ARYNews.tv | Urdu – Har Lamha Bakhabar

Tag: nepal

  • نیپال میں ایک بار پھر زلزلہ، شدت 7.4 ریکارڈ کی گئی

    نیپال میں ایک بار پھر زلزلہ، شدت 7.4 ریکارڈ کی گئی

    کھٹمنڈو: نیپال میں ایک بارپھر شدید زلزلہ آیا ہے جس سے جس سے چار افراد ہلاک جبکہ 15 زخمی ہوگیئے ہیں، حالیہ زلزلے سے مزید عمارتیں زمیں بوس ہوگئیں ہیں۔

    تفصیلات کے مطابق منگل کی دوپہرنیپال میں دوبارہ زلزلے کے جھٹکے آئے ہیں جن کی شدت ریکٹر اسکیل پر 7.4 ہے اور زمین میں اس کا مرکز 19 کلومیٹر کی گہرائی میں واقع ہے۔

    امریکی جیولوجیکل سروے کے مطابق زلزلے کا مرکز نیپال کا علاقہ بھرکوٹ ہے۔

    حالیہ زلزلے میں 4 افراد ہلاک ہوگئے ہیں جبکہ 15 افراد کے زخمی ہونے کی اطلاع ہے۔ زلزلے کے نتیجے میںکئی عمارتیں مزید گرگئی ہیں۔

    زلزلے کے جھٹکے بھارتی شہر نئی دلی، پٹنہ اورآسام میں بھی اس زلزلے کے جھٹکے محسوس کئے گئے ہیں جس کے سبب میٹرو سروس معطل کردی گئی ہے۔

    پاکستان کے شمالی علاقہ جات سوات، مینگوٍرہ بالاکوٹ میں بھی زلزلے کے جھٹکے محسوس کئے گئے جن کی شدت 4.9 ریکٹر اسکیل تھی۔

    واضح رہے کہ نیپال میں کچھ دن قبل 7.9 ریکٹر اسکیل شدت کا زلزلہ آچکا ہے جس کے نتیجے میں 8 ہزار کے لگ بھگ قیمتی انسانی جانیں ضائع ہوگئیں تھی اور بڑے پیمانے پر انفرا اسٹرکچر کی تباہی ہوئی تھی۔

    نیپال میں بد ترین زلزلہ بارہ سوسےزیادہ ہلاک اورہزاروں زخمی

    پاک فوج کے امدادی دستے سب سے پہلے زلزلہ متاثرین کی مدد کے لئے نیپال پہنچے تھے اور تاحال بحالی آپریشن میں مصروف عمل تھے۔

  • سوات میں زلزلے کے جھٹکے، شہریوں میں خوف وہراس

    سوات میں زلزلے کے جھٹکے، شہریوں میں خوف وہراس

    اسلام آباد:سوات میں شدید زلزلے کے جھٹکے محسوس کئے گئے جن سے علاقے میں خوف و ہراس پھیل گیا۔

    تفصیلات کے مطابق اتوار کی صبح شمالی علاقہ جات کے علاقے سوات اور اس سے ملحقہ علاقوں میں زلزلے کے کھٹکے محسوس کئے گئے۔

    زلزلہ پیما مرکز کے مطابق زلزلے کی شدت ریکٹر اسکیل پر 4.2 تھی اور اس کا مرکز افغانستان کے علاقے میں تھا۔

    زلزلہ پیما مرکز نے یہ بھی بتایا کہ زلزلے کا مرکز افغانستان کے علاقے کوہ ہندوکش میں 121 کلومیٹر گہرائی میں واقع تھا۔

    زلزلے کےجھٹکوں سے شہریوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے باہرنکل آئے۔

    واضح رہے کہ 25 اپریل 2015 کو نیپال میں آنے والے تباہ کن زلزلے نے 8 ہزار سے زائد قیمتی جانوں کو نگل لیا ہے جس کے سبب عوام میں ذہنی طورپرزلزلے کا خوف موجود ہے۔

    اس سے قبل 2005 میں شمالی علاقہ جات میں ایک انتہائی ہلاکت خیز زلزلہ آچکا ہے جس سے 80 ہزار سے زائد انسانی جانوں کا ضیاع ہوا تھا۔

  • آرمی چیف نیپال نے پاکستانی امدادی کوششوں کو سراہا ہے،اعزاز احمد چوہدری

    آرمی چیف نیپال نے پاکستانی امدادی کوششوں کو سراہا ہے،اعزاز احمد چوہدری

    اسلام آباد : سیکریٹری خارجہ اعزاز احمد چوہدری کا کہنا ہے کہ مشکل کی گھڑی میں پاکستان، نیپالی عوام کے ساتھ ہے۔ ان خیالات کا اظہار سیکریٹری خارجہ نےاسلام آباد میں پریس بریفنگ میں کا کہنا تھا کہ زلزلے سے متاثر پینتیس لاکھ نیپالی شہریوں کو فوری امداد کی ضرورت ہے۔

