ARYNews.tv | Urdu – Har Lamha Bakhabar

Tag: New Zealand

  • نیوزی لینڈ کی وزیراعظم کا آٹومیٹک اورسیمی آٹومیٹک اسلحے پرپابندی کا اعلان

    نیوزی لینڈ کی وزیراعظم کا آٹومیٹک اورسیمی آٹومیٹک اسلحے پرپابندی کا اعلان

    ویلنگٹن: نیوزی لینڈ کی وزیراعظم جیسنڈا ایرڈن کا کہنا ہے کہ نیوزی لینڈ کے شہریوں سے خود کار ہتھیارواپس لیے جائیں گے۔

    تفصیلات کے مطابق نیوزی لینڈ کی وزیراعظم نے پریس کانفرنس کے دوران آٹومیٹک اورسیمی آٹومیٹک اسلحے پرپابندی کا اعلان کرتے ہوئے بتایا کہ مساجد پر حملے میں آٹومیٹک اور سیمی آٹو میٹک اسلحہ استعمال کیا گیا۔

    جیسنڈا ایرڈن نے کہا کہ اسلحے پرپابندی سے متعلق قانون سازی جلد کی جائے گی، آئندہ ہفتے کابینہ اسلحہ کی رجسٹریشن کے قواعد پرغورکرے گی۔

    نیوزی لینڈ کی وزیراعظم جیسنڈا ایرڈن نے کہا کہ شہری ممنوعہ اسلحہ سے متعلق پولیس سے رابطہ کریں۔ انہوں نے کہا کہ نیوزی لینڈ کے شہریوں سے خود کارہتھیارواپس لیے جائیں گے، گن ریفارمز عوام کے مفاد میں ہے۔

    سفید فام قوم پرستی پوری دنیا کا مسئلہ ہے‘ جیسنڈا ایرڈن

    خیال رہے کہ گزشتہ روز برطانوی خبر رساں ادارے کوانٹرویو دیتے ہوئے نیوزی لینڈ کی وزیراعظم کا کہنا تھا کہ سفید فام قوم پرستی پوری دنیا کا مسئلہ ہے۔

    نیوزی لینڈ کی پارلیمنٹ کا شہدائے کرائسٹ چرچ کوزبردست خراج عقیدت

    اس سے قبل 19 مارچ کو سانحہ کرائسٹ چرچ کے بعد نیوزی لینڈ کی پارلیمنٹ کے پہلے اجلاس ہوا تھا جس میں وزیراعظم جیسنڈا ایرڈن نے حملہ آور کو دہشت گرد، مجرم اور انتہا پسند قرار دیا تھا۔

    وزیراعظم کا کہنا تھا کہ حملہ آور دہشت گردی کے اپنے عمل سے بہت کچھ چاہتا تھا جس میں ایک چیز شہرت بھی ہے، اسی وجہ سے اس کا نام میں کہیں نہیں لوں گی۔

    نیوزی لینڈ کی وزیراعظم جیسنڈا ایرڈن نے اجلاس کے دوران شہید پاکستانی نعیم راشد کو خراج عقیدت پیش کیا تھا۔

    نیوزی لینڈ کی 2 مساجد میں فائرنگ‘ 49 افراد جاں بحق

    یاد رہے کہ 15 مارچ کو نیوزی لینڈ کی دو مساجد میں دہشت گرد حملے کیے گئے جس کے نتیجے میں خواتین وبچوں سمیت 49 افراد جاں بحق اور 20 زخمی ہوئے تھے۔

    مرکزی حملہ آور کی شناخت 28 سالہ برینٹن ٹیرنٹ کے نام سے ہوئی ہے اور وہ آسٹریلوی شہری ہے جس کی تصدیق آسٹریلوی حکومت نے کردی۔

  • سفید فام قوم پرستی پوری دنیا کا مسئلہ ہے: نیوزی لینڈ کی وزیر اعظم کا تاریخی بیان

    سفید فام قوم پرستی پوری دنیا کا مسئلہ ہے: نیوزی لینڈ کی وزیر اعظم کا تاریخی بیان

    ویلنگٹن: نیوزی لینڈ کی وزیراعظم جیسنڈا آرڈرن نے کہا ہے کہ سفید فام قوم پرستی پوری دنیا کو درپیش بڑا مسئلہ ہے.

