ARYNews.tv | Urdu – Har Lamha Bakhabar

Tag: New Zealand

  • دوبارہ منتخب ہوئے تو … نیوزی لینڈ کی حکمران پارٹی کا فلسطین سے متعلق بڑا اعلان

    دوبارہ منتخب ہوئے تو … نیوزی لینڈ کی حکمران پارٹی کا فلسطین سے متعلق بڑا اعلان

    ویلنگٹن: نیوزی لینڈ کی حکمران لیبر پارٹی نے اعلان کیا ہے کہ اگر وہ دوبارہ منتخب ہو گئی تو فلسطینی ریاست کو تسلیم کر لیں گے۔

    غیر ملکی میڈیا رپورٹس کے مطابق نیوزی لینڈ کی حکمران لیبر پارٹی نے اعلان کیا ہے کہ اگر 14 اکتوبر کو ہونے والے عام انتخابات میں دوبارہ منتخب ہوئے تو فلسطین کی ریاست کو تسلیم کر لیں گے۔

    نیوزی لینڈ نے سرکاری طور پر فلسطین کو ایک خودمختار ریاست کے طور پر تسلیم نہیں کیا ہے، تاہم نیوزی لینڈ نے اسرائیلی قبضے کی مسلسل مذمت کی ہے۔

    ادھر فلسطین میں صہیونی ورسز کے نہتے فلسطینیوں پر مظالم نہ رک سکے، صہیونی فورسز اور آباد کاروں کی فائرنگ سے یونیورسٹی کے طالب علم سمیت 4 فلسطینی شہید ہو گئے۔

    قابض فورسز نے ہوارا میں جنازے پر آنسو گیس فائر کیے، جھڑپوں میں 51 فلسطینی زخمی ہو گئے، دن کی کارروائی کے بعد صہیونی فورسز نے رات میں بھی آباد کاروں سے حملہ کروایا، آباد کاروں نے فلسطینی طالب علم لبیب دمیدی کو فائرنگ کر کے شہید کر دیا، صہیونی فورسز کی موجودگی میں آبادکاروں نے فلسطینیوں کے گھروں، دکانوں اور گاڑیوں کو نقصان پہنچایا۔

    اسرائیل میں حماس کی پیراگلائیڈنگ کے ذریعے گھسنے کے بعد زبردست پیش قدمی، 35 اسرائیلی فوجی گرفتار

    رد عمل میں غزہ کی پٹی سے حماس کے جنگجوؤں نے اسرائیل پر ایک زبردست حملہ کیا ہے، اور پانچ ہزار راکٹ داغ دیے، جس سے پانچ افراد ہلاک اور درجنوں زخمی ہوئے، حماس نے اسرائیلی فورسز کی بڑھتی جارحیت کے خلاف زمینی آپریشن بھی شروع کر دیا ہے، اور اسرائیلی علاقوں میں گھس کر پینتیش فوجیوں کو گرفتار کر لیا ہے۔

  • نیوزی لینڈ میں غیرملکیوں کیلئے امیگریشن کا اعلان

    نیوزی لینڈ میں غیرملکیوں کیلئے امیگریشن کا اعلان

    روزگار کے حصول کیلئے بیرون ملک جانے کے خواہشمند افراد کو نیوزی لینڈ نے خوشخبری سنا دی، اس سلسلے میں ملازمت کے لیے نئے مواقع فراہم کرنے کا اعلان کیا گیا ہے۔

    غیر ملکی خبر رساں ادارے کی رپورٹ کے مطابق نیوزی لینڈ نے امیگریشن گرین لسٹ میں17پیشوں بشمول جیل کے محافظ، ویلڈرز اور ایسوسی ایٹ انجینئر کو شامل کرنے کا اعلان کیا ہے۔ امیگریشن گرین لسٹ کے تحت غیر ملکی ورکرز کو مستقل رہائشی سہولت بھی فراہم کی جائے گی۔

    نیوزی لینڈ حکومت نے افرادی قوت اور امیگریشن قوانین میں وسیع پیمانے پر تبدیلیوں کا اعلان کیا ہے جس کے تحت بیرون ملک سے آنے والے افراد کو دی جانے والی ملازمتوں کی گرین لسٹ کٹیگری میں اضافہ کیا گیا ہے، اس لسٹ میں ایسے پیشوں کو شامل کیا گیا ہے جن کیلئے نیوزی لینڈ میں ملازم دستیاب نہیں ہیں۔

