ قومی حکومت میں تمام کرپٹ وزراء اور افسر جیل جائیں گے اور اگر ایئرپورٹ حکام نے شرف برادران کو بھاگنے کا موقعہ دیا تو ان کا بھی احتساب ہوگا۔

اگست 16, 2014