حیدرآباد : شکایت کی شنوائی نہ ہونے پر احتجاجاً ایک نوجوان نے زندہ سانپ سرکاری افسر کی میز پر رکھ دیا۔
تفصیلات کے مطابق بھارت میں ہونے والی حالیہ تباہ کن بارشوں کے باعث شہریوں کو شدید پریشانیاں لاحق ہیں اور بارش کا پانی گھروں میں داخل ہوکر مزید مشکلات پیدا کررہا ہے۔
اسی صورتحال کے پیش نظر حیدرآباد کے علاقے میں ایک نوجوان کے گھر سیلاب کا پانی داخل ہوگیا اور پانی کے ساتھ ایک سانپ بھی اس کے مکان میں گھس گیا۔
بھارتی میڈیا کے مطابق سمپت کمار نامی نوجوان نے کسی نقصان سے بچنے کیلئے اس بات کی اطلاع فوری طور پر حیدرآباد میونسپل کارپوریشن انتظامیہ کو دی۔
ఫిర్యాదు చేసి 6 గంటలు గడిచినా పట్టించుకోవట్లేదని జీహెచ్ఎంసీ ఆఫీసుకి పాముని తెచ్చిన యువకుడు
హైదరాబాద్ – భారీ వర్షాలకు అల్వాల్ ప్రాంతంలో సంపత్ కుమార్ అనే యువకుడి ఇంట్లోకి వరద నీరుతో పాటు పాము వచ్చింది. జీహెచ్ఎంసీ అధికారులకు ఫిర్యాదు చేసి 6 గంటలు గడిచినా ఎలాంటి స్పందన లేకపోవడంతో..… pic.twitter.com/E4w5KorpuZ
— Telugu Scribe (@TeluguScribe) July 26, 2023
کارپوریشن افسران کی غفلت اور لاپرواہی کی وجہ سے 6 گھنٹے تک سرکاری عملے کا کوئی بھی رکن نہیں آیا اور نہ ہی کسی قسم کے اقدامات کیے۔
طویل انتظار کے بعد آخر کار نوجوان نے تنگ آکر اپنی مدد آپ کے تحت اس سانپ کو پکڑ لیا اور اسے اٹھا کر متعلقہ سرکاری دفتر میں لاکر احتجاجاً افسر کی میز پر رکھ دیا۔
نوجوان کی اس عجیب و غریب حرکت سے دفتر میں موجود ملازمین میں خوف و ہراس کی لہر دوڑ گئی اور وہ نکل کر بھاگ کھڑے ہوئے۔
