Tag: Netanyahu

  • اسرائیلی وزیر اعظم نیتن یاہو کا لبنان پر حملے جاری رکھنے کا اعلان

    اسرائیلی وزیر اعظم نیتن یاہو کا لبنان پر حملے جاری رکھنے کا اعلان

    تل ابیب: اسرائیلی وزیر اعظم نیتن یاہو نے لبنان پر حملے جاری رکھنے کا اعلان کیا ہے۔

    غیر ملکی میڈیا رپورٹس کے مطابق اسرائیلی وزیرِ اعظم نیتن یاہو نے لبنان پر حملے جاری رکھنے کا اعلان کر دیا ہے، نیتن یاہو نے کہا کہ جو اسرائیل پر حملہ کرے گا، اس کو نشانہ بنائیں گے۔

    انھوں نے ہفتے کے روز اپنے بیان میں کہا اسرائیل کے مقاصد کے حصول کے لیے حسن نصر اللہ کو ختم کرنا ضروری تھا، ہم نے ان گنت اسرائیلوں کی موت کے ذمہ داروں سے بدلہ لے لیا، حسن نصر اللہ اور ان کے ساتھی اسرائیل کو تباہ کرنا چاہتے تھے۔

    تاہم ان کا یہ بھی کہنا تھا کہ حسن نصر اللہ کی موت مشرق وسطیٰ میں پھیلتے ہوئے تنازع کو ختم کرنے کے لیے کافی نہیں ہے، آئی ڈی ایف کی طرف سے حزب اللہ پر لگائی گئی تباہ کن ضربیں کافی نہیں ہوں گی۔

    واضح رہے کہ 64 سالہ نصر اللہ کو مشرق وسطیٰ کی بااثر شخصیات میں شمار کیا جاتا تھا اور انھوں نے حزب اللہ کو ایک بڑی فوجی اور سیاسی قوت میں تبدیل کرنے میں کلیدی کردار ادا کیا۔

    اسرائیل کی لبنان میں بمباری، 77 شہری شہید

    حسن نصراللہ 1992 سے لبنان میں مقیم گروپ کی قیادت کر رہے تھے، اسرائیل کی جانب سے گروپ کے سابق سربراہ عباس الموسوی کے قتل کے بعد انھوں نے تنظیم کی باگ ڈور سنبھالی۔

    نتین یاہو نے ایران کو بھی تنبیہ کرتے ہوئے کہا ہے کہ اگر اس نے اسرائیل پر حملہ کیا تو اسے بھی فیصلہ کُن جواب دیا جائے گا، دوسری جانب ایرانی سپریم لیڈر آیت اللہ خامنہ ای کا کہنا ہے کہ لبنان پر حملہ کرنے والوں کو پچھتانا پڑے گا۔ ادھر ایران نے اسرائیلی جارحیت پر سلامتی کونسل کا اجلاس بلانے کا مطالبہ کیا ہے، اقوامِ متحدہ میں ایرانی مندوب نے سلامتی کونسل کے 15 اراکان کو خط لکھ دیا ہے۔

  • نیتن یاہو کے قتل کی مبینہ سازش کے الزام میں ایک شخص گرفتار

    نیتن یاہو کے قتل کی مبینہ سازش کے الزام میں ایک شخص گرفتار

    اسرائیلی وزیرِ اعظم نیتن یاہو سمیت اہم شخصیات کے قتل کی مبینہ سازش میں ملوث ایک شخص کو حراست میں لے لیا گیا۔

    بین الاقوامی خبر رساں ادارے کی رپورٹ کے مطابق اسرائیلی سیکیورٹی سروسز کا کہنا ہے کہ حراست میں لئے گئے اسرائیلی شہری کو ایرانی حمایت حاصل تھی۔

    اسرائیلی میڈیا کے مطابق سیکیورٹی سروسز کا کہنا ہے کہ گرفتار تاجر مبینہ طور پر ایران میں کم از کم دو میٹنگز میں شریک ہوا تھا، اس دوران اہم شخصیات کے قتل پر تبادلہ خیال ہوا تھا۔

    غیر ملکی میڈیا کا کہنا ہے کہ اسرائیلی وزیرِ اعظم نیتن یاہو کے علاوہ وزیرِ دفاع کو بھی قتل کرنے کی مبینہ سازش کا انکشاف ہوا ہے۔