    ان خیالات کا اظہار انھوں نے برطانوی خبر رساں ادارے کو انٹرویو دیتے ہوئے کیا. ان کا مزید کہنا تھا کہ ملک میں فوجی ساختہ نیم خودکار اسلحے کی دستیابی نیوزی لینڈ کے لیے ایک چیلنج ہے۔

    یاد رہے کہ گذشتہ دنوں نیوزی لینڈ کے شہر کرائسٹ چرچ کی دو مساجد میں ایک سفید فام دہشت گرد نے حملہ کیا تھا، جس میں‌ نو پاکستانیوں سمیت 50 افراد شہید ہوگئے۔

    اس واقعے پر جہاں‌ نیوزی لینڈ بھر سے شدید ردعمل آیا، وہیں‌ نیوزی لینڈ کی وزیر اعظم جیسنڈا آرڈن اپنے واضح اور دو ٹوک موقف اور مثبت رویے کے طفیل انسانی دوستی اور مساوات کی علامت بن گئیں.

    نیوزی لینڈ کی وزیر اعطم نے اپنے اس خصوصی انٹرویو میں کہا کہ بے شک حملہ ایک آسٹریلوی شہری نے کیا، لیکن اس سے یہ مراد نہیں کہ یہ مسئلہ ہمارے یہاں نہیں پایا جاتا۔ عالمی سطح پر سفید فام قوم پرستوں کی موجودگی بڑھی ہے۔

    یاد رہے کہ مسلمانوں سے اظہار یک جہتی کے لیے نیوزی لینڈ کی حکومت نے جمعے کے نشریاتی اداروں اور ریڈیو پر اذان نشر کرنے کا اعلان کیا تھا.

  • جعلی میڈیا مجھے نیوزی لینڈ واقعے کا قصور وار ٹھہرانے پر مُصر ہے، ٹرمپ کا ٹویٹ

    جعلی میڈیا مجھے نیوزی لینڈ واقعے کا قصور وار ٹھہرانے پر مُصر ہے، ٹرمپ کا ٹویٹ

    واشنگٹن : امریکی صدر ٹرمپ کا کرائسٹ چرچ مسلمانوں کے قتل عام سے متعلق کہنا ہے کہ فیک میڈیا نیوزی لینڈ حملوں کا قصوروار مجھے ٹہرانے پر مُصر ہے۔

    تفصیلات کے مطابق نیوزی لینڈ کے تیسرے بڑے شہر کرائسٹ چرچ میں واقع دو مساجد پر سفید فام شخص کے دہشت گردانہ حملے کو تاحال امریکی صدر ڈونلڈ ٹرمپ نے دہشت گردی نہیں کہا ہے۔

    صدر ٹرمپ نے سماجی رابطے کی ویب سایٹ پر ایک روز قبل ٹوئٹ کیا تھا کہ جعلی میڈیا مساجد حملے کی ذمہ مجھ پر تھوپنے کی تگ و دو میں لگا ہوا ہے جو بہت مضحکہ خیز بات ہے لیکن یہ ثابت کرنے میں شدید مشکلات کا شکار رہے گا۔

    یاد رہے کہ جہاں دنیا بھر کے عوام و حکمران مسلمانوں سے اظہار یکجہتی کی جارہی تھی وہیں ٹرمپ نے مساجد حملے کی مذمت کرنے کے بجائے ٹویٹ کیا گیا تھا جس میں کسی تعزیت یا افسوس کا اظہار کرنے کے بجائے ایک متنازع لنک شئیر کیا تھا۔

    مزید پڑھیں : ٹرمپ نے کرائسٹ چرچ میں مساجد پر حملے کے ردعمل میں کیا ٹوئٹ ڈیلیٹ کر دیا

    امریکی صدر ٹرمپ کے ٹویٹ پر لوگوں نے ان کو آڑے ہاتھوں لیا تو انہوں نے ٹویٹ ڈیلیٹ کردیا تھا اور 10 گھنٹے بعد دوسرے ٹوئٹ میں قتل عام کی مذمت کی تھی۔

