ARYNews.tv | Urdu – Har Lamha Bakhabar

Tag: NEPRA

  • کرنٹ لگنے سے اموات ، کے الیکٹرک کی غفلت پر نیپرا کا ایکشن

    کرنٹ لگنے سے اموات ، کے الیکٹرک کی غفلت پر نیپرا کا ایکشن

    اسلام آباد : نیپرا نے کراچی میں حالیہ بارشوں کے دوران بجلی کا کرنٹ لگنے سے قیمتی جانوں کے ضائع اور صارفین کو بجلی سپلائی میں تعطل پر کے الیکٹرک  کیخلاف غفلت برتنے کے الزامات کی تحقیقات کا آغاز کردیا ہے۔

    تفصیلات کے مطابق کراچی میں حالیہ بارشوں کے دوران بلا کتوں اور بریک ڈاؤن پر نیپرا ایکشن میں آگیا، نیپرا نے کراچی میں بارش کے دوران کرنٹ لگنے کے  واقعات پر کے الیکٹرک کے خلاف نوٹس لیتے ہوئے غفلت برتنے کے الزامات کی باضابطہ تحقیقات کا فیصلہ کیا ہے۔

    نیپرا کے سینئر افسران کے الیکٹرک حکام سے تحقیقات کرکے 15دن کے اندررپورٹ جمع کرائیں گے۔

    کراچی میں مون سون کی بارش کے دوران متعددعلاقوں میں پانی جمع دیکھاگیا اور بارش کے دوران کراچی کے مختلف علاقوں سے کرنٹ لگنے کے واقعات سامنے  آئے، بجلی اور کرنٹ لگنے واقعات کے کے الیکٹرک کی نیپرا کے قوانین کی خلاف ورزی اورغفلت کو ثابت کرتے ہیں۔

    نیپرا کا کہنا تھا کہ کے الیکٹرک کے خلاف قوانین 27A کے تحت کاروائی اورتحقیقیات کرنے کافیصلہ کیا ، کے الیکٹرک کی غفلت سے بارشوں کے دوران قیمتی جانوں کاضیاع ہوا اور ابتر نظام کی وجہ سے صارفین بجلی کی سہولت سے محروم رہے۔

    مزید پڑھیں :کرنٹ سے ہلاکتیں: کے الیکٹرک کے خلاف ساتویں ایف آئی آر درج، کوئی گرفتاری عمل میں نہ آئی

    یاد رہے کراچی میں مون سون بارشوں نے تباہی مچادی اور دو ہفتے میں تقریبا 33 کے قریب افراد کرنٹ لگنے سے جاں بحق ہوئے تھے ، جن میں خواتین اور بچے بھی شامل تھے، جس کے بعد اب تک کے الیکٹرک کیخلاف رجسٹرڈ ہونے والے کیسز کی تعداد 7 تک پہنچ گئی ہیں۔

  • نیپرا نے بجلی 9پیسے فی یونٹ سستی کردی

    نیپرا نے بجلی 9پیسے فی یونٹ سستی کردی

    اسلام آباد : نیشنل الیکٹرک پاور ریگولیٹری اتھارٹی (نیپرا) نے بجلی فی یونٹ 9 روپے سستی کردی ، کمی کی منظوری جون کےماہانہ فیول ایڈجسٹمنٹ کی مدمیں دی گئی۔

    تفصیلات کے مطابق نیشنل الیکٹرک پاور ریگولیٹری اتھارٹی (نیپرا) نے بجلی مہنگی کرنے کی درخواست مسترد کرتے ہوئے فی یونٹ بجلی 9 پیسے سستی کرنے کی منظوری دے دی۔

    نیپرا کی جانب سے بجلی سستی کرنے کی منظوری جون کی فیول پرائس ایڈجسٹمنٹ کی مد میں دی گئی ہے، جس سے صارفین کو ایک ارب 10 کروڑ روپے کا ریلیف ملے گا۔

    نیپرا کے فیصلے کا اطلاق کے الیکٹرک اور ماہانہ 300 یونٹ تک بجلی استعمال کرنے والے گھریلو صارفین پر نہیں ہوگا۔