    دوسری جانب لبنان میں پیجر دھماکوں کے ایک ہولناک سلسلے کے بعد امریکا نے کہا تھا کہ اس میں ان کا کوئی ہاتھ نہیں ہے، تاہم اب یہ اہم انکشاف سامنے آیا ہے کہ اسرائیل نے اس دہشت گردانہ حملے سے قبل امریکا کو اس کے بارے میں ایک اشارہ دے دیا تھا۔

    روئٹرز کے مطابق ایک امریکی اہل کار نے نام ظاہر نہ کرنے کی شرط پر بتایا کہ اسرائیل نے منگل کو واشنگٹن کو بتایا تھا کہ وہ لبنان میں ’کچھ‘ کرنے جا رہا ہے۔ لیکن اسرائیل نے تفصیلات فراہم نہیں کیں، اس کے بعد لبنان میں پیجرز دھماکوں والی کارروائی خود واشنگٹن کے لیے حیران کن تھی۔

    مسلح گروپ حزب اللہ کے ارکان رابطوں کے لیے واکی ٹاکی کا استعمال کرتے ہیں، گزشتہ روز بدھ کو بیروت کے مضافاتی علاقوں اور وادی بیکا میں جگہ جگہ یہ واکی ٹاکی خوف ناک دھماکوں کی صورت میں پھٹنے لگے اور تقریباً 20 افراد ہلاک ہو گئے، اور 450 سے زائد زخمی ہوئے۔

    مغربی ممالک کو اسرائیل کا ساتھ دینے پر شرم آنی چاہئے، ایران

    ایک روز قبل یعنی منگل کو بالکل اسی طرح پیجرز میں دھماکے ہوئے، جس سے 12 افراد ہلاک ہوئے، جن میں دو بچے بھی شامل تھے، جب کہ تقریباً 3000 زخمی ہوئے۔

  • نیتن یاہو اپنے وزیر دفاع کو برطرف کرنے پر غور کر رہے ہیں، مگر کیوں؟

    نیتن یاہو اپنے وزیر دفاع کو برطرف کرنے پر غور کر رہے ہیں، مگر کیوں؟

    تل ابیب: اسرائیل کے وزیر اعظم نیتن یاہو نے اپنے وزیر دفاع یوو گیلنٹ کو برطرف کرنے پر غور شروع کر دیا ہے۔

    اسرائیلی میڈیا رپورٹس کے مطابق نیتن یاہو یوو گیلنٹ کو وزیر دفاع کے عہدے سے برطرف کر کے ان کی جگہ نیشنل یونٹی پارٹی کے چیئرمین گیڈون سعر کو تعینات کرنے کی تیاری کر رہے ہیں۔

    الجزیرہ کے مطابق اسرائیلی وزیر اعظم کے دفتر کے ایک ذریعے کے حوالے سے بتایا گیا ہے کہ نیتن یاہو اور گیلنٹ کے درمیان لبنان میں جارحانہ کارروائی کے علاوہ دیگر چیزوں پر بھی اختلافات موجود ہیں۔

    اسرائیلی میڈیا کے مطابق گیلنٹ اس وقت لبنان پر ایک بڑے حملے کے خلاف ہیں، تاہم دوسری طرف نیتن یاہو کے دفتر نے کہا ہے کہ متبادل کے بارے میں اطلاعات ’’غلط‘‘ ہیں۔

    ہمیں نقصان پہنچانے والے غزہ کو دیکھ لیں، نیتن یاہو کی دھمکی

    قبل ازیں گیڈون سعر نے ان قیاس آرائیوں کو مسترد کر دیا تھا کہ وہ نیتن یاہو کی زیر قیادت اتحاد میں واپس آنے کے لیے کوئی معاہدہ قبول کرنے جا رہے ہیں۔

    ادھر انتہا پسند وزیر بن گویر نے X پر ایک پوسٹ میں لکھا کہ وہ مہینوں سے یوو گیلنٹ کی برطرفی کا مطالبہ کر رہے ہیں اور اب وقت آ گیا ہے کہ اس پر فوری طور پر عمل کیا جائے۔

  • نیتن یاہو پر حماس سے معاہدے کے لئے عوامی دباؤ بڑھنے لگا

    نیتن یاہو پر حماس سے معاہدے کے لئے عوامی دباؤ بڑھنے لگا

    اسرائیلی وزیراعظم نیتن یاہو کی حکومت پر یرغمالیوں کی رہائی کیلئے حماس سے معاہدے کیلئے عوام کا دباؤ بڑھنے لگا۔

