Tag: NIH Report

اسلام آباد : ملک بھر میں کورونا وائرس کے حملے جاری ہیں، اس وقت کوویڈ قرنطینہ مراکز میں 51ہزار سے زائد کورونا مریض زیر علاج ہیں جن میں سے متعدد مریضوں کی حالت تشویشناک ہے۔

اس حوالے سے نیشنل انسٹی ٹیوٹ آف ہیلتھ (این آئی ایچ) ذرائع کا کہنا ہے کہ ملک بھر میں51262کورونا مریض قرنطینہ میں ہیں اور2860زیر علاج ہیں۔

ذرائع کے مطابق سندھ میں کورونا کے33687مریض قرنطینہ مرکز میں ہیں، پنجاب میں کورونا کے9738،کے پی2058مریض قرنطینہ ہیں، اسلام آباد میں کورونا کے2055 اور بلوچستان میں1408مریض قرنطینہ ہیں۔

اس کے علاوہ آزاد کشمیرمیں کورونا کے1718مریض، گلگت بلتستان598قرنطینہ ہیں، سندھ میں کورونا کے1203مریض اسپتالوں میں زیرعلاج ہیں، پنجاب میں کورونا کے963،کے پی376مریض اسپتالوں میں زیرعلاج ہیں۔

اسلام آباد میں173،بلوچستان میں29کورونا کےمریض زیرعلاج ہیں، آزادکشمیر45، گلگت بلتستان میں71مریض مختلف اسپتالوں میں زیرعلاج ہیں۔ ملک بھرمیں کورونا کے زیرعلاج309مریضوں کی حالت بہتر بتائی جارہی ہے۔

ذرائع کے مطابق ملک بھر میں کورونا کے834مریض لو فلو آکسیجن پر اور1450کورونا مریض ہائی فلو آکسیجن پر زیرعلاج ہیں جبکہ ملک بھر میں267کورونا مریض وینٹی لیٹرز  پر زیر علاج ہیں۔

ذرائع کا مزید کہنا ہے کہ پنجاب میں وینٹی لیٹر پر140،سندھ میں76مریض زیرعلاج ہیں، اسلام آباد میں وینٹی لیٹر پر31، کے پی19،آزاد کشمیر میں1مریض ہیں جبکہ بلوچستان،گلگت بلتستان میں کوئی کورونا مریض وینٹیلیٹر پرنہیں ہے۔