    نیوزی لینڈ کی عوام سے یکجہتی کا اظہار کرتے ہوئے ٹرمپ نے کہا تھا کہ 49 لوگوں کو بے حسی سے قتل کیا گیا اور کئی زخمی ہوئے، امریکہ نیوزی لینڈ کے ساتھ کھڑا ہے۔

  • سانحہ کرائسٹ چرچ: شام سے تعلق رکھنے والے شہید باپ بیٹے کو سپردخاک کردیا گیا

    سانحہ کرائسٹ چرچ: شام سے تعلق رکھنے والے شہید باپ بیٹے کو سپردخاک کردیا گیا

    کرائسٹ چرچ: سانحہ نیوزی لینڈ میں شام سے تعلق رکھنے والے شہید باپ بیٹے کو سپرد خاک کردیا گیا، اس موقع پر شہری بڑی تعداد میں شریک ہوئے۔

    تفصیلات کے مطابق نیوزی لینڈ میں مساجد پر فائرنگ کے نتیجے میں شہید خالد مصطفیٰ اور بیٹے حمہز کی تدفین کردی گئی، شہریوں کی بڑی تعداد شریک ہوئی۔

    نیوزی لینڈ کے میموریل پارک میں نماز جنازہ کے دوران ہر شخص افسردہ تھا، شہریوں نے آہوں اور سسکیوں میں شہیدوں کی تدفین کی۔

    دوسری جانب پولیس کا کہنا ہے کہ جاں بحق تمام افراد کا پوسٹ مارٹم مکمل کیا جاچکا ہے، جاں بحق افراد میں سے 12کی باضابطہ شناخت کی جاچکی ہے، جبکہ 6افراد کی میتیں ورثا کے حوالے کردی گئیں۔

    یاد رہے کہ گذشتہ جمعے نیوزی لینڈ کی دو مساجد میں دہشت گرد حملے کیے گئے جس کے نتیجے میں خواتین وبچوں سمیت 50 افراد جاں بحق اور 20 زخمی ہوئے تھے۔

    مرکزی حملہ آور کی شناخت 28 سالہ برینٹن ٹیرنٹ کے نام سے ہوئی ہے اور وہ آسٹریلوی شہری ہے جس کی تصدیق آسٹریلوی حکومت نے کرکھی ہے۔

    حملے کے بعد دنیا بھر میں مسلمانوں کے خلاف نفرت انگیز رویوں کی بھرپور مذمت کی جارہی ہے، سوشل میڈٰیا پر بھی شہری مسلمان مخالف سرگرمیوں کو تنقید کا نشانہ بنارہے ہیں۔

    نیوزی لینڈ میں دہشت گردی، حملہ آور کے پاس اسلحہ کہاں سے آیا؟

    دوسری جانب پولیس گرفتار حملہ آور سے بھی تحقیقات کررہی ہے، ابتدائی اطلاعات کے مطابق دہشت گرد نے حملے کے لیے جو اسلحہ استعمال کیا وہ آن لائن خریدا گیا تھا۔

  • نیوزی لینڈ میں دہشت گردی، حملہ آور کے پاس اسلحہ کہاں سے آیا؟

    نیوزی لینڈ میں دہشت گردی، حملہ آور کے پاس اسلحہ کہاں سے آیا؟

    کرائسٹ چرچ: نیوزی لینڈ کی مسجدوں میں فائرنگ کرنے والے حملہ آور سے تفتیش جاری ہے، اسلحے سے متعلق تفصیلات سامنے آگئیں۔

    تفصیلات کے مطابق کرائسٹ چرچ میں مساجد پر حملہ کرنے والے دہشت گرد کے اسلحے کی خریداری سے متعلق حقائق سامنے آگئے۔

    پچاس نمازیوں کے شہید کرنے والے دہشت گرد نے آن لائن اسلحہ خریدا، حملے میں استعمال کیے گئے پانچ میں سے چار ہتھیار گن اسٹور سے آن لائن خریدے گئے تھے۔