    بین الاقوامی خبر رساں ادارے کی رپورٹ کے مطابق اسرائیلی وزیراعظم نیتن یاہو کی ہٹ دھرمی کے باعث تل ابیب میں لیبر یونین کی جانب سے پیر کو عام ہڑتال کی کال دیدی گئی ہے، جس کی حمایت تل ابیب کی ٹیکنالوجی کمپنیوں اور صنعتوں نے بھی کردی۔

    خبر ایجنسی کا کہنا ہے کہ تل ابیب کا بن گورین ایئرپورٹ بھی کل صبح سے بند رہے گا۔

    عرب میڈیا کا کہنا ہے کہ اسرائیل کی مینیوفیکچررز ایسوسی ایشن کی جانب سے بھی ہڑتال کی حمایت کی گئی ہے جبکہ اسرائیلی اپوزیشن لیڈر یائیر لاپڈ نے بھی ہڑتال کی حمایت کا اعلان کردیا۔

    عرب میڈیا کا کہنا ہے کہ اسرائیلی وزیر خزانہ نے ہڑتال کرنے والوں کو تنخواہیں نہ دینے کی دھمکی دی ہے۔ اسرائیلی وزیر خزانہ کے مطابق ہڑتال کرنے سے حماس کے مفادات کا تحفظ ہوگا۔

    دوسری جانب حماس کے زیرِ انتظام غزہ کی وزارتِ صحت نے بتایا ہے کہ غزہ جنگ میں اب تک کم از کم 40,738افراد جاں بحق ہوچکے ہیں, جنگ کا11واں مہینہ جاری ہے۔

    وزارت کے اعداد و شمار کے مطابق مذکورہ تعداد میں گزشتہ 24 گھنٹوں کے دوران ہونے والی 47 اموات bhi شامل ہیں جبکہ سات اکتوبر سے شروع ہونے والی اس جنگ میں زخمیوں کی تعداد 94,154ہوگئی ہے۔

    فلسطین سرکاری میڈیا آفس نے غزہ جنگ میں ہونے والے نقصانات اور تباہی کی تازہ تفصیلات جاری کردیں۔

    مسلسل 330ویں روز غزہ کی پٹی پر قابض اسرائیل کی طرف سے امریکی اور مغربی مدد سے مسلط کی گئی نسل کشی کی جنگ میں ہونے والے نقصان اور تباہی کی تازہ تفصیلات جاری کی گئی ہیں۔

    غزہ کے معروف ٹک ٹاکر محمد حلیمے اسرائیلی حملے میں شہید

    میڈیا دفتر نے گزشتہ روز اپنی تازہ رپورٹ میں کہا ہے کہ قابض فوج نے پچھلے سال سات اکتوبر کے بعد غزہ میں 3,537 بار اجتماعی قتل عام کیا، جس کے نتیجے میں مجموعی طور پر 50,691فلسطینی شہید اور لاپتہ ہوئے۔

  • نیتن یاہو  نے اسیروں کی رہائی خطرے میں ڈال دی، عوامی رائے عامہ

    نیتن یاہو نے اسیروں کی رہائی خطرے میں ڈال دی، عوامی رائے عامہ

    اسرائیلی قیدیوں کے رشتہ داروں کا کہنا ہے کہ نیتن یاہو نے تل ابیب اور حماس کے درمیان ممکنہ معاہدے کو روکنے کے لیے ہر موقع ضائع کیا ہے۔

    بین الاقوامی خبر رساں ادارے کی رپورٹ کے مطابق قیدیوں کے لواحقین سے تعلق رکھنے والے اس پلیٹ فارم نے مصر اور غزہ کی پٹی کی سرحد پر واقع فلاڈیلفی کوریڈور میں اسرائیلی فوجیوں کے قبضے کو جاری رکھنے کی اسرائیلی سلامتی کابینہ کی منظوری کے حوالے سے ایک تحریری بیان دیا۔

    نیتن یاہو پر تنقید کرتے ہوئے انہوں نے کہا کہ تقریباً ایک سال کی نظر اندازی کے بعد بھی اسرائیلی وزیر اعظم نے معاہدے کی بحالی کو یقینی بنانے کا ہر موقع گنوا دیا ہے۔

    بیان میں اس بات پر زور دیا گیا کہ نیتن یاہو کے اقدامات نے تمام اسیروں کی رہائی کو خطرے میں ڈال دیا ہے۔

    بتایا گیا ہے کہ اسرائیلی فوج کی سلامتی کابینہ نے فلاڈیلفی راہداری میں قبضے کو جاری رکھنے کی منظوری ووٹ کے ذریعے دی ہے۔

