ARYNews.tv | Urdu – Har Lamha Bakhabar

Tag: Netflix

  • فلم ڈارلنگز : عالیہ بھٹ پر صارفین کی کڑی تنقید، ٹاپ ٹرینڈ میں شامل

    فلم ڈارلنگز : عالیہ بھٹ پر صارفین کی کڑی تنقید، ٹاپ ٹرینڈ میں شامل

    ممبئی : بالی ووڈ کی خوبرو اداکارہ عالیہ بھٹ ان دنوں ٹوئٹر ٹرینڈ میں ٹاپ پر ہیں لیکن اس کی وجہ مداحوں کی محبت نہیں بلکہ غصے کا شدید اظہار ہے۔

    سوشل میڈیا صارفین نے انہیں ‘امبر ہرڈ آف انڈیا’ کے لقب سے نوازا ہے، اس کی بڑی وجہ ان کی نئی آنے والی فلم ’ڈارلنگ‘ کا وہ ٹریلر ہے جو گزشتہ دنوں جاری کیا گیا۔

    'Darling' Alia Bhatt is 'Amber Heard of India,' Say Netizens as #BoycottAliaBhatt Trends Big on Twitter - Check Tweets

    اس حوالے سے صارفین کا کہنا ہے کہ عالیہ بھٹ نے نیٹ فلکس فلم ’’ڈارلنگ‘‘میں مردوں کے خلاف گھریلو تشدد کو فروغ دینے میں اپنا کردار ادا کیا ہے۔

    اداکارہ عالیہ بھٹ ان دنوں اپنی نئی آنے والی نیٹ فلکس فلم ’ڈارلنگ‘کی تشہیر میں مصروف ہیں، اس فلم میں وہ ایک ایسی گھریلو خاتون کا کردار ادا کررہی ہیں جسے

    آج کل سوشل میڈیا صارفین کیلئے یہ تصور عام ہے کہ وہ کسی اداکار یا اس کے نئے پروجیکٹ کو اس کے پرانے بیانات، اس کے نظریات، سیاسی رجحانات اور مذہبی عقائد کی بنیاد پر مسترد یا ناپسند کردیتے ہیں لیکن عالیہ بھٹ کے ساتھ ایسا نہیں۔

    عالیہ بھٹ کی نئی فلم کے حوالے سے بہت سے صارفین کا کہنا ہے کہ اداکارہ کی اس فلم کی کہانی ایک ایسی کہانی ہے جو معاشرے میں بدتمیزی اور بد تہذیبی کو فروغ دیتی ہے۔

    فلم ڈارلنگ میں وجے کو بدرالنسا شیخ کے شوہر حمزہ شیخ کے کردار میں دکھایا گیا ہے جو اس پر بے پناہ تشدد کرتا ہے اور اس وقت تک مارتا رہتا ہے جب تک اس کی ہمت جواب نہیں دے دیتی۔

    بعد ازاں وہ اس تشدد کا بدلہ لینے کا فیصلہ کرتی ہے اور بدلہ بھی ایسا کہ دیکھنے والے بھی ششدر رہ جائیں۔ وہ اپنے شوہر کو اغوا کرکے اس سے زیادہ شدید انداز اور بے رحمانہ طریقے سے تشدد کا نشانہ بناتی ہے۔

    اس سلسلے میں سوشل میڈیا صارفین کا کہنا ہے کہ عالیہ کی یہ نیٹ فلکس فلم ڈارلنگز مردوں کے خلاف گھریلو تشدد کو فروغ دینے میں اہم کردار ادا کرے گی۔

  • نیٹ فلکس نے 300 امریکی ملازمین برطرف کردیے

    نیٹ فلکس نے 300 امریکی ملازمین برطرف کردیے

    امریکی ویڈیو اسٹریمنگ کمپنی نیٹ فلکس نے 300 ملازمین برطرف کردیے، نیٹ فلکس نے چند ہفتے قبل ہی سینکڑوں ملازمین کو فارغ کیا تھا۔

