اسلام آباد: حکومت آزاد کشمیر نے ریاست آزاد جموں کشمیر میں جیونیوز کی نشریات پر پابندی عائد کردی ہے۔
حکومت آزادکشمیر نے اس سلسلے میں اعلامیہ جاری کردیا،سرکاری اعلامیہ کے مطابق جیو نیوز نے اپنے ایک پروگرام میں پاکستان کا ادھورا نقشہ پیش کیا۔
اعلامیہ کے مطابق پروگرام میں دیکھائے جانے والے نقشے میں ریاست کشمیر کو پاکستان سے الگ کرکے دکھایا گیا، جیو مسلسل قومی مفادات کے خلاف کام کررہا ہے۔
اعلامیہ میں کہا گیا کہ جیو نیوز کی حرکتیں ناقابل برداشت ہیں، حکومت پاکستان فوری اس کا نوٹس لے۔
کراچی: متحدہ قومی موومنٹ کی سینٹرل ایگزیکٹو کونسل تنظیم نو کی گئی ہے اور نئے ارکان کا اعلان کردیا گیا ہے۔
متحدہ قومی موومنٹ کی سینٹرل ایگزیکٹو کونسل میں رابطہ کمیٹی کے سابقہ ارکان، منتخب ارکان اسمبلی اور ایم کیوایم کے مختلف شعبہ جات کے سینئر ارکان شامل ہیں، ایم کیوایم کی رابطہ کمیٹی لندن اور پاکستان کی باہمی مشاورت کے بعد سینٹرل ایگزیکٹو کونسل میں مزیدارکان بھی شامل کیے جائیں گے۔
ایم کیوایم کے قائد الطاف حسین نے کہا ہے کہ سینٹرل ایگزیکٹو کونسل کومزید فعال بنانے کیلئے از سرنوتشکیل کی گئی۔
سینٹرل ایگزیکٹو کونسل ملک بھرمیں تنظیمی امور بہتر بنانے کیلئے رابطہ کمیٹی کو اپنی سفارشات پیش کرے گی، سینٹرل ایگزیکٹو کونسل ایم کیوایم کاآئین تشکیل دے گی اور موجودہ آئین میں ترمیم بھی کرسکے گی۔
الطاف حسین نے کہا کہ جبرکا کوئی بھی ہتھکنڈہ ایم کیوایم کے ذمہ داران کو خوف زدہ نہیں کرسکتا۔
سی ای سی کے ارکان کو غیرتنظیمی سرگرمیوں میں ملوث افراد کی معطلی یا اخراج کی سفارش کا اختیاربھی ہوگا۔
کراچی : پاکستان اکانومی واچ نے کہا ہے کہ توانائی بحران کے خاتمہ کیلئے پی ایس او کے ذریعے ایل این جی کی درآمد ملکی مفادات کے خلاف ہے۔
اکانومی واچ کے نائب صدر ساجد غلام نے اپنے ایک بیان میں کہا کہ پی ایس او تیل کی درامد اور سپلائی چین برقرار رکھنے میں متعدد بار ناکام ہوا ہے۔
انہوں نے کہا کہ یہ ادارہ بیچے گئے تیل کے بقایا جات وصول کرنے یا ادائیگیاں نہ کرنے والے اداروں کی سپلائی بند کرنے کی صلاحیت سے عاری ہے، جو موجودہ بحران کا بڑا سبب ہے۔
ساجد غلام کا کہنا تھا کہ اس کے علاوہ پی ایس او گیس درامد کرنے کا بھی کوئی تجربہ نہیں رکھتا جبکہ کمیشن، رسہ کشی، مقدمات اور سرخ فیتہ کے خدشات تاخیر کا سبب ہوں گے، جس کی قیمت قوم کو چکانا پڑے گی۔
کراچی (ویب ڈیسک) – ہم میں سے بیشتر کو یہ صورتحال یقیناً پیش آئی ہوگی کہ ہم نے کسی کو انتہائی اہم میسج واٹس اپ کیا اورپھر شدت سے اسکے جواب کا انتظار کرتے ہیں۔
پہلے ہمارے میسج پر ایک چھوٹا سا ٹک کا نشان بنا آتا ہے اور تھوڑی ہی دیر میں ایک اور ٹک کا نشان بنا آجاتا ہے اور پھر سناٹا۔ ہمارا دل ڈوبنے لگتا ہے کہ کیا اتنے اہم میسج کو نظر انداز کردیا گیا۔
ابھی تک واٹس اپ کے کچھ صارفین کو یہ غلط فہمی تھی کہ دوہرے ٹک کا مطلب یہ ہے کہ میسج دیکھ لیا گیا جب کہ ایسا ہرگز نہیں تھا اس کا مطلب تھا کہ میسج ہینڈ سیٹ پرموصول ہوگیا ہے صارف نے دیکھا یا نہیں ایسا کچھ نہیں معلوم پڑتا تھا۔