    نیوزی لینڈ کے امیگریشن وزیر اینڈریو لٹل نے میڈیا کو بتایا کہ 2024سے مختلف سیکٹرز جیسے انفارمیشن ٹیکنالوجی انجینئرنگ اور آٹو موٹیو کیلئے گرین لسٹ ویزوں کا آپشن متعارف کرایا جا رہا ہے۔

    انہوں نے بتایا کہ ڈیٹابیس اور سسٹمز ایڈمنسٹریٹرز، روڈ رولر آپریٹرز اور وہیکل پینٹرز جیسی ملازمتیں بھی بیرون ملک سے آنے والے ورکرز کو دستیاب ہوں گی۔

    امیگریشن وزیر کا کہنا ہے کہ کوویڈ 19 کی عالمی وبا کے بعد سے نیوزی لینڈ کی مختلف صنعتوں کو افرادی قوت میں کمی کا سامنا ہے اور جب سے امیگریشن گرین لسٹ میں مختلف شعبوں کو شامل کیا جارہا ہے۔

    حکومتی اعداد و شمار کے مطابق امیگریشن کی شرح میں ریکارڈ اضافہ ہوا ہے اور نیوزی لینڈ میں ایک سال کے دوران ایک لاکھ 35 ہزار غیر ملکی افراد منتقل ہوئے ہیں۔

  • وومن فٹبال ورلڈ کپ کے افتتاحی میچ سے قبل نیوزی لینڈ میں‌ فائرنگ، 2 افراد ہلاک

    وومن فٹبال ورلڈ کپ کے افتتاحی میچ سے قبل نیوزی لینڈ میں‌ فائرنگ، 2 افراد ہلاک

    آکلینڈ: نیوزی لینڈ کے شہر آکلینڈ میں وومن فٹبال ورلڈ کپ کے افتتاحی میچ سے قبل فائرنگ سے 2 افراد ہلاک اور 6 زخمی ہو گئے۔

    غیر ملکی میڈیا رپورٹس کے مطابق نیوزی لینڈ کے سب سے بڑے شہر آکلینڈ میں جمعرات کو ایک مسلح شخص نے اُس وقت دو افراد کو ہلاک کر دیا جب ملک میں فیفا ویمنز ورلڈ کپ ٹورنامنٹ کا افتتاحی میچ شروع ہونے والا تھا۔

    مقامی میڈیا کے مطابق فائرنگ کا یہ واقعہ ایڈن پارک کے قریب پیش آیا، جہاں میچ کا افتتاحی میچ کچھ ہی دیر بعد شروع ہونے والا تھا، واقعے کے بعد پولیس نے علاقے کو گھیرے میں لے کر سیکیورٹی مزید سخت کر دی۔

    حکام نے بتایا کہ حملہ آور بھی مارا گیا اور فائرنگ کے دوران کم از کم ایک پولیس افسر سمیت چھ دیگر افراد زخمی ہوئے، فائرنگ ان ہوٹلوں کے قریب ہوئی جہاں ٹیم ناروے اور دیگر فٹ بال ٹیمیں ٹھہری ہوئی تھیں۔ وزیر اعظم کرس ہاپکنز نے عوام کو یقین دلایا کہ فائرنگ سے ’قومی سلامتی کو کوئی بڑا خطرہ‘ نہیں ہے۔

    غیر ملکی میڈیا نے انکشاف کیا ہے کہ فائرنگ میں ملوث شخص کی شناخت ہو گئی ہے، 24 سالہ نوجوان ماٹو ٹانگی کو حال ہی میں گھریلو تشدد کے الزام میں آکلینڈ ڈسٹرکٹ کورٹ سے پانچ ماہ کی نظربندی کی سزا سنائی گئی تھی۔

  • نیوزی لینڈ میں ہاسٹل میں آگ لگنے سے 10 افراد جھلس کر ہلاک

    نیوزی لینڈ میں ہاسٹل میں آگ لگنے سے 10 افراد جھلس کر ہلاک

    ویلنگٹن: نیوزی لینڈ میں ایک ہاسٹل میں آگ لگنے سے 10 افراد جھلس کر ہلاک ہو گئے۔

    تفصیلات کے مطابق نیوزی لینڈ کے دارالحکومت ویلنگٹن کے ہاسٹل میں آتش زدگی کے باعث دس افراد جھلس کر ہلاک اور 30 لاپتا ہو گئے ہیں۔