    بین الاقوامی میڈیا رپورٹ کے مطابق نیٹ فلکس نے اک بار پھر 300 ملازمین کی چھانٹی کی ہے، نیٹ فلکس نے اس مرتبہ اپنے ہر ڈپارٹمنٹ سے ملازمین کو نکالا ہے، جن لوگوں کو ملازمت سے نکالا گیا ہے، ان میں بیشتر امریکا سے تعلق رکھتے ہیں۔

    تقریباً 11 ہزار مستقل ملازمین والی کمپنی نیٹ فلکس نے کچھ ہفتے پہلے ہی مئی میں سینکڑوں ملازمین کو برخاست کیا تھا، کمپنی نے اس وقت کہہ دیا تھا کہ مزید برطرفیاں بھی متوقع ہیں۔

    خیال رہے کہ کمپنی نے اپنے ملازمین کی برطرفی کا فیصلہ اسٹاک مارکیٹ میں کمپنی کے کمزور ہوتے اسٹاک پرائس کو مستحکم کرنے کی کوششوں کے تحت کیا ہے۔

    سنہ 2022 کے پہلے کوارٹر میں 2 لاکھ سبسکرائبرز کے نقصان کے بعد کمپنی کے شیئرز کی قیمت میں 20 فیصد تک کی گراوٹ درج کی گئی تھی، مارکیٹ ماہرین کا اندازہ ہے کہ 2022 میں اپریل سے جون کے دوسرے کوارٹر میں کمپنی کو 20 لاکھ سبسکرائبرز کا نقصان اٹھانا پڑ سکتا ہے۔

    اعداد و شمار کے مطابق کمپنی کے پاس مجموعی طور پر 38 ملین سے زیادہ پیڈ سبسکرائبرز ہیں۔

  • نوجوان نے سالانہ 9 کروڑ روپے تنخواہ والی نوکری چھوڑ دی

    نوجوان نے سالانہ 9 کروڑ روپے تنخواہ والی نوکری چھوڑ دی

    امریکا میں نیٹ فلکس میں بطور انجینیئر کام کرنے والے مائیکل لین نے کمپنی کو اس لیے چھوڑ دیا کیونکہ وہ اس کام سے بیزار ہوگئے تھے۔

    مائیکل لین سنہ 2017 میں سینئر سافٹ ویئر انجینیئر کے طور پر نیٹ فلکس کا حصہ بنے تھے اور اس سے قبل ایمازون کمپنی میں کام کرتے رہے تھے۔

    مائیکل لین کے مطابق جب وہ نیٹ فلکس کی ملازمت چھوڑ رہے تھے تو ان کے ذہن میں تھا کہ کیا اس سے بہتر ملازمت مل سکے گی جہاں مفت طعام اور تنخواہ کے ساتھ لامحدود چھٹیاں مل سکیں۔

    انہوں نے بتایا کہ ان کے والدین بھی ملازمت چھوڑنے کے لیے خلاف تھے، مائیکل لین کے دوستوں کو بھی فکر تھی کہ ان کو کسی اور جگہ اچھی ملازمت نہیں مل سکے گی۔

    ان کا خود کہنا ہے کہ نیٹ فلکس میں کام کرتے ہوئے انہوں نے کافی کچھ سیکھا مگر کرونا وائرس کی وبا کے آغاز کے بعد انہیں اپنا کام اس وقت برا لگنے لگا جب انہیں دفتر کے بجائے گھر سے کام کرنے کا کہا گیا۔

    مائیکل لین نے اپنے عہدے کو بدلنے کی درخواست بھی دی مگر اسے مسترد کردیا گیا۔

    اس موقع پر انہیں لگنے لگا کہ تنخواہ تو اچھی مل رہی ہے مگر ان کا کیریئر مزید آگے نہیں بڑھ سکتا جس سے ان کا کام بھی متاثر ہوا۔

    کمپنی کی جانب سے انہیں اپریل 2021 میں وارننگ بھی دی گئی جس کے 2 ہفتے بعد مائیکل نے استعفیٰ دے دیا، اس موقع پر مائیکل لین کا خیال تھا کہ اس فیصلے سے ان کی سماجی زندگی اور کیریئر متاثر ہوگا مگر ایسا نہیں ہوا۔