    خیال رہے سی پی پی اے نے بجلی 6 پیسے فی یونٹ مہنگی کرنے کی درخواست کی تھی۔

    یاد رہے نیشنل الیکٹرک پاور ریگولیٹری اتھارٹی (نیپرا) نے تقسیم کار کمپنیوں کے بارے میں رپورٹ جاری کی تھی ، رپورٹ کے مطابق سنہ 18-2017 میں بجلی چوری اور نقصانات سے 45 ارب سے زائد کا نقصان پہنچا۔

  • نیپرا نے بجلی 4 پیسے فی یونٹ سستی کردی

    نیپرا نے بجلی 4 پیسے فی یونٹ سستی کردی

    اسلام آباد : نیپرا نے بجلی 4 پیسے فی یونٹ سستی کردی ، جس سے صارفین کو 28 کروڑ روپےکاریلیف ملے گا، فیصلے کا اطلاق کے الیکٹرک کے صارفین پر نہیں ہوگا۔

    تفصیلات کے مطابق نیپرا نے بجلی کے نرخوں میں 4 پیسے فی یونٹ کمی کی منظوری دے دی، جس سے صارفین کو 28 کروڑ روپے کا فائدہ پہنچے گا، بجلی مارچ کی فیول پرائس ایڈجسٹمنٹ کی مد میں سستی کی گئی ہے۔

    سی پی پی اے کے مطابق مارچ میں کوئلے سے بجلی کی پیداوار لاگت 6 روپے 97 پیسے جبکہ فرنس آئل سے بجلی کی پیداواری لاگت 11 روپے 35 پیسے فی یونٹ رہی۔

    گیس سے پیداواری لاگت 5روپے 76 پیسے، ایل این جی سے 9 روپ 84 پیسے فی یونٹ رہی جبکہ نیوکلیئر بجلی کی پیداوار لاگت ایک روپیہ ایک پیسہ فی یونٹ رہی۔

    مزید پڑھیں :  نیپرا نے بجلی کی قیمت میں81 پیسے فی یونٹ کا اضافہ کردیا

    سی پی پی اے کے مطابق مارچ کے لیے بجلی کی ریفرنس پرائس 4روپے 99 پیسے فی یونٹ مقرر کی گئی، ریفرنس پرائس کے مقابلے میں پیداواری لاگت 5روپے 15پیسے فی یونٹ رہی ۔

    نیپرا کا کہنا ہے صارفین کو ریلیف آئندہ ماہ کے بلوں میں ملے گا، فیصلے کا اطلاق کے الیکٹرک کے صارفین پر نہیں ہوگا، حکومت نے قیمت میں 16 پیسے اضافے کی درخواست دی تھی۔

    یاد رہے رواں ماہ کے آغاز میںنیپرا نے بجلی کی قیمت میں 81 پیسے فی یونٹ کا اضافہ کیا تھا  اور بجلی مہنگی ہونے سے صارفین پر 5ارب 2 کروڑ کا اضافی بوجھ پڑا، اضافہ فروری کی فیول پرائس ایڈجسٹمنٹ کی مد میں کیاگیا تھا۔

    اس سے قبل فروری میں نیپرا نے بجلی ایک روپے 80 پیسے فی یونٹ مہنگی کی تھی، جس کے باعث صارفین پر آئندہ ماہ 13 ارب 50 کروڑ روپے کا بوجھ پڑا تھا، اضافہ جنوری کی فیول پرائس ایڈجسٹمنٹ کی مدمیں کیا گیاتھا۔

    جنوری میں بھی نیشنل الیکٹرک پاور ریگولیٹری اتھارٹی نے بجلی کی فی یونٹ قیمتوں میں 57 پیسے اضافے کی منظوری دی تھی ،  اضافے کی منظوری دسمبر 2018 کے فیول ایڈجسٹمنٹ کی مد میں کی گئی تھی ۔

