اسلام آباد : گزشتہ چوبیس گھنٹوں کے دوران ملک میں کرونا وائرس انفیکشن سے مزید 10 مریض جاں بحق ہو گئے ہیں، اب تک مجموعی طور پر تصدیق شدہ کیسز کی تعداد 2 لاکھ 86 ہزار 674 ہے۔
۔نیشنل کمانڈ اینڈ آپریشن سینٹر کی اپ ڈیٹ کے مطابق پاکستان میں یومیہ رپورٹ ہونے والے کرونا کیسز اور اموات میں کمی آرہی ہے، مزید دس اموات کے بعد ملک بھر میں کرونا وائرس سے اموات کی تعداد 6ہزار139 ہو گئی ہے۔
این سی او سی کا کہنا ہے کہ 24 گھنٹوں میں کرونا کے 753 نئے کیسز کی تصدیق ہوئی ہے، جس کے بعد ملک میں کرونا کے فعال کیسز کی تعداد 16ہزار 475 ہو گئی، جب کہ اب تک مجموعی طور پر تصدیق شدہ کیسز کی تعداد 2 لاکھ 86 ہزار 674ہے۔
اب تک کرونا کے 2 لاکھ 64 ہزار 60 مریض وائرس سے صحت یاب ہو چکے ہیں، جب کہ 783 مریضوں کی حالت تشویش ناک ہے۔
چوبیس گھنٹوں میں ملک بھر میں کرونا وائرس کے 19 ہزار 221 ٹیسٹ کیے گئے، جب کہ اب تک مجموعی طور پر 22 لاکھ 5 ہزار 664 کرونا ٹیسٹ کیے جا چکے ہیں۔
این سی او سی کے مطابق ملک بھر میں کرونا کے لیے مختص 1859 وینٹی لیٹرز میں سے اس وقت 118 پر مریض موجود ہیں۔
این سی او سی کی تازہ رپورٹ کے مطابق صوبہ سندھ میں کرونا وائرس کے کیسز کی تعداد 1 لاکھ 24 ہزار 929 ہو چکی ہے، پنجاب 94 ہزار 865 کیسز کے ساتھ دوسرے نمبر پر ہے۔
اس کے علاوہ خیبر پختون خوا میں 34 ہزار 947 کیسز سامنے آ چکے ہیں، بلوچستان میں 12 ہزار 044 کیسز، اسلام آباد میں 15ہزار 323 کیسز، گلگت بلتستان 2 ہزار 402، جب کہ آزاد کشمیر 2 ہزار 164 کیسز سامنے آ چکے ہیں۔