لیکن اب واٹس اپ کی آفیشل ویب سائٹ نے اعلان کیا ہے کہ وہ ایک نئی سہولت متعارف کرارہے ہیں جس کے ذریعے پیغام بھجنے والا یہ معلوم کرسکے گا کہ آیا اس کا پیغام دیکھا بھی گیا کہ نہیں۔
ویب سائٹ کے مطابق اگر گروپ میں گفتگو کی جارہی ہے تو سرمئی رنگ کے ڈبل ٹک کا مطلب ہے کہ گروپ میں موجود تمام افراد کو میسج موصول ہوگیا اور جب وہ ڈبل ٹک نیلے رنگ کا ہوجائے تواس کا مطلب ہے کہ گروپ میں موجود تمام افراد نے میسج دیکھ لیا ہے۔
امریکی صدر براک اوباما نےداعش کےخلاف کارروائی میں شامل اتحادی ممالک کےفوجی سربراہان سےملاقات کی،ملاقات میں عراق اورشام کی صورتحال پر تبادلہ خیال کیاگیا،امریکی صدر اوباما کا کہنا تھاکہ عالمی برادری عراق اور شام میں شدت پسندوں کے خاتمے کے لئے متحد ہے،اجلاس میں ترکی،سعودی عرب سمیت بیس ممالک کےفوجی سربراہان نے شرکت کی۔
قائداعظم محمد علی جناح کے چھیاسٹھویں یوم وفات کےموقع پر اپنےایک بیان میں جناب الطاف حسین نے بانی پاکستان کو زبردست خراج عقیدت پیش کرتے ہوئے کہاکہ ایم کیوایم،ملک میں مذہبی رواداری اورفرقہ وارانہ ہم آہنگی کا فروغ چاہتی ہےتاکہ ملک میں قومی یکجہتی کو پروان چڑھایا جاسکے،ایم کیوایم چاہتی ہےکہ قائداعظم محمد علی جناح کی تعلیمات کےمطابق پاکستان کو جمہوری، لبرل،روشن خیال مملکت بنایاجائےاور ملک میں ایسےمعاشرے کا قیام عمل میں لایاجائے جہاں بلاامتیاز رنگ ونسل،زبان،قومیت، مسلک اورمذہب تمام شہریوں کو اپنے اپنےعقائد کےمطابق عبادت کرنےاور زندگی گزارنےکاحق حاصل ہو،ملک سےمذہبی انتہاءپسندی اورفرقہ واریت کا خاتمہ ہو،غیرمسلم پاکستانیوں سمیت تمام شہریوں کو برابری کی بنیاد پر حقوق ملیں اورپاکستان ترقی وخوشحالی کی راہ پر گامزن ہوسکے۔
اسلام آباد میں ریاستی جور وستم کا سلسلہ جاری ہے،جہاں حکومت نے ریڈ زون میں دھرنا دینے والےشرکاء کےخلاف ایک بڑے آپریشن کی منصوبہ بندی کرلی ہے۔
شاہراہ دستور پر بیٹھے پرامن دھرنے کےشرکاء کو ہٹانےکےلیےآج کسی بھی وقت بڑا آپریشن کیےجانےکا امکان ہے،جس کے لیے تین ہزار سے زائد آنسوگیس کےشیل اسلام آباد منگوالیے گئے ہیں۔
ذرائع کے مطابق اسلام آباد سے پہلے آٹھ سو چھیاسی شیل لائے گئے تھے،اب گجرات سےتیرہ سو،گوجرانوالہ سے چارسو پینتیس اورلاہور سےایک ہزارآنسو گیس کےشیل حکومت کی ایماء پراسلام آباد روانہ کردئیےگئے ہیں،جو ممکنہ آپریشن کے دوران مظاہرین کےخلاف استعمال کیے جائیں گے۔
کراچی: متحدہ قومی موومنٹ نے پاکستان تحریک انصاف اور عوامی تحریک کے دھرنوں پر پولیس شیلنگ اور لاٹھی چارج کے خلاف کل یوم سوگ منانے کا اعلان کر دیا ہے۔
ایم کیو ایم نے اعلان کیا ہے کہ دھرنوں پر حکومت کی جانب سے طاقت کے استعمال کے خلاف کل ملک گیر یوم سوگ منایا جائے گا،اب سے کچھ دیر قبل اے آر وائی نیوز سے خصوصی گفتگو متحدہ قومی موومنٹ کے قائد الطاف حسین کا کہنا ہے کہ وزیراعظم اور وزیراعلیٰ پنجاب آج رات تک استعفیٰ دے دیں ورنہ کراچی سے کروڑوں لوگ کراچی سے نکلیں گے۔