    دوسری جانب نیوزی لینڈ کی کابینہ نے وزیر اعظم جیسنڈا آرڈرن کے اسلحہ قوانین میں بتدیلی کے فیصلے کی حمایت کردی ہے۔

    نیوزی لینڈ کے شہر کرائسٹ چرچ میں مساجد پر دہشت گردی کے خوفناک حملے کے بعد وزیر اعظم اور کایبینہ کی جانب سے اسلحہ کنٹرول قوانین میں تبدیلی کا اعلان کیا گیا تھا۔

    خیال رہے کہ گذشتہ روز آسٹریلین پولیس نے کرائسٹ چرچ میں مساجد پر حملے کی تفتیش کے سلسلے میں دہشت گرد سے منسلک افراد کے گھروں پر چھاپہ مار کر سرچ آپریشن کیا۔

    سانحہ کرائسٹ چرچ کے ہیرو نعیم راشد کو نیوزی لینڈ کی وزیراعظم کا زبردست خراج تحسین

    یاد رہے کہ گذشتہ جمعے نیوزی لینڈ کی دو مساجد میں دہشت گرد حملے کیے گئے جس کے نتیجے میں خواتین وبچوں سمیت 49 افراد جاں بحق اور 20 زخمی ہوئے تھے۔

    مرکزی حملہ آور کی شناخت 28 سالہ برینٹن ٹیرنٹ کے نام سے ہوئی ہے اور وہ آسٹریلوی شہری ہے جس کی تصدیق آسٹریلوی حکومت نے کرکھی ہے۔

  • سانحہ کرائسٹ چرچ کے ہیرو نعیم راشد کو نیوزی لینڈ کی وزیراعظم کا زبردست خراج تحسین

    سانحہ کرائسٹ چرچ کے ہیرو نعیم راشد کو نیوزی لینڈ کی وزیراعظم کا زبردست خراج تحسین

    ویلنگٹن: نیوزی لینڈ کی وزیر اعظم نے حملہ آور کو روکنے کے دوران شہادت پانے والے پاکستانی شہری نعیم راشد کو شاندار الفاظ میں خراج تحسین  پیش کیا۔

    تفصیلات کے مطابق سانحہ کرائسٹ چرچ کے بعد نیوزی لینڈ کی اسمبلی کا پہلا اجلاس ہوا جس میں شہدا سے اظہار یکجہتی کے لیے نئی مثال قائم کی گئی۔اسمبلی سیشن کا آغاز تلاوتِ کلام پاک سے ہوا جس کے بعد وزیراعظم جیسنڈا ایرڈن نے ایوان کو ’السلام وعلیکم‘ کہہ کر مخاطب کیا اور شہدا کے متاثرین سے یکجہتی کا اظہار کیا۔

    خاتون وزیراعظم نے ایوان کو بتایا کہ حملہ آور اور بھی لوگوں کی جان لے سکتا تھا مگر اُسے دو نمازیوں نے روکا اور باقی لوگوں کی زندگیوں کو محفوظ بنایا۔

    جیسنڈا کا کہنا تھا کہ ایک نمازی محمد نعیم تھے جن کا تعلق پاکستان اور دوسرے افغانستان سے تھے، جن کی میں ، اراکین اسمبلی اور پوری قوم شکر گزار ہے کہ انہوں نے انسانی جانوں کو محفوظ بنایا۔

    مزید پڑھیں: نیوزی لینڈ کی پارلیمنٹ کا شہدائے کرائسٹ چرچ کوزبردست خراج عقیدت

    جیسنڈا ایرڈن نے حملہ آور کو دہشت گرد، مجرم اور انتہا پسند قرار دیتے ہوئے کہا کہ اس شخص کے خلاف قانون کے مطابق کارروائی ہوگی۔ اُن کا کہنا تھا کہ میں ایسے شخص کا نام نہیں لینا چاہتی جو لوگوں سے جینے کا حق چھین لے، میری آپ سب سے التماس ہے کہ آپ بھی کبھی اُس کا نام استعمال نہیں کریں۔