  • نیپرا نے بجلی کی قیمت میں81 پیسے فی یونٹ کا اضافہ کردیا

    نیپرا نے بجلی کی قیمت میں81 پیسے فی یونٹ کا اضافہ کردیا

    اسلام آباد : نیپرا نے بجلی کی قیمت میں 81 پیسے فی یونٹ کا اضافہ کردیا اور بجلی مہنگی ہونے سے صارفین پر 5ارب 2 کروڑ کا اضافی بوجھ پڑے گا، اضافہ فروری کی فیول پرائس ایڈجسٹمنٹ کی مد میں کیاگیا۔

    تفصیلات کے مطابق پٹرول اور ایل پی جی کے بعد عوام کو بجلی کا جھٹکا لگنے والا ہے ،  نیشنل الیکٹرک پاور ریگولیرٹی اتھارٹی (نیپرا)  نےبجلی کی قیمت میں 81 پیسے فی یونٹ کا اضافہ کردیا، اضافے سے صارفین پر 5ارب2 کروڑ کا بوجھ ڈال دیاگیا ہے۔

    یہ اضافہ فروری کی فیول پرائس ایڈجسٹمنٹ کی مدمیں کیاگیا ہے۔

    نیپرا کا کہنا ہے گیس کی قیمتیں بڑھنے سے 3ارب کا بوجھ پڑا، فروری کے دوران پانی سے 22.77فیصد بجلی پیدا کی گئی، کوئلے سے 17.46فیصد اور گیس سے 23.85فیصد بجلی پیدا کی گئی۔

    فروری میں درآمدی ایل این جی سے16.89 فیصدبجلی پیداہوئی جبکہ ریفرنس فیول لاگت 3روپے 97 پیسےفی یونٹ رہی۔

    مزید پڑھیں : بجلی کی قیمت میں ایک روپے80 پیسے فی یونٹ اضافہ

    سی پی پی اےنےنرخ میں1روپے 23پیسےفی یونٹ اضافےکی تجویزدی ، تقسیم کارکمپنیوں کوفراہم بجلی کی فی یونٹ قیمت5روپے 20پیسے ہے۔

    یاد رہے فروری میں نیپرا نے بجلی ایک روپے 80 پیسے فی یونٹ مہنگی کی تھی، جس کے باعث صارفین پر آئندہ ماہ 13 ارب 50 کروڑ روپے کا بوجھ پڑا تھا، اضافہ جنوری کی فیول پرائس ایڈجسٹمنٹ کی مدمیں کیا گیا ہے۔

    اس سے قبل جنوری میں بھی نیشنل الیکٹرک پاور ریگولیٹری اتھارٹی نے بجلی کی فی یونٹ قیمتوں میں 57 پیسے اضافے کی منظوری دی تھی ،  اضافے کی منظوری دسمبر 2018 کے فیول ایڈجسٹمنٹ کی مد میں کی گئی تھی ۔

  • بجلی کی قیمت میں ایک روپے80 پیسے فی یونٹ اضافہ

    بجلی کی قیمت میں ایک روپے80 پیسے فی یونٹ اضافہ

    اسلام آباد : نیپرا نے بجلی ایک روپے 80 پیسے فی یونٹ مہنگی کردی ، جس کے باعث صارفین پر آئندہ ماہ 13 ارب 50 کروڑ روپے کا بوجھ پڑے گا، اضافہ جنوری کی فیول پرائس ایڈجسٹمنٹ کی مدمیں کیا گیا ہے۔

    تفصیلات کے مطابق نیشنل الیکٹرک پاور ریگولیرٹی اتھارٹی (نیپرا) نے بجلی کی قیمت میں ایک ماہ کیلئےایک روپے80پیسےفی یونٹ اضافہ کردیا ، قیمت میں اضافہ جنوری کی فیول پرائس ایڈجسٹمنٹ کی مدمیں ہوا، بجلی کی قیمت میں اضافے کے باعث صارفین پر آئندہ ماہ تیرہ ارب پچاس کروڑ کا بوجھ پڑے گا۔

    سینٹرل پاور پرچیزنگ ایجنسی کے مطابق جنوری میں فرنس آئل سے مہنگی بجلی پیدا کی گئی، نیپرا نے بجلی پیداوار کیلئے فرنس آئل کے استعمال کی وجوہات طلب کرلیں ۔