    اب ان کا کہنا ہے کہ ملازمت کو چھوڑے ہوئے 8 ماہ سے زیادہ کا عرصہ ہوگیا ہے اور وہ اپنے لیے کام کرنے کا فیصلہ کرچکے ہیں۔

    انہوں نے کہا کہ یہ ابھی آغاز ہے اور ابھی آمدنی کا کوئی قابل بھروسہ ذریعہ بھی نہیں مگر انہیں یقین ہے کہ مستقبل میں سب اچھا ہوگا۔

  • نیٹ فلکس نے روس میں اپنی سروسز بند کردیں

    نیٹ فلکس نے روس میں اپنی سروسز بند کردیں

    یوکرین پر حملے کے بعد روس پر اقتصادی پابندیوں میں اضافہ ہوتا جارہا ہے، حال ہی میں امریکی اسٹریمنگ سروس نیٹ فلکس نے روس میں اپنی سروس پر پابندی لگا دی ہے۔

    امریکی اسٹریمنگ سروسز کمپنی نیٹ فلکس نے بھی روس میں اپنے تمام جاری اور مستقبل کے منصوبوں پر کام روک دیا ہے، کمپنی نے روس میں مستقبل کے تمام منصوبوں کو عارضی طور پر روک دیا ہے۔

    نیٹ فلکس کے ترجمان کا کہنا ہے کہ اس وقت روسی زبان میں 4 سیریز پروڈکشن اور پوسٹ پروڈکشن میں تھی تاہم روس یوکرین جنگ کے تناظر میں ان منصوبوں کو وقتی طور پر معطل کردیا گیا ہے۔

    ان کا مزید کہنا تھا کہ موجودہ صورتحال میں ہم اپنے پلیٹ فارم کی روسی سروس پر بھی کسی سرکاری چینل کو شامل نہیں کر رہے۔

    یوکرین پر حملے کے بعد سے روس کو فلم اور ٹیلی ویژن انڈسٹری کی طرف سے بھی بائیکاٹ کا سامنا کرنا پڑ رہا ہے۔

    نیٹ فلکس سے قبل کین فلم فیسٹیول نے بھی روس پر پابندی عائدکرتے ہوئے کہا تھا کہ یوکرین جنگ کے خاتمے تک روسی وفود پر فیسٹیول میں شرکت پر پابندی عائد رہے گی۔

  • دی کوئنز گیمبٹ: نیٹ فلکس کو عدالتی کارروائی کا سامنا ہوسکتا ہے

    دی کوئنز گیمبٹ: نیٹ فلکس کو عدالتی کارروائی کا سامنا ہوسکتا ہے

    امریکی ویڈیو اسٹریمنگ سروس نیٹ فلکس کو جلد ہی اپنی مقبول سیریز دی کوئنز گیمبٹ پر ہتک عزت کے مقدمے میں عدالتی کارروائی کا سامنا کرنا پڑ سکتا ہے۔

    سیریز کے حوالے سے اسٹریمنگ پلیٹ فارم کے خلاف کیے گئے کیس میں، نیٹ فلکس کی اپیل خارج کردی گئی ہے۔

    نیٹ فلکس پر الزام عائد کیا گیا ہے کہ اس نے سیریز میں شطرنج کی خاتون عالمی چیمپیئن نونا گیپرنداشویلی کی کیرئیر کی سب سے اہم کامیابیوں میں سے ایک کو غلط طریقے سے پیش کیا ہے۔

    جارجین شطرنج کی کھلاڑی نے ڈرامے میں ایک ڈائیلاگ پر اعتراض اٹھایا ہے، جس کے بارے میں ان کے وکلا کا کہنا ہے کہ اس سے نونا کی ذاتی اور پیشہ ورانہ ساکھ کو داغدار کیا گیا ہے۔