    انہوں نے کہا کہ ہمیں زندگی لینے والوں کے نام سب کو بتانے ہیں اور جس نے محض شہرت حاصل کرنے کی خاطر لوگوں کی زندگیاں ختم کیں اُس کا نام آئندہ بھی میرے منہ سے کبھی نہیں نکلے گا۔ نیوزی لینڈ کی وزیراعظم کا کہنا تھا کہ دہشت گرد حملے سے متعلق تحقیقات جاری ہیں، ملک میں ہائی الرٹ برقرار ہے۔

    واضح رہے کہ 15 مارچ کو نیوزی لینڈ کی دو مساجد میں دہشت گرد حملے کیے گئے جس کے نتیجے میں خواتین وبچوں سمیت 49 افراد جاں بحق اور 20 زخمی ہوئے تھے۔

    یہ بھی پڑھیں: نیوزی لینڈ کی کابینہ نے اسلحہ قوانین میں تبدیلی کا فیصلہ کرلیا، جیسنڈا آرڈرن

    مرکزی حملہ آور کی شناخت 28 سالہ برینٹن ٹیرنٹ کے نام سے ہوئی ہے اور وہ آسٹریلوی شہری ہے جس کی تصدیق آسٹریلوی حکومت نے کردی۔

  • سانحہ کرائسٹ چرچ: ملک بھر میں سوگ، قومی پرچم سرنِگوں

    سانحہ کرائسٹ چرچ: ملک بھر میں سوگ، قومی پرچم سرنِگوں

    اسلام آباد: نیوزی لینڈ کے شہرکرائسٹ چرچ کی 2 مساجد میں دہشت گردی کے واقعے میں 49 افراد کی شہادت پر ملک بھر میں یوم سوگ منایا جا رہا ہے اور سرکاری عمارتوں پر قومی پرچم سرنِگوں ہے۔

    تفصیلات کے مطابق نیوزی لینڈ کی 2 مساجد میں دہشت گرد حملے میں 49 افراد کی شہادت پر ملک بھر میں قوم یوم سوگ منا رہی ہے اور اہم سرکاری عمارتوں پرقومی پرچم سرنِگوں ہے۔

    وفاقی دارالحکومت اسلام آباد میں وزیراعظم ہاؤس، پارلیمنٹ ہاؤس، ایوان صدر، سپریم کورٹ سمیت صوبائی دارالحکومتوں میں اہم سرکاری عمارتوں پر قومی پرچم سرنِگوں ہے۔

    وزیرخارجہ شاہ محمود قریشی کا گزشتہ روز اسلام آباد میں پریس کانفرنس کرتے ہوئےکہنا تھا کہ کرائسٹ چرچ واقعے پراحتجاج ریکارڈ کرایا ہے۔

    شاہ محمود قریشی کا کہنا تھا کہ اس واقعے میں مجموعی طور پر50 افراد شہید ہوئے جن میں سے 9 پاکستانی ہیں، جبکہ ایک آئی سی یو میں ہے۔

    وزیرخارجہ کا کہنا تھا کہ پوری قوم سوگ میں ہے اور وزیراعظم عمران خان کی ہدایت کے مطابق 18 مارچ بروز پیر کو سرکاری عمارتوں پر قومی پرچم سرنِگوں ہوگا۔

    نیوزی لینڈ کی 2 مساجد میں فائرنگ‘ 49 افراد جاں بحق

    یاد رہے کہ 15 مارچ کو کرائسٹ چرچ کی دو مساجد میں آسٹریلیا سے تعلق رکھنے والے سفید فام دہشت گرد نے اندھا دھند فائرنگ کرکے 49 نمازیوں کو شہید کردیا تھا۔

    پاکستان سمیت دنیا بھر سے نیوزی لینڈ میں ہونے والی دہشت گردی کے واقعے کی شدید مذمت کی گئی تھی۔

    بعدازاں نیوزی لینڈ کی وزیراعظم جیسنڈا ایرڈن نے دہشت گردی کے حملوں میں زخمی افراد سے اسپتال جاکر ملاقات اور اظہار تعزیت کیا تھا۔

