Tag: Naz Baloch

کراچی: تحریک انصاف کو خیرباد کہہ کر پیپلزپارٹی میں شمولیت کرنے والی رہنماء ناز بلوچ نے کہا ہے کہ عمران خان نے پی ٹی آئی میں دوبارہ شمولیت کی دعوت دی اور اچھے الفاظ میں تذکرہ کیا جس پر میں اُن کا شکریہ ادا کرتی ہوں۔

تفصیلات کے مطابق اے آر وائی نیوز کے پروگرام دی رپورٹرز میں گفتگو کرتے ہوئے عمران خان نے سابق خاتون رہنماء کو پارٹی میں دوبارہ شمولیت کی دعوت دیتے ہوئے کہا کہ تحریک انصاف چھوڑنے کے بعد بھی ناز بلوچ نے جھوٹ نہیں بولا۔

عمران خان نے کہا کہ مجھے ناز بلوچ کا انداز بہت پسند آیا کہ انہوں نے پارٹی چھوڑنے کے بعد کسی پر بھی کوئی جھوٹا الزام نہیں لگایا، یہ کردار ایک اچھی شخصیت کی غمازی کرتا ہے اس لیے میں ناز بلوچ کو دوبارہ پارٹی میں شمولیت کی دعوت دیتا ہوں۔

چیئرمین کی جانب سے دوبارہ شمولیت کی دعوت دینے پر ناز بلوچ نے عمران خان کا شکریہ ادا کیا اور کہا کہ تحریک انصاف میں بھی حق اور سچ کی بات کی، سیاست میں احترام کا رشتہ ہمیشہ برقرار رہنا چاہیے۔

مکمل انٹرویو پڑھیں: عائشہ گلا لئی کے الزامات کے بعد عمران خان کا پہلا انٹرویو

قبل ازیں عمران خان نے اے آر وائی نیوز کو دیے جانے والے انٹرویو میں نازبلوچ کے کردار کی تعریف کرتے ہوئے کہا کہ ہماری پارٹی میں خواتین کو یکساں مواقع فراہم کیے جاتے ہیں تاہم یہ حقیقت ہے کہ پی ٹی آئی پارٹی انتخابات تاخیر کا شکار ہوئے جس کے باعث کئی مسائل پیدا ہوئے۔

چیئرمین تحریک انصاف نے کہا تھا کہ ناز بلوچ پارٹی چھوڑ گئیں مگر انہوں نے میرے کردار کی تعریف کی کیونکہ سب جانتے ہیں کہ خواتین سے بدسلوکی کے پارٹی معاملات میں ہی دیکھتا ہوں اور پوری قیادت کو واضح احکامات دیے ہیں کہ اگر کوئی ایسے معاملے میں ملوث پایا گیا اُس کے خلاف سخت ایکشن لیا جائے گا۔

پڑھیں: تحریک انصاف کی رہنما نازبلوچ پیپلزپارٹی میں شامل

یاد رہے گزشتہ ماہ تحریک انصاف کی سابق خاتون رہنماء نے پیپلزپارٹی میں شمولیت اختیار کرتے ہوئے شکوہ کیا تھاکہ پی ٹی آئی کی قیادت کراچی کو مسلسل نظر انداز کررہی ہے جس کی وجہ سے کارکنان نالاں ہیں اور پارٹی ختم ہوگئی ہے۔

کراچی: تحریک انصاف کی سابق رہنماء ناز بلوچ نے کہا ہے کہ پارٹی کے فیصلے پہلے عمران خان کرتے تھے مگر اب پارٹی پالیسی کوئی اور بناتا ہے، چار پانچ جماعتیں تبدیل کرنے والے لوگوں کو پی ٹی آئی میں خوش آمدید کہا جارہا ہے جس کی وجہ سے کارکن ناراض اور  تحریک انصاف ختم ہورہی ہے۔

اے آر وائی نیوز کے پروگرام سوال یہ ہے میں میزبان ماریہ میمن کے سوالات کا جواب دیتے ہوئے ناز بلوچ نے کہا کہ مجھے عمران خان سے کوئی گلہ نہیں مگر حقیقت یہ  ہے کہ اپنی ہی پارٹی پالیسیوں کی وجہ سے تحریک انصاف ختم ہوتی جارہی ہے۔

انہوں نے کہا کہ پارٹی کے فیصلے پہلے عمران خان کرتے تھے مگر اب ایسا نہیں ہورہا، چار پانچ جماعتیں تبدیل کرنے والے لوگوں کو تحریک انصاف میں خوش آمدید کہا گیا اور فیصلوں کا اختیار بھی دیا گیا جس کی وجہ سے عام کارکن سخت ناراض ہے۔

پڑھیں: تحریک انصاف کی رہنما نازبلوچ پیپلزپارٹی میں شامل

ناز بلوچ نے کہا کہ دوسری پارٹیوں سے آنے والے لوگ پوچھتے ہیں ’’ناز بلوچ کون ہے اور شاید وہ کوئی عام کارکن ہے‘‘، میں تحریک انصاف کی عام کارکن تھی اور ہمیشہ پارٹی کے لیے اصولوں کے عین مطابق کام کیا اس لیے پارٹی ٹکٹ پر قومی اسمبلی کی نشست پر الیکشن بھی لڑا۔

اُن کا کہنا تھا کہ پارٹی میں پیدا ہونے والی برائیوں کی مسلسل نشاندہی کی مگر کسی نے بات تک نہیں سنی، کراچی سے پی ٹی آئی کا ووٹ بینک ختم ہورہا ہے مگر چاہتی تھی کہ عمران خان شہر قائد کو زیادہ وقت دیں تاہم ایسا نہ ہوسکا اس کی اہم وجہ یہ بھی ہے کہ پارٹی کے فیصلے اب دوسری جماعتوں سے آنے والے لوگ کرتے ہیں۔

مزید پڑھیں: ناز بلوچ کون ہیں؟ نہیں جانتے،شاید عام سی کارکن ہوں، فواد چوہدری و شبلی فراز

ناز بلوچ کا مزید کہنا تھا کہ دوسری جماعتوں سے آنے والے لوگوں کو ویلکم کر کے عام کارکن کو نظر انداز کیا جارہا ہے، جب دوسری پارٹی سے لوگ آسکتے ہیں تو تحریک انصاف کے لوگوں کو دوسری جماعت میں جانا بھی ممکن ہے۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