ARYNews.tv | Urdu – Har Lamha Bakhabar

Tag: new sanctions

  • امریکا نے ایران پر نئی پابندیاں عائد کردیں

    امریکا نے ایران پر نئی پابندیاں عائد کردیں

    امریکا کی جانب سے ایرانی شخصیات، آئل ٹینکرز اور تجارتی کمپنیوں پر نئی پابندیاں عائد کردی گئی ہیں۔

    بین الاقوامی خبر رساں ادارے کی رپورٹ کے مطابق ایران کے وزیرِ تیل بھی امریکی پابندیوں کی زد میں آنے والی شخصیات میں شامل ہوگئے ہیں۔

    امریکی وزیرِ خزانہ کا اس حوالے سے کہنا ہے کہ ایران تیل سے حاصل ہونے والی آمدنی کو خطرناک مفادات پر استعمال کر رہا ہے۔

    اس سے قبل بھی امریکا کی جانب سے چین، ایران، بھارت، یو اے ای اور دیگر ممالک پر پابندیاں عائد کی گئی تھیں۔

    امریکی محکمہ خزانہ اور محکمہ خارجہ نے ایران کی تیل کی برآمدات کو نشانہ بناتے ہوئے 30 سے زائد افراد اور جہازوں پر پابندیاں عائد کی گئی تھیں۔

    امریکا نے کینیڈین شہریوں کیلئے نیا قانون متعارف کرا دیا

    جن ممالک پر پابندیاں عائد کی گئی تھیں ان میں متحدہ عرب امارات، چین، ایران، بھارت، ہانگ کانگ، ملائیشیا اور سیشلز شامل ہیں۔

    امریکا کے مطابق جو بھی ایرانی تیل کے کاروبار میں ملوث پایا گیا، اسے سخت پابندیاں جھیلنا پڑیں گی۔

  • کورونا وائرس : بحرین میں31جنوری سے نئی پابندیوں کا اعلان

    کورونا وائرس : بحرین میں31جنوری سے نئی پابندیوں کا اعلان

    مناما : کورونا وائرس کی موجودہ صورتحال کے پیش نظر بحرین حکومت نے ایک بار پھر تعلیمی اداروں اور ہوٹلوں میں کھانے پینے پر پابندی عائد کردی۔

    بحرین میں کورونا وائرس کی دوسری لہر کے متعدد مریضوں کے انکشاف کے بعد ملک کے تمام اسکولوں میں حاضریوں کو معطل کردیا گیا ہے اور کلاسز آن لائن ہوں گی جبکہ ریستورانوں میں کھانا پیش کرنے پر بھی پابندی لگادی گئی ہے۔

    بحرینی نیوز ایجنسی کے مطابق وزارت صحت نے کہا ہے کہ وبا کا جائزہ لینے والی کمیٹی نے نئے کورونا وائرس کے متعدد مریضوں کی تصدیق کی ہے لہٰذا یہ پابندی 31 جنوری سے تین ہفتوں کے لیے نافذ ہوگی۔

    اس حوالے سے وزارت صحت کے سیکریٹری ڈاکٹر ولید المانع نے میڈیا کو بتایا ہے کہ نئی صورت حال کے پیش نظر اور وبا کو قابو کرنے کے لیے چند اہم فیصلے کیے گیے ہیں جن کا مقصد شہریوں کی سلامتی ہے۔

    انہوں نے مزید کہا کہ ملک کے تمام سرکاری ونجی تعلیمی اداروں میں طلبہ کی حاضری کو معطل کرکے تعلیمی سرگرمیاں آن لائن جاری رکھی جائیں گی۔

    ان کے مطابق انتہائی ناگزیر حالات میں خصوصی نگرانی کے متقاضی طلبہ جنہیں کسی حد تک معذور سمجھا جاتا ہے، انہیں اس سے استثنٰی دیا جاتا ہے۔

    انہوں نے بتایا ہے کہ31 جنوری سے آئندہ تین ہفتوں تک تمام ریستوران، کافی شاپس اور کلبوں میں ٹیبل سروس معطل اور کھانا پیش کرنے پر پابندی ہو گی۔

    انہوں نے کہا ہے کہ وبا کے انسداد کے لیے کام کرنے والی ٹیم پوری طرح الرٹ ہے اور نئی صورت حال پر کڑی نظر رکھے ہوئے ہے۔