    نیپرا کا کہنا تھا کہ گزشتہ ماہ بھی تفصیلات مانگی گئیں سی پی پی اےنےجواب نہ دیا، ایل این جی سے پیداوار ہوتی تو قیمت میں اضافے کی بجائے کمی ہو سکتی تھی۔

    نیپرا چیئرمین رحمت اللہ بلوچ نے کہا پن بجلی اورایل این جی کی عدم دستیابی سےفرنس آئل سےپیداوارہوئی ، آپ نےحکومت سےکیوں نہیں معاملہ اٹھایا، جس پر سی پی پی اےحکام کا کہنا تھا کہ ہم حکومت کوڈیمانڈبتادیتےہیں،اس سےزیادہ اختیارنہیں، اس کاجواب وزارت پیٹرولیم دےسکتی ہےکہ وجہ کیا ہے۔

    مزید پڑھیں : نیپرا نے 57 پیسے فی یونٹ بجلی مہنگی کرنے کی منظوری دے دی

    نیپرا نے خبردار کیا کہ آئندہ فرنس آئل سے پیداوار کی لاگت منظور نہیں کریں گے، حکومت کوبتادیں اتھارٹی نےواضح احکامات دےدئیےہیں۔

    یاد رہے جنوری میں بھی یشنل الیکٹرک پاور ریگولیٹری اتھارٹی نے بجلی کی فی یونٹ قیمتوں میں 57 پیسے اضافے کی منظوری دی تھی ،  اضافے کی منظوری دسمبر 2018 کے فیول ایڈجسٹمنٹ کی مد میں کی گئی تھی ۔

    اس قبل جنوری کے آغاز میں بھی نیپرا کی جانب سے بجلی کے نرخ میں فی یونٹ 32 پیسے کمی کی منظوری دی گئی تھی۔

  • بجلی مہنگی ہوگی یا نہیں؟ نیپرا نے درخواست پر فیصلہ محفوظ کرلیا

    بجلی مہنگی ہوگی یا نہیں؟ نیپرا نے درخواست پر فیصلہ محفوظ کرلیا

    اسلام آباد : بجلی کی تقسیم کارکمپنیوں کے یکساں ٹیرف کی درخواست پر نیپرا نے فیصلہ محفوظ کرلیا، حکومت نے بجلی کےنرخ میں ایک روپے27 پیسےفی یونٹ اضافے کی سفارش کی ہے۔

    تفصیلات کے مطابق بجلی کی تقسیم کار کمپنیوں کے لیے یکساں ٹیرف کی درخواست کی سماعت مکمل کرلی گئی، نیپرا اتھارٹی نے یکساں ٹیرف سے متعلق فیصلہ محفوظ کر لیا ہے۔

    وفاقی حکومت کی جانب سے بجلی کے نرخ میں ایک روپے 27 پیسےفی یونٹ اضافے کی سفارش کی گئی ہے جبکہ صارفین کے لیے نیا اوسط ٹیرف 11 روپے 95 پیسے فی یونٹ مقرر کرنے کی سفارش ہے۔

    بجلی کے صارفین پر 22 پیسے سےایک روپے 60 پیسے تک فی یونٹ اضافہ ہوگا، اضافے کا اطلاق 300 سے زائد یونٹ استعمال کرنے والے صارفین پر ہوگا۔

    ممبر نیپرا اتھارٹی سیف اللہ کا کہنا ہے کہ نیپرا اتھارٹی کے تیسرے ارکان کی تعیناتی کی منظوری دے دی گئی ، اتھارٹی مکمل ہونے پر درخواست پر فیصلہ سنا دیاجائے گا، سماعت کے لیے 3ارکان کی موجودگی ضروری نہیں، قانونی طور پر فیصلہ کرتے وقت 3ارکان کی موجودگی ضروری ہے۔

    یاد رہے حکومت نے بجلی صارفین سے146ارب کی سبسڈی واپس لینے کے لئے نیپرا میں درخواست دی تھی ، جس میں کہا گیا تھا سبسڈی واپس لےکر یکساں ٹیرف مقررکیا جائے، حکومت اس سال 146ارب روپے کی سبسڈی نہیں دے سکتی، سبسڈی واپس لینے کے لئے اتھارٹی تقسیم کار کمپنیوں کے لئے نیا یکساں ٹیرف لائے۔