    نیوزی لینڈ میں اسلحہ قوانین تبدیل کیے جائیں گے‘ وزیراعظم جیسنڈا ایرڈن

    زخمیوں سے ملاقات کے دوران وزیراعظم نے سیاہ رنگ کا لباس زیب تن کررکھا تھا اور ان کا سربھی سیاہ رنگ کے دوپٹے سے ڈھکا ہوا تھا۔

    اس موقع پر جیسنڈا ایرڈن کا کہنا تھا کہ وہ ہمت نہ ہاریں اور اس مشکل وقت میں پوار نیوزی لینڈ ان کے ساتھ ہے۔ نیوزی لینڈ کی وزیراعظم نے اس سے قبل اس واقعے کو دہشت گردی کا واقعہ قرار دیا تھا۔

    وزیراعظم عمران خان کا نعیم راشد کے لیے قومی ایوارڈ کا اعلان

    وزیراعظم عمران خان نے گزشتہ روز نیوزی لینڈ کی مساجد پر دہشت گرد حملے دوران حملہ آور کو روکنے کی کوشش کے دوران شہید ہونے والے پاکستانی شہری نعیم راشد کے لیے قومی ایوارڈ کا اعلان کیا تھا۔

  • آپ مسلم کمیونٹی سے محبت اور  ہمدردی کا اظہار کریں: نیوزی لینڈ کی وزیر اعظم کا ٹرمپ کو مشورہ

    آپ مسلم کمیونٹی سے محبت اور  ہمدردی کا اظہار کریں: نیوزی لینڈ کی وزیر اعظم کا ٹرمپ کو مشورہ

    کرائسٹ چرچ: نیوزی لینڈ کی وزیراعظم جیسنڈا ایرڈن نے امریکی صدر ڈونلڈ ٹرمپ کو مذہبی ہم آہنگی کے لئے اقدامات کا مخلصانہ مشورہ دے دیا.

    تفصیلات کے مطابق کرائسٹ چرچ حملے کے بعد امریکی صدر نے نیوزی لینڈ کی وزیر اعظم کو ٹیلی فون کرکے مدد کی پیش کش کی تھی۔

    اس موقع پرجیسنڈا ایرڈن نے کہا کہ آپ مسلم کمیونٹی سےمحبت اور  ہمدردی کا اظہار کریں، مذہبی ہم آہنگی پیدا کریں.

    یاد رہے کہ گزشتہ روز نیوزی لینڈ کی دو مساجد میں دہشت گرد حملے کیے گئے، جس کے نتیجے میں خواتین وبچوں سمیت 49 افراد جاں بحق اور 20 زخمی ہوئے تھے۔

    واقعے میں نو پاکستانیوں کے لاپتا ہونے کی خبر آئی، جن میں سے چھ کی شہادت کی تصدیق ہوگئی ہے۔

    مزید پڑھیں: نیوزی لینڈ میں مساجد پر حملہ : دہشت گرد کی بندوق پر مسلمانوں کونقصان پہنچانے والوں کے نام درج

    مرکزی حملہ آور کی شناخت 28 سالہ برینٹن ٹیرنٹ کے نام سے ہوئی ہے، وہ آسٹریلوی شہری ہے، جس کی تصدیق آسٹریلوی حکومت نے کردی۔

    واقعے کے بعد نیوزی لینڈ کی وزیراعظم کا سیاہ دوپٹہ اوڑھ کر مسلمانوں سے اظہاریکجہتی۔متاثرین کےغم میں شریک ہوئیں،مسلم خواتین کو گلےلگاکر تسلی دی۔جیسنڈا نےاسپتال جاکرزخمیوں کی عیادت کی اور کہا کہ اس واقعے پرقوم متحد ہے، ہم متحد ہیں.