    نئے حفاظتی اقدامات سے خوف و ہراس پھیلانا مقصود نہیں بلکہ احتیاطی حفاظتی تدابیر ہیں جن کا مقصد لوگوں کی سلامتی ہے۔

    انہوں نے شہریوں اور مقیم غیرملکیوں کو ماسک پہننے سمیت سماجی فاصلہ برقرار رکھنے اور بھیڑ والے مقامات سے دور رہنے کی ہدایت بھی کی ہے۔

  • امریکا نے کالعدم تحریک طالبان پرنئی پابندیاں لگا دیں

    امریکا نے کالعدم تحریک طالبان پرنئی پابندیاں لگا دیں

    واشنگٹن : امریکا نے کالعدم تنظیم تحریک طالبان نئی پابندیاں لگاتے ہوئے تنظیم کے تمام اثاثے اور جائیدادیں منجمد کردیئے جبکہ رہنما نور ولی کو عالمی دہشت گردوں کی فہرست میں شامل کرلیا ہے۔

    تفصیلات کے مطابق ۔امریکی محکمہ خارجہ کا کہنا ہے کہ امریکا نے کالعدم تحریک طالبان پر نئی پابندیاں لگادیں اور امریکا میں کالعدم تنظیم کے تمام اثاثے اور جائیدادیں منجمد کر دی گئیں ہیں۔

    امریکی محکمہ خارجہ کے مطابق پابندیاں صدر ٹرمپ کے ایگزیکیٹو آرڈر کے تحت لگائی گئیں۔

    کالعدم تحریک طالبان کے رہنما نور ولی کو عالمی دہشت گردوں کی فہرست میں شامل کرتے ہوئے نئی پابندیاں لگا دی ہیں، نور ولی کی سربراہی میں کالعدم ٹی ٹی پی نے پاکستان میں حملے کئے۔

    خیال رہے 2018 میں تحریک طالبان پاکستان نے پہلی بار اپنے سربراہ مولوی فضل اللہ کی موت کی تصدیق کرتے ہوئے کہا تھا کہ فضل اللہ امریکی حملے میں مارا گیا ہے اورتنظیم کے شوریٰ کونسل نے مفتی نور ولی محسود کو فضل اللہ کی جگہ نیا سربراہ منتخب کیا تھا۔

    مزید پڑھیں:  امریکا نے بی ایل اے کا نام دہشت گردوں کی فہرست میں شامل کرلیا

    یاد رہے امریکا نے بی ایل اے اور جند اللہ کا نام دہشت گرد تنظیموں کی فہرست میں شامل کیا تھا اور فہرست میں شامل دونوں تنظیموں کے اثاثہ جات بھی منجمد کرنے کا اعلان کیا تھا۔

    رپورٹ کے مطابق بی ایل اے نے اگست 2018 میں بلوچستان میں چینی انجینئرز کو نشانہ بنایا، نومبر 2018 میں کراچی میں چینی قونصلیٹ پر حملہ کیا اور مئی 2019 میں گوادر میں ایک ہوٹل پر حملہ کیا۔

    پاکستان کے علاوہ برطانیہ بھی بی ایل اے کو دہشت گرد تنظیم قرار دے چکا ہے، حکومت پاکستان اس سے قبل امریکا سے بی ایل اے کو دہشت گرد تنظیم قرار دینے کا مطالبہ بھی کر چکی تھی۔

  • امریکا نے ایران پر ایک مرتبہ پھر اقتصادی پابندیاں عائد کردیں

    امریکا نے ایران پر ایک مرتبہ پھر اقتصادی پابندیاں عائد کردیں

    تہران/واشنگٹن : امریکی حکام نے جوہری معاہدہ ختم کرنے کے بعد ایران کے ملت اور مہر بینک سمیت کئی کمپنیوں پر نئی اقتصادی پابندیاں عائد کردی ہیں۔

    تفصیلات کے مطابق امریکی حکومت کی جانب سے رواں برس جوہری معاہدے سے نکلنے کے بعد ایک مرتبہ پھر ایران پر اقتصاد پابندیاں عائد کردی ہیں جن اداروں پر پابندیاں لگائی گئی ہیں ان میں ایران کا مہر اور ملت بینک بھی شامل ہے۔

    غیر ملکی خبر رساں ادارے کا کہنا تھا کہ ایران کی ٹریکٹر ساز کمپنی، سپاہ پاسداران کی مالی معاونت کرنے والا بڑا مالیاتی ادارہ اور ایک بینک کو ایرانی پابندیوں کا سامنا کرنا پڑے گا۔

