کراچی: سندھ اسمبلی نے آج ہونے والے اجلاس میں وزیرِاعلیٰ سندھ کے لئے ہیلی کاپٹر خریدنے کا فیصلہ کیا ہے ، ہیلی کاپٹر کی خریداری میں 1ارب سترکروڑ روپے لاگت آئے گی۔
تفصیلات کے مطابق آج صوبائی اسمبلی میں منعقد ہونے والے اجلاس میں فیصلہ کیا گیا ہے کہ سندھ اسمبلی وزیرِ اعلیٰ کے استعمال کے لئے نیا ہیلی کاپٹر خریدے گی جس میں بارہ افراد کے بیٹھنے کی گنجائش ہوگی۔
ذرائع کے مطابق اس نئے ہیلی کاپٹر کی خریداری میں 15.95 ملین ڈالر خرچ ہوں گے۔
واضح رہے کہ سندھ حکومت کے پاس پہلے ہی ایک طیارہ اور دو ہیلی کاپٹر موجود ہیں جنہیں وزیرِ اعلیٰ قائم علی شاہ گاہے بگاہے استعمال کرتے رہتے ہیں۔
دوسری جانب تھر میں چھ ہزار نئے گھروں کی تعمیر کے لئے سروے کرنے کا فیصلہ بھی کیا گیا ہے۔