ARYNews.tv | Urdu – Har Lamha Bakhabar

Tag: NCOC

  • حکومت کا 18 جنوری سے تعلیمی ادارے دوبارہ کھولنے سے متعلق اہم اعلان

    حکومت کا 18 جنوری سے تعلیمی ادارے دوبارہ کھولنے سے متعلق اہم اعلان

    اسلام آباد :حکومت نے 9 ویں سے 12ویں تک کے تعلیمی ادارے 18جنوری سے کھولنے کا فیصلہ برقرار رکھتے ہوئے پہلی سے 8ویں جماعت تک اسکولز کھولنے کے فیصلے میں ایک ہفتے کی توسیع کردی۔
    ۔
    تفصیلات کے مطابق وفاقی وزیراسدعمرکی زیرصدارت نیشنل کمانڈ اینڈ آپریشن سینٹر کاخصوصی اجلاس ہوا، اجلاس میں تعلیمی اداروں کودوبارہ کھولنے کے فیصلے کا جائزہ لیا گیا۔

    وفاقی وزیرتعلیم شفقت محمود نے اجلاس کے بعد پریس کانفرنس کرتے ہوئے کہا این سی اوسی اجلاس میں کوروناصورتحال پر اعدادوشمار کی روشنی میں جائزہ لیا گیا، 18جنوری سے بتدریج تعلیمی ادارے کھولنے کا فیصلہ کیاتھا۔

    شفقت محمود کا کہنا تھا کہ 26 نومبر کو کورونا کےمثبت کیسز کی شرح 7.9فیصد تھی، جو 14جنوری تک 6.10پرآئی ہے، سنجیدہ مریضوں کی شرح میں 26 نومبر کے بعد بڑھی ہے، تعلیم سے وابستہ لوگوں کواحساس ہے کہ بچوں کا نقصان ہورہاہے لیکن ہمیں ساتھ ساتھ صحت کا بھی خیال کرنا ہے۔

    وفاقی وزیرتعلیم نے 18جنوری سے11،10،9ویں جماعتوں کے کھولنے کا فیصلہ برقرار رکھتے ہوئے کہا اس سال کسی بچے کو بغیرامتحان پاس نہیں کیا جائے گا۔

    شفقت محمود نے یکم سے 8ویں جماعت تک اسکولز کھولنے کے فیصلے میں ایک ہفتے کی توسیع کرتے ہوئے کہا یکم سے 8ویں جماعت کے تعلیمی ادارے یکم فروری سے کھولنے کا فیصلہ کیا ہے جبکہ یونیورسٹیز اوردیگر تعلیمی ادارے بھی یکم فروری سے کھولیں گے۔

    انھوں نے کہا کہ 18جنوری سے 9ویں سے12ویں کلاسز بحال ہوجائیں گی جبکہ کلاس ایک سےآٹھ تک 25جنوری کے بجائے اب یکم فروری سے کھلیں گی اور جامعات بھی یکم فروری سے کھلیں گی۔

    گذشتہ روز وزیر تعلیم شفقت محمود نے اپنے بیان میں کہا تھا کہ اسکول کھولنا میری خواہش ہے تاہم طلبہ کی صحت اولین ترجیح ہے ، حتمی فیصلہ صحت کی بنیاد پرہوگا۔

    یاد رہے 4 جنوری کو وزیر تعلیم شفقت محمود نے ملک بھر میں تعلیمی ادارے 3 مراحل میں کھولنے کا اعلان کرتے ہوئے کہا تھا کہہ 18 جنوری سے 9 سے 12 ویں جماعت تک اسکول ، 25 جنوری سے پرائمری سے 8 ویں جماعت تک اسکول جبکہ جامعات سمیت ہائیر ایجوکیشن ادارے یکم فروری سے کھولے جائیں گے۔

    بورڈ امتحانات کے حوالے سے وزیر تعلیم نے کہا بورڈ امتحانات اب مئی اور جون میں ہوں گے جبکہ 11 جنوری سے اسکول انتظامیہ اور اساتذہ فرائض انجام دے سکیں گے۔

