Tag: Nikkei Asian Review

ٹوکیو : جاپانی جریدے ایشین ریویو کا کہنا ہے کہ چینی سرمایہ کاری پاکستانی معیشت کی شرح  نمومیں اضافے کا  باعث بنے گی۔

جاپانی جریدے نکئی ایشین ریویو کا کہنا کہ سی پیک پاکستانی معشیت کیلئے سب سے اہم ہے، چینی سرمایہ کاری پاکستانی معیشت کی شرح  نمومیں اضافے کا  باعث بنےگی، پاک چین اقتصادی راہداری معاہدے کے تحت چالیس سے زائد منصوبوں پر کام ہوگا، جن کی مالیت اکیاون ارب ڈالر ہے، صرف توانائی منصوبوں میں پینتیس ارب کی سرمایہ کاری کی جائے گی۔

جاپانی جریدے کا کہنا ہے کہ خراب امن و امان کاروبار کیلئے ساز گار نہیں تھا، تاہم اب اس میں کافی بہتری آئی ہے۔

نکئی ایشین ریویو کا کہنا ہے کہ پاکستانی معیشت کے بہتر آوٹ لک کے باعث ایم ایس سی انڈیکس نے پاکستان کو اپ گریڈ کیا ہے۔

اس سے قبل جاپانی میگزین ایشین ریویو نے معاشی کارکردگی کو دیکھتے ہوئے پاکستان کوایشیا کا اگلا انجن قرار دیا تھا۔

جاپانی میگزین ایشین ریویو میں کہا گیا ہے کہ دہشت گردوں کے خلاف چیلنجز اور مشکلات کے باوجود پاکستان معاشی بنیادوں پر مستحکم ہورہا ہے، ملک میں نوجوان افرادی قوت کی نشاندہی کرتے ہوئے جاپانی میگزین میں لکھا ہے کہ اتنی بڑی تعداد میں نوجوان نسل آئندہ چالیس سے پچاس سالوں کے لئے پاکستان کی بہترین ورک فورسز بن کر معیشت کو مضبوط کرے گی۔

مزید پڑھیں : سی پیک منصوبہ سے غیر ملکی سرمایہ کاری بڑھے گی،بلومبرگ

یاد رہے کہ مریکی ادارے بلومبرگ کا کہنا تھا کہ سی پیک منصوبہ چین کے علاوہ دیگر ممالک سے پاکستان میں سرمایہ کاری لانے کا باعث بن رہا ہے، کئی غیرملکی کمپنیوں نے پاکستان میں سرمایہ کاری کیلئے دلچسپی ظاہر کی ہے۔

بلومبرگ کا کہنا تھا کہ دیگر ممالک کے سرمایہ کار اور کمپنیاں پاکستان کا رخ کر رہی ہیں، اس کی مثال فرانسیسی کار ساز کمپنی رینالٹ کی پاکستان آمد ہے، فرانسسی ڈیری کمپنی نے بھی حال ہی میں پاکستان میں سرمایہ کاری کی ہے۔