    مشکل گھڑی میں نیپالی عوام کےساتھ ہیں۔سیکرٹری خارجہ اعزاز احمد چوہدری نے کہا کہ پاکستان نیپال زلزلہ متاثرین کےلئے امدادی کارروائیاں جاری رکھے گا۔

    وزیراعظم کی منظوری پر 20ہزار خیمے اور خوراک کی بھاری کھیپ نیپال کےلئے بھجوائی جا رہی ہے،30بستروں پر مشتمل موبائل ہسپتال، 50ڈاکٹرز اور 38رکنی پاکستان آرمی سرچ ٹیم بھی فوری طور پرکٹھمنڈو بھجوائے جا چکے ہیں۔

    ان کا کہناتھا کہ وزیراعظم کی ہدایت پرنیپالی عوام کیلئےفوری امدادبھیجی گئی، امدادی سامان سےبھرےچارسی ون تھرٹی طیارے نیپال بھیجے گئے، ساتھ ہی پچاس رکنی ڈاکٹرز، پیرا میڈیکل اور ٹیکنیشن پرمشتمل ٹیمیں بھی نیپال بھیجی گئیں۔

    سیکریٹری خارجہ نے بتایا کہ این ڈی ایم اے اور پاک فوج نے امدادی سرگرمیوں میں حصہ لیا۔ان اقدامات میں پاکستان میں نیپالی سفارت خانے نے مکمل تعاون کیا۔

    انہوں نے کہا کہ 30بستروں پر مشتمل موبائل ہسپتال 50ڈاکٹرز اور 38رکنی پاکستان آرمی سرچ ٹیم کے ہمراہ تربیت یافتہ حساس کتے بھی فوری طور پرکٹھمنڈو بھجوائے جا چکے ہیں۔

    اعزاز چوہدری نے بتایا کہ نیپال کے آرمی چیف نے پاکستان کی امدادی کوششوں کو سراہا ہے۔

  • نیپال : زلزلےسےہلاکتوں کی تعداد7ہزار سے زائد ہوگئی

    نیپال : زلزلےسےہلاکتوں کی تعداد7ہزار سے زائد ہوگئی

    کھٹمنڈو: نیپال میں قیامت خیز زلزلے سے ہلاکتوں کی تعداد سات ہزار سےزائد ہوگئی ہے۔

    نیپال میں زلزلے کے باعث کٹھمنڈو میں پانی کا بحران شدت اختیار کر گیا ہے، لوگوں کو پانی کے حصول میں سخت دشواریوں کا سامنا ہے۔

    نیپال میں گزشتہ ہفتے آنے والے شدید زلزلے کے باعث جہاں ہلاکتوں کی تعداد سات ہزار ہو چکی ہے وہیں دارالحکومت کھٹمنڈو میں پینے کے پانی کا بحران سنگین ہو گیا ہے۔

     انفرا سٹرکچر تباہ ہونے سے امدادی اداروں کو پانی ٹرک کے زریعےلوگوں تک پہنچا نے میں شدید دشواریوں کا سامنا ہے۔

    دوسری جانب اقوام متحدہ کےادارہ یونیسیف نے بھی انتباہ کیا ہے کہ چند ہفتوں بعد مون سون کی بارشیں شروع ہونے سے زلزلے سے متاثرہ علاقوں میں موجود سترہ لاکھ بچوں میں وبائی امراض پھیل سکتے ہیں، اقوام متحدہ کی نیپال میں زلزلہ زدگان کی امداد ی کام تیز کرنے کی اپیل کی ہے۔

  • نیپال میں زلزلہ: ہلاکتوں کی تعداد نو ہزار ہوگئی

    نیپال میں زلزلہ: ہلاکتوں کی تعداد نو ہزار ہوگئی

    کھٹمنڈو: نیپال میں قیامت خیز زلزلے سے ہلاکتوں کی تعداد نو ہزار ہوگئی فوج دکھ کی اس گھڑی میں نیپالی بھائیوں کو ہرطرح ریلیف فراہم کررہی ہے۔

    نیپال کی تاریخ کے بدترین زلزلے میں ہلاکتوں کی تعداد میں دن بدن اضافہ ہو رہا ہےاورمتاثرین عالمی امداد کے منتظر ہیں۔

    نیپال کے آرمی چیف نے پندرہ ہزار سےزائد افرادکی ہلاکت کا خدشہ ظاہرکیا ہے۔ پاکستان سمیت دنیا کےکئی ممالک کی ٹیمیں نیپال میں آنےوالے تباہ کن زلزلے کےباعث گرنےوالی عمارتوں کےملبےسے لاشوں کو نکالنے اورزخمیوں کوطبی امداد فراہم کرنے کا کام کررہی ہیں۔