    آگ 4 منزلہ ہاسٹل کی بالائی منزل میں لگی، ریسکیو اہلکار 52 افراد کو ہاسٹل سے نکالنے میں کامیاب ہوئے، فائر بریگیڈ کی بیس گاڑیوں اور درجنوں فائر فائٹرز نے آگ بجھانے میں حصہ لیا۔

    آگ پر قابو پا لیا گیا ہے جب کہ 5 زخمیوں کو اسپتال منتقل کیا گیا، سیکیورٹی حکام آگ جان بوجھ کر لگائی جانے کا خدشہ ظاہر کر رہے ہیں۔ کیویز وزیر اعظم کرس ہاپکنز نے حادثے کو افسوس ناک قرار دیتے ہوئے فائر فائٹڑز کی کاوشوں کو سراہا۔

    مقامی میڈیا نے رپورٹ کیا کہ ایک شخص نے شعلوں سے بچنے کے لیے عمارت کی تیسری منزل سے چھلانگ لگائی، جس کی وجہ سے وہ شدید زخمی ہو گیا۔ آگ لگنے کی وجہ فی الحال معلوم نہیں ہو سکی ہے لیکن مقامی میڈیا نے بتایا کہ پولیس اس بات کی تحقیقات کر رہی ہے کہ آیا یہ جان بوجھ کر لگائی گئی تھی۔

  • طیارہ 16 گھنٹے فضا میں گزار کر واپس اُسی ایئرپورٹ پر اتر گیا، مگر کیوں؟

    طیارہ 16 گھنٹے فضا میں گزار کر واپس اُسی ایئرپورٹ پر اتر گیا، مگر کیوں؟

    آکلینڈ: ایئر نیوزی لینڈ کی ایک پرواز کو 16 گھنٹے فضا میں گزارنے کے بعد واپس اُسی ایئرپورٹ پر اترنا پڑا جہاں سے اس نے اڑان بھری تھی۔

    امریکی میڈیا رپورٹس کے مطابق نیوزی لینڈ کے شہر آکلینڈ سے نیویارک جانے والی پرواز کے مسافروں نے 16 گھنٹے ہوا میں گزارے، اور پھر واپس اسی ایئر پورٹ پر اترے جہاں سے ان کا سفر شروع ہوا تھا۔

    ایئر نیوزی لینڈ کی آکلینڈ سے نیویارک کی نان اسٹاپ پرواز جمعرات کو تقریباً 8 گھنٹے تک ہوا میں رہی تھی، اور یہ کیلیفورنیا سے تقریباً 2000 میل دور تھی، جب ایئر لائن کو یہ اطلاع ملی کہ نیویارک کے جان ایف کینیڈی انٹرنیشنل ایئرپورٹ پر برقی آلات سے آگ لگنے کی وجہ سے ٹرمینل 1 بند کیا جا رہا ہے۔

    ایئر نیوزی لینڈ نے بتایا کہ آتش زدگی کی اطلاع کے بعد طیارے کو گھما کر واپس آکلینڈ لانے کا فیصلہ کیا گیا، جہاں اس نے روانگی کے تقریباً 16 گھنٹے بعد لینڈ کیا۔

    ایئر لائن کے ترجمان نے نیوزی لینڈ ہیرالڈ کو بتایا کہ اگر طیارہ کسی اور امریکی ایئرپورٹ کی طرف موڑا جاتا تو طیارہ کئی دنوں تک زمین پر رہتا، اور اس طرح اس کی دیگر متعدد طے شدہ فلائٹس متاثر ہو جاتیں۔

  • نیوزی لینڈ میں طوفان کی تباہیاں جاری، متعدد ہلاک

    نیوزی لینڈ میں طوفان کی تباہیاں جاری، متعدد ہلاک

    ویلنگٹن : نیوزی لینڈ میں آنے والے تباہ کن سمندری طوفان گبرائیل میں ہلاک ہونے والوں کی تعداد 8 ہوگئی جب کہ متعدد افراد زخمی ہیں۔

    عالمی خبر رساں ادارے کی رپورٹ کے مطابق نیوزی لینڈ کی تاریخ کے تباہ کن طوفان پر ملک بھر میں ایمرجنسی نافذ کردی گئی، امدادی کاموں کے دوران فوج نے بھی حصہ لیا۔