    درخواست میں کہا گیا تھا کہ 50یونٹ تک بجلی صارفین کے لئے 2 روپے فی یونٹ ٹیرف مقرر کرنے، 100یونٹ والے صارفین کے لئے ٹیرف 5.79 پیسے فی یونٹ مقرر کرنے، 100 سے 200 یونٹ والے صارفین کے لئے 8.11پیسے فی یونٹ ٹیرف مقرر کرنے کی تجویز دی گئی تھی۔

    حکومت نے 300یونٹ تک بجلی والےصارفین کے لئے قیمت 10.20پیسے فی یونٹ مقررکرنے، 700یونٹ والے صارفین کے لئے ٹیرف17روپے 60 پیسے مقرر کرنے اور 700 یونٹ سے زائد والے صارفین کے لئے قیمت 20 روپے70پیسےمقرر کرنے کی تجویز دی تھی۔

  • بجلی کی قیمت میں 41 پیسے فی یونٹ اضافہ کردیا گیا

    بجلی کی قیمت میں 41 پیسے فی یونٹ اضافہ کردیا گیا

    اسلام آباد : نیشنل الیکٹرک پاور ریگولیرٹی اتھارٹی (نیپرا) نے بجلی کی قیمت میں 41 پیسے فی یونٹ اضافے کی منظوری دے دی ، اضافہ اکتوبر کی فیول ایڈجسٹمنٹ کی مد میں کیا گیا ہے۔

    تفصیلات کے مطابق ترسیلی کمپنیوں کی جانب سے بجلی کی نرخوں میں مزید اضافہ کرنے کی درخواست پر نیپرا نے بجلی کی قیمت میں 41 پیسے فی یونٹ اضافے کی منظوری دے دی ، فیصلے سےصارفین پر 3ارب 80کروڑ روپےکابوجھ پڑے گا، اضافہ اکتوبر کی فیول ایڈجسٹمنٹ کی مد میں کیا گیا ہے۔

    اتھارٹی نے اظہار تشویش کرتے ہوئے کہا کوئلےاورایل این جی والے پلانٹس کم چلائے گئے ، فرنس آئل والے پلانٹس کو کوئلے پر چلایا جاتا تو فی یونٹ 59 پیسے کمی ہوسکتی تھی، سی پی پی اے نے مؤقف میں کہنا تھا کہ ایل این جی کم ملنے سے پلانٹ نہیں چلائے گئے۔

    چیئرمین نیپرا کا کہنا تھا کہ پلانٹس چلانے سے صارفین کو زیادہ ریلیف مل سکتا تھا ، ایل این جی نہ ملنا جواز نہیں ،تحریری جواب جمع کرائیں۔

    مزید پڑھیں : ترسیلی کمپنیوں نے بجلی کی نرخوں میں مزید اضافہ ما نگ لیا

    یاد رہے سنٹرل پاور پرچیزنگ اتھارٹی نے چونسٹھ پیسے فی یونٹ بجلی مہنگی کرنے کی درخواست کی تھی ، سی پی پی کا کہنا تھا کہ قیمتوں میں اضافہ ماہانہ فیول ایڈجسٹ منٹ کی مد میں اکتوبر کے مہینے کے لیے مانگا گیا ہے۔

    سی پی پی اے کے مطابق اکتوبر میں بجلی کی فی یونٹ قیمت پانچ روپے اٹھاسی پیسے رہی جبکہ صارفین سے پانچ روپے تئیس پیسے چارج کئے گئے جبکہ اضافے کا اطلاق لائف لائن اور کے الیکٹریک کے صارفین پر نہیں ہوگا۔

    خیال  رہے اکتوبر میں حکومت کی جانب سے بجلی کے نرخوں میں اضافے کی منظوری دی تھی، بجلی اوسطاً 1 روپے 18 پیسے فی یونٹ مہنگی کردی گئی تھی جبکہ 300 یونٹ استعمال کرنے والوں پرکوئی اضافہ نہیں کیا گیا تھا۔