    ان کا کہنا تھا کہ حکومت کی اولین ترجیح بچوں کی صحت ہے ، بچوں کی صحت پر کوئی سمجھوتہ نہیں کیاجاسکتا، 14یا15 جنوری کو بھی دوبارہ جائزہ اجلاس منعقد کیا جائے گا۔

  • ملک بھر میں کورونا کے مثبت کیسز میں کراچی پہلے نمبر پر، شرح 15.77 فیصد تک جاپہنچی

    ملک بھر میں کورونا کے مثبت کیسز میں کراچی پہلے نمبر پر، شرح 15.77 فیصد تک جاپہنچی

    اسلام آباد : نیشنل کمانڈ اینڈ آپریشن سینٹر کا کہنا ہے کہ ملک میں مثبت کورونا کیسز کی مجموعی شرح 5.81 فیصد ہوگئی ، مثبت کورونا کیسز کی بلند ترین شرح کراچی میں 15.77 فیصد ہے۔

    تفصیلات کے مطابق نیشنل کمانڈ اینڈ آپریشن سینٹر نے ملک میں کورونا کے مثبت کیسز کے حوالے سے تازہ اعدادو شمار جاری کر دیئے ہیں۔

    جس میں بتایا گیا کہ ملک میں مثبت کورونا کیسز کی مجموعی شرح 5.81 فیصد اور کورونا کے تشویشناک مریضوں کی تعداد 2264 ہے جبکہ ملک میں مثبت کورونا کیسز کی بلند ترین شرح کراچی میں 15.77 فیصد اور مثبت کیسزکی کم ترین1.41 فیصدشرح گلگت بلتستان میں ہے۔

    این سی او سی کا کہنا ہے کہ پنجاب میں مثبت کورونا کیسز کی شرح 4.70 فیصد ، فیصل آبادمیں مثبت کورونا کیسز کی شرح 2.30، ملتان 0.96 فیصد ہوگئی جبکہ اسلام آباد میں مثبت کورونا کیسز کی شرح 3.39 فیصد اور راولپنڈی میں مثبت کورونا کیسز کی شرح 3.45 فیصد ہے۔

    نیشنل کمانڈ اینڈ آپریشن سینٹر کے مطابق سندھ میں مثبت کورونا کیسز کی شرح 8.10 فیصد اور حیدرآباد میں مثبت کورونا کیسز کی شرح 7.54 فیصد ہے۔

    اسی طرح خیبرپختونخوا میں مثبت کورونا کیسز کی شرح 5.38 فیصد ، پشاورمیں مثبت کورونا کیسز کی شرح 15.54 فیصد، سوات میں مثبت کورونا کیسزکی شرح2.84 اور ایبٹ آباد میں 7.72فیصد ہوگئی۔

    اعدادو شمار کے مطابق بلوچستان میں مثبت کوروناکیسزکی شرح 3.82 فیصد ، کوئٹہ میں مثبت کوروناکیسزکی شرح2.39فیصدہے جبکہ آزادکشمیر میں مثبت کورونا کیسز کی شرح 8.52 فیصد ، مظفرآبادمیں 7.69 فیصد، میرپورمیں 9.26 فیصد اور گلگت میں مثبت کورونا کیسزکی شرح 3.03فیصد ہے۔

  • ‘ملک میں مثبت کورونا کیسز کی بلند ترین شرح کراچی میں 11.80 فیصد’

    ‘ملک میں مثبت کورونا کیسز کی بلند ترین شرح کراچی میں 11.80 فیصد’

    اسلام آباد : نیشنل کمانڈ اینڈ آپریشن سینٹر کا کہنا ہے کہ ملک میں مثبت کورونا کیسز کی بلند ترین شرح کراچی میں 11.80 فیصد جبکہ مثبت کیسز کی کم ترین 1.07 فیصد شرح جی بی میں ہے۔