    سمندری طوفان گبرائیل کی شدت قدرے کم ہوگئی لیکن امدادی کاموں کے دوران لاشیں اور زخمیوں کے ملنے کا سلسلہ اب بھی جاری ہے۔

    فوجی ہیلی کاپٹرز نے گھروں کی چھتوں پر پھنسے شہریوں کو محفوظ مقام پر منتقل کیا، گزشتہ روز امدادی کاموں کے دوران چھتوں سے 4 لاشیں برآمد ہوئی تھیں جب کہ مزید دو لاشیں ملیں جن میں ایک شیر خوار بچے کی ہے۔

    سمندری طوفان نے 51 لاکھ آبادی کے ملک میں بڑی تباہی مچائی۔ ساڑھے دس ہزار افراد بے گھر ہوگئے جب کہ املاک کو بھی کافی نقصان پہنچا۔

    نیوزی لینڈ کے وزیراعظم نے سمندری طوفان میں ہلاک ہونے والوں کے اہل خانہ سے تعزیت کا اظہار کرتے ہوئے کہا کہ قوم نے نسلوں بعد ایسا تباہ کن طوفان دیکھا ہے۔

  • نیوزی لینڈ ٹیم کو ایک اور دھچکا، میٹ ہنری دستیاب نہیں ہو سکیں گے

    آکلینڈ: فاسٹ بولر میٹ ہنری انجری کے باعث ٹیم سے باہر ہو گئے ہیں، جو نیوزی لینڈ ٹیم کے لیے ایک دھچکا ہے۔

    تفصیلات کے مطابق نیوزی لینڈ کے تیز بولر میٹ ہنری پیٹ میں تکلیف کے باعث بھارت اور پاکستان کے خلاف ون ڈے سیریز سے باہر ہو گئے ہیں، ان کی جگہ ڈف بریس وِل کو ٹیم میں شامل کیا گیا ہے۔

    نیوزی لینڈ کرکٹ بورڈ نے ہفتے کے روز ٹویٹ کیا کہ ہنری پاکستان کے خلاف دوسرے ٹیسٹ میچ کے پانچویں دن انجری کا شکار ہوئے ہیں۔

    ٹویٹ میں کہا گیا ہے کہ ’’کراچی میں دوسرے ٹیسٹ کے 5 ویں دن پیٹ میں تکلیف کے باعث میٹ ہنری ٹیسٹ اسکواڈ کے دیگر اراکین کے ساتھ پاکستان کے خلاف ون ڈے سیریز نہیں کھیل سکیں گے اور وطن واپس جائیں گے۔‘‘

    ایک اور ٹویٹ میں لکھا گیا ہے کہ پاکستان اور بھارت کا سامنا کرنے کے لیے ون ڈے ٹیم میں زخمی میٹ ہنری کی جگہ پَیس بولر ڈف بریسوِل کو بلایا گیا ہے۔

    واضح رہے کہ نیوزی لینڈ ٹیم 9 سے 13 جنوری تک پاکستان میں 3 ون ڈے کھیلنے کے بعد بھارت روانہ ہو جائے گی، بلیک کیپس کا بھارت کا دورہ 18 جنوری کو 3 ون ڈے میچوں کی سیریز سے شروع ہوگا۔

    یہ دونوں ٹیمیں 3 ٹی ٹوئنٹی میچوں میں بھی آمنے سامنے ہوں گی۔

    ماہرین کرکٹ کا کہنا ہے کہ ہنری کی انجری نے محدود اوورز کی مہم میں نیوزی لینڈ کی مشکلات میں اضافہ کر دیا ہے، ہنری سے پہلے ایڈم مل نے بھی انجری سے مکمل طور پر ٹھیک نہ ہونے کی وجہ سے پاک بھارت دوروں سے اپنا نام واپس لے لیا تھا، جب کہ کائل جیمسن جون 2022 میں انگلینڈ کے دورے پر کمر کی انجری سے اب تک باہر نہیں آ سکے ہیں۔

  • نیوزی لیںڈ نے دورہ پاکستان کیلئے 15 رکنی اسکواڈ کا اعلان کردیا

    نیوزی لیںڈ نے دورہ پاکستان کیلئے 15 رکنی اسکواڈ کا اعلان کردیا

    دورہ پاکستان کیلئے نیوزی لینڈ کے 15 رکنی ٹیسٹ اسکواڈ کا اعلان کردیا گیا۔

    دورہ پاکستان میں نیوزی لینڈ ٹیسٹ ٹیم کی قیادت کین ویلیم سن کے موتعفی ہونے کے بعد ٹِم ساؤتھی کریں گے، نیوزی لینڈ ٹیسٹ اسکواڈ میں لیگ اسپنر اِش سودھی کی چار سال بعد واپسی ہوئی ہے۔

