Tag: Netanyahu

اسرائیلی وزیراعظم نیتن یاہو اور ان کے دو وزراء نے قیدیوں کی رہائی کے لیے غزہ کی پٹی میں عارضی جنگ بندی کی مصری تجویز کو مسترد کردیا ہے۔

غیر ملکی میڈیا کے مطابق اسرائیلی چینل نے رپورٹ کیا تھا کہ سیکورٹی ذمے داران کی سطح پر مصری تجویز کو منظور کرلیا گیا تھا، تاہم نیتن یاہو نے شاباک کے سربراہ رونین بار کو کہا کہ وہ تجویز میں ترمیم کے لیے مصر جائیں۔

اس کے برعکس حماس نے غزہ میں جنگ بندی کے لیے مصری تجویز کا خیر مقدم کیا ہے۔

رپورٹس کے مطابق حماس اس تجویز کو قبول کرنے کے لیے تیار ہے اگر یہ اس سمجھوتے کا حصہ ہو جو امریکی صدر جو بائیڈن نے جولائی میں پیش کیا تھا۔ حماس نے شمالی غزہ، نتساریم اور فلاڈلفیا کے علاقوں سے اسرائیلی انخلا سے قبل فائر بندی سے انکار کر دیا۔

ذرائع نے بتایا ہے کہ قاہرہ حکومت نے نئی تجویز کی پاسداری کے حوالے سے اسرائیل کی آمادگی حاصل کر لی ہے۔

مصری صدر عبدالفتاح السیسی نے گزشتہ روز کہا تھا کہ مصر نے غزہ کی پٹی میں دو روز کی فائر بندی اور 4 اسرائیلی یرغمالیوں کا اسرائیلی جیلوں میں قید کچھ فلسطینیوں سے تبادلے کے لیے نئی تجویز پیش کی ہے۔

یحییٰ سنوار کی حماس کو کی گئی وصیت سامنے آگئی

مزید یہ کہ آئندہ 10 روز میں غزہ کی پٹی میں اقدامات مکمل کرنے سے متعلق مذاکرات ہوں گے، ا طرح مکمل فائر بندی اور غزہ کی محصور پٹی میں امدادات کو داخل کرنے کا عمل یقینی بنایا جا سکے گا۔

امریکی اخبار واشنگٹن پوسٹ کی رپورٹ میں دعویٰ کیا گیا ہے کہ اسرائیلی وزیراعظم نیتن یاہو نے امریکا سے کہا ہے کہ اسرائیل ایران کی جوہری یا تیل اہداف کی بجائے ایرانی فوج پر حملہ آور ہوسکتا ہے۔

غیر ملکی میڈیا رپورٹس کے مطابق امریکی اخبار واشنگٹن پوسٹ کی رپورٹ میں معاملے سے واقف دو اہلکاروں کا حوالہ دیا گیا ہے، کہ نیتن یاہو کا کہنا ہے کہ اسرائیل ایران میں جوہری یا تیل کی تنصیبات کو نشانہ نہیں بنائے گا۔

واضح رہے کہ ایران کی جانب سے اسرائیل پر بیلسٹک میزائلوں کی بارش کے بعد اسرائیل نے جوابی کارروائی کا اعلان کر رکھا ہے۔

دوسری جانب برطانیہ نے اسرائیل پر حملے کے بعد ایرانی فوجی شخصیات پر پابندیاں عائد کر دیں۔

یکم اکتوبر کو تہران کے اسرائیل پر حملے کے بعد برطانیہ نے ایرانی افراد اور تنظیموں کے خلاف پابندیاں عائد کر دی ہیں۔

برطانیہ کے دفتر خارجہ کے مطابق پابندیوں میں ایران کی فوج، فضائیہ اور ایران کی بیلسٹک اور کروز میزائل کی ترقی سے منسلک تنظیموں کی اعلیٰ شخصیات کو نشانہ بنایا گیا ہے۔

