اسلام آباد: وزیراعظم میاں نواز شریف سے سعودی کونسل خانے کے تین رکنی وفد کی ملاقات کی اور شاہی خاندان کا اہم پیغام پہنچایا۔
رائیونڈ فارم ہاؤس میں سعودی قونصل خانے کے تین رکنی وفد نے وزیر اعظم نواز شریف سے ملاقات میں یمن سعودی جنگ اور سعودی عرب کی سلامتی کو لاحق خطرات پر تبادلہ خیال کیا گیا۔
وزیر اعظم نے سعودی قونصل خانے کے وفد کو یقین دلایا کہ پاکستان سعودی عرب کی سلامتی اور سرحدی تحفظ کے لیے ہر ممکن مدد فراہم کریگا۔
وزیر اعظم نے کہا کہ سعودی عرب پاکستان کا مخلص دوست ہے ہر مشکل اور کڑے وقت میں سعودی عرب نے پاکستان کا ساتھ دیا ہے اور پاکستان بھی اس مشکل وقت میں سعودی عرب کو تنہا نہیں چھوڑے گا۔