    یہ سیریز فکشنل شطرنج کی کھلاڑی بیتھ ہرمن کے بارے میں ہے، لیکن اس میں حقیقی زندگی کی معروف شخصیات کے بارے میں بھی حوالہ جات دیے گئے ہیں، جن میں گیپرنداشویلی بھی شامل ہیں۔

    سیریز کی آخری قسط میں شطرنج کے کھیل کے دوران ایک تبصرہ نگار ہرمن کی کامیابیوں کا موازنہ گیپرینداشویلی کی کامیابیوں سے کرتا ہے، لیکن کہتا ہے کہ نونا نے کھیلتے ہوئے کبھی مردوں کا سامنا نہیں کیا، حالانکہ انہوں نے کیا تھا۔

    نیٹ فلکس نے اپنے دفاع میں کہا کہ یہ کیس 5 ملین ڈالر حاصل کرنے کے لیے کیا گیا ہے، جبکہ شو میں جو کچھ دکھایا گیا ہے اس کا ہتک عزت سے کچھ لینا دینا نہیں ہے، تاہم ڈسٹرکٹ جج نے نیٹ فلکس کی دلیل سے اتفاق نہیں کیا ہے۔

    اسٹریمنگ سروس کے وکیل کی طرف سے دیے گئے بہت سے دلائل میں سے ایک دلیل یہ بھی تھی کہ شو میں جو کچھ دکھایا جاتا ہے اس سے ادارے کا متفق ہونا ضروری نہیں ہے، جس سے ظاہر ہوتا ہے کہ شو کے تمام کردار فرضی تھے۔

    دوسری جانب جج نے اس دلیل کو مسترد کرتے ہوئے کہا کہ یہ شطرنج کے کھلاڑی کے حقائق پر مبنی دعوے کو رد کرنے کے لیے کافی نہیں ہے۔

    80 سالہ گیپرینداشویلی کے وکلا کا کہنا تھا کہ وہ تاریخ کی پہلی خاتون تھیں جنہیں بین الاقوامی شطرنج کا گرینڈ ماسٹر بنایا گیا۔ انہوں نے کہا کہ مدعی کے کیریئر کے دوران ایک عورت ہونے کی وجہ سے انہیں شدید تعصب کا سامنا کرنا پڑا۔

    جب یہ سیریز نشر ہوئی تو متعدد نیوز آؤٹ لیٹس اور مختلف انفرادی انٹرنیٹ صارفین نے اس لائن کی غلطی پر تبصرہ کیا۔

  • 2021: نیٹ فلکس پر سب سے زیادہ پسند کی جانے والی فلمیں اور سیریز

    2021: نیٹ فلکس پر سب سے زیادہ پسند کی جانے والی فلمیں اور سیریز

    گزشتہ برس نیٹ فلکس پر سب سے زیادہ دیکھی اور پسند کی جانے والی سیریز اور فلمیں کون سی رہیں؟ اس حوالے سے امریکی ویب سائٹ ’روٹن ٹوماٹوز‘ نے ایک فہرست مرتب کی ہے، اس ویب سائٹ کا شمار فلموں اور ڈراموں کے ریویوز کے حوالے سے دنیا کی بڑی ویب سائٹوں میں ہوتا ہے۔

    اسکوئڈ گیم

    یہ ایک کورین سیریز ہے، اور یہ ستمبر 2021 میں نیٹ فلکس پر ریلیز ہوئی، ویب سائٹ پر اس سیریز کی ریٹنگ 94 فی صد ہے، اور یہ مقبولیت میں فہرست میں پہلے نمبر پر ہے۔

    ڈونٹ لُک اَپ

    اس ہالی ووڈ فلم کے اداکاروں میں لیونارڈو ڈی کیپریو، جینیفر لارنس اور میرل سٹریپ جیسے نام شامل ہیں، ناظرین نے اس فلم کو بے حد پسند کیا ہے، یہ روٹن ٹوماٹوز کی فہرست میں دوسرے نمبر پر ہے۔

    آرکین

    یہ اینیمیٹڈ سیریز ہے، اس کی نوعیت ایکشن ایڈونچر کی ہے، نومبر 2021 میں نیٹ فلکس پر اس کا پہلا سیزن ریلیز ہوا، اور اس نے تیسری پوزیشن حاصل کی ہے۔