    تفصیلات کے مطابق نیشنل کمانڈ اینڈ آپریشن سینٹر نے ملک میں کورونا کے مثبت کیسز کے حوالے سے تازہ اعدادو شمار جاری کر دیئے ہیں۔

    جس میں کہا گیا ہے کہ ملک میں مثبت کوروناکیسزکی مجموعی شرح 6.61 فیصد اور کورونا کے تشویشناک مریضوں کی تعداد 2486 ہے، مثبت کورونا کیسز کی بلند ترین شرح کراچی میں 11.80 فیصد ہے۔

    این سی او سی کا کہنا ہے کہ مثبت کیسز کی کم ترین 1.07 فیصد شرح جی بی میں ہے جبکہ سندھ میں مثبت کورونا کیسز کی شرح 9.20 فیصد ، پنجاب میں مثبت کورونا کیسز کی شرح 3.86 فیصد ، فیصل آبادمیں مثبت کوروناکیسز کی شرح 2.43،ملتان میں3.19فیصد اور حیدرآبادمیں مثبت کوروناکیسز کی شرح 6.3 فیصد ہے۔

    نیشنل کمانڈ اینڈ آپریشن سینٹر نے بتایا کہ اسلام آباد میں مثبت کورونا کیسز کی شرح 3.57 فیصد ، راولپنڈی میں مثبت کورونا کیسز کی شرح 6.92 فیصد ہے۔

    اعدادو شمار کے مطابق خیبرپختونخوا میں مثبت کورونا کیسز کی شرح 8.19 فیصد ، پشاورمیں مثبت کورونا کیسز کی شرح 9.23 فیصد ، سوات میں مثبت کوروناکیسز کی شرح3.7،ایبٹ آبادمیں2فیصد ہے جبکہ بلوچستان میں مثبت کورونا کیسز کی شرح 3.56 فیصد اور کوئٹہ میں مثبت کوروناکیسزکی شرح 1.60 فیصد ہے۔

    این سی او سی کا کہنا ہے کہ آزادکشمیر میں مثبت کورونا کیسز کی شرح 7.47 فیصد ، مظفرآبادمیں مثبت کورونا کیسز کی شرح4.13، میرپورمیں 7.92 فیصد ہے۔

  • خیبر پختونخوا : کورونا وائرس مزید 10 افراد کی جان لے گیا

    خیبر پختونخوا : کورونا وائرس مزید 10 افراد کی جان لے گیا

    پشاور : محکمہ صحت خیبر پختونخوا نے اپنی رپورٹ میں کہا ہے کہ گزشتہ24گھنٹوں کے دوران کورونا وائرس سے متاثرہ 10افراد جاں بحق ہوگئے۔

    رپورٹ کے مطابق صوبے میں اب تک میں عالمی وبا سے جاں بحق ہونے والے افراد کی مجموعی تعداد ایک ہزار 521ہوگئی، جبکہ خیبرپختونخوا میں24گھنٹے میں427افراد میں کورونا وائرس کی تصدیق ہوئی ہے۔

    محکمہ صحت کا کہنا ہے کہ صوبے میں کورونا سے متاثرہ افراد کی مجموعی تعداد54ہزار448ہوگئی ہے، خیبر پختونخوا میں گزشتہ 24گھنٹے میں کورونا کے172مریض صحت یاب ہوگئے، صوبے میں کورونا کے صحت یاب مریضوں کی تعداد48ہزار426 ہوگئی۔

    واضح رہے کہ ملک بھر میں کورونا وائرس کی دوسری لہر کے دوران ہلاکتوں اور کیسز میں تیزی سے اضافہ ہورہا ہے، پاکستان میں مثبت کورونا کیسز کی مجموعی شرح 7.59 فیصد تک جا پہنچی ہے جبکہ تشویشناک مریضوں کی تعداد 2447 ہے۔

    این سی اوسی کے اعداد و شمار کے مطابق 24گھنٹے میں کورونا سےسب سے زیادہ اموات سندھ میں ہوئیں، جاں بحق51 مریض وینٹی لیٹرز پر زیر علاج تھے جبکہ ملتان میں کورونا کیلئے مختص45 فیصد وینٹی لیٹرز ، اسلام آباد کا42، لاہور،34پشاورمیں27 فیصد وینٹی لیٹرز زیر استعمال ہیں۔