  • نیوزی لینڈ حملے میں زخمی ایک اور پاکستانی کی شناخت ہوگئی

    نیوزی لینڈ حملے میں زخمی ایک اور پاکستانی کی شناخت ہوگئی

    اسلام آباد: نیوزی لینڈ کے شہرکرائسٹ چرچ میں مساجد میں ہونے والے حملوں میں زخمی ہونے والے ایک اور پاکستانی کی شناخت محمد امین ناصر کے نام سے ہوگئی۔

    تفصیلات کے مطابق ترجمان دفترخارجہ نے سماجی رابطے کی ویب سائٹ ٹویٹر پر بتایا کہ نیوزی لینڈ میں مساجد پرہونے والے حملوں میں زخمی ہونے والے ایک اور پاکستانی کی شناخت ہوگئی۔

    ڈاکٹرمحمد فیصل نے بتایا کہ زخمی محمد امین ناصر کا تعلق صوبہ پنجاب کے شہرحافظ آباد سے ہے، محمد امین ناصر آئی سی یو میں تشویش ناک حالت میں ہے۔


    پاکستان میں موجود محمد امین کے اہل خانہ کے مطابق وہ اپنے بیٹے کے ہمراہ جمعہ کی نماز ادا کرنے مسجد گئے تھے۔

    ترجمان ڈاکٹر محمد فیصل نے کہا کہ حملوں کے بعد سے 9 پاکستانی لاپتہ ہیں جن کی تلاش کے لیے پاکستانی ہائی کمیشن کام کررہا ہے۔

    نیوزی لینڈ کی 2 مساجد میں فائرنگ‘ 49 افراد جاں بحق

    یاد رہے کہ گزشتہ روز نیوزی لینڈ کی دو مساجد میں دہشت گرد حملے کیے گئے جس کے نتیجے میں خواتین وبچوں سمیت 49 افراد جاں بحق اور 20 زخمی ہوئے تھے۔

    مرکزی حملہ آور کی شناخت 28 سالہ برینٹن ٹیرنٹ کے نام سے ہوئی ہے اور وہ آسٹریلوی شہری ہے جس کی تصدیق آسٹریلوی حکومت نے کردی۔

  • نیوزی لینڈ میں‌ نمازیوں پر وحشیانہ حملہ بزدلی اور بدترین دہشت گردی ہے، شاہ سلمان

    نیوزی لینڈ میں‌ نمازیوں پر وحشیانہ حملہ بزدلی اور بدترین دہشت گردی ہے، شاہ سلمان

    ریاض : سعودی بادشاہ سلمان بن عبدالعزیز کا کرائسٹ چرچ حملے کی مذمت کرتے ہوئے کہنا تھا کہ واقعے میں ملوث دہشت گردوں کو عبرتناک سزا دی جائے۔

    تفصیلات کے مطابق نیوزی لینڈ کے شہر کرائسٹ چرچ میں گزشتہ روز سفید فام نسل پرست کے دہشتگردانہ حملے پر دنیا بھر حکمرانوں کی جانب سے سخت مذمت کی جارہی ہے، سعودی بادشاہ سلمان بن عبدالعزیز نے نیوزی لینڈ پر شدید ردعمل دیتے ہوئے کہا کہ دہشت گرد انسانی اقدار سے عاری ہیں۔

    شاہ سلمان کا کہنا ہے کہ نیوزی لینڈ میں نمازیوں پر ہونے والا بزدلانہ اور وحشیانہ حملہ بدترین دہشت گردی ہے، عالمی برادری کو دہشت گردوں کے خلاف مشترکا طور پر جنگ جاری رکھنا ہوگی۔

    خیال رہے کہ گزشتہ روز جمعے کی نماز کے دوران نیوزی لینڈ کے شہر کرائسٹ چرچ میں مسلح افراد نے مساجد میں موجود نمازیوں پر فائرنگ کردی جس کے نتیجے میں 49 افراد جاں بحق جبکہ 20 سے زائد زخمی ہیں۔

    نیوزی لینڈ سانحہ : دہشت گرد نے پورے واقعے کو ویڈیو گیم کی طرح فلم بند کیا

    غیر ملکی خبر رساں ادارے کا کہنا ہے کہ کرائسٹ چرچ میں واقع مساجد پر حملہ کرنے والے ایک دہشتگرد کا تعلق آسٹریلیا سے ہے جس کی شناخت برینٹن ٹیرنٹ کے نام سے ہوئی ہے، مذکورہ دہشت گرد خوفناک حملے کی برائے راست ویڈیو سوشل میڈیا پر بھی نشر کررہا تھا۔