    دا وِچر

    یہ بھی ایک سپرہٹ سیریز ہے، ناظرین میں بہت مقبول، فلم سپرمین سے شہرت کی بلندیوں پر پہنچنے والے اداکار ہنری کیول کی سیریز ’دا وچر‘ کا دوسرا سیزن بھی پچھلے سال نیٹ فلکس پر ریلیز ہوا، یہ پسندیدگی کی فہرست میں چوتھے نمبر پر ہے۔

    آرمی آف دا ڈیڈ

    یہ ہالی ووڈ فلم ہے، جس کے ہدایت کار زیک سنائڈر ہیں، فلم میں ڈبلیو ڈبلیو ای کے سابق ریسلر ڈیو بٹیسٹا اپنی ٹیم کے ساتھ زومبیوں سے لڑتے ہیں، یہ فلم پانچویں نمبر پر رہی۔

    ریڈ نوٹس

    ہالی ووڈ کے مہنگے ترین اداکار ڈیوائن جانسن، ریان رینلڈز اور گیل گیڈت کی ایکشن کامیڈی فلم ’ریڈ نوٹس‘ اس فہرست میں چھٹے نمبر پرہے۔

    دا پاور آف دا ڈاگ

    روٹن ٹوماٹوز نے اس فلم کو فہرست میں ساتویں نمبر پر رکھا ہے، یہ نیٹ فلکس پر ریلیز ہوئی، برطانوی اداکار بینیڈیکٹ کمبربیچ کی اس فلم کو شائقین نے بہت پسند کیا۔

    آئی کیئر آلاٹ

    دل چسپ بات یہ ہے کہ یہ فلم 2020 میں ریلیز ہوئی تھی، لیکن روزامینڈ پائیک اور پیٹر ڈنکلیج کی یہ ڈارک کامیڈی فلم 2021 میں بھی فلمی شائقین کی توجہ کا مرکز رہی، اور یہ اس فہرست میں آٹھویں نمبر پر ہے۔

    مڈ نائٹ ماس

    چرچ اور خون پینے والے پادری کے گرد گھومنے والی کہانی پر مبنی اس ڈراما سیریز کے مرکزی کرداروں میں زیک گلفورڈ اور کیٹ سیگل شامل ہیں، اس کا پہلا سیزن ستمبر 2021 میں ریلیز ہوا تھا، اور یہ فہرست میں آٹھویں نمبر پر ہے۔

    یُو

    یہ بھی نیٹ فلکس کی سیریز ہے، جس کا سیزن تھری دسویں نمبر پر آیا ہے، اور معصوم چہرے کے پیچھے چھپے قاتل کی اس سیریز کا سیزن اکتوبر 2021 میں ریلیز ہوا۔

  • کیا برطانوی شاہی خاندان نیٹ فلیکس کی مشہور سیریز پر مقدمہ دائر کرے گا؟

    کیا برطانوی شاہی خاندان نیٹ فلیکس کی مشہور سیریز پر مقدمہ دائر کرے گا؟

    لندن: برطانوی شاہی خاندان کے قریبی دوستوں‌ نے نیٹ فلیکس کی مشہور سیریز دی کراؤن کے خلاف مقدمہ کرنے دائر کرنے کے سلسلے میں قانونی مشورہ حاصل کر لیا ہے۔

    تفصیلات کے مطابق قانونی ماہرین نے شاہی خاندان اور ان کے قریبی دوستوں کو بتایا ہے کہ ان کے پاس متنازع سیریز دی کراؤن پر نیٹ فلکس پر مقدمہ کرنے کی بنیادیں میسر ہیں۔

    دی سن کی رپورٹ کے مطابق شاہی خاندان کے قریبی دوستوں نے آنے والے پانچویں سیزن میں اپنی خاص رنگ میں تصویر کشی کے بارے میں فکر مندی کے بعد قانونی مشورہ حاصل کیا ہے، انھیں بتایا گیا کہ ان کے پاس اور خود شاہی خاندان کے پاس بھی قانونی کارروائی کی بنیادیں ہیں۔