    یوکرین نے روس کے علاقے بیلگرد پر بمباری کر دی، متعدد ہلاکتیں

    بیان کے مطابق اسرائیل اور حماس کے درمیان قیدیوں کے تبادلے کے مذاکرات ایک ممکنہ معاہدے کے لیے اسرائیلی وزیر اعظم کی جانب سے مقرر کردہ شرائط بالخصوص فلاڈیلفی کوریڈور پر قبضے کے جاری رہنے کی وجہ سے تعطل کا شکار ہو گئے ہیں۔

  • حزب اللہ نے نیتن یاہو کی رہائش گاہ کی تصاویر حاصل کرلیں۔۔ اسرائیلی فوج الرٹ

    حزب اللہ نے نیتن یاہو کی رہائش گاہ کی تصاویر حاصل کرلیں۔۔ اسرائیلی فوج الرٹ

    لبنانی تنظیم حزب اللہ نے خفیہ ڈرونز کے ذریعے اسرائیلی وزیراعظم نیتن یاہو کی رہائش گاہ کی تصاویر حاصل کرلیں، جس کے باعث اسرائیلی فوج الرٹ ہوگئی۔

    بین الاقوامی خبر رساں ادارے کی رپورٹ کے مطابق اسرائیلی وزیر اعظم کی رہائش گاہ کی تصاویر منظر عام پر آنے کے بعد اسرائیلی فوج چوکس ہوگئی ہے۔

    اسرائیلی اخبار اسرائیل ہیوم نے اسرائیلی وزیر اعظم کی رہائش گاہ کی ڈرون سے لی گئی تصویر کے سلسلے میں اتوار کے روز اطلاع دی کہ حزب اللہ نے تل ابیب کے شمال میں واقع قیصریہ میں نیتن یاہو کی رہائش گاہ کی فوٹیج حاصل کرنے کے لیے خفیہ ڈرونز کا استعمال کیا۔

    رپورٹ کے مطابق اسرائیلی فوج کے عہدیداروں کی جانب سے شبہ ظاہر کیا جارہا ہے کہ یہ تصاویر لبنانی تنظیم حزب اللہ نے جاسوسی ڈرونز سے حاصل کی ہیں۔

    اسرائیلی اخبار کی رپورٹ کے مطابق اسرائیلی فوج کا کہنا ہے کہ اس امکان کو مکمل طور پر مسترد نہیں کیا جاسکتا کہ حزب اللہ نے گھر کی تصاویر لینے کے لیے ایک چھوٹا ڈرون لانچ کیا ہے۔

    رپورٹ کے مطابق بصری تصدیق کی کمی کے باوجود، فوج اور فضائیہ کے حکام نے لبنان سے ایک چھوٹی بغیر پائلٹ کے فضائی گاڑی (یو اے وی) کے لانچ ہونے کے امکان کو رد نہیں کیا ہے۔

    دوسری جانب غزہ جنگ بندی مذاکرات کی کوششیں امریکا، مصر اور قطر کی ثالثی میں جاری ہیں، امریکی وزیر خارجہ انٹونی بلنکن دورہ مشرق وسطیٰ میں تل ابیب پہنچ گئے۔

    امریکا سمیت متعدد ایئرلائنز نے تل ابیب کیلئے پروازیں معطل کردیں

    خبر ایجنسی کے مطابق امریکی وزیر خارجہ بلنکن اسرائیل کے بعد مصر کا دورہ بھی کریں گے، ان کے دورہ مشرق وسطیٰ کا مقصد جنگ بندی معاہدے کے لیے سفارتی دباؤ بڑھانا ہے۔

  • اسرائیل پر کئے گئے حملے کا بھاری بدل چکوائیں گے، نیتن یاہو

    اسرائیل پر کئے گئے حملے کا بھاری بدل چکوائیں گے، نیتن یاہو

    اسرائیل کے وزیر اعظم نیتن یاہو نے کہا ہے کہ ہم، دفاع اور حملے ہر دو حوالوں سے اور ہر طرح کے سیناریو کے مقابل مکمل تیاری کی حالت میں ہیں۔

    بین الاقوامی خبر رساں ادارے کی رپورٹ کے مطابق اسرائیلی وزیر اعظم کے دفتر سے جاری بیان میں کہا گیا ہے کہ نیتن یاہو نے داخلی محاذ کمانڈ آفس میں اور حالات کے جائزے کے لئے منعقدہ اجلاس میں شرکت کی۔