  • ’24 گھنٹے میں پنجاب میں کورونا سے سب سے زیادہ 39 اموات ریکارڈ’

    ’24 گھنٹے میں پنجاب میں کورونا سے سب سے زیادہ 39 اموات ریکارڈ’

    اسلام آباد: نیشنل اینڈ کمانڈ سینٹر کا کہنا ہے کہ 24 گھنٹے میں کورونا سے سب سے زیادہ 39 اموات پنجاب میں ہوئیں جبکہ ملک میں مثبت کورونا کیسز کی مجموعی شرح 6.3 فیصد ہوگئی ہے۔

    تفصیلات کے مطابق نیشنل اینڈ کمانڈ سینٹر نے ملک میں کورونا صورتحال کے حوالے سے  کہا ہے کہ 24 گھنٹے میں کورونا سے سب سے زیادہ 39 اموات پنجاب میں ہوئیں، جاں بحق41 مریض وینٹی لیٹرز پر زیرِ علاج تھے۔

    این سی او سی کا کہنا ہے کہ ملتان میں کورونا کیلئے مختص43 فیصد ، اسلام آباد کے 44، لاہور 30، پشاور میں 27 فیصد وینٹی لیٹرز زیراستعمال ہیں۔

    اعدادو شمار کے مطابق اسلام آباد میں کورونا کیلئے مختص39 فیصد آکسیجن بیڈز، ملتان میں کورونا کیلئے مختص 39 فیصد آکسیجن بیڈز اور پشاور میں کورونا کیلئے مختص 60 فیصد آکسیجن بیڈز زیر استعمال ہے۔

    نیشنل اینڈ کمانڈ سینٹر کا کہنا تھا کہ ملک میں مثبت کورونا کیسز کی مجموعی شرح 6.3 فیصد اور کورونا کے تشویشناک مریضوں کی تعداد 2505 ہے، مثبت کورونا کیسز کی بلند ترین شرح کراچی میں16.59 فیصد ہے۔

    این سی او سی کے مطابق آزاد کشمیرمیں مثبت کورونا کیسز کی شرح 11.4 فیصد، بلوچستان میں مثبت کورونا کیسز کی شرح 14.2 فیصد، پنجاب میں مثبت کورونا کیسز کی شرح 3.8 فیصد، اسلام آبادمیں مثبت کوروناکیسزکی شرح 3.6 فیصد، خیبرپختونخوامیں مثبت کورونا کیسزکی شرح 8.1 فیصد ہے۔

    نیشنل اینڈ کمانڈ سینٹر نے کہا کہ ملک میں مثبت کیسزکی کم ترین1.5فیصد شرح جی بی میں ہے ، سندھ میں مثبت کورونا کیسز کی شرح 10.6 فیصد، راولپنڈی میں مثبت کوروناکیسزکی شرح 5.36 فیصد، فیصل آباد میں مثبت کورونا کیسز کی شرح 4.27، ملتان 3.74 فیصد ہے۔

    اعدادو شمار کے مطابق حیدر آباد میں مثبت کورونا کیسز کی شرح8.71 فیصد، پشاورمیں مثبت کورونا کیسزکی شرح 13.34 فیصد ، سوات میں مثبت کورونا کیسز کی شرح 5.88، ایبٹ آباد 8.25 فیصد، کوئٹہ میں مثبت کورونا کیسز کی شرح4.76فیصدہے۔

    این سی او سی کا کہنا تھا کہ مظفرآباد میں مثبت کورونا کیسز کی شرح1.92، میرپورمیں9.40 فیصد اور گلگت میں مثبت کورونا کیسزکی شرح 3.17 فیصد ہے۔

