آندھرا پردیش: بھارت میں ایک انسانیت سوز واقعہ منظرِ عام پر آیا ہے جس نے ہر درد مند دل کو جھنجھوڑ کر رکھ دیا۔
بھارتی میڈیا رپورٹ کے مطابق بھارت کی ریاست حیدرآباد کے آندھرا پردیش میں مندر کے قریب کوڑے دان میں ایک نوزائیدہ بچہ کی لاش برآمد ہوئی ہے۔
بھارتی میڈیا کا کہنا ہے کہ مقامی افراد نے کوڑے دان میں ایک نومولود لڑکے کی لاش کو دیکھا جس کے بعد فوری طور پر پولیس کو اطلاع دی گئی۔
یہ بھی پڑھیں: کراچی میں اسپتالوں سے نومولود بچے چرا کر بیچنے والے میاں بیوی گرفتار
پولیس حکام فوراً موقعِ پر پہنچ کر بچے کی لاش کو کنگ جارج اسپتال منتقل کیا تاہم جسے مردہ قراد دیا گیا، عینی شاہدین اور مقامی عوام نے اس دردناک واقعہ پر شدید افسوس اور برہمی کا اظہار کیا۔
مقامی لوگوں کو کہنا ہے کہ کون سی ماں اتنی بے رحم ہو سکتی ہے کہ اپنی گود کے پھول کو یوں کوڑے میں پھینک دے؟ یہ واقعہ سماجی بے حسی کی بدترین مثال ہے۔
پولیس نے اس غیر انسانی حرکت پر مقدمہ درج کر لیا ہے اور واقعہ کی ہر زاویے سے تفتیش شروع کر دی ہے، قریبی سی سی ٹی وی کیمروں کا معائنہ کیا جا رہا ہے اور اطراف کے اسپتالوں میں بھی تحقیقات جاری ہیں تاکہ نومولود کی ماں یا اسے چھوڑنے والے افراد کا سراغ لگایا جا سکے۔