    اسرائیلی وزیر اعظم کا اجلاس میں کہنا تھا کہ دفاعی حوالے سے بھی اور حملے کے حوالے سے بھی اسرائیل ہر طرح کے منظر نامے کے مقابل مکمل تیاری کی حالت میں ہے۔

    نیتن یاہو کا مزید کہنا تھا کہ ہم، خواہ کسی بھی شعبے میں کیوں نہ ہو اسرائیل پر کئے گئے حملے کا، بھاری بدل چکوائیں گے۔ جو ہمیں نقصان پہنچائے گا ہم بھی اسے نقصان پہنچائیں گے۔

    دوسری جانب دنیا کی بڑی فضائی کمپنیوں نے حملے کے خدشے کے پیش نظر اسرائیل کیلئے پروازیں منسوخ کردیں۔

    دنیا کی بڑی فضائی کمپنیوں نے سیکیورٹی خطرات کے پیش نظر اسرائیل کیلئے پروازیں منسوخ کردی ہیں۔

    جس کے باعث تل ابیب کے بن گوریان ایئرپورٹ پرہزاروں مسافر پھنس گئے، اسرائیل کی کارروائی سے خوفزدہ یونائیٹڈ ایئر لائنز اورڈیلٹا نے اسرائیل کیلئے تمام پروازیں منسوخ کیں۔

    جرمنی کی فضائی کمپنی لفتھانسا گروپ نے بھی تل ابیب کیلئے فلائٹ آپریشن روک دیا ہے، اس کے علاوہ سوئس، برٹش ایئرلائنز، آسٹرین ایئرلائنز اور ایئرانڈیا نے بھی اسرائیل کے لیے تمام پروازیں منسوخ کردی ہیں۔

    حزب اللہ کے شہید کمانڈر فواد شُکر بیروت میں سپرد خاک

    یہ منسوخی سفارت کاروں کے ان خدشات کے باعث کی گئی ہے جس میں کہا گیا ہے کہ حالیہ صیہونی حملوں کے بعد علاقائی جنگ میں اضافہ ہوسکتا ہے۔

  • نیتن یاہو کا انجام بھی ہٹلر جیسا ہوگا: ترکی

    نیتن یاہو کا انجام بھی ہٹلر جیسا ہوگا: ترکی

    انقرہ: اسرائیل اور ترکی کے درمیان لفظی جنگ مزید تیز ہو گئی ہے، کشیدگی بڑھنے پر ترکی نے نیتن یاہو کا ہٹلر سے موازنہ کر دیا ہے۔

    غیر ملکی میڈیا رپورٹس کے مطابق ترک وزارت خارجہ نے اسرائیل کے تبصرے کے بعد کہا ہے کہ ’’نسل کشی نیتن یاہو‘‘ کا انجام ایڈولف ہٹلر کی طرح ہی ہوگا۔

    سرکاری انادولو ایجنسی کے مطابق ترک وزارت خارجہ نے ایک بیان جاری کیا جس میں کہا گیا ہے کہ ’’جس طرح نسل کشی کرنے والے ہٹلر کا خاتمہ ہوا تھا، اسی طرح نسل کشی کرنے والے نیتن یاہو کا بھی خاتمہ ہوگا۔‘‘

    تازہ ترین کشیدگی اس وقت پیدا ہوئی ہے، جب رجب طیب اردوان نے کہا کہ ترکیہ فلسطینیوں کی مدد کے لیے اسرائیل میں داخل ہو سکتا ہے۔ اس پر اسرائیلی وزیر خارجہ کاٹز نے بیان جاری کیا کہ ’’اردوان صدام حسین کے نقش قدم پر چل رہے ہیں، بس یہ یاد کریں کہ وہاں کیا ہوا اور کیسے ختم ہوا۔‘‘

    ترک صدر نے اسرائیل پر حملے کی دھمکی دے دی

    اسرائیلی ٹینکوں کی جنوبی خان یونس میں بھی پیش قدمی، 36 فلسطینی شہید، 120 زخمی

    اس پر وزارت خارجہ ترکیہ نے بیان میں کہا کہ جس طرح نسل کشی کرنے والے نازیوں کو جواب دہ ٹھہرایا گیا تھا، اسی طرح فلسطینیوں کو تباہ کرنے کی کوشش کرنے والوں کا بھی احتساب کیا جائے گا۔ انسانیت فلسطینیوں کے ساتھ کھڑی رہے گی،تم فلسطینیوں کو تباہ نہیں کر سکو گے۔