  • ملک کے کون سے شہروں میں کرونا کیسز زیادہ ہیں؟

    ملک کے کون سے شہروں میں کرونا کیسز زیادہ ہیں؟

    اسلام آباد: نیشنل کمانڈ اینڈ آپریشن سینٹر نے ملک کے اہم شہروں میں کرونا وائرس کے مثبت کیسز کی شرح کی تفصیلات جاری کر دیں۔

    تفصیلات کے مطابق این سی او سی نے اعداد و شمار جاری کرتے ہوئے کہا ہے کہ ملک میں مثبت کرونا کیسز کی مجموعی شرح 7.59 فی صد ہے، جب کہ کرونا کے تشویش ناک مریضوں کی تعداد 2441 ہو گئی ہے۔

    ملک میں کرونا کی بلند ترین شرح ایبٹ آباد میں17.57 فی صد ہے، راولپنڈی میں 15.26 فی صد، کراچی میں مثبت کرونا کیسز کی شرح 14.31 فی صد ہے۔

    این سی او سی کے مطابق حیدر آباد میں مثبت کرونا کیسز کی شرح 12.13 فی صد، آزاد کشمیر میں مثبت کرونا کیسز کی شرح 11.24 فی صد، پشاور میں مثبت کرونا کیسز کی شرح 10.63 فی صد ہے، جب کہ سوات میں مثبت کرونا کیسز کی 4.31 فی صد ہے۔

    اسلام آباد میں مثبت کرونا کیسز کی شرح 5.27 فی صد، لاہور میں مثبت کیسز کی شرح 6.50، فیصل آباد میں مثبت کرونا کیسز کی شرح 2.7، ملتان میں 2.6 فی صد، کوئٹہ میں مثبت کرونا کیسز کی شرح 6.42 فی صد، مظفر آباد میں مثبت کرونا کیسز کی شرح 10.61، میرپور میں 5.77 فی صد، اور گلگت میں مثبت کرونا کیسز کی شرح 5.10 فی صد ہے۔

    ملک میں 24 گھنٹوں کے دوران کرونا وائرس سے 44 افراد جاں بحق

    بلوچستان میں مثبت کرونا کیسز کی شرح 10.46 فی صد، خیبر پختون خوا میں مثبت کرونا کیسز کی شرح 9.68 فی صد، پنجاب میں مثبت کرونا کیسز کی شرح 4.15 فی صد، سندھ میں مثبت کرونا کیسز کی شرح 10.74فی صد ہے جب کہ مثبت کیسز کی کم ترین 3.92 فی صد شرح گلگت بلتستان میں ہے۔

    این سی او سی کے مطابق ملک میں کرونا کے 309 مریض وینٹی لیٹرز پر زیر علاج ہیں، لاہور میں کرونا کے 84، ملتان میں 45 مریض، راولپنڈی میں کرونا کے 20 مریض وینٹی لیٹر پر زیر علاج ہیں۔

    کراچی میں کرونا کے 73 مریض وینٹی لیٹر، اسلام آباد میں کرونا کے 39 مریض، پشاور میں کرونا کے 45 مریض وینٹی لیٹرز پر ہیں، اور بلوچستان، آزاد کشمیر، جی بی میں کرونا کا کوئی مریض وینٹی لیٹر پر نہیں ہے۔

  • کرونا وائرس کیسز کی مثبت شرح سندھ میں سب سے زیادہ، پنجاب میں سب سے کم: این سی او سی

    کرونا وائرس کیسز کی مثبت شرح سندھ میں سب سے زیادہ، پنجاب میں سب سے کم: این سی او سی

    اسلام آباد: نیشنل کمانڈ اینڈ آپریشن سینٹر کے اجلاس میں بریفنگ میں بتایا گیا کہ صوبہ سندھ میں کرونا وائرس کے مثبت کیسز کی شرح سب سے زیادہ 14.1 فیصد اور سب سے کم پنجاب میں 4.2 فیصد ہے۔

    تفصیلات کے مطابق نیشنل کمانڈ اینڈ آپریشن سینٹر کا اجلاس منعقد ہوا، اجلاس میں کرونا وائرس کے پھیلاؤ اور ایس او پیز پر عملدر آمد کی صورتحال پر غور کیا گیا۔

