اے آر وائی ڈیجیٹل کے خصوصی شو دی فورتھ امپائر میں اداکار ساحر لودھی نے کہا کہ اگر وہ ہالی ووڈ میں ہوتے تو نکولس کیج کے مقابلے پر ہوتے۔
پی ایس ایل 8 کے سلسلے میں اے آر وائی نیوز نے ایک زبردست خصوصی شو ’دو فورتھ امپائر‘ شروع کیا ہے، جس کے میزبان فہد مصطفیٰ نے معروف پاکستانی اداکار ساحر لودھی سے دل چسپ سوالات پوچھے۔
اس سوال پر کہ اگر ساحر لودھی ہالی ووڈ میں ہوتے تو کس اداکار کو ٹف ٹائم دے رہے ہوتے؛ بریڈ پٹ، ٹام کروز یا نکولس کیج؟ ساحر لودھی نے فوراً جواب دیتے ہوئے کہا کہ بلاشبہ نکولس کیج۔
شو کی دل چسپ ویڈیو میں آپ دیکھ سکتے ہیں کہ ساحر لودھی بیٹنگ کریز پر کھڑے ہیں اور بیٹ پکڑے گیند کا سامنا کر رہے ہیں۔ فہد مصطفیٰ نے دوسرا سوال پوچھا: ’’میں نے مارننگ شو کیوں چھوڑا؛ صبح اٹھا نہیں جاتا، مارننگ شو معیاری نہیں رہے یا پھر کوئی لے ہی نہیں رہا؟‘‘
ساحر لودھی نے جواب دیا کہ ’’میرے پاس اب وقت ہی نہیں ہوتا۔‘‘ فہد نے استفسار کیا کہ کیا یہ سچی بات ہے، تو اداکار نے کہا ’ہاں۔‘‘
فہد مصطفیٰ نے آخر میں تعریف کرتے ہوئے کہا ’’ساحر لودھی آپ نے سوالوں کے جواب جیسے دیے سو دیے، لیکن آپ نے جو بیٹنگ کی ہے اس کے لیے آپ کے لیے اظہر علی تالی بجائیں گے۔‘‘