    قانونی ماہرین کے مشورے سے وہ اسٹریمنگ کمپنی کے خلاف تاریخی کارروائی کر سکتے ہیں، ایک ذریعے نے دی سن کو بتایا کہ اگرچہ ماہرین نے ملکہ اور اس کے اہل خانہ سے براہ راست بات نہیں کی ہے، لیکن انھیں اس مشورے سے آگاہ کر دیا گیا ہے۔

    اس سیریز کا پانچواں سیزن برطانیہ میں فلمایا جا رہا ہے، جو اگلے نومبر میں نیٹ فلکس پر جاری کیا جائے گا۔

    بین الاقوامی میڈیا رپورٹ کے مطابق، قانونی ماہرین کا کہنا ہے کہ شاہی خاندان کے پاس حق ہے کہ وہ اسٹریمنگ سروس نیٹ فلکس کےخلاف ہتکِ عزت کا مقدمہ کر سکتے ہیں۔ یہ رپورٹ شاہی خاندان کے قریبی ذرائع کے ذریعے سامنے آئی ہے۔

    رپورٹ میں بتایا گیا ہے کہ اس اقدام کی بنیادی وجہ یہ ہے کہ یہ سیریز اب تک کی سب سے متنازع ہوگی اور یہ ایسے واقعات سے متعلق ہے جو اب بھی بہت سے لوگوں کے علم میں نہیں ہیں۔

    واضح رہے کہ نیٹ فلیکس کی اس ایوارڈ یافتہ سیریز دی کراؤن میں ملکہ الزبتھ کی شادی سے لے کر حالیہ واقعات تک شاہی خاندان کی کہانی کو ڈرامائی شکل میں پیش کیا گیا ہے۔

  • پارک میں اسکوئیڈ گیم کی خطرناک دیوہیکل گڑیا دیکھ کر لوگوں میں سنسنی دوڑ گئی

    پارک میں اسکوئیڈ گیم کی خطرناک دیوہیکل گڑیا دیکھ کر لوگوں میں سنسنی دوڑ گئی

    سیئول: جنوبی کوریا کے دارالحکومت کے ایک پارک میں اسکوئیڈ گیم کی خطرناک دیوہیکل گڑیا دیکھ کر لوگ ہکا بکا رہ گئے۔

    تفصیلات کے مطابق دنیا بھر میں مشہور ہونے والے جنوبی کوریا کے سروائیول ڈرامے اسکوئیڈ گیم میں نمایاں ہونے والی ایک دیوہیکل گڑیا کی نقل اس ہفتے سیئول کے ایک پارک میں رکھی گئی، جس نے شائقین کے دلوں میں سنسنی دوڑا دی، کیوں کہ انھوں نے نیٹ فلیکس کے میگا ہٹ شو جیسا ماحول محسوس کیا۔

    نیٹ فلیکس کے نمائندے نے روئٹرز کو بتایا کہ یانگھی، جو کہ نارنجی اور پیلے رنگ کے کپڑوں میں ملبوس ایک 4 میٹر لمبی گڑیا ہے، پیر کو سیئول اولمپک پارک میں ایستادہ کی گئی ہے۔

    منگل کو پارک میں آنے والے شہریوں نے کوریا کے روایتی کھیل ‘پھول کھل گیا’ کھیلا، جسے نیٹ فلیکس ڈرامے میں ‘ریڈ لائٹ، گرین لائٹ’ کے ساتھ کھیلا گیا ہے۔

    فلپائن سے تعلق رکھنے والے سیئول کے ایک رہائشی سَنگ ہائیجن نے گڑیا کے سامنے کھڑے ہو کر کہا میں واقعی جاننا چاہتا تھا کہ اس کھیل میں رہنا کیسا محسوس ہوتا ہوگا، ایسا لگتا ہے جیسے ہم بھی اس جان لیوا کھیل میں شریک ہو گئے ہیں، موسیقی سن رہے ہیں اور اس گڑیا کو دیکھ رہے ہیں۔