    امدادی کارروائیوں کے دوران اب تک چھ ہزارسےزائد افراد کی لاشیں نکالی جاچکی ہیں،اقوام متحدہ نےعالمی برادری سےنیپال میں زلزلےسےہونے والی تباہی سےنمٹنے کےلیےاکتالیس کروڑ ڈالرکی امدادکی اپیل کی ہے۔

    عالمی ادارے کے مطابق زلزلے سےچھ لاکھ سے زائد گھرمتاثر ہوئے ہیں جبکہ آٹھ لاکھ سے زائد افراد متاثر ہوئے ہیں۔

  • نیپال: 50گھنٹے بعد ایک خاتون کو ملبے سے زندہ نکال لیا گیا

    نیپال: 50گھنٹے بعد ایک خاتون کو ملبے سے زندہ نکال لیا گیا

    کھٹمنڈو: نیپال میں آنے والے شدید زلزلے کے بعد امدادی کام جاری ہیں ،پچاس گھنٹے بعد ایک خاتون کو ملبے سے زندہ نکال لیا گیا۔

    کہتے ہیں جسے خدا رکھے اسے کون چکھے،ایسا ہی کچھ ہوا نیپال میں جہاں شدید زلزلے کے تیسرے روز امدادی کارکنوں نے کئی گھنٹے کی محنت کے بعد ایک خاتون کو ملبے سے زندہ نکال لیا، خاتون کو ملبے تلے دبے پچاس گھنٹے گزر چکے تھے۔

     خاتون کو زندہ دیکھ کر اس کے گھر والوں میں خوشی کی لہر دوڑ گئی، ایک رشتہ دار خاتون نے تصویر کی مدد سے بتایا کہ ملبے سے نکالی جانے والی خاتون کون تھی۔

     امدادی کام کرنے والی ٹیم کے ایک رکن نے بتایا کہ خاتون ملبے میں ایک سیلب کے نیچے دبی ہوئی تھی جسے نکالنے کیلئے انتہائی احتیاط سے کام لیا گیا ورنہ خاتون کی جان کو خطرہ ہو سکتا تھا۔

  • زلزلے سے ہلاکتوں کی تعداد 10،000تک پہنچ سکتی ہے، نیپالی وزیراعظم

    زلزلے سے ہلاکتوں کی تعداد 10،000تک پہنچ سکتی ہے، نیپالی وزیراعظم

    کھٹمنڈو: نیپالی وزیر اعظم کا کہنا ہے کہ زلزلے سے ہلاکتوں کی تعداد دس ہزار تک پہنچ سکتی ہے۔

    نیپال میں بھونچال نے انسانی المیے کو جنم دے دیا،زلزلے سے پانچ ہزار ہلاکتوں کی تصدیق ہوچکی ہے، لیکن تباہ کاریوں کو دیکھتے ہوئے نیپال کے وزیر اعظم نے خدشہ ظاہر کیا ہے کہ یہ تعداد دس ہزار تک جاسکتی ہے۔

     نیپال میں زمین کی ہلچل نے ہزاروں کو گھروں سے محروم کردیا اور زندگی سے بھرپور بستیوں میں قبرستان جیسی خاموشی چھا گئی ہے۔

    اقوام متحدہ کےمطابق زلزلے سے متاثرہ افراد کی تعداد اسی لاکھ ہے،تاریخ کے بدترین زلزلے نے جہاں بستیاں کی بستیاں صفحہ ہستی سے مٹادیں وہیں آفٹر شاکس نے لوگوں کو خوف میں مبتلا کر رکھا ہے۔

    متاثرہ خاندان رات کھلے آسمان تلے رات گزار رہے ہیں، متاثرہ علاقوں میں امدادی کارروائیاں تو جاری ہیں، لیکن کئی علاقے اب بھی دواؤں کھانے پینے کی اشیا سمیت ایندھن کی قلت کا شکار ہیں تو کچھ ایسے ہیں جہاں اب تک امداد نہیں پہنچ سکی ہے۔

     پاکستان کی جانب سے پاک فضائیہ کے مزید دو سی ون تھرٹی طیارے امداد لے کر کٹھمنڈو پہنچ چکے ہیں۔

  • پاکستان کے شمالی علاقوں میں زلزلے کے جھٹکے

    پاکستان کے شمالی علاقوں میں زلزلے کے جھٹکے

    سوات: مالاکنڈ ڈیویژن کے کئی علاقوں میں زلزلے کے شدید جھٹکے محسوس کیےگئے، جن کے سبب عوام میں خوف وہراس پھیل گیا۔

    تفصیلات کے مطابق ملک کے شمالی علاقے جن میں سوات، مینگورہ اور دیگر ملحقہ علاقے شامل ہیں ان میں زلزلے کے شدید جھٹکے محسوس کیے گئے۔

