Tag: Nayyar Hayat

کراچی : پی آئی اے کے چیف ایگزیکٹو افسر نیرحیات نے قطر میں پھنسے پاکستانیوں کے لیے خصوصی اقدامات کرنے کی ہدایت جاری کردی ہیں۔

اس سلسلے میں پی آئی اے کے کنٹری منیجر کو بھی اقدامات دیئے گئے ہیں کہ وہ پاکستانیوں سے رابطہ کریں اور ان کے لیے ضروری اقدامات کئے جائیں۔

یہ پڑھیں: عرب ممالک اور قطر کا تنازع، 500 پاکستانی عمرہ زائرین دوحا میں‌ پھنس گئے

ترجمان پی آئی اے کے مطابق نیرحیات نے مارکیٹنگ اور ائیرپورٹ سروسز کے ڈائریکٹروں کو بھی ہدایت کی ہے کہ وہ اپنے ہم وطنو ں کی مدد کے لئے مناسب پلاننگ کریں۔

انہوں نے کہا کہ پی آئی اے کے حکام دوحہ میں پاکستانی سفارت خانے سے بھی رابطہ میں رہیں۔ نیر حیات نے کہا ہے کہ ضرورت پڑنے پر پی آئی اے کی خصوصی پرواز یں بھی چلائی جائیں گی۔

یاد رہے کہ سعودی عرب اور قطر حکومت کے درمیان اختلافات بڑھنے کے سبب قطر ائر لائن کے کسی جہاز کو سعودی آنے کی اجازت نہیں ہے۔

قطر ائر لائن کی سعودیہ جانے والی تمام فلائٹ منسوخ ہو گئی ہیں۔ جو حجاج کرام آج صبح کی فلائٹ سے روانہ ہوئے ہیں وہ دوحہ ائر پورٹ پر پھنس گئے ہیں۔

قطرائرلائن انتظامیہ انہیں اگلی کسی ائر لائن کی فلائٹ سےروانہ کرنے کی ترتیب بنا رہی ہے۔ لیکن تاحال کوئی ترتیب نہیں بن سکی ہے۔