انہوں نے کہا طاہرالقادری اور عمران خان پُرامن احتجاج کو یقینی بنائیں، انہوں نے دونوں جماعتوں کے قائدین سے اپیل کی کہ وہ صبر و تحمل کا مظاہرہ کریں، اقتدار آنی جانی چیز ہے لیکن انسانی جانوں کاتحفظ بے حد ضروری ہے۔
انہوں نے کہا کہ وزیراعظم اور وزیراعلیٰ پنجاب آج رات تک اس سیاسی بحران کو حل کریں، نوازشریف فوری طور پر اپنی پارٹی سے کسی اور کو وزیر اعظم نامزد کردیں ،پاکستان کی معیشت تباہ ہوچکی ہے احتجاج کے باعث ملک کو ایک ہزار اربسے زائد کا نقصان ہوچکا ہے، خدارا تمام اسٹیک ہولڈرزملک کے مفاد میں سوچیں۔
ایم کیو ایم کے قائد الطاف حسین نے کہا تھا کہ حکومت طاقت کے استعمال سے گریز کرے، اگر ایم کیو ایم نے ہڑتال کی کال دے دی تو کروڑوں لوگ باہر نکل آئیں گے تاہم اب ایم کیو ایم کی جانب سے یوم سوگ منانے کا اعلان کیا گیا ہے۔
کراچی: متحدہ قومی موومنٹ کے قائد الطاف حسین کا کہنا ہے کہ وزیراعظم اور وزیراعلیٰ پنجاب آج رات تک استعفیٰ دے دیں ورنہ کراچی سے کروڑوں لوگ کراچی سے نکلیں گے۔
الطاف حسین اے آر وائی نیوز سے خصوصی گفتگو کرہےتھے اور انہوں نے کہا طاہرالقادری اور عمران خان پُرامن احتجاج کو یقینی بنائیں۔
انہوں نے دونوں جماعتوں کے قائدین سے اپیل کی کہ وہ صبر و تحمل کا مظاہرہ کریں، اقتدار آنی جانی چیز ہے لیکن انسانی جانوں کاتحفظ بے حد ضروری ہے۔
انہوں نے کہا کہ وزیراعظم اور وزیراعلیٰ پنجاب آج رات تک اس سیاسی بحران کو حل کریں، نوازشریف فوری طور پر اپنی پارٹی سے کسی اور کو وزیر اعظم نامزد کردیں۔
پاکستان کی معیشت تباہ ہوچکی ہے احتجاج کے باعث ملک کو ایک ہزار اربسے زائد کا نقصان ہوچکا ہے، خدارا تمام اسٹیک ہولڈرزملک کے مفاد میں سوچیں۔
کراچی:ایم کیوایم کےقائد الطاف حسین نےعلامہ طاہرالقادری کےمطالبات جائز قرار دے دیا، کہتے ہیں بہت خون خرابہ ہوگیا،حکمران رضا کارانہ طورپرچلےجائیں۔
الطاف حسین کا کہنا ہےکہ حکومت کوئی جائزمطالبہ ماننےکوتیارنہیں توبات کیسے ہوگی اوراگرکسی کے جائز مطالبات نہ مانےجائیں تو پھر وہ کیا کرے، ایم کیو ایم کے قائد نےعلامہ طاہر القادری کےمطالبات کوجائز قراردیتےہوئےحکمرانوں سے رضاکارانہ طورپرچلےجانےکا مطالبہ کیا۔
ان کا کہنا تھا کہ پندرہ روزسےدھرنے جاری ہیں کیا یہ مذاق ہورہا ہے،ماڈل ٹاؤن میں سترہ جون کو چودہ لوگوں کوقتل اوراسی کو زخمی کیا گیا، ان میں خواتین ،بچے شامل ہیں لیکن عدالتی حکم کےباوجودسانحہ ماڈل ٹاؤن کا مقدمہ درج نہیں کیاجارہا، جس پر صبر کا پیمانہ چھلک بھی سکتا ہے۔
الطاف حسین کا کہنا تھا کہ ان کےلیے وہ عظیم ہےجوغریب کےحقوق کی بات کرتاہے،پاکستان میں عدل وانصاف اورامن وامان والا ملک دیکھنا چاہتے ہیں۔
الطاف حسین نے طاہر القادری اورعمران خان کی تعریف کرتے ہوئےکہا کہ دونوں لیڈروں میں قوت برداشت بہت ہے۔