Tag: new york

اقوام متحدہ میں پاکستان کی مستقل مندوب ملیحہ لودھی نے کہاہے کہ پاکستان میں جمہوریت مضبوط اورمستحکم ہے، ان کا یہ بھی کہناتھا کہ قومی اتفاق رائے پایا جا تا ہےکہ ملک کامستقبل جمہوریت میں ہے ۔

اقوام متحدہ میں پاکستانی مندوب ملیحہ لودھی نے امریکی وار کالج میں خطاب کرتے ہوئے کہا کہ پاکستان میں دہشت گردوں کیخلاف بڑا آپریشن جاری ہے،جامع حکمت عملی سے دہشت گردوں کا مکمل خاتمہ کیا جارہا ہے۔

ملیحہ لودھی کا کہنا تھا کہ پاک فوج جمہوریت کیلئے اتفاق رائے کا حصہ ہے ۔پاکستان میں عدلیہ آزاد ہے میڈیامتحرک اورجمہوری ادارے مضبوط ہیں۔پاک بھارت تعلقات پر ملیحہ لودھی کا کہنا تھا کہ پاکستان بھارت سے وسیع البنیاد مذاکرات کا حامی ہے۔

افغانستان سے متعلق بات کرتےہوئے ملیحہ لودھی نے افغانستان میں امن کو خطے اور پاکستان میں استحکام کے لیے ناگزیر قرار دیا۔ملیحہ لودھی کا کہنا تھا کہ پاکستان افغان مفاہمتی عمل میں کرداراداکرنے کیلئے تیار ہے،علاقائی روابط کا فروغ پاکستان کی ترجیحات میں شامل ہے۔

نیو یارک : اقوام متحدہ میں پاکستانی مندوب ملیحہ لودھی نے کہا ہے کہ پاکستان سلامتی کونسل کےمستقل ارکان کی تعدادمیں اضافےکاحامی نہیں ہے۔

تفصیلات کے مطابق نیویارک میں سیکریٹری خارجہ اعزاز چوہدری کے ہمراہ میڈیاسے گفتگو کرتے ہوئے اقوام متحدہ میں پاکستانی مندوب ملیحہ لودھی نے کہا کہ پاکستان سلامتی کونسل کےمستقل ارکان کی تعداد میں اضافے کا حامی نہیں ہے ۔

ان کاکہناتھاکہ پاکستان سلامتی کونسل میں جمہوری اصلاحات کاحامی ہے جبکہ سلامتی کونسل کےمستقل ارکان میں اضافہ جمہوری عمل نہیں ہے۔

ملیحہ لودھی نے مزید کہا کہ سلامتی کونسل میں خطِوں کی نمائندگی ہونی چاہئیے،اس موقع پرسیکریٹری خارجہ اعزاز چوہدری کا کہنا تھا کہ کشمیر پرپاکستانی مؤقف واضح اوردوٹوک ہے۔

مسئلہ کشمیرہمیشہ بھارت سے مذاکرات کےایجنڈےکاحصہ رہاہے،جب بھی مذاکرات ہوں گےمسئلہ کشمیرایجنڈےکاحصہ ہوگا۔