    پارک میں آنے والے مرد عورتوں، حتیٰ کہ بچوں اور کتوں تک نے 456 نمبر والا سبز ٹریک سوٹ پہنا ہوا تھا، یہ نمبر نیٹ فلیکس سیریز میں آخر تک بچ جانے والے مرکزی کردار کا تھا۔

    پارک کے ایک اہل کار کا کہنا تھا کہ اس گڑیا کو 21 نومبر تک پارک میں نمائش کے لیے پیش کرنے کا منصوبہ ہے۔

    واضح رہے کہ اسکوئیڈ گیم کو 17 ستمبر کے بعد سے اب تک 142 ملین گھرانوں نے دیکھا ہے، جس سے نیٹ فلیکس کو 4.38 ملین نئے سبسکرائبرز ملے ہیں۔

  • معروف اداکار بھی ’اسکویڈ گیم‘ کے سحر میں مبتلا

    معروف اداکار بھی ’اسکویڈ گیم‘ کے سحر میں مبتلا

    سینئر پاکستانی اداکار عدنان صدیقی بھی نیٹ فلکس کے سپر ہٹ شو ’اسکویڈ گیم‘ کے سحر میں مبتلا ہوگئے اور مداحوں سے رائے مانگ لی۔

    تفصیلات کے مطابق عدنان صدیقی نے مائیکرو بلاگنگ ویب سائٹ ٹوئٹر پر اپنے مداحوں سے ’اسکویڈ گیم‘ دیکھنے سے متعلق رائے طلب کرلی، اپنے ٹوئٹ میں ادکار نے لکھا کہ نیٹ فلکس کے شو  اسکویڈ گیم کی غیر معمولی شہرت نے مجھے یہ شو دیکھنے کے لیے دلچسپی پیدا کردی ہے۔

    عدنان صدیقی نے مداحوں کو مخاطب کرتے ہوئے کہا کہ کیا واقعی یہ شو اس قابل ہے کہ اسے دیکھنے کے لیے وقت نکالا جائے؟‘

    دوسری جانب جنوبی کورین سیریز ’اسکویڈ گیم‘ نیٹ فلیکس پر سب سے زیادہ دیکھی جانے والی سیریز بن چکی ہے، اس سیریز کے مداحوں کی تعداد دنیا بھر میں باضابطہ طور پر 111 ملین تک پہنچ گئی ہے، جو کہ اب تک نیٹ فلکس پر ریلیز ہونے والی کسی بھی سیریز کے مداحوں کی تعداد سے زیادہ ہے۔

    نیٹ فلکس کے مطابق ‘اسکوئیڈ گیمز’ پاکستان میں حالیہ دنوں میں سب سے زیادہ دیکھی جانے والی سیریز اور اس وقت پلیٹ فارم پر نمبر ایک کی پوزیشن پر براجمان ہے۔

  • مقبول ترین ڈراما سیریز ’اسکوئڈ گیم’ کے سیزن ٹو سے متعلق بڑا اعلان

    مقبول ترین ڈراما سیریز ’اسکوئڈ گیم’ کے سیزن ٹو سے متعلق بڑا اعلان

    نیٹ فلکس پر جنوبی کوریا کی سیریز ’سکوئڈ گیم‘ کا پہلا سیزن ختم ہوا تو کامیاب ترین ڈراموں میں شامل ہونے والی پروڈکشن کے سیزن ٹو سے متعلق گفتگو اور انتظار شدت اختیار کرتا جارہا ہے۔

    سکوئڈ گیمز کیا ہے؟

    جنوبی کوریا میں فلمائی گئی یہ سیریز نو اقساط پر مشتمل ہے، اس سنسنی خیز ڈراما سیریز میں قرض میں ڈوبے لوگوں کو 45.6 ارب (3 کروڑ 80 لاکھ ڈالر) جیتنے کا لالچ دے کر بچوں کے کھیل کھلائے جاتے ہیں اور ہارنے والے کو گولی مار دی جاتی ہے۔