    اجلاس میں متعلقہ وفاقی و صوبائی حکام نے بریفنگ دیتے ہوئے بتایا کہ ملک میں مثبت کرونا وائرس کیسز کی مجموعی شرح 8.16 فیصد ہے، ملک میں کرونا وائرس کے تشویشناک مریضوں کی کل تعداد 2 ہزار 469 ہے۔

    بریفنگ میں بتایا گیا کہ سندھ میں مثبت کرونا وائرس کیسز کی شرح سب سے زیادہ 14.1 فیصد ہے، بلوچستان میں 12.5 فیصد اور آزاد کشمیر میں 11.9 فیصد ہے۔

    اسی طرح گلگت بلتستان میں 4.7 فیصد، اسلام آباد میں 6.6 فیصد اور خیبر پختونخواہ میں 5.6 فیصد ہے۔

    بریفنگ کے مطابق ملک میں مثبت کرونا وائرس کیسز کی کم ترین شرح پنجاب میں 4.2 فیصد ہے، لاہور میں مثبت کرونا کیسزکی شرح 5.69، راولپنڈی میں 4.95 فیصد اور فیصل اآباد میں مثبت کرونا وائرس کیسز کی شرح 6.81 فیصد ہے۔

    اسی طرح کراچی میں مثبت کرونا کیسز کی شرح 20.12 فیصد، حیدر آباد میں 18.43 فیصد، پشاور میں 9.17 فیصد، سوات میں 7.32 فیصد، ایبٹ آباد میں 14.53 فیصد، کوئٹہ میں 9.91 فیصد، مظفر آباد میں 11.48 فیصد، میر پور میں 10.57 فیصد اور گلگت میں 4.76 فیصد ہے۔

    بریفنگ میں بتایا گیا کہ ملک بھر میں کرونا وائرس کے 301 مریض وینٹی لیٹرز پر زیر علاج ہیں، لاہور میں 80، ملتان میں 40، راولپنڈی میں 19، کراچی میں 75، راولپنڈی میں 41 اور اسلام آباد میں کرونا وائرس کے 40 مریض وینٹی لیٹر پر زیر علاج ہیں۔

  • این سی او سی نے کرونا کے لئے مختص وینٹی لیٹرز کی تفصیلات جاری کردیں

    این سی او سی نے کرونا کے لئے مختص وینٹی لیٹرز کی تفصیلات جاری کردیں

    اسلام آباد: نیشنل کمانڈ اینڈ کنٹرول سینٹر نے ملک میں دستیاب وینٹی لیٹرز اور ان کے استعمال کی تفصیلات جاری کردی ہیں۔

    تفصیلات کے مطابق این سی او سی کی جانب سے اعلامیہ جاری کیا گیا ہے، جس میں پاکستان کی مختلف شہروں میں کرونا کے لئے مختص وینٹی لیٹرز کی تفصیلات جاری کیں گئیں ہیں۔

    نیشنل کمانڈ اینڈ کنٹرول سینٹر کے مطابق میرپور آزاد کشمیر میں 11 وینٹی لیٹرز مختص ہے، کوئی زیر استعمال نہیں، مظفرآباد کے لئے 22 وینٹی لیٹرز مختص کئے گئے ، کوئی بھی وینٹی لیٹر زیر استعمال نہیں، اسی طرح گلگت بلتستان میں15 وینٹی لیٹرز کرونا مریضوں کے لئےمختص کئے گئے یہاں بھی کوئی وینٹی لیٹر زیر استعمال نہیں، ایبٹ آباد میں17 وینٹی لیٹرز مختص ہے، ادھر بھی کوئی استعمال میں نہیں ہے۔

    این سی او سی کے مطابق کرونا وبا کی ہنگامی صورت حال سے نمٹنے کے لئے پشاور میں112 وینٹی لیٹرز مختص کئے گئے جن میں سے 34 زیراستعمال ہیں، جبکہ کوئٹہ کو 61 وینٹی لیٹرز دئیے گئے تھے، یہاں بھی کوئی استعمال میں نہیں ہے۔

