ولینگٹن: ورلڈ کپ کے مشترکہ میزبان ملک نیوزی لینڈ نے میگا ایونٹ کے لئے پندرہ رکنی اسکواڈ کا اعلان کردیا۔
آئی سی سی ورلڈ کپ میں کیوی ٹیم کی قیادت برینڈن میککلم کریں گے،آل راؤنڈر گرانٹ ایلیٹ ایک سال سے زائد عرصے کے بعد ٹیم میں جگہ بنانے میں کامیاب ہوگئے۔ جمی نیشم حیران کن طور پر اسکواڈ کا حصہ نہ بن سکے۔ پاکستان، جنوبی افریقہ اور بھارت کے خلاف سیریز میں شامل فاسٹ بولر میٹ ہینری بھی سلیکٹرز کا اعتماد حاصل نہ کرسکے۔
پندرہ رکنی کیوی اسکواڈ میں ٹرینٹ بولٹ، ٹام لیتھم، مارٹن گپتل، مچل میکلنگن، نیتھن میککلم، کائل ملز، ایڈم ملنے، ڈینئیل ویٹوری، کین ولیمسن، کورے اینڈرسن، ٹم ساؤتھی، لیوک رانچھی اور روز ٹیلر شامل ہیں۔