    فرنٹ میں اس سیریز کا وہ کردار ہے جو ’سکوئڈ گیم‘ کروا رہا ہے اور اس کا بھائی ایک پولیس والا ہے جو اس گروہ کو پکڑنے کی کوشش کررہا ہے۔

    سیریز کا مرکزی کردار ’جی ہن‘ پہلے سیزن کے آخر میں امریکا کی فلائٹ چھوڑ کر واپس ’سکوئڈ گیم‘ میں حصہ لینے کی سوچتا ہے اور وہیں اس کی نویں اور آخری قسط کا اختتام ہوجاتا ہے۔

    پاکستان میں سب سے زیادہ دیکھی جانے والی سیریز قرار

    یہ ڈراما سیریز ایک ماہ سے کم عرصے میں دنیا بھر میں مقبول ہوچکی ہے، نیٹ فلکس کے مطابق ‘سکوئیڈ گیمز’ پاکستان میں حالیہ دنوں میں سب سے زیادہ دیکھی جانے والی سیریز اور اس وقت پلیٹ فارم پر نمبر ایک کی پوزیشن پر براجمان ہے۔

    بین الاقوامی میڈیا اس سیریز کے چرچے سے بھرا پڑا ہے بلکہ سوشل میڈیا صارفین بھی اس شو پر دلچسپ تبصرے کرتے نظر آرہے ہیں۔

    علی مش نامی ایک ٹوئٹر صارف نے کہا کہ ’ذرا سکوئڈ گیم کو پاکستان میں تصور کریں اور آپ کو گن پوائنٹ پر اکڑ بکڑ بمبے بو کھیلنا پڑے۔‘

    شانزا گوندل نامی صارف نے بھی اسی طرح کا ایک سوال کیا تو لکھا ’اگر سکوئڈ گیم پاکستان میں کھیلا جاتا تو اس شو میں کون سے پاکستانی گیم شامل ہوتے؟‘

    یہ بھی پڑھیں: اسکول نے اسکوئڈ گیم دیکھنے والے بچوں کے والدین کو خبردار کردیا

    دنیا بھر میں سوشل میڈیا صارفین یہ پوچھتے ہوئے نظر آرہے ہیں کہ کیا ’سکوئڈ گیم‘ کا دوسرا سیزن آئے گا؟

    اس سوال کا جواب دیتے ہوئے ’سکوئڈ گیم‘ کے ڈائریکٹر ہوانگ ڈونگ ہیوک نے کہا کہ ان پر سیزن ٹو کے لیے بہت دباؤ ہے،  مگر ہم  اس سیریز کا پہلا سیزن تیار کرکے اتنا تھک گئے تھے کہ ہم  نے دوسرے سیزن کے بارے میں سوچا ہی نہیں۔

    ’لیکن اب چونکہ یہ ایک بڑی سیریز بن چکی ہے تو لوگ مجھ سے نفرت کریں گے اگر میں نے سیزن ٹو  نہیں بنایا۔ میرا خیال ہے  مجھے یہ کرنا پڑے گا۔‘

    یہ سیریز 9 اقساط پر مشتمل ہے — فائل فوٹو: رائٹرز

    کورین زبان میں دلچسپی

    دوسری جانب نیٹ فلکس کے ہٹ کورین شو ’سکویڈ گیم‘ کے ریلیز ہونے کے بعد سے لوگوں کی کورین زبان سیکھنے میں دلچسپی بڑھ رہی ہے، زبان سیکھانے والی ایک امریکی ویب سائٹ ڈولنگو کی ایک رپورٹ کے مطابق ’سکویڈ گیم‘ کے پریمیئر کے صرف دو ہفتوں کے بعد برطانیہ میں کورین زبان سیکھنے کے لیے سائن اپ کرنے والے نئے صارفین کی تعداد میں 76 فیصد اور امریکا میں 40 فیصد اضافہ ہوا۔

    اس کے علاوہ رواں ہفتے آکسفورڈ انگلش ڈکشنری نے بھی اپنے نئے ایڈیشن میں چھبیس نئے الفاظ کا اضافہ کیا جوکہ کورین زبان کے ہیں۔