    نیشنل کمانڈ اینڈ کنٹرول سینٹر کی جانب سے جاری اعلامیے کے مطابق اسلام آباد میں71وینٹی لیٹرزمختص کئے گئے ہیں جن میں سے 45 زیر استعمال ہیں، راولپنڈی میں83 وینٹی لیٹرز مختص ہے 25 زیراستعمال ہیں جبکہ لاہور میں 239 وینٹی لیٹرز مختص کئے گئے تھے ان میں سے 63 زیراستعمال ہیں، اسی طرح ملتان میں 67 وینٹی لیٹرز مختص کئے گئے ،یہاں زیر استعمال وینٹی لیٹرز کی تعداد 41 ہے۔

    این سی او سی کی جانب سے جاری اعلامیے کے مطابق کراچی میں 404 وینٹی لیٹرز مختص ہے ان میں سے 61 زیراستعمال ہیں، جبکہ حیدرآباد میں 20 وینٹی لیٹرز موجود ہیں، ان میں سے کوئی زیراستعمال نہیں ہیں۔

    یہ بھی پڑھیں:  ملک کے 5 شہر کرونا وائرس کا گڑھ بن گئے: این سی او سی

    اس سے قبل نیشنل کمانڈ اینڈ آپریشن سینٹر کے اجلاس میں بریفنگ میں بتایا گیا کہ ملک میں کرونا وائرس کا 70 فیصد پھیلاؤ 5 شہروں میں ہو رہا ہے، این سی او سی نے متعلقہ حکام کو کرونا وائرس کا پھیلاؤ روکنے کے لیے سخت اقدامات کی ہدایات کردیں۔

    اعلامیے کے مطابق ملک میں کرونا وائرس کا 70 فیصد پھیلاؤ 5 شہروں میں ہو رہا ہے جن میں اسلام آباد، راولپنڈی، کراچی، لاہور اور پشاور شامل ہیں

  • ملک کے 5 شہر کرونا وائرس کا گڑھ بن گئے: این سی او سی

    ملک کے 5 شہر کرونا وائرس کا گڑھ بن گئے: این سی او سی

    اسلام آباد: نیشنل کمانڈ اینڈ آپریشن سینٹر کے اجلاس میں بریفنگ میں بتایا گیا کہ ملک میں کرونا وائرس کا 70 فیصد پھیلاؤ 5 شہروں میں ہو رہا ہے، این سی او سی نے متعلقہ حکام کو کرونا وائرس کا پھیلاؤ روکنے کے لیے سخت اقدامات کی ہدایات کردیں۔

    تفصیلات کے مطابق نیشنل کمانڈ اینڈ آپریشن سینٹر کے اجلاس کا اعلامیہ جاری کردیا گیا، اعلامیے کے مطابق اجلاس میں کرونا وائرس کے پھیلاؤ کی رفتار اور ایس او پیز پر عملدر آمد پر غور ہوا۔

    اجلاس کو کرونا وائرس سے زیادہ متاثر شہروں پر بریفنگ دی گئی، وینٹی لیٹرز اور آکسیجن بیڈز کی دستیابی کی صورتحال پر غور کیا گیا، کرونا وائرس سے متعلقہ طبی آلات اور سہولتوں کی دستیابی پر بھی غور کیا گیا۔

    اعلامیے کے مطابق ملک میں کرونا وائرس کا 70 فیصد پھیلاؤ 5 شہروں میں ہو رہا ہے جن میں اسلام آباد، راولپنڈی، کراچی، لاہور اور پشاور شامل ہیں۔

    اعلامیے میں کہا گیا کہ یومیہ مثبت کورونا کیسز کی شرح میں بتدریج اضافہ ہو رہا ہے، رواں ہفتہ کرونا وائرس سے یومیہ اموات کی شرح 46 رہی، رواں ہفتے اسپتالوں میں کرونا وائرس مریضوں کے داخلے کی یومیہ شرح 237 رہی۔