    غیر ملکی میڈیا کا کہنا تھا کہ مالیاتی ادارے پر ایرانی سپاہ پاسداران کے پیراملٹری گروپ کی معاونت کا الزام عائد کیا ہے، جو کم عمر بچوں کو فوجی تربیت فراہم کرتے ہیں۔

    غیر ملکی خبر رساں ادارے کا کہنا تھا کہ امریکا نے ایران کے ملت بینک پر بسیج فورس کے مہر بینک سے تعاون کرنے کا الزام عائد کرکے قدغنیں لگائی ہیں جبکہ مہر اقتصاد بینک کے زیر انتظام کام کرنے والی کمپنیوں پر پابندیوں کا سامنا کرنا پڑے گا۔

    خیال رہے کہ امریکا کی جانب سے ایران پر اقتصادی پابندیاں عائد کرنے کے بعد رواں سال جون میں عالمی طیارہ ساز کمپنی نے بھی ایران کو جہاز کی فروخت روک دی تھی۔

    امریکا نے عالمی جوہری معاہدے سے دست برداری کے بعد ایران پر اقتصادی پابندیاں عائد کردی ہیں جس کے باعث امریکی ڈالر کے مقابلے میں ایرانی ریال کی قدر میں ریکارڈ کمی دیکھنے میں آئی۔

    واضح رہے کہ امریکی صدر ڈونلڈ ٹرمپ نے ایران سے جوہری معاہدہ ختم کرنے کے بعد اس ملک پر ماضی میں لگائی جانے والی اقتصادی پابندیاں دوبارہ بحال کردی ہیں۔

    یاد رہے کہ امریکی صدر ڈونلڈ ٹرمپ نے رواں سال مئی میں ایران سے جوہری معاہدہ ختم کرنے کا اعلان کرتے ہوئے کہا تھا کہ ایران پر سخت پابندیاں لگائیں گے، ایران سے جوہری تعاون کرنے والی ریاست پر بھی پابندیاں لگائیں گے۔

  • نئی امریکی پابندیاں: ایران جوہری معاہدہ ختم کرسکتا ہے‘ حسن روحانی

    نئی امریکی پابندیاں: ایران جوہری معاہدہ ختم کرسکتا ہے‘ حسن روحانی

    تہران : ایرانی صدر حسن روحانی کا کہنا ہے کہ اگر امریکہ کی جانب سے نئی پابندیوں کا سلسلہ جاری رہا تو ایران جوہری معاہدہ ختم کرسکتا ہے۔

    تفصیلات کےمطابق ایران کے صدرحسن روحانی نے پارلیمنٹ میں کیے جانے والے خطاب میں کہا کہ ڈونلڈ ٹرمپ نے یہ دکھایا ہے کہ وہ نا قابل بھروسہ ہیں نہ صرف ایران کے لیے بلکہ امریکی اتحادیوں کے لیے بھی۔

    حسن روحانی نے کہا کہ گزشتہ چند مہینوں میں امریکہ نے جوہری معاہدے کے حوالے سے کیے جانے والے وعدوں کے ساتھ ساتھ متعدد عالمی معاہدوں کو بھی نظر انداز کیا۔

    ایرانی صدر نے امریکہ کی جانب سے پیرس موسمی تبدیلی معاہدے اور بین الاقوامی تجارتی معاہدے سے خود کو علیحدہ کرنے کی نشاندہی بھی کی۔

    ایران کےساتھ ایٹمی معاہدہ ختم کرنا ٹرمپ کی سیاسی خودکشی ہو گی‘ حسن روحانی

    حسن روحانی نےکہا کہ ایران 2015 کے معاہدے کے حوالے سے بات کرنا چاہتا ہے، جس کے تحت وہ خود پر موجود متعدد بین الاقوامی پابندیاں ختم کرانے کا خواہاں ہے۔

    ایرانی صدر نے کہا کہ وہ جو دھمکی کی زبان اور پابندیوں کی جانب واپس لوٹنا چاہتے ہیں، وہ اپنے ماضی میں رہ رہے ہیں۔