    اس سے قبل 26 ستمبر کو نیپرا نے بجلی کی قیمت میں اضافے کی منظوری دی تھی، جس کے مطابق اگست کے کیلئے بجلی کی قیمت میں ایک روپیہ سولہ پیسے فی یونٹ کا اضافہ کیا گیا تھا، قیمت میں اضافہ ماہانہ فیول پرائس ایڈجسٹمنٹ کی مد میں ہوا تھا۔

  • ترسیلی کمپنیوں نے بجلی کی نرخوں میں مزید اضافہ ما نگ لیا

    ترسیلی کمپنیوں نے بجلی کی نرخوں میں مزید اضافہ ما نگ لیا

    اسلام آباد : ترسیلی کمپنیوں نے بجلی کی نرخوں میں مزید اضافہ ما نگ لیا، سنٹرل پاور پرچیزنگ اتھارٹی نے چونسٹھ پیسے فی یونٹ بجلی مہنگی کرنے کی درخواست دی ہے، نیپرا درخواست پر سماعت چودہ نومبر کو کرے گی۔

    تفصیلات کے مطابق نیپرا زرائع کا کہنا ہے کہ سنٹرل پاوور پرچیزنگ اتھارٹی نےنرخوں میں اضافے کی درخواست دی ہے، سی سی پی اے نے بجلی کے ٹیرف میں چونسٹھ پیسے فی یونٹ کا اضافہ مانگا ہے۔

    سی سی پی اے کے مطابق قیمتوں میں اضافہ ماہانہ فیول ایڈجسٹ منٹ کی مد میں مانگا گیا ہے۔اضافہ اکتوبر کے مہینے کیلئے مانگا گیا ہے، اکتوبر میں بجلی کی فی یونٹ قیمت پانچ روپے اٹھاسی پیسے رہی جبکہ صارفین سے پانچ روپے تئیس پیسے چارج کئے گئے ہیں۔

    نیپرا درخواست پر سماعت چودہ نومبر کو کرے گی، اضافے کا اطلاق لائف لائن اور کے الیکٹرک کے صارفین پر نہیں ہوگا۔

    یاد رہے اکتوبر میں حکومت کی جانب سے بجلی کے نرخوں میں اضافے کی منظوری دی تھی، بجلی اوسطاً 1 روپے 18 پیسے فی یونٹ مہنگی کردی گئی تھی جبکہ 300 یونٹ استعمال کرنے والوں پرکوئی اضافہ نہیں کیا گیا تھا۔

    اس سے قبل 26 ستمبر کو نیپرا نے بجلی کی قیمت میں اضافے کی منظوری دی تھی، جس کے مطابق اگست کے کیلئے بجلی کی قیمت میں ایک روپیہ سولہ پیسے فی یونٹ کا اضافہ کیا گیا تھا، قیمت میں اضافہ ماہانہ فیول پرائس ایڈجسٹمنٹ کی مد میں ہوا تھا۔

  • نیپرا نے’کے الیکٹرک‘ پر50 لاکھ روپے جرمانہ عائد کردیا

    نیپرا نے’کے الیکٹرک‘ پر50 لاکھ روپے جرمانہ عائد کردیا

    کراچی : شہر قائد میں 14 سے 16 گھنٹے کی لوڈشیڈنگ اور خراب ڈسٹری بیوشن نظام کے سبب نیپرا نے ’کے الیکڑک‘ پر  جرمانہ عائد کردیا۔

    تفصیلات کے مطابق نیپرا کی جانب سے کے الیکڑک کو خراب کارکردگی اور درست طریقے سے بجلی کی ترسیل نہ کرنے پر 50 لاکھ روپے جرمانہ عائد کیا گیا ہے۔

    ذرائع کا کہنا ہے کہ سنہ 2017 میں ماہ رمضان المبارک کے دوران سندھ ہائی کورٹ کی جانب سے نیپرا کو بجلی کی فراہمی بلا تعطل پابند بنانے کی ہدایت جاری گئی تھی، تاہم کے الیکڑک کی خراب کارکردگی اس حکم نامے پرعمل درآمد کی راہ میں رکاوٹ بن گئی۔