    اجلاس کو بتایا گیا کہ کراچی، حیدر آباد، پشاور اور راولپنڈی میں بھی کیسز کی شرح میں اضافہ جاری ہے، ملک میں کرونا وائرس کے طبی آلات اور طبی سہولتیں دستیاب ہیں۔ صوبوں کو حسب ضرورت طبی آلات کی فراہمی یقینی بنائی جا رہی ہے۔

    این سی او سی نے متعلقہ حکام کو کرونا وائرس کا پھیلاؤ روکنے کے لیے سخت اقدامات کی ہدایات کردیں۔

  • ملک میں کورونا مریضوں کی شرح میں دو گنا اضافہ، این سی او سی کا اظہار تشویش

    ملک میں کورونا مریضوں کی شرح میں دو گنا اضافہ، این سی او سی کا اظہار تشویش

    اسلام آباد: نیشنل کمانڈاینڈ آپریشن سینٹر (این سی او سی) نے ملک میں مثبت کورونا کیسز کی شرح میں  دو گنا اضافے پر اظہار تشویش کیا۔

    تفصیلات کے مطابق وفاقی وزیراسدعمرکی زیرصدارت نیشنل کمانڈاینڈ آپریشن سینٹر کا اجلاس ہوا ، جس میں نیشنل کوآرڈینیٹر این سی او سی محمود الزمان ، وفاقی وزیر تعلیم شفقت محمود ، معاون خصوصی ڈاکٹرفیصل ، سربراہ قومی ادارہ صحت میجرجنرل عامراکرام شریک ہوئے جبکہ صوبائی وزرائے تعلیم ویڈیولنک کے ذریعے اجلاس کا حصہ ہیں۔

    اجلاس میں حساس16 شہروں میں کورونا کیسزاور اموات کی شرح میں کورونا سے تعلیمی اداروں پر اثرات اور دیگراقدامات پر غور کیا گیا۔

    متعلقہ حکام نے این سی او سی کو کورونا کیسزاور اموات پر بریفنگ دیتے ہوئے کہا کہ ملک میں مثبت کورونا کیسز کی شرح 7.46 فیصد ہو چکی ہے، این سی او سی نے مثبت کورونا کیسز کی شرح میں اضافے پر اظہار تشویش کیا۔

    بریفنگ میں بتایا گیا کہ کورونا کی سب سے زیادہ شرح آزاد کشمیر میں 11.45فیصد ریکارڈ کی گئی جبکہ کے پی میں 9.85، سندھ میں 9.63 فیصد، بلوچستان میں 7.73، اسلام آباد میں 8.09 فیصد،گلگت بلتستان میں 5.23 فیصد ہے۔

    بریفنگ میں بتایا گیا کہ گزشتہ 2ہفتےکے دوران روزانہ اوسطاً 35افراد جاں بحق ہورہے ہیں، تعلیمی اداروں میں رواں ہفتے کورونا کے مثبت کیسز کی شرح 3.3 فیصدتک پہنچ گئی جبکہ مجموعی طورپر تعلیمی اداروں میں کیسز کا تناسب 82 فیصد ہوچکا ہے۔

    پنجاب میں زیادہ کورونا کیسز لاہور،ملتان،راولپنڈی،فیصل آباد میں اور سندھ میں بیشتر مثبت کورونا کیسزکراچی اور حیدر آباد سے سامنے آرہے ہیں جبکہ کے پی میں بیشتر کورونا کیسز پشاور،ایبٹ آباد،سوات میں رپورٹ ہوئے۔

    میرپورآزادکشمیر،گلگت،اسلام آبادمیں2155مریض اسپتالوں میں ہیں، گزشتہ 2 ہفتوں میں تشویشناک مریضوں کی شرح میں دو گنا اضافہ ہوا جبکہ تعلیمی اداروں میں بھی کوروناکیسزکی شرح میں تیزی سےاضافہ ہورہاہے۔