    واضح رہے کہ دو روز قبل ایرانی پارلیمنٹ نے امریکہ کی نئی پابندیوں کے جواب میں ملک کے میزائل پروگرام اور پاسداران انقلاب کے بیرون ملک آپریشنز کے لیے 50 کروڑ ڈالر فنڈز مختص کرنے کی منظوری دی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ایرانی آرمی چیف کی امریکی افواج کو نشانہ بنانے کی دھمکی

    ایرانی آرمی چیف کی امریکی افواج کو نشانہ بنانے کی دھمکی

    اسلام آباد : ایرانی فوج کے سربراہ نے خطے میں امریکی افواج کو نشانہ بنانے کی دھمکی دی ہے۔

    غیر ملکی خبر ایجنسی کے مطابق ایران کی مسلح افواج کے سربراہ میجر جنرل باقری نے کہا ہے کہ امریکہ کی جانب سے ایران کے پاسداران انقلاب کو دہشتگرد قرار دینا مہنگا پڑے گا، ا مریکہ کے اس اقدام پر اس کے اڈوں پر حملہ کیا جائے گا۔

    باقری کا کہنا تھا کہ امریکا کا پاسداران انقلاب کو دہشت گرد گروپوں کے مساوی قرار دے کر مماثل پابندیاں عائد کرنا خطے میں امریکا ، اس کے عسکری اڈوں اور فوجیوں کے لیے بہت بڑا خطر ثابت ہوگا۔

    ایرانی آرمی چیف نے امریکی ارکان کانگریس کو بھی ایرانی متنازع میزائل پروگرام پر نئی پابندیاں عائد کرنے کے نتائج سے خبردار کیا اور کہا کہ ایرانی میزائل پروگرام پر کسی قسم کے مذاکرات قبول نہیں کئے جائیں گے۔

    خیال رہے کہ اقوام متحدہ میں متعین امریکہ کے سابق سفیر جان پلٹن نے امریکی حکومت سے مطالبہ کیا تھا کہ وہ الاخوان اور ایرانی پاسداران انقلاب کو دہشت گردوں کی فہرست میں شامل کریں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امریکی سینیٹرزکاروس پر نئی پابندیاں عائد کرنے کا فیصلہ

    امریکی سینیٹرزکاروس پر نئی پابندیاں عائد کرنے کا فیصلہ

    واشنگٹن : امریکی در ڈونلڈ ٹرمپ کی روس کے ساتھ بہتر تعلقات کی خواہشات کےبرعکس امریکی سینیٹرز نے روس پر نئی پابندیاں عائد کرنے کا فیصلہ کر لیا ہے۔

    امریکی صدر ڈونلڈ ٹرمپ اور ان کے قریبی لوگوں کی روسی سفارت کاروں سے دوستیوں نے جہاں امریکی انٹیلی جنس اداروں کو ناراض کیا ہوا ہے وہیں امریکی سینیٹرز بھی اس معاملے پر پریشان نظر آتے ہیں اور شاید یہی وجہ ہے کہ سینیٹرز نے صدر ٹرمپ کی خواہشات کے بر عکس روس پر نئی پابندیاں عائد کرنے کا فیصلہ کر لیا ہے۔

    دلچسپ بات یہ کہ ان نئی پابندیوں میں ایسی قانون سازی کی جارہی ہے، جو امریکی صدر کو ان پابندیوں کو کانگریس کی منظوری کے بغیر ختم کرنے سے باز رکھے گی۔

    سینیٹر جان مکین ری پبلکن امریکی سینیٹرز کے مطابق روس پر نئی پابندیوں کی وجہ امریکی صدارتی انتخابات میں دخل اندازی، یوکرین میں کریمیا کی صورتحال، انسانی حقوق کی خلاف ورزی اور شام میں صدر اسد کی حکومت کو مدد فراہم کرنا ہے۔

    سینیٹر لنڈسے گراہم ری پبلکن امریکی سینیٹرز ٹرمپ کے قریبی ساتھیوں کی روسی سفارت کاروں کے ساتھ قرابت پر سخت نالاں ہیں، مائیکل فلن کی برطرفی ہو یا جیمز کومی کو ان کے عہدے سے ہٹانا، روس کو لے کر امریکی کانگریس اور وائٹ ہاؤس میں شدید اختلافات پائے جاتے ہیں۔

    دوسری جانب صدر ٹرمپ کے داماد جیرڈ کوشنر کی روسی سفارت کاروں کے ساتھ خفیہ ملاقاتوں کی تحقیقات کسی بھی وقت شروع ہو سکتی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