    اس کے علاوہ بلیئر ٹکنر اور گلین فلپس کو بھی نیوزی لینڈ اسکواڈ میں شامل کر لیا گیا۔

    کیوی اسکواڈ کے دیگر کھلاڑیوں میں مائیکل بریسویل، ٹام بلنڈیل، ڈیون کانوے، میٹ ہینری ،ٹام لیتھم، ڈیرل مچل،ہینری نکولس، اعجاز پٹیل،کین ولیم سن ،نیل ویگنر اور ول ینگ شامل ہیں۔

     

    View this post on Instagram

     

    A post shared by BLACKCAPS (@blackcapsnz)

    واضح رہے کہ نیوزی لینڈ کی ٹیم رواں ماہ پاکستان کے دورے پر آ رہی ہے۔ اس دورے کے دوران کیوی ٹیم دو ٹیسٹ اور تین ون ڈے انٹرنیشنل پر مشتمل سیریز کھیلے گی۔

    سیریز کا پہلا ٹیسٹ 26 دسمبر سے کراچی کے نیشنل بینک کرکٹ ایرینا میں کھیلا جائے گا جب کہ دوسرا ٹیسٹ 3 سے 7 جنوری تک ملتان میں ہوگا۔

    دورہ پاکستان کیلئے نیوزی لینڈ ون ڈے اسکواڈ کا اعلان 19 دسمبر کو کیا جائے گا۔

  • سوٹ کیس میں بچوں کی باقیات، جنوبی کوریا سے گرفتار مشتبہ ماں سے متعلق اہم خبر

    سوٹ کیس میں بچوں کی باقیات، جنوبی کوریا سے گرفتار مشتبہ ماں سے متعلق اہم خبر

    ویلنگٹن: سوٹ کیس میں بچوں کی باقیات ملنے کے کیس میں جنوبی کوریا سے گرفتار مشتبہ ماں کو نیوزی لینڈ کی عدالت میں پیش کر دیا گیا۔

    غیر ملکی میڈیا کے مطابق اگست میں آکلینڈ میں سوٹ کیس سے دو بچوں کی باقیات ملنے کے بعد سے ایک خاتون ان بچوں کے قتل کے الزامات کا سامنا کر رہی ہیں، جن کے بارے میں کہا جا رہا ہے کہ وہ ان کی ماں ہے۔

    42 سالہ خاتون کو جنوبی کوریا سے گرفتار کیا گیا ہے، جنوبی کوریا سے نیوزی لینڈ پہنچنے کے اگلے ہی دن ملزمہ کو جنوبی آکلینڈ کی عدالت میں پیش کیا گیا۔

    نیلامی میں خریدے گئے سوٹ کیس کھول کر گھر والوں پر دہشت طاری ہو گئی

    عدالت نے میڈیا کو خاتون اور دو مقتول بچوں کا نام رپورٹ کرنے سے منع کیا جب کہ یہ حقیقت بیان کرنے کی اجازت دے دی کہ یہ خاتون ان بچوں کی ماں ہے، عدالت نے خاتون کا اگلی پیشی یعنی 14 دسمبر تک کا ریمانڈ بھی منظور کر لیا ہے۔

    ’سوٹ کیس بچوں‘ کی والدہ کون؟ تفتیش نیوزی لینڈ پولیس کو ایشیا تک لے آئی

    کورین پولیس نے اس خاتون کو بچوں کی باقیات ملنے کے ایک ماہ بعد ستمبر میں ساحلی سہر اُلسان سے گرفتار کیا تھا، گرفتاری کے وقت وہ میڈیا کے سامنے قتل سے انکار کر رہی تھیں۔

    یاد رہے کہ بچوں کی لاشوں کا پتا اس وقت چلا تھا جب ایک خاندان نے آن لائن نیلامی سے مذکورہ سوٹ کیس خریدا اور گھر لا کر کھولا۔

