Tag: NIC

اسلام آباد: وزیر داخلہ چوہدری نثار نے کہا کہ رینجرزکراچی میں آئین کےمطابق اختیارات کےتحت ہی کارروائی کررہی ہے،شہر میں بدامنی کم ہوئی ہے۔

اسلام آباد میں میڈیا سے بات چیت میں وزیرداخلہ نے کہاکہ رینجرزکوکراچی میں اختیارات انسداددہشت گردی ایکٹ کےتحت دیئےگئے۔

انہوں نے کہا کہ جوڈیشل کمیشن کافیصلہ پی ٹی آئی کے لیے سبق ہے،اعلیٰ ترین عدالت تحقیقات کے بعد حقائق قوم کے سامنے لائی ہے۔

ان کا کہنا تھا کہ عمران فاروق قتل کیس میں برطانوی پولیس سے رابطے میں ہیں،اسکاٹ لینڈ یارڈ نےآخری گرفتار شخص تک رسائی کے لیے عید کےبعد درخواست کی ہے۔

ان کا کہنا تھا کہ تمام سیکیورٹی ادارے متحرک ہیں،دہشت گردی کا خاتمہ کرینگے۔

اسلام آباد : وزیرِ داخلہ چوہدری نثار علی خان نے نادرا حکام کو ہدایت کی ہے کہ عوام کا شناختی کارڈ کے حصول میں کم سے کم وقت صرف ہو اس کیلئے شناختی کارڈ کے حصول کے لئے آن لائن درخواست کے سسٹم کا اجراء کیا جائے تاکہ عوام کا کم سے کم وقت صرف ہو۔

اس کے علاوہ انہوں نے نادرا کو نیشنل کاونٹر ٹیریرزم اور آئی این جی اوز کا ڈیٹا بیس بنانے کی ہدایت کردی۔یہ بات انہوں نے نادرا ہیڈ کوارٹر کے دورے کے موقع پرکہی۔

چوہدری نثارعلی خان کا کہنا تھا کہ آن لائن سسٹم سے نہ صرف اندرون ملک پاکستانی مستفید ہوں بلکہ بیرون ملک پاکستانی بھی فائدہ اٹھا سکیں۔

کوشش کی جائے کہ آئندہ چھ ماہ میں نادرا کے دفتروں میں عوام کو لمبی لمبی قطاروں سے چھٹکارہ ملے اورکم سے کم وقت میں شناختی کارڈ حاصل کرنے کے تمام مراحل پورے ہوں۔

انہوں نے کہا کہ وزیرداخلہ کے نادرا کے ملازمین کو نادرا کے منافع سے حصہ دیا جائے جبکہ اس سال عید کے موقع پر گریڈ ایک سے پندرہ کے ہر ملازم کو پندرہ ہزار روپے دیے جائیں گے۔

وزیرداخلہ کا کہنا تھا کہ کینیا کا تین ملین ڈالر کا پراجیکٹ حاصل کرنا نادرا کے بین الاقوامی تشخص اور اس پرا عتماد کی غمازی کرتا ہے ۔