Tag: new featured

  • یوٹیوب کا صارفین کو متنبہ کرنے کے لیے نیا فیچر

    یوٹیوب کا صارفین کو متنبہ کرنے کے لیے نیا فیچر

    نیویارک: انٹرنیٹ کی سب سے بڑی کمپنی گوگل نے ویڈیو شیئرنگ ویب سائٹ یوٹیوب پر صارفین کے وقت کو بچانے کے لیے نیا فیچر متعارف کرادیا جو انہیں بار بار متنبہ کرتا رہے گا۔

    تفصیلات کے مطابق انٹرنیٹ صارفین کی خاصی بڑی تعداد ویڈیوز تلاش یا شیئر کرنے کے لیے یوٹیوب ویب سائٹ کا سہارا لیتی ہے، ایک محتاط اندازے کے مطابق یومیہ لاکھوں لوگ یوٹیوب پر آتے اور ویڈیوز دیکھتے ہیں۔

    گوگل انتظامیہ کا ماننا ہے کہ صارفین انٹرنیٹ استعمال کرتے اور خصوصاً ویڈیوز دیکھتے ہوئے اپنا قیمتی وقت ضائع کرکے ضروری کام تک کو بھول بیٹھتے ہیں۔

    مزید پڑھیں: یوٹیوب نے آف لائن سروس فراہم کردی

    گوگل نے انٹرنیٹ پر صارفین کے وقت دینے کے حوالے سے ہونے والی حالیہ تحقیق کے نتائج کو مدنظر رکھتے ہوئے ویڈیو شیئرنگ کی ویب سائٹ پر ایسا فیچر متعارف کرادیا جو بار بار خبردار کرے گا۔

    گوگل کے اس اقدام کا مقصد یہ ہے کہ ٹیکنالوجی سے لوگ استفادہ حاصل کریں اور اپنی توجہ کو فضول کاموں کی طرف گامزن نہ کر سکیں، اس ضمن میں گوگل نے یوٹیوب میں یاد دہانی کا فیچر شامل کیا۔

    اب یوٹیوب پر ویڈیوز دیکھنے کے دوران صارفین کی اسکرین پر بار بار میسج آتا رہے کہ آپ کافی دیر سے ویڈیو دیکھ رہے ہیں لہذا اپنا کام کرلیں، یہ فیچر صارف کو اپنی مرضی کے مطابق سیٹ کرنا ہوگا۔

    فیچر استعمال کرنے کا طریقہ

    یوٹیوب ایپ کی پروفائل سیٹنگ میں جاکر جنرل میں آپ کو ریمائنڈر می ٹو بریک کے نام سے ایک آپشن نظر آئے گا جس پر کلک کرنے کے بعد آپ ٹائم سیٹ کرسکیں گے۔ مثلا اگر آپ نے 15 منٹ کا آپشن سلیکٹ کیا تو وقت گزرتے ہی موبائل اسکرین پر میسج نمایاں ہوجائے گا۔

    یوٹیوب کا یہ اقدام اس لیے بھی حیران کُن قرار دیا جارہا ہے کہ ویب سائٹس انتظامیہ کی کوشش ہوتی ہے کہ صارف اُن کے فارم پر زیادہ سے زیادہ وقت گزارے تاکہ اشتہار کی مد میں انہیں کمانے کے زیادہ سے زیادہ مواقع میسر ہوں۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • واٹس ایپ کے بعد فیس بک بھی میسیج ڈیلیٹ آپشن متعارف کرائے گا

    واٹس ایپ کے بعد فیس بک بھی میسیج ڈیلیٹ آپشن متعارف کرائے گا

    نیویارک: واٹس ایپ کے بعد فیس بک نے بھی بھیجے گئے پیغامات کو حذف کرنے کے لیے ان سینڈ فیچر متعارف کرانے کا فیصلہ کرلیا ہے۔

    تفصیلات کے مطابق واٹس ایپ کے فیچر ڈیلیٹ فار ایوری ون کی طرز پر فیس بک ’ان سینڈ‘ فیچر کو ڈیزائن کررہی ہے جس کا مقصد غلطی سے بھیجے جانے والے پیغامات کو وصول کنندہ کے لیے بھی حذف کرنا ہے۔

    اس سے قبل فیس بک پر پیغام بھیجنے والا اپنے پاس سے تو میسیج کو ڈیلیٹ کرسکتا تھا مگر پیغام وصول کرنے والے صارف کے پاس پیغام من و عن پہنچ جایا کرتا تھا اور اس وقت تک ڈیلیٹ نہیں ہوسکتا تھا جب تک وصول کنندہ خود اسے ڈیلیٹ نہیں کردے۔

    مزید پڑھیں: میسج ڈیلیٹ فیچر، واٹس ایپ نے بڑی تبدیلی کردی

    میسیج ڈیلیٹ آپشن نہ ہونے کی صورت میں فیس بک کو صارفین کی جانب سے متعدد شکایات موصول ہورہی تھیں تاہم اب صارفین اپنے غلطی سے بھیجے گئے پیغامات کو ان سینڈ آپشن کے تحت خود ہی ڈیلیٹ کرسکیں گے۔

    واضح رہے کہ امریکی انتخابات میں صارفین کا ڈیٹا استعمال ہونے پر فیس بک ان دنوں مشکلات سے دوچار ہے جس کا ازالہ کرنے اور صارفین پر اپنے اعتماد بحال کرنے کے لیے فیس بک مختلف نئے فیچرز پر کام کررہی ہے، ان ہی تبدیلیوں کے تحت ان سینڈ فیچر بھی متعارف کرایا جارہا ہے۔

    خیال رہے کہ فیس بک کے بانی مارک زکربرگ نے سیکیورٹی فیچرز کو بہتر بنانے کے لیے ایڈوانسڈ آرٹی فیشل انٹیلی جنس کے استعمال اور ملازمین کی تعداد بڑھانے کا بھی اعلان کررکھا ہے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