    ذرائع کے مطابق زلزلے کی شدت ریکٹراسکیل پر5.5 ریکارڈ کی گئی زلزلے کے سبب مقامی آبادی خوف میں مبتلا ہوگئی اور عوام کلمہ طیبہ کا ورد کرتے ہوئے گھروں سے باہر نکل آئے۔

    پاکستانی علاقوں میں آنے والا یہ زلزلہ دراصل نیپال میں آنے والے اس ہولناک زلزلے کے آفٹر شاکس کا حصہ ہے جس کے سبب نیپال میں چار ہزار کے لگ بھگ افراد اپنی جان سے ہاتھ دھو بیٹھے۔

    واضح رہے کہ 2005 میں شمالی علاقہ جات کی وادی کشمیر اور اس سے ملحقہ علاقوں میں ملکی تاریخ کا سب سے ہولناک زلزلہ آیا تھا جس میں نوے ہزار کے لگ بھگ انسانی جانوں کا ضیاع ہوا تھا جب کہ بیس لاکھ افراد بے گھر ہوئے تھے۔

  • نیپال میں زلزلے سے ہلاکتوں کی تعداد3700ہوگئی

    نیپال میں زلزلے سے ہلاکتوں کی تعداد3700ہوگئی

    کھٹمنڈو: نیپال میں تباہ کن زلزلے سے ہلاک افراد کی تعدادتین ہزارسات سو ہوگئی۔ بھارت اوربنگلہ دیش میں بھی زلزلے سے مجموعی طورپرہلاکتوں کی تعداد نوے سے زائد ہوگئی ہے۔

    نیپال میں تباہ کن زلزلے نے قیامت برپا کردی۔متعدد شہراور تاریخی عمارتیں ملبے کا ڈھیربن گئیں،ہزاروں افراد ملبے تلے دب گئے،اسپتال لاشوں اورزخمیوں سے بھرگئے۔ پورے ملک میں ایمرجنسی نافذ ہے۔ سڑکیں، بجلی اورمواصلات کا نظام بھی تباہ ہوگیا۔ جگہ جگہ ملبے کے ڈھیرکے باعث امدادی کارروائیوں میں مشکلات پیش آرہی ہیں۔

     نیپال کے دوردرازعلاقوں میں اب تک امدادی کارروائیاں شروع نہیں ہوسکیں ۔ دنیا کی سب سے بلند چوٹی ماؤنٹ ایورسٹ بھی زلزلے سے ہل گئی۔ چوٹی سر کرنے والے درجنوں سیاحوں میں سے سترہ زلزلے کے بعد برفانی تودے گرنے سے جان سے ہاتھ دھوبیٹھے۔

    آفٹر شاکس کی وجہ سے لوگوں نے رات خوف وہراس کے عالم میں سڑکوں اور کھلی جگہوں پرجا گ کر گزاری ۔حکام کا کہنا ہے ہلاکتوں میں مزید اضافے کا خدشہ ہے۔

  • پاک فضائیہ کا خصوصی طیارہ کٹھمنڈو سے پاکستانیوں کو لیکر وطن پہنچ گیا

    پاک فضائیہ کا خصوصی طیارہ کٹھمنڈو سے پاکستانیوں کو لیکر وطن پہنچ گیا

    اسلام آباد: پاک فضائیہ کا خصوصی طیارہ کٹھمنڈو سے انتالیس پاکستانیوں کو لے کر وطن واپس پہنچ گیا۔

    پاک فضائیہ کا طیارہ سی ون تھرٹی نیپال سے انتالیس پاکستانیوں کو لےکر اسلام آباد کےنور خان ایئر بیس پر اترا جہاں پی ایف بیس کمانڈر ایئر کموڈور طارق ظہیر نے پاکستانیوں کا استقبال کیا ۔

    پاکستانیوں کو ملک آنے کی خوشی تھی لیکن چہرے کاخوف نیپال میں زلزلے سےتباہی کی داستان سنا رہا تھا خاتون کا نیپال کے زلزلے نے سیکڑوں بستیاں اجاڑ ڈالیں۔

     کئی پاکستانی بھی اس سے متاثر ہوئے ملک پہنچنے والے پاکستانیوں کا کہنا تھا کہ جس وقت زلزلہ آیا وہ منظر الفاظ میں بیان نہیں کر سکتے طیارے کے پائلٹ کے مطابق آفٹر شاکس کے باعث طیارے کو واپسی میں تاخیر ہوئی۔

     بیس کمانڈر ایئر کموڈور طارق ظہیر نے کہا کہ پاک فضائیہ پاکستانیوں کو ریسکیو کرنے کے ساتھ دوست ملک کیلئے امدادی سامان لے جانے کا کام بھی انجام دے گی۔