پاکستان شوبز کی معروف اداکارہ ندا ممتاز کا کہنا ہے کہ ہوائی جہاز کے سفر سے بہت زیادہ خوف آتا ہے، لگتا ہے جیسے ابھی تباہ ہوجائے گا۔
دنیا بھر میں بہت سے افراد ’ایروفوبیا‘ یعنی ہوائی جہاز میں بیٹھنے کے خوف کی وجہ سے ہوائی جہاز کا سفر نہیں کر پاتے، جہاز کے ٹیک آف ہوتے ہی ان کی حالت غیر ہوجاتی ہے۔
اے آر وائی نیوز کے پروگرام گڈٖ مارننگ پاکستان میں پاکستانی ڈرامہ انڈسٹری کی اداکارہ ندا ممتاز نے اپنے جہاز کے سفر کا دلچسپ قصہ سنایا۔
انہوں نے بتایا کہ مجھے شروع سے ہی جہاز میں سفر سے ڈر لگتا ہے ایسا لگتا ہے جیسے یہ ابھی پھٹ جائے گام لیکن مجبوری میں جانا پڑتا ہے۔
انہوں نے بتایا کہ ایک بار میں اپنے شوہر کے ساتھ ترکیہ سے کراچی آرہی تھی کہ جہاز میں بیٹھتے ہی میں تو سوگئی کیونکہ خوف سے بچنے کیلیے میں یہی کرتی ہوں۔
انہوں نے بتایا کہ میرے ساتھ بیٹھی ایک خاتون نے مجھے زور سے ہلایا تو میں ہڑبڑا کر اٹھ گئی میں سمجھی کراچی آگیا تو پوچھنے پر انہوں نے بتایا کہ جہاز میں کوئی فنی خرابی پیدا ہوگئی ہے اور یہ واپس جارہا ہے یہ سن میرے اوسان خطا ہوگئے کہ جس کا ڈر تھا وہی ہوگیا۔
