Tag: News Week

کراچی: ایم کیوایم کے قائد الطا ف حسین نے تھر میں قحط سالی کے باعث اموات پر گہری تشویش کا اظہا رکیا ہے۔

متحدہ قومی مومنٹ کے قائد الطاف حسین نے حکومت سندھ کی بے حسی کی سخت ترین الفاظ میں مذمت کی ہے،ان کا کہنا تھا کہ تھر میں برسوں سے قحط سالی کے باعث اموات کے سیکڑوں واقعات ہوئے لیکن حکومت سندھ نے غذائی قلت ختم کرنے کیلئے عملی اقدامات نہیں کئے۔ تھر کے لوگوں کو حالات کے رحم و کرم پر چھوڑ دیا گیا ہے۔

الطاف حسین نے وزیراعظم سے مطالبہ کیا کہ تھر میں قحط سالی کے باعث اموات کے افسوسناک واقعات کا سنجیدگی سے نوٹس لیا جائے۔

کراچی: ایم کیو ایم کے قائد الطاف حسین نے پیمرا کی جانب سے اے آروائی نیوز کے لائسنس معطل کرنے کے فیصلے کو غیر منصفانہ اور آمرانہ سوچ کی عکاسی قرار دیا ہے۔۔

ایم کیو ایم کے قائد الطاف حسین نے اے آروائی کے لائسنس معطل کیے جانے کے فیصلے کی شدید الفاظ میں مذمت کرتے ہوئے کہا ہے پیمرا فی الفور اپنے فیصلے کو واپس لیکر اے آروائی نیوز کے لائسنس کو بحال کرے ، الطاف حسین نے کہا کہ اے آروائی نیوز نے ہمیشہ حق اور سچ کی آواز کو اٹھایا ہے ایسے آمرانہ اقدام سے اے آروائی اور آزادی اظہار رائے کا گلا نہیں گھونٹا جاسکتا ، الطاف حسین کاکہنا تھا کہ پیمرا کے اس اقدام کے خلاف ایم کیو ایم اے آروائی کی انتظامیہ اور اے آروائی کے ایک ایک کارکن کے ساتھ ہمدردی کا اظہار کرتی ہے۔

کراچی: متحدہ قومی موومنٹ کے قائد الطاف حسین نے یان دیتے ہوئے کہا کہ پاکستان کے پہلے وزیراعظم شہید لیاقت علی خان کے قتل کی تحقیقات کرکے حقائق سے عوام کو آگاہ کرنا وقت کی ضرورت ہے ۔

شہید ملت خان لیاقت علی خان کی 63ویں برسی کے موقع پر اپنے بیان میں انہوں نے کہا کہ شہید ملت خان لیاقت علی خان کی قربانی رائیگاں نہیں جائے گی، انہوں نے کہا کہ خان لیاقت علی خان وفا اور خلوص کا پیکر تھے ، ملک و قوم کی بد قسمتی یہ رہی کہ لیاقت علی خان کے قتل کے اصل اسباب آج بھی پس پردہ ڈال دیئے گئے ہیں ۔

انہوں نے کہا کہ پاکستان کیلئے خان لیاقت خان نے محنت و لگن ، خلوص نیت اور دلجمعی سے کام کیا اور اپنی تمام دولت اور جان بھی ملک و قو م کیلئے قربان کردی، الطاف حسین نے وزیراعظم نواز شریف سے مطالبہ کیا کہ خان لیاقت خان شہید کے قتل کے اسباب اور اس کی تحقیقات عوام کے سامنے لائی جائیں ۔

کراچی: متحدہ قومی مومنٹ کے قائد الطاف حسین نے کہا کہ نیشنل ڈیزاسٹر مینجمنٹ اتھارٹی کو جدیدخطوط پراستوارکیاجائے۔

ایم کیو ایم کے قائد الطاف حسین کا خدمت خلق فاؤنڈیشن کی ڈیزاسٹرمینجمنٹ کمیٹی کے ارکان کے اجلاس سے خطاب میں کہنا تھا کہ شمالی علاقہ جات میں زلزلے کے ممکنہ خطرات کے پیش نظروفاقی وصوبائی حکومتوں سے مطالبہ کیاہے کہ نیشنل ڈیزاسٹر مینجمنٹ اتھارٹی کو جدیدخطوط پراستوارکیاجائے۔

ڈیزاسٹرمینجمنٹ کمیٹی نے الطاف حسین کو بتا یا کہ پاکستان کے صوبہ خیبرپختونخوا اورشمالی علاقہ جات میں تواتر سےآنے والے زلزلے کے جھٹکے اس کا ثبوت ہیں کہ یہ علاقے زلزلے کی زدپرہیں الطاف حسین نے ان رپورٹس پر تشویش کااظہارکرتے ہوئے کہ وفاقی حکومت نیشنل ڈیزاسٹرمینجمنٹ اتھارٹی کوجدیدخطوط پر استوارکرے اوروفاقی وصوبائی حکومتیں کسی بھی قدرتی آفت سے نمٹنے کیلئے تمام ضروری اقدامات کریں۔

الطاف حسین نے اس ضمن میں خدمت خلق فاوٴنڈیشن کی ڈیزاسٹر مینجمنٹ کمیٹی کی کاوشوں کوسراہا انہوں نے دعاکی کی اللہ تعالیٰ پاکستان کوہرقسم کی آفات سے محفوظ رکھے۔

کراچی: قائد الطاف حسین کا کہنا ہے کہ عوام کے آئینی و قانونی اورجمہوری حقوق کی جدوجہد میں کسی قسم کی سودے بازی نہیں کرینگے۔

متحدہ قومی مومنٹ کے قائد الطاف حسین نے کراچی سمیت مختلف شہروں کے طالب علموں سے ٹیلیفونک خطاب کرتے ہوئے کہا کہ سندھ میں سندھ میں نئے انتظامی یونٹس کے قیام کی مخالفت کرنا قابل مذمت ہے، الطاف حسین کا کہنا تھا کہ جب تک میرے جسم میں جان موجود ہےاردوبولنے والی عوام کے ساتھ مظلوموں کے حقوق کی جدوجہد کرتا رہوں گا۔

ان کا کہنا تھا کہ پاکستان کی ترقی کے لئے نئے صوبوں کا قیام ضروری ہے ملک میں نئے صوبوں کے قیام کی ہمایت اورسندھ میں مخالفت دوغلا عمل ہے،الطاف حسین نے کہا کہ جاگیرداروں اوروڈیروں کے مظالم سے نجات کیلئے پُرامن جمہوری جدوجہد کررہے ہیں۔

ایم کیوایم کے قائد نے عوام سے اپیل کی کہ وہ متحد،منظم اوراپنی صفوں میں اتحاد کو برقرار رکھےاورآنے والی نسلوں کے بہتر مستقبل کے لئے اپنی جدوجہد جاری رکھیں۔