  • نیوزی لینڈ جانے کیلئے کن شرائط پر عمل کرنا ضروری ہے؟ جانیے

    نیوزی لینڈ جانے کیلئے کن شرائط پر عمل کرنا ضروری ہے؟ جانیے

    ویلنگٹن : نیوزی لینڈ نے کورونا کی وبا سے بچاؤ کے پیش نظر سال2020 میں لگائی جانے والی سخت ترین پابندیوں کے بعد بالآخر ملکی سرحدیں غیرملکیوں کیلئے مکمل طور پر کھول دیں۔

    نیوزی لینڈ نے مذکورہ پابندیاں مرحلہ وار ختم کی ہیں جس میں سب سے آخری مرحلہ دنیا بھر سے آنے والے سیاحوں کو ملک میں داخلے کی اجازت دینا تھا جو گزشتہ دنوں مکمل ہوا۔

    اس اقدام کے بعد اب دنیا بھر سے نیوزی لینڈ آنے والے غیرملکیوں کو ایک بار پھر خوش آمدید کہا جائے گا۔ جس کا اعلان گزشتہ روز وزیر اعظم جیسنڈا آرڈرن نے کیا۔

    اس حوالے سے نیوزی لینڈ حکومت نے حال ہی میں متعدد امیگریشن قوانین کے نفاذ کا اعلان کیا ہے جو ہنر مند افراد کو نیوزی لینڈ آنے کے لیے معاون ثابت ہوں گے۔

    ویزا فیس میں اضافہ
    غیر ملکی خبر رساں ادارے کی رپورٹ کے مطابق سے ویزا درخواستوں کے لیے امیگریشن فیس اور لیویز بڑھ گئی ہیں۔ رہائشی طبقے کے ویزوں میں سب سے زیادہ اضافے کے ساتھ امیگریشن خدمات کی فیس میں اوسطاً اضافہ تقریباً ڈالر81(43%)ہے۔

    وزٹ ویزا اور کچھ پیسفک فوکسڈ ویزا موجودہ فیس پر ہی برقرار رہیں گے۔ ورک ٹو ریذیڈنس اور ہائی پیڈ پاتھ ویزے کے لیے خواہشمند افراد کو 24 ماہ تک کام کرنے کی شرط عائد ہے اور یہ افراد 29ستمبر 2023 سے درخواست دینے کے اہل ہوں گے۔

    نئے ویزوں کا مقصد ہنر مند تارکین وطن کو صحت، عمر اور ان کی کارکردگی کے تقاضوں کے ساتھ پورا کرنا ہے لیکن غیر ملکی ہنر مند افراد کی کیٹیگری فی الحال معطل ہے۔

    شرائط کیا ہیں؟ 

    تمام درخواست دہندگان مطلوبہ شرائط کو پورا کرنے کے پابند ہوں گے، جن میں ان کی عمر 55 سال یا اس سے کم ہوں، قوانین کے مطابق ہنر مند تارکین وطن انگریزی زبان پر عبور رکھتے ہوں اور صحت اور کردار کے تقاضوں کو پر بھی پورا اترتے ہوں۔

    درخواست گزار کے پاس رجسٹرڈ کمپنی کی طرف سے ملازمت کی پیشکش یا وہاں ملازمت کا کوئی ثبوت ہو، رہائشی درخواستوں کو دیگر ہنرمند رہائشی درخواستوں پر ترجیح دی جائے گی۔

    ویزوں کی تفصیلات 

    اس کے علاوہ بزنس وزیٹر ویزے کو محدود حالات میں کام کرنے کی اجازت دینے کے لیے استعمال کیا جاسکتا ہے۔

    ورکنگ ہالیڈے ویزہ رکھنے والے کچھ کاؤنٹیز کی شہریت کے حامل افراد جن کے پاس کوٹہ ہے اور جو ان شرائط کو پورا کرسکتے ہیں وہ نیوزی لینڈ میں مقررہ مدت میں کام کرنے کے لیے ورکنگ ہالیڈے ویزے کا استعمال کرسکتے ہیں۔

    نوٹ : اگر آپ کے ذہن میں امیگریشن کے حوالے سے دیگر سوالات ہیں تو آپ اسمتھ اسٹون والٹرز سے مدد حاصل کرسکتے ہیں۔ اس کے علاوہ نیوزی لینڈ کی عالمی ٹیم کے کسی رکن سے اپنی مخصوص ضروریات کے بارے میں تفصیلات حاصل کرنے کیلئے رابطہ کریں۔