  • ٹرمپ نیتن یاہو سے ملاقات کے دوران اسرائیل  کے گُن گانے لگے

    ٹرمپ نیتن یاہو سے ملاقات کے دوران اسرائیل کے گُن گانے لگے

    امریکا کے سابق صدر اور دوسری بار صدارت کے امیدوار ڈونلڈ ٹرمپ سے اسرائیلی وزیراعظم نیتن یاہو نے ملاقات کی ہے۔

    بین الاقوامی خبر رساں ا دارے کی رپورٹ کے مطابق ملاقات فلوریڈا میں ٹرمپ کی رہائش گاہ پر ہوئی۔ اسرائیلی وزیر اعظم نے کہا کہ یرغمالیوں کی رہائی کے لیے وفد اگلے ہفتے روم جائیگا۔

    سابق صدر نے کہا کہ امریکا کی نائب صدر اور ڈیموکریٹ صدارتی امیدوار کاملا ہیرس کا اسرائیل سے متعلق بیان توہین آمیز ہے۔

    یاد رہے کہ نیتن یاہو سے ملاقات میں کاملا ہیرس نے غزہ میں اموات پر شدید تحفظات کا اظہار کیا تھا اور واضح کیا تھا کہ غزہ کی صورتحال پر خاموشی اختیار نہیں کریں گے۔

    گزشتہ روز سابق امریکی صدر ڈونلڈ ٹرمپ کا کہنا تھا کہ اسرائیل کو فوری طور پر غزہ جنگ ختم کرنی چاہیے۔

    سابق امریکی صدر ڈرنلڈ ٹرمپ نے ایک انٹرویو میں کہا کہ غزہ جنگ کی وجہ سے دنیا بھر میں اسرائیل کی شہرت خراب ہو رہی ہے۔

    امریکی سینیٹ میں پاکستان اور چین مخالف بل پیش کردیا گیا

    ڈونلڈ ٹرمپ نے یرغمالیوں کی رہائی کا بھی مطالبہ کیا اور کہا کہ اسرائیل کو اپنے عوامی تعلقات کو بہتر طریقے سے منظم کرنا ہوگا۔

  • کاملا ہیرس نے نیتن یاہو کو دوٹوک پیغام دیدیا

    کاملا ہیرس نے نیتن یاہو کو دوٹوک پیغام دیدیا

    واشنگٹن: نائب امریکی صدر کاملا ہیرس سے نیتن یاہو نے ملاقات کی، غزہ میں اموات پر کاملا ہیرس کی جانب سے شدید تحفظات کا اظہار کیا گیا۔

    غیر ملکی ذرائع ابلاغ کے مطابق نائب امریکی صدر کاملا ہیرس کا کہنا تھا کہ غزہ کی صورتحال پر خاموش نہیں رہیں گے، غزہ جنگ بندی معاہدہ کرنے کا وقت آگیا ہے۔

    قبل ازیں امریکی صدر جو بائیڈن سے بھی اسرائیلی وزیر اعظم نے ملاقات کی، اس موقع پر نیتن یاہو کا کہنا تھا کہ صدر بائیڈن کی اسرائیل کے لیے 50 سالہ حمایت پر شکریہ ادا کرتے ہیں۔

    واضح رہے کہ گزشتہ روز اسرائیلی وزیر اعظم نیتن یاہو کے امریکی ایوان نمائندگان سے خطاب کے دوران فلسطینی نژاد رکن رشیدہ طلائب نے خاموش احتجاج ریکارڈ کروایا تھا۔

    اسرائیلی وزیر اعظم کی امریکی ایوان نمائندگان آمد سے قبل کپیٹل ہل پر ہزاروں افراد نے احتجاج ریکارڈ کروایا۔ انہوں نے مطالبہ کیا کہ غزہ میں فلسطینیوں کی نسل کشی اور جنگ ختم کی جائے۔

    نیتن یاہو کے خطاب کے دوران دیگر ارکان نے بائیکاٹ کیا جبکہ رشیدہ طلائب نے ایوان میں جنگی مجرم کا کارڈ اٹھائے رکھا۔

    ٹرمپ کا کاملا ہیرس کے ساتھ مباحثہ سے انکار، وجہ بھی بتادی

    ایوان کی سابق اسپیکر نینسی پلوسی نے نیتن یاہو کے خطاب کو امریکی کانگریس کی تاریخ کا بدترین خطاب قرار دیا۔