    ذرائع کا کہنا ہے کہ ’کے الیکڑک‘ کو شہر قائد میں چودہ سے پندرہ گھنٹے کی لوڈ شیڈنگ اور کمزور ڈسٹریبیوشن نظام کے سبب مذکورہ جرمانہ عائد کیا گیا ہے۔

    نیپرا کی ٹیم نے گذشتہ برس یکم جون سے 5 جون تک کے الیکڑک کے ترسیلی نظام اور پیداواری نظام کا معائنہ لوڈ شیڈنگ کے اسباب جاننے کے لیے کیا گیا تھا اورجواب بھی طلب کیا گیا تھا۔

    ذرائع کا کہنا ہے کہ کمیٹی اپنی مفصل رپورٹ جمع کروائی، جس میں کے الیکڑک کے خلاف قانونی کارروائی اورشوکاز نوٹس جاری کیا گیا تھا لیکن کے الیکڑک اپنے اوپرلگائے گئے الزامات کا کوئی تسلی بخش جواب دینے میں ناکام رہی تھی۔

    اتھارٹی کے مطابق بن قاسم پاور پلانٹ کی مسلسل نامناسب مرمت کی گئی جس کے باعث بن قاسم پاورپلانٹ بند ہوتا رہا۔ ذرائع کا کہنا ہے کہ ان تمام وجوہات کی بنا پرنیپرا نے ’کے الیکٹرک‘ پرپچاس لاکھ روپے کا جرمانہ عائد کیا ہے۔

  • بجلی 1 روپیہ 16پیسے مہنگی کر دی گئی

    بجلی 1 روپیہ 16پیسے مہنگی کر دی گئی

    اسلام آباد : بجلی ایک ماہ کے لئے ایک روپے 16 پیسے فی یونٹ مہنگی کردی گئی ، قیمت میں اضافہ اگست کی فیول پرائس ایڈجسٹمنٹ کی مد میں کیا گیا ہے۔

    تفصیلات کے مطابق عالمی منڈی میں خام تیل کی قیمت میں اضافہ کے باعث بجلی کی پیداواری لاگت بڑھ گئی، نیپرا نے بجلی کی قیمت میں اضافے کی منظوری دے دی۔

    نیشنل الیکٹریک پاور ریگیولیٹری اتھارٹی کے مطابق اگست کے کیلئے بجلی کی قیمت میں ایک روپیہ سولہ پیسے فی یونٹ کا اضافہ کیا گیا ہے، قیمت میں اضافہ ماہانہ فیول پرائس ایڈجسٹمنٹ کی مد میں ہوا۔

    بجلی مہنگی کرنے کی درخواست سینٹرل پاور پرچیزنگ ایجنسی نے کی تھی۔

    نیپرا کے مطابق اگست میں بجلی کی پیداواری لاگت پانچ روپے اکیانوے پیسے فی یونٹ رہی جبکہ صارفین سے چار روپے پچھتر پیسے فی یونٹ وصول کئے گئے۔

    نیپرا کے فیصلے سے آئندہ ماہ میں سولہ ارب روپے کی وصول کئے جائیں گے۔

    مزید پڑھیں : حکومت نے بجلی کی قیمتوں میں اضافے کا فیصلہ مؤخر کر دیا

    بجلی کی قیمت میں اضافہ کے الیکٹرک کے علاوہ ملک بھر کی تمام بجلی تقسیم کار کمپنیوں کے لیے ہے۔

    یاد رہے گذشتہ روز اقتصادی رابطہ کمیٹی نے بجلی کی قیمتوں میں اضافے کا فیصلہ مؤخر کردیا تھا اور ساتھ ہی بلز کی 100 فی صد وصولی یقینی بنانے اور ترسیل وتقسیم کے نقصانات کم سے کم کرنے کی ہدایت کی تھی۔

    واضح رہے کہ نیپرا نے 3 روپے75 پیسےفی یونٹ اضافے کی تجویزدی تھی۔