کراچی : سول ایوی ایشن اتھارٹی نے کورونا وائرس کی موجودہ صورتحال سے مسافروں کو محفوظ رکھنے کیلئے اقدامات کرتے ہوئے نئی ٹریول ایڈوائزری جاری کردی۔
تفصیلات کے مطابق کورونا وائرس کی دوسری لہر سے نمٹنے کیلئے سی اے اے نے اقدامات کا آغاز کردیا، اس حوالے سے بیرون ملک سے پاکستان آنے والے مسافروں کے لیے نئی ٹریول ایڈوائزری جاری کردی گئی ہے۔
سول ایوی ایشن اتھارٹی نے مسافروں کی سہولت کے لیے7 ٹیسٹوں کو پی سی آر کورونا ٹیسٹ کے مساوی قرار دے دیا، سات میں کسی بھی ایک ٹیسٹ کی منفی رپورٹ لازمی قرار دی گئی ہے۔
ان ٹیسٹوں میں رئیل ٹائم آر ٹی پی سی ار کوویڈ 19۔ رئیل ٹائم آر ٹی پی سی ار سارس کوویڈ 2 ۔ آر ٹی پی سی آر کوویڈ 19 ۔ آر ٹی پی سی آر سارس کوویڈ2 ۔ پی سی آر سارس کوویڈ 2ایکسپرٹ ایکسپریس اور سارس کوویڈ 2 وغیرہ شامل ہیں۔
اس کے علاوہ پی سی آر کوویڈ 19مسافروں کو پاکستان کے لئے سفر کر نے سے 72 گھنٹے قبل ایک کورونا ٹیسٹ لازمی کروانا ہو گا۔
اس سلسلے میں ڈائریکٹر ائیر ٹرانسپورٹ عرفان صابر کے دستخط سے نوٹیفیکشن جاری کردیا گیا ہے، نوٹیفکیشن میں کہا گہا ہے کہ وزارت صحت کی جانب سے جاری کردہ ہدایت پر مکمل عمل درآمد ہو گا۔
نوٹیفیکشن کے مطابق یہ ہدایات نامہ پاکستان آنے والے تمام مسافروں اورائیرلائنز اور چارٹر طیاروں پر یکساں نافذ العمل ہوگا۔
