ARYNews.tv | Urdu – Har Lamha Bakhabar

Tag: new karachi

  • پولیس کی کارروائی، ایم کیو ایم لندن کے 2 ٹارگٹ کلرز گرفتار

    پولیس کی کارروائی، ایم کیو ایم لندن کے 2 ٹارگٹ کلرز گرفتار

    کراچی : شہر قائد کے علاقے نیوکراچی میں پولیس نے کارروائی کے دوران ایم کیوایم لندن کے 2 ٹارگٹ کلرز گرفتار کرلیے۔

    تفصیلات کے مطابق شہر قائد کے علاقے نیو کراچی میں سندھ پولیس نے چھاپہ مار کارروائی کرتے ہوئے ایم کیوایم لندن سے تعلق رکھنے والے دو ٹارگٹ کلرز آصف رضا عرف میٹھا اور کاشف علی عرف کالا کو گرفتارکرلیا۔

    ایس ایس پی سینٹرل کا کہنا ہے کہ ملزمان نے 2011 اور 2012 میں قتل کیے، ملزمان چائنا کٹنگ، جلاؤ گھیراؤ، اسلحے کی ترسیل میں بھی ملوث تھے۔

    ترجمان کے مطابق ملزم کاشف علی عرف کالا نے 13 افراد جبکہ ملزم آصف رضا عرف میٹھا نے 2 افراد کو قتل کیا جبکہ ملزم آصف رضاجئےسندھ کی ریلی پرفائرنگ میں ملوث ہے۔

    ایس ایس پی سینٹرل عارف اسلم کا کہنا ہے کہ ملزمان 2013 ہڑتالوں میں عوامی املاک کوجلانےمیں بھی ملوث ہیں۔

    ایس ایس پی عارف اسلم کے مطابق کارروائی کے دوران ملزمان سے 2 کلاشنکوف اور دستی بھی برآمد ہوئے ہیں۔

    مزید پڑھیں : کراچی میں رینجرزکی کارروائی‘ ایم کیوایم لندن کا ٹارگٹ کلر گرفتار

    یاد رہے کہ 2 دسمبر کو کراچی کے علاقے گلشن اقبال میں ڈسکو بیکری کے قریب رینجرز نے کارروائی کرتے ہوئے ایم کیوایم لندن سے تعلق رکھنے والے ٹارگٹ کلر فاروق کو گرفتارکیا تھا۔

    ترجمان رینجرز کا کہنا ہے کہ ملزم2007 میں آگرہ تاج سیکٹرکی ٹارگٹ کلنگ ٹیم کا حصہ بنا، ملزم ایم کیوایم اور لیاری گینگ وارمیں تصادم میں ملوث رہا تھا۔

    ترجمان کے مطابق ملزم نے2013 میں گینگ وارکارندے یوسف گھانچی کو قتل کیا، ملزم 2013 میں قتل کی 8 دیگروارداتوں میں بھی ملوث رہا تھا۔

  • نیو کراچی گارمنٹس فیکڑی میں خوفناک آتشزدگی

    نیو کراچی گارمنٹس فیکڑی میں خوفناک آتشزدگی

    کراچی : نیو کراچی صبا سنیما کے قریب گارمنٹس فیکڑی میں خوفناک آگ بھڑک اٹھی، فائر بریگیڈ عملہ آگ پر قابو پانے میں مصروف ہے۔

    تفصیلات کے مطابق کراچی کے علاقے نیو کراچی میں واقع کپڑوں کی ایک فیکڑی میں نامعلوم وجوہات کی بناء پر ہولناک آگ بھڑک اٹھی، آگ کئی گھنٹے گزرنے کے بعد بھی بے قابو ہے۔

    زرائع کا کہنا ہے کہ خوفناک آتشزدگی کے باعث لاکھوں کا سامان جل کر خاکستر ہوگیا۔

    ریسکیو ذرائع کا کہنا ہے کہ آگ تین منزلہ گارمنٹس فیکڑی کی عمارت کی بالائی منزل پر لگی تھی، فائر بریگیڈ کی 10 گاڑیاں آگ پر قابو پانے میں مصروف ہیں۔

    فائر بریگیڈ حکام کا کہنا ہے کہ فیکٹری میں لگی آگ کو مزید پھیلنے سے روک دیا گیا ہے، ایک سے ڈیڑھ گھنٹے میں آگ پر قابو پالیں گے۔

    فائر بریگیڈ عملے نے بتایا کہ متاثرہ فلور کے اندرونی مقامات تک رسائی دیوارتوڑ کر ممکن بنائی گئی، فیکٹری میں آگ بجھانے کے مناسب انتظامات نہیں تھے۔

    واٹر بورڈ انتظامیہ کا کہنا ہے کہ نیو کراچی گارمنٹس فیکڑی میں لگی آگ بجھانےکے لیے 40 ہزار گیلن  پانی فراہم کیا جاچکا ہے۔

    مزید پڑھیں : کراچی: کورنگی انڈسٹریل ایریا میں پلاسٹک کی فیکڑی میں آتشزدگی

    یاد رہے کہ ایک برس قبل کراچی کے صنعتی علاقے گورنگی انڈسٹریل ایریا میں مرتضی چورنگی کے قریب پلاسٹک فیکٹری میں خوفناک آتشزدگی کے باعث لاکھوں کا پلاسٹک جل کر خاکستر ہوگیا تھا۔

    زرائع کے مطابق فیکٹری میں اچانک آگ بھڑک اٹھی تھی، جس نے دیکھتے ہی دیکھتے عمارت کے کئی حصوں کو اپنی لیپٹ میں لے لیا تھا۔

  • نیو کراچی سے لاپتہ ہونے والا بچہ لیاقت آباد سے مل گیا

    نیو کراچی سے لاپتہ ہونے والا بچہ لیاقت آباد سے مل گیا

    کراچی : نیوکراچی سے اغواء ہونے والابچہ مل گیا، چھ سالہ حمزہ لیاقت آباد میں ہوٹل کےقریب سےملا، تاہم کوئی گرفتاری عمل میں نہیں آئی۔

    تفصیلات کے مطابق نیو کراچی کے علاقے بلال کالونی سے لاپتہ ہونے والا چھ سالہ حمزہ لیاقت آباد میں سندھی ہوٹل کےقریب سے مل گیا۔

    اس حوالے سے ایس ایس پی سینٹرل عرفان بلوچ نے صحافیوں کو بتایا کہ اس معاملےمیں کوئی گرفتاری عمل میں نہیں آئی ہے البتہ واقعے کی مزید تحقیقات کی جارہی ہیں۔

    ایس ایس پی کے مطابق اغواء کار بچے کوسندھی ہوٹل کے قریب چھوڑ کر فرار ہوئے، یہ بچہ اغواء کاروں کو جانتا ہے، ملزمان کو جلد گرفتار کرلیا جائے گا۔

    مزید پڑھیں : چھ سالہ بچہ لاپتہ ، نیو کراچی کاعلاقہ میدان جنگ بن گیا، 6مظاہرین گرفتار

    واضح رہے کہ بچے کے لاپتہ ہونے پر بلال کالونی کے مکینوں نے حذیفہ کے اغوا کیے جانے پر اہل خانہ کے ساتھ اہل محلہ نے بھی شدیداحتجاج کیا اور ٹائر جلاکر نعرے بازی کی۔

    مظاہرین نے پولیس موبائل کا گھیراؤ کیا، دکانوں میں توڑ پھوڑ کی، ٹائرجلاکر سڑک بلاک کردی تھی، صورتحال کو بگڑتا دیکھ کر پولیس اور رینجرز کی بھاری نفری علاقے میں پہنچی اور مظاہرین کو منتشر کرنے کیلئے ہوائی فائرنگ اور لاٹھی چارج کیا، اس دوران ہنگامہ آرائی کے الزام میں چھ افراد کو گرفتار کیا گیا۔

  • چھ سالہ بچہ لاپتہ : نیو کراچی کاعلاقہ میدان جنگ بن گیا، 6مظاہرین گرفتار

    چھ سالہ بچہ لاپتہ : نیو کراچی کاعلاقہ میدان جنگ بن گیا، 6مظاہرین گرفتار

    کراچی : نیو کراچی کے علاقے بلال کالونی میں بچے کے لاپتہ ہونے کے واقعے کے بعد مشتعل افراد سڑکوں پر نکل آئے، ہنگامہ آرائی اور دکانوں میں توڑ پھوڑ کی، سڑک پر ٹائر نذر آتش کیے، پولیس نے چھ افراد کو حراست میں لے لیا۔

    تفصیلات کے مطابق کراچی میں ایک اور ماں کا لعل لاپتہ ہوگیا، کراچی کے علاقہ بلال کالونی میں چھ سال کے بچے کے لاپتہ ہونے پر اہل علاقہ شدید مشتعل ہوگئے، علاقہ میدان جنگ بن گیا۔

    مظاہرین نے پولیس موبائل کا گھیراؤ کیا، دکانوں میں توڑ پھوڑ کی، ٹائرجلاکر سڑک بلاک کردی۔ صرتحال کو بگڑتا دیکھ کر پولیس اور رینجرز کی بھاری نفری علاقے میں پہنچی اور مظاہرین کو منتشر کرنے کیلئے ہوائی فائرنگ اور لاٹھی چارج کیا، اس دوران ہنگامہ آرائی کے الزام میں چھ افراد کو گرفتار کرلیا گیا۔

    پولیس کا کہنا ہے کہ شرپسند عناصر مظاہرہ کررہے ہیں ملزمان کیخلاف ہنگامہ آرائی کا مقدمہ درج کیا جائے گا۔ پولیس کا مزید کہنا تھا کہ صورت حال کنٹرول میں ہے، تاہم کچھ مظاہرین اب بھی گلیوں میں موجود ہیں۔ بعد ازاں بچے کے والدین سے پولیس کے مذاکرات کامیاب ہوگئے ہیں۔

    نیوکراچی کی بلال کالونی کا چھ سال کا حذیفہ جھولا جھولنے کیلئے گھر سے نکلا تھا جسے اغواء کار اٹھا کر لے گئے۔ حذیفہ کے رشتے داروں نے بتایا کہ خاتون اور افراد موٹرسائیکل پر آئے تھے جو بچے کو اپنے ساتھ لے گئے۔

    حذیفہ کے گھر والوں کا بچے کے اغواء کے بعد سے برا حال ہے، اس کی بہن مسلسل رو رہی ہے اور ماں کے آنسو بھی نہیں تھم رہے۔

  • جان لیوا مرض میں مبتلا 10 سالہ نور فاطمہ مسیحا کی منتظر

    جان لیوا مرض میں مبتلا 10 سالہ نور فاطمہ مسیحا کی منتظر

    کراچی : جگر کے مرض میں مبتلا 10 سالہ نور فاطمہ کے والدین منتظر ہیں کہ کوئی مسیحا ان کی ننھی کلی کا علاج کروا دے۔

    تفصیلات کے مطابق شہر قائد کے علاقے نیو کراچی کی رہائشی 10 سالہ نور فاطمہ ایسی عمر میں جب اسے تعلیم کے حصول کے لیے کوشاں ہونا چاہیے تھا قسمت نے اسے ایسے مرض میں مبتلا کردیا جس کے باعث معصوم بچی زندگی و موت سے جوجھ رہی ہے۔

    اے آر وائی نیوز کی رپورٹ کے مطابق نیو کراچی میں مقیم نور فاطمہ 10 برس کی عمر میں جگر کے جان لیوا مرض کا شکار ہے، متاثرہ بچی کو گذشتہ چار برس سے جگر کا عارضہ لاحق ہے۔

    درد سے ٹرپتی ہوئی نور فاطمہ کے والدین زندگی بھر کی جمع پونجی اپنی زندگی بھر کی کمائی کو بچانے کی خاطر خرچ کر چکے ہیں اور اب کسی مسیحا کے منتظر ہیں۔

    بے یار مددگار معصوم نور فاطمہ کا والد محنت و مزدوری کر کے اپنے گھر کی کفالت کرنے کے ساتھ ساتھ معصوم بیٹی کا علاج بھی کروا رہا تھا تاہم حالات نے والد کو نور فاطمہ کے علاج اور اہل خانہ کی کفالت سے بھی قاصر کردیا ہے۔

    اے آر وائی نیوز کے مطابق رب کے حضور اپنی بیٹی کی زندگی کے لیے دعا مانگنے والی ماں کی ممتا اس وقت ٹرپ جاتی ہے  جب اس کی 10 سالہ لاڈلی بیٹی کی چیخیں درد کی شدت سے بلند ہوتی ہیں، نور فاطمہ کی والدہ منتظر ہے کہ کوئی مسیحا آئے جو اس کی ننھی کلی کا علاج کرا دے۔

    بے یار و مددگار معصوم بچی کا علاج کرنے والے ڈاکٹر کا کہنا ہے کہ نور فاطمہ کے علاج بیرون ملک میں ممکن ہے جس کے لیے لاکھوں روپے خرچہ آئے گا۔

  • نیوکراچی میں گارمنٹ فیکٹری میں خوفناک آتشزدگی، لاکھوں کا مال خاکستر

    نیوکراچی میں گارمنٹ فیکٹری میں خوفناک آتشزدگی، لاکھوں کا مال خاکستر

    کراچی : نیوکراچی میں قائم گارمنٹ فیکٹری میں خوفناک آتشزدگی سے لاکھوں روپے مالیت کا سامان جل کر خاکستر ہوگیا۔

    تفصیلات کے مطابق نیوکراچی سیکٹر سولہ بی میں قائم دو منزلہ فیکٹری میں خوفناک آتشزدگی سے علاقے میں خوف وہراس پھیل گیا۔

    فائر بریگیڈ کی آٹھ گاڑیاں آگ بھجانے میں مصروف ہیں، فیکٹری میں پھنسے لوگوں کو بحفاظت نکال لیا گیا ہے، آگ اس قدر شدید تھی کہ اس نے ساتھ والی فیکٹری کو بھی اپنی لپیٹ میں لے لیا۔اور وہ مکمل طور پر جل گئی۔

    فائر بریگیڈ نے آگ کو تیسرے درجے کی آگ قرار دیا ہے، اس موقع پر محکمہ فائر بریگیڈ کی نااہلی بھی  حسب روایت برقرار رہی۔

    فائر بریگیڈ کی گاڑیاں کافی دیر بعد جائے وقوعہ پر پہنچیں ،گاڑیوں میں پانی نہ ہونے کے باعث آگ پر قابو پانے میں شدید مشکلات درپیش ہیں، ناقص صورتحال کے باعث آگ بجھانے میں چھ سے آٹھ گھنٹے لگ سکتے ہیں۔

    اس موقع پر اسسٹنٹ کمشنر نیو کراچی سید ارشد وارث کاکہنا تھا کہ نیو کراچی میں لگنے والی آگ کچرہ کنڈی سے فیکٹری میں پھیلی ،فیکٹری میں موجود را میٹریل اور روئی سے آگ ذیادہ شدت میں پھیل گئی۔

    انہوں نے بتایا کہ نیو کراچی میں کوئی ہائیڈرنٹ موجود نہیں ، پانی سخی حسن کے ہائیڈرنٹ سے منگوایا جارہا ہے ،اسسٹنٹ کمشنر نیو کرچی کے مطابق آتشزدگی کے واقعے میں تمام لوگوں کو نکال لیا گیا ہے۔

  • بجلی وپانی کی بندش کیخلاف کراچی کے شہری سراپا احتجاج

    بجلی وپانی کی بندش کیخلاف کراچی کے شہری سراپا احتجاج

    کراچی: شہر کے مختلف علاقوں میں پانی بجلی کی بندش پر شہری بلبلا اٹھے اوراحتجاج کرتے ہوئے سڑکوں پر نکل آئے، بجلی اور پانی کی بندش کیخلاف مکینوں کے احتجاج کا سلسلہ دن بھرجاری رہا۔

    تفصیلات کے مطابق کراچی کے مختلف علاقوں میں بجلی اور پانی نایاب ہوگئے،جس پرعوام بلبلاکر سڑکوں پر نکل آئے، لسبیلہ میں بجلی عدم فراہمی کے خلاف مکینوں نے شدیداحتجاج کیا۔

    مظاہرین نے سڑک بلاک کردی اورکےالیکٹرک کی گاڑیوں کا گھیراؤبھی کیا۔ علاوہ ازیں سات روزقبل لسبیلہ فٹبال گراؤنڈ سے متصل آبادی کی بجلی واجبات کی عدم ادائیگی پر کاٹی گئی جس کی وجہ سے مکینوں کو شدید مشکلات کا سامنا کرنا پڑرہا ہے۔

    مظاہرین نے متعلقہ حکام سے مطالبہ کیاہےکہ بجلی بحال کی جائے کیونکہ لوگ بجلی کے بل ادا کرتے ہیں،نیوکراچی میں بھی بجلی اورپانی کی بندش کے خلاف شہریوں نے واٹر بورڈ کے دفترکے باہراحتجاجی مظاہرہ کیا۔

    مظاہرین نے مسائل کے فوری حل کا مطالبہ کیا۔اور اپنے مطالبات کے حق میں نعرے بازی کی۔نیوکراچی مشتعل واٹربورڈ اور ٹینکر مافیا کی ملی بھگت کے باعث شہر میں پانی کے مصنوعی بحران کیخلاف شہریوں کے صبر کا پیمانہ لبری ہوگیا۔

    بدھ کے روز نیوکراچی میں کئ ماہ سے پانی کی بوند بوند کو ترستے مکینوں نے ناصرف سڑک پر احتجاج کیا بلکہ واٹر بورڈ کے دفتر پر دھاوا بول دیا اور شکایتوں کے انبار لگا دئیے۔

    جمشید ٹاون اور سولجر بازار کے مکینوں نے بھی بجلی اور پانی کی بندش کیخلاف لسبیلہ چوک پر احتجاج کیا جس کے نتیجے میں کئی گھنٹوں تک ٹریفک کی روانی معطل رہی۔

    بلدیہ اتحاد ٹاون، گلشن معمار اور کورنگی سمیت شہر کے کئی علاقوں میں بجلی کی لوڈشیڈنگ اور پانی کی عدم فراہمی کے خلاف احتجاج کرتے شہریوں کا کہنا ہے کہ اگر مسائل حل نہ ہوئے تو احتجاج کا دائرہ وسیع کیا جائے گا۔