بھارتی گلوکارہ نیہا ککڑ کا میلبرن کنسرٹ میں 3 گھنٹے تاخیر سے پہنچنے پر تنازع پر پہلی بار خاموشی توڑ دی ہے۔
گلوکارہ نیہا ککڑ نے فوٹو اینڈ شیئرنگ ایہ انسٹاگرام اسٹوری سوشل میڈیا پر وائرل ہورہی ہے جس میں انہوں نے کنسرٹ میں تاخیر سے پہنچنے کے بعد اپنا ردعمل دیا ہے۔
گلوکارہ نے اپنی اسٹاگرام اسٹوری پر افسردگی کا اظہار کرتے ہوئے لکھا کہ ’سچ کا انتظار کریں آپ مجھے جلدی جج کرنے پر پچھتاؤ گے‘۔
واضح رہے کہ گزشتہ روز نیہا ککڑ کے بھائی گلوکار ٹونی ککڑ نے بھی بہن کے دفاع میں آواز اُٹھاتے ہوئے ان کے کنسرٹ میں دیر سے پہنچنے کی وجوہات بتائی تھیں۔
ٹونی کا کہنا تھا کہ جب منتظمین کی ذمہ داری ہو آپ کیلئے ائیر ٹکٹ، گاڑی اور ہوٹل کر کے دینا، وہ آپ کو اپنے شہر بلائیں اور جب آپ ائیر پورٹ پہنچنیں تو آپ کو معلوم ہو کہ کسی چیز کی بھی بکنگ نہیں ہوئی اور آپ کو خود ہنگامی طور پر سب کچھ کرنا پڑے تو اس میں غلطی کس کی ہے۔
View this post on Instagram
یاد رہے کہ رواں ہفتے نیہا ککڑ آسٹریلیا کے شہر میلبرن میں کنسرٹ میں 3 گھنٹہ تاخیر سے پہنچیں تھیں جس پر انہیں وہاں موجود مداحوں کی جانب سے شدید ردعمل کا سامنا کرنا پڑا تھا جس پر اداکارہ اسٹیج پر ہی رو پڑیں تھیں جس کی ویڈیو سوشل میڈیا پر بھی وائرل ہوگئی تھی۔