برطانوی وزیر خارجہ ڈیوڈ لیمی نے ایک بیان میں کہا کہ ”بار بار وارننگ کے باوجود ایران اور اس کے پراکسیز کے خطرناک اقدامات مشرق وسطیٰ میں مزید کشیدگی کو ہوا دے رہے ہیں“۔

ان کا کہنا تھا کہ اسرائیل پر اس کے بیلسٹک میزائل حملے کے بعد ہم ایران کو احتساب کے کٹہرے میں لا رہے ہیں اور ان کارروائیوں میں سہولت کاروں کو بے نقاب کر رہے ہیں۔

ایران نے امریکا سے بالواسطہ رابطہ ختم کر دیا

ایران نے یکم اکتوبر کو اسرائیل پر تقریباً 200 میزائل داغے جس میں کہا گیا کہ یہ حزب اللہ اور حماس کے رہنماؤں اور ایران کے اسلامی انقلابی گارڈ کور کے ایک سینئر جنرل کی شہادت کا بدلہ ہے۔

اسرائیل پر ایرانی میزائل حملوں پر ردعمل دیتے ہوئے اسرائیلی وزیراعظم بن یامین نیتن یاہو کا کہنا ہے کہ ایران نے بہت بڑی غلطی کردی ہے، ایران کو اس کی قیمت ادا کرنا ہوگی۔

بین الاقوامی خبر رساں ادارے کی رپورٹ کے مطابق سکیورٹی کابینہ کے ہنگامی اجلاس کے بعد نیتن یاہو نے کہا کہ ایران نے اسرائیل پر رات کے وقت سینکڑوں میزائلوں سے حملہ کیا مگر دنیا کے سب سے جدید ائیر ڈیفنس سسٹم کی بدولت ایران کا حملہ ناکام ہوا۔

اسرائیلی وزیراعظم کا کہنا تھا کہ ہم اپنے بنائے ہوئے اصول پر قائم رہیں گے کہ جو بھی ہم پر حملہ آور ہوگا ہم اس پر حملہ کردیں گے۔

اسرائیلی وزیر اعظم نے اسرائیلی ڈیفنس فورسز اور شہریوں کو حملے کی ناکامی پر مبارکباد پیش کی جبکہ ایرانی حملہ ناکام کرنے میں مدد کرنے پر امریکا کا بھی شکریہ ادا کیا۔

اسرائیلی وزیر اعظم کا کہنا تھا کہ ایران نے اسرائیل پر براہ راست حملہ کرکے بہت بڑی غلطی کردی ہے، وہ نہیں جانتے کہ ہم اپنے دفاع کیلئے اور دشمن کو جواب دینے کیلئے ہر حد تک جا سکتے ہیں۔

اس سے قبل ایرانی وزیر خارجہ عباس عراغچی کا اپنے بیان میں کہنا تھا کہ اسرائیل نے مزید جوابی کارروائی کی تو بھر جواب دیا جائے گا، اسرائیل پر ایران کا حملہ مکمل ہوگیا ہے۔

ایرانی وزیر خارجہ عباس عراغچی کا سماجی رابطوں کی ویب سائٹ ایکس پر اپنے ایک بیان میں کہنا تھا کہ ایران نے اسرائیل کے خلاف اپنے دفاع کا استعمال کیا۔

اُن کا کہنا تھا کہ ہم نے اپنا جوابی حملہ کرنے سے قبل دو ماہ تک انتظار کیا کہ شاید غزہ میں جنگ بندی ہو جائے۔

ایرانی وزیر خارجہ نے کہا کہ ایران کی کارروائی ختم ہو چکی ہے تاہم اگر اسرائیل مزید جوابی کارروائی کرتا ہے تو اس کا جواب بھرپور اور اس سے بھی زیادہ طاقت سے دیا جائے گا۔

ایران میں پیٹرول پمپس پر گاڑیوں کی لمبی قطاریں لگ گئی

انہوں نے کہا کہ ایران نے اپنے دفاع کا حق استعمال کرتے ہوئے حملہ کیا، ایرانی حملے میں غزہ اور لبنان پر حملوں کیلئے استعمال ہونے والے اڈوں اور عسکری تنصیبات کو نشانہ